KİTABXANAŞÜNASLIQ VƏ İNFORMASİYA
№ 1 (4) 2011
58
Qeyd edək ki, təqdim edilən metaverilənlər sahələri istifadəçini qane
etmədikdə, administrator giriş sənədinin konkret tipi üçün yeni sahələri,
sahələr üçün “məcburi satatus” müəyyən edə bilər. Yazıların daxil edilməsini
sürətləndirmək və daxil etmə zamanı səhfin qarşısını almaq məqsədilə
sahələrə susmaya görə parametrlər müəyyən etmək olar. Məsələn, nəzərə
alsaq ki, Azərbaycan dilində olan ədəbiyyatın çox böyük hissəsi Bakı
şəhərində nəşr olunmuşdur, onda nəşr yeri sahəsi üçün susmaya görə “Bakı”
parametrini mənimsəmək olar. Lakin bu əməliyyatı yalnız administrator
hüququna malik istifadəçi edə bilər. Bunun üçün ArchiveMetadataFields-
Config.pm konfiqurasiya faylını redaktə etmək tələb olunur.
Ümumi metaverilənlərə malik yazıları daxil edərkən şablon yazıdan
istifadə etmək məsləhətdir. Bu metaverilənlərin daxil edilməsi vaxtına
əhəmiyyətli dərəcədə qənaət edir. EPrints həmçinin xronoloji ardıçıllıqla eyni
sənədin versiyalarının iearxiyasını yaratmağa icazə verir.
Təqdim olunan sahələrə metaverilənlər daxil edildikdə EPrints
avtomatik olaraq məcburi sahələrə məlumatların daxil edilməsini yoxlayır
3
.
Daxilolma zamanı məlumatların itməməsi üçün avtomatik yaddaşda saxlama
imkanı nəzərdə tutlmuşdur.
Metaverilənlər daxil edildikdən sonra sənəd faylı arxivə daxil
edilməlidir. Bu zaman faylan istifadə forması – bütün istifadəçilər və ya
yalnız qeydiyyatdan keçmiş istifadəçilərin istifadə hüququ müəyyən olun-
malıdır. Bundan sonra yeni yradılmış yazı redaksiya buferinə əlavə olunur.
Redaktor hüquqları ilə işləyən istifadəçi redaksiya buferinə baxaraq,
zəruri olduqda ora dəyişikliklər edə bilər, həmçinin daxil edilmiş yazı onu
qane etmədikdə öz qeydlərilə birlikdə yazını yaradan istifadəçinin elektron
poçtuna yenidən işləmək üçün göndərə bilər. Yalnız redaktor tərəfindən təs-
diqləndikdən sonra yazı elektron kitabxana tərəfindən oxucuların istifadəsinə
verilir.
Xüsusi qeydiyyatdan keçmiş oxucular onu maraqlandıran mövzular
üzrə elektron kitabxanaya daxil olunan sənədlər haqqında məlumat göndərişi
xidmətinə abunə ola bilərlər. Məlumat göndərişi xidməti bu tip istifadəçilərin
elektron poçt ünvünına gündəlik, həftəlik və ya aylıq yeni daxilolmalar haq-
qında avtomatik məktubların göndərişini təmin edir.
ƏDƏBİYYAT
1.
Xələfov A.A. Kitabxanaya giriş (kitabxanaşünaslığın nəzəri
əsasları). Bakı: Bakı Universiteti, 2001,
3
Ehtiyac olarsa ArchiveValidateConfig.pm konfiqurasiya faylını redaktə etməklə yoxlama
rejiminin parametlərini tənzimləmək olar.
KİTABXANAŞÜNASLIQ VƏ İNFORMASİYA
№ 1 (4) 2011
59
2.
Gutteridge C., Hitchcock S., Simpson P., Hey J. Report on the
Technical issues of using GNU EPrints software for the development of an
institutional e-Print repository at the University of Southampton: TARDis
deliverable D.2.3.2. 2003.
3.
Gutteridge C. EPrints 2.3 Documentation.October 12, 2005.
4.
Sale A. EPrints website for the University of Tasmania. August
2004.
5.
İ.Ə. Qurbanov, A.İ.Qurbanov, R.A. Abdullayeva İnformatika
Bakı: Təhsil NPM, 2010, 404 s.: şəkilli
6.
Келли-Бутл Cтэн Введение в UNIX. / Пер. с англ.С.Орлов. М.:
ЛОРИ., 1995, 338 c.
7.
Ломов А. Ю. Apache,Perl,MySQL: практика создания
динамических сайтов: самоучитель. СПб.: БХВ-Петербург., 2007, 354 с.
ESTABLISHMENT OF E-LIBRARİES ON THE BASIS OF EPRİNTS
A.I.GURBANOV
SUMMARY
The article analyzes main characteristics of the system of “EPrints”
widely adopted in the experience of establishment of electron libraries in
developed countries. The method of construction of multilingual electronic
library is described as well with the features of adaptation under certain
needs.
СОЗДАНИЯ ЭЛЕКТРОННЫХ БИБЛИОТЕК НА ОСНОВЕ
EPRINTS
А.И.КУРБАНОВ
РЕЗЮМЕ
Проанализированы основные характеристики системы
“EPrints”, примененной в практике создания электронных библиотек в
большинстве развитых стран. Также описана методика построение
многоязычной электронной библиотеки с особенностями адаптации под
определенные нужды.
KİTABXANAŞÜNASLIQ VƏ İNFORMASİYA
№ 1 (4) 2011
60
AZƏRBAYCAN MİLLİ ELMLƏR AKADEMİYASI KİTABXANA
ŞƏBƏKƏSİ BÖYÜK VƏTƏN MÜHARİBƏSİ İLLƏRİNDƏ
Ş.İ. İSLAMOVA
Azərbaycan Milli Elmlər Akademiyası
Məqalədə Böyük Vətən Müharibəsi illərində AMEA kitabxana şəbə-
kəsinin fəaliyyəti, əhaliyə kitabxana xidmətinin təşkili, informasiya resurs-
larının qorunub saxlanılması və onların ön və arxa cəbhədə hərbi əsaslar
üzərində yenidən qurulması vəzifələri əsasında təbliğat-təşviqat işində
hökumətin dayaq bazası kimi əhəmiyyəti məsələləri işıqlandırılmışdır.
1941-ci il iyun ayının 22-də faşist Almaniyasının keçmiş Sovet
İttifaqına hücümu bütün sahələrdə olduğu kimi ölkə əhalisinin mədəni
həyatini pozdu, o cümlədən, kitabxana işinin də inkişafına mane oldu. Azər-
baycanda da bütün işlər müharibənin tələblərinə uyğun qurulmağa başladı,
bütün qüvvələr qələbə naminə xalqın mənəvi cəhətdən səfərbər edilməsinə
yönəldi. Müharibə illərində kitabxanaları qoruyub saxlamaq və əhaliyə
kitabxana xidmətinin təşkilini davam etdirmək üçün bir sıra tədbirlər həyata
keçirilməyə başladı. Baxmayaraq ki, minlərlə maarıf işçiləri cəbhəyə gön-
dərildi, lakin iş dayandırılmadı. Müharibənin ilk günlərindən geniş təbliğat
məntəqələrinə çevrilən kitabxanalar öz işlərini “hər şey cəbhə üçün!”, “hər şey
qələbə üçün!” şüarı əsasında qurur, vətənpərvərlik aşılayan əsərləri təbliğ
edirdilər.
Mədəni-maarif müəssisələrinin ən mühüm sahələrindən biri olan
kitabxanalar müharibənin ilk günlərindən başlayaraq ön və arxa cəbhənin
hərbi əsaslar üzərində yenidən qurulması vəzifələri əsasında təbliğat-təşviqat
işində hökumətin dayaq bazası kimi xidmət etməyə başladılar.
Kitabxanalar Müdafiə Komitəsinin əmr və göstərişlərini geniş surətdə
təbliğ edir və onların yerinə yetirilməsi uğrunda mübarizə aparırdılar.
Müharıbənin ilk günlərindən Azərbaycan Maarif Komissarlığının
göstərişi ilə SSRİ EA Azərbaycan filialının Mərkəzi Elmi Kitabxanasında
”Müharibə dövründə kitabxanaların vəzifələrinə həsr edilmiş Metodik müşa-
virə keşirilmişdir. Bu metodik müşavirədə kitabxanaların qarşısında duran
vəzifələr izah edilməklə bərabər, görüləcək işlər haqqında konkret göstərişlər
verilmiş, kitabxana işinin yeni şəraitlə əlaqədar olaraq mühüm problemləri
müəyyənləşdirilmişdir.”
SSRİ EA Azərbaycan filialının kitabxana şəbəkəsinin əsas vəzifəsi
bölmə və institutların elmi-tədqiqat ehtiyaclarını ödəmək işinə xidmət etmək
idi. Müharibə illərində Azərbaycan alimləri akademik Y.H.Məmmədəliyevin
başçılığı ilə neft-kimya elmində boyük hadisə olan oktanlı aviasiya yanacağı
KİTABXANAŞÜNASLIQ VƏ İNFORMASİYA
№ 1 (4) 2011
61
almağa nail olmuşdular.Tank əleyhinə yandırıcı qarışıq və başqa partlayıcı
maddələr istehsal edilir, hərbi texnika üçün sürtgü yağlarının istehsal tex-
nologiyası hazırlanır, yeni neft yataqları kəşf edilirdi.
Kitabxanalar müharibə illərindəki hər cür çətinliklərə baxmayaraq öz
fondlarını yeni ədəbiyyatla zənginləşdirmək, onlarda olmayan nadir kitabları
əldə etmək sahəsində xeyli işlər görmüşlər.
II Dünya Müharibəsi illərində Mərkəzi Elmi Kitabxananın fonduna
ədəbiyyat aşağıdakı yollarla komplektləşdirilirdi:
1) Azərbaycan Respublikasının ərazisində çıxan ədəbiyyatın Kitab
Palatası tərəfindən məcburi nüsxələrinin alınması;
2) Azərbaycanın kitab mağazalarından, “Akademkitab”dan yeni
ədəbiyyatın alınması;
3) Kitab mübadiləsi yolu ilə;
4) Dövri nəşrlərə abunə yolu ilə.
Kitabxanaların komplektləşdirilməsi demək olar ki, çox çətin şəraitdə
aparılırdı. Belə ki, yeni nəşrlər kitab mağazalarına az daxil olurdu. Əsas etiba-
rılə bukinist mağazalarında olan ədəbiyyatı əldə etmək olurdu.
1941-ci ildə Mərkəzi Elmi Kitabxana fondunun darısqal, yarıtmaz
vəziyyətdə olması, eyni zamanda, böyük sayda kitabların sahəvi kitabxanalara
(elmi-tədqiqat institutlarının kitabxana şəbəkələrinə) verilməsi dəqiq uçot işini
aparmağa çətinlik yaradırdı.
Ona görə də 1941-ci ildən etibarən kənardan gələn əlavə işçilər
hesabına yenidən inventarlaşdırma işinə başlanıldı. 1941-ci ildə 54925 nüsxə
kitabı inventarlaşdırmaq nəzərdə tutulduğu halda, cəmi 35842 nüsxə kitab
inventarlaşdırıldı. Plan işinin belə az yerinə yetirilməsinin əsas səbəbi fondun
yeni kitab saxlayıcılarına köçürülməsilə əlaqədar idi. Həmin ildə oxuculara
kitab verilişi də 9732 nüsxə olmuşdu. Bunlardan 3801 nüsxə abonementdən,
5931 nüsxə isə qiraət zalından verilmişdir.
Böyük Vətən Müharibəsinin ilk aylarından Azərbaycanda hərbi xəs-
təxanalar yaradılmağa başladı. Azərbaycan KP MK və Azərbaycan SSR XKS-
nin qərarı ilə 1942-ci ilin yanvarında yaralı əsgərlərə və komandirlərə Azər-
baycan Respublikası Yardım Komitəsi yarandı. Qısa müddət ərzində Bakıda
və respublikanın bir sıra yerlərində 70 hərbi qospital təşkil edildi. Məşhur
cərrah M.Topçubaşovun hərbi cərrahiyyədə yeni müalicə metodları ilə
minlərlə əsgər ölümdən xilas edildi.
Bu dövrdə kitabxanaların da qarşısında müharibəyə dair yazılmış
kitabları toplamaq, geniş zəhmətkeş və oxucu kütlələrinə məruzə və müha-
zirələrlə xidmət etmək kimi çox mühüm bir vəzifələr dururdu. Azərbaycan
filialının kitabxana şəbəkəsi hərbi xəstəxanalarda təbliğat-təşviqat və kütləvi
işlərin təşkilində yaxından iştirak edirdilər.
KİTABXANAŞÜNASLIQ VƏ İNFORMASİYA
№ 1 (4) 2011
62
Kitabxananın əməkdaşları müharibənin çətinliklərinə baxmayaraq,
qospitallara hamilik edir. 7 qospitalı bədii, tarixi əsərlərlə, əsgər oxucuların
tələbatını ödəyən ədəbiyyatla təmin edirdi. Yazıçı alimlərimiz çoxmilyonlu
sovet xalqinin faşizmlə mübarızəsinə və müharibədə qələbəsinə həsr olunmuş
əsərlər yaradırdılar. Müharıbədə döyüşən əsgərlərə SSRİ EA Azərbaycan fili-
alının kitabxana şəbəkəsi tərəfindən 502 bağlama kitab göndərilmişdi. Məsə-
lən, belə kitablardan: Böyük Vətən Müharibəsi: cəbhə və arxa. – Bakı,1942;
Faşizmlə mübarızə.–Bakı,1942; Rus artilleriyası dünya müharibəsində. –I-II
cild. – M., 1938 və s. göstərmək olar. İctimai elmlər sahəsində çalışan alim-
lərimizdən H.Hüseynov və M.A.Dadaşzadənin “Azərbaycan ədəbiyyatının
qısa tarixi”, S.Vurğunun “Şəfqət bacısı”, “Qəhrəmanlıq öyüdü”; S.Rüstəmin
“Ana və poçtalyon”, R.Rzanın “Əsgər ananın sözləri”, N.Rəfibəylinin “Get,
sevgilim uğur olsun”, M.H.Vəkilovun “Cavanşir” və s. kimi əsərləri dövrün
mübarizə ruhu ilə səsləşən kitablarından idi.
II Dünya Müharibəsi illərində Azərbaycan K(b)P MK və Azərbaycan
SSR XKS müharıbə illərində SSRİ Elmlər Akademiyasının Azərbaycan fili-
alının fəaliyyətinə xüsusi diqqət yetirirdi. 1943-cü ilin noyabrında Mərkəzi
Komitə Elmlər Akademiyası filialının işi haqqında qərar qəbul etdi. Bu qə-
rarda filialın işini daha da yaxşılaşdırmaq, onun yeni institutlarını və
bölmələrini yaratmaq kimi geniş perspektivlər müəyyənləşdirildi.
Qərarda həmçinin kitabxanaların da işinin yaxşılaşdırılması, onların
yeni ədəbiyyatla təkmilləşdirilməsinə diqqət yetirilməsi, əlyazmalar fondunun
təşkili və s. məsələlər də öz konkret həllini tapdı.
1943-cü ildə SSRİ EA Azərbaycan filialının Mərkəzi Kitabxanası öz
işində əsas diqqəti yeni ədəbiyyatın komplektləşdirilməsinin nizama salın-
masına yönəltdi. Həmin ilin planına əsasən 4250 nüsxə ədəbiyyatın alınması
nəzərdə tutulmuşdu. Lakin kitabxanaya nəzərdə tutulduğundan 552 nüsxə
artıq kitab daxil oldu. Beləliklə, daxil olan kitabların sayı 4802 nüsxəyə çatdı.
Bunlardan 2159 nüsxə kitab (rus dilində), 1388 nüsxə jurnal(rus dilində), 441
xarici kitab və jurnallar, 814 nüsxə Azərbaycan və şərq dillərində olan kitablar
idi.
Daxil olan kitablar içərisində Qafqazşünalığa dair əsərlər xüsusi yer
tuturdu. Kitabxanaların fondundan istifadə Rəyasət Heyətinin 1940-ci ildə
təsdiq etdiyi və kitabxana tərəfindən işlənib hazırlanmış “Kitabxanadan isti-
fadə qaydaları” haqqında təlimata əsasən həyata keçirilirdi.
Hələ müharibə illərində “Elmi-maarif təbliğatının təşkili haqqında”
qəbul edilən qərar Mərkəzi Elmi Kitabxanada oxucular arasında elmi-təbii
biliklərin geniş surətdə təbliğini təşkil etməyə istiqamətləndirirdi. Qərarda
ölkədə elmi-maarıf təbliğatının təşkili sayəsində olan nöqsanlar qeyd edilir və
bu nöqsanların aradan qaldırılması zəruri hesab edilirdi. Çünki həmin şəraitdə
oxucuların ümumi mədəni səviyyəsinin daha da yüksəldilməsində, keçmişin
KİTABXANAŞÜNASLIQ VƏ İNFORMASİYA
№ 1 (4) 2011
63
qalıqlarının aradan qaldırılmasında təbii-elmi biliklərin təbliği böyük
əhəmiyyətə malik idi..
1943-cü ildə Mərkəzi Elmi Kitabxanada oxuculara 16000 nüsxə kitab
verilmişdir. Müharibə illərində kitabxana öz elmi-biblioqrafik fəaliyyətini də
dayandırmamışdır. Onun biblioqrafik fəaliyyəti əsasən kitab və əlyazmalar
fondunun kartotekasının və ölkəşünaslıq xarakterli göstəricilərin tərtib edil-
məsinə doğru yönəldilmişdir. Bütün bunlarla yanaşı, kitabxanaya daxil olan
yeni ədəbiyyatın siyahıları da tərtib edilir, məlumat-biblioqrafiya işləri
genişləndirilirdi. Həmin il kitabxana 6 kitab sərgisi təşkil etmişdir. Bu sərgilər
H.Zərdabiyə, Ə.Haqverdiyevə, görkəmli alim Nyutonun elm tarixində roluna
həsr edilmiş sərgilər idi.
Bu dövrdə institut və bölmələr nəzdində yaranmış olan kitabxanalar öz
işlərində Mərkəzi Elmi Kitabxananın metodik köməkliyindən istifadə edir-
dilər. Belə ki, Mərkəzi Elmi Kitabxana eimi-tədqiqat institutlarının kitab-
xanalarına komplektləşdirmə işinin təşkilində, kitabxana işinin müxtəlif məsə-
lələrində, kitabxanaların hesabatlarına nəzarət etməkdə və s. köməklik edirdi.
Şəbəkə kitabxalarının hesabatları dinlənilir, kitabxana işi məsələləri müzakirə
edilir, işlərində olan çatızmazlıqlar göstərilirdi. Kitabxana işçiləri də bu
məsləhətlərdən öz işlərində istifadə edirdilər.
SSRİ EA Azərbaycan filialının Mərkəzi Elmi Kitabxanasının işində
ən böyük nailiyyət “SSRİ EA Azərbaycan filialının 10 illik nəşrlərinin bib-
lioqrafiyası”nın tərtibidir (15 çap vərəqi həcmində M.P.Karpinskaya tərəfin-
dən tərtib edilmişdir).
Müharibə şəraitinin olmasına baxmayaraq, SSRİ Elmlər Akademiyası
Azərbaycan filialının kitabxana şəbəkəsi hərbi qospitallara xidmət etməklə
yanaşı, özlərinin daxili işlərinə də diqqət yetirirdilər. Şərq ədəbiyyatı şöbə-
sində şərq əlyazmalarının və qədimdə çap olunmuş kitabların seçilməsi və
qiymətləndirilməsi üzrə xüsusi komissiya yaranmışdı. Komissiya qiymətli
əlyazmaların, köhnə nəşr olunmuş kitabların əldə edilməsi sahəsində böyük
işlər görmüşdür. Mərkəzi Elmi Kitabxananın Şərq ədəbiyyatı şöbəsinə
qiymətli ədəbiyyatın toplanılması sahəsində böyük köməkliyi Rəyasət Heyə-
tinin sədr müavini H.Hüseynov etmişdir.O, eyni zamanda komissiyanın sədri
idi. Ümumiyyətlə, həmin komissiya bu dövrdə digər kitabxanalara da (məsə-
lən, kütləvi) şərqə dair kitabların komplektləşdirməsi işinə, əlyazmalar
toplanmasına köməklik etmişdir.
1945-ci ilin mart ayının 7-də SSRİ EA Azərbaycan filialı və res-
publikanın bir sıra digər elmi-tədqiqat idarələri əsasında Azərbaycan Res-
publikasının Elmlər Akademiyası yarandı. Həmin ildə kitabxananın həyatında
yeni inkişaf mərhələsi SSRİ EA Azərbaycan filialının Respublika Elmlər
Akademiyasına çevrilməsilə başlandı.
KİTABXANAŞÜNASLIQ VƏ İNFORMASİYA
№ 1 (4) 2011
64
Azərbaycan Respublikası Elmlər Akademiyasının yaranması ilə
əlaqədar olaraq onun kitabxana şəbəkəsi də xeyli genişləndi. 1945-ci ildə
təşkil edilən kitabxanalardan biri Nizami adına Azərbaycan Ədəbiyyatı Mu-
zeyi nəzdindəki kitabxana idi. Bu kitabxana Muzeyin hədiyyə fondunun,
həmçinin T.B.Saltıkov-Şedrin adına Leninqrad Dövlət Kütləvi Kitabxanasının
fondundan alınmış nəşrlərin əsasında təşkil edilmişdir. Fondda bədii ədəbiy-
yat, ədəbiyyatşünaslıq və tənqid, dilçilik və myzeyşünaslığın və s. məsə-
lələrinə dair əsərlər vardır. Azərbaycan klassiklərinin və alimlərinin nadir
nüsxələri xüsusilə qiymətlidir. Onların içərisində Qətran Təbrizi, Nizami Gən-
cəvi, M.P.Vaqif, M.F.Axundov, M.Ə.Sabir, C.Məmmədquluzadə və b.-nın
əsərləri, İranda və Türkiyədə nəşr edilmiş bir sıra jurnallar da vardır.
Rus ədəbiyyatı klassiklərindən A.S.Puşkinin. L.N.Tolstoyun, M.Y.Ler-
montovun, A.P.Çexovun, A.M.Qorkinin və b. əsərləri buraya toplanmışdı.
Həmin ildə Torpaqşünaslıq və Aqrokimya İnstitutu nəzdində də
kitabxana təşkil edilmişdi. İnstitutun fonduna torpaqşünaslığa, aqrobi-
ologiyaya, üzümçülüyə aid, həmçinin botanika, biologiya, coğrafiya, meşə-
çilik üzrə əlaqədar məsələlərə həsr edilmiş əsərlər “Poçvovedenie”(1904-cü
ildən), “İzvestiya AzFAN SSSR”(1936-cı ildən), “Dokladı AN SSSR”(1938-
ci ildən), “İzvestiya AN SSSR.Seriya biologiya” (1939-cu ildən),, “Dokladı
AN AzSSR” (1945-ci ildən) və s. dövri mətbuat nəşri də toplanmışdı.
Artıq 1945-ci ildə Azərbaycan Respublikası Elmlər Akademiyasının
16 institut kitabxanası, 3 muzey kitabxanası və 4 baza (Kirovabad,
Stepanakert, Naxçıvan və Quba bazaları) kitabxanası fəaliyyət göstərirdi.
Kitabxanaya bütün keçmiş Sovet İttifaqında nəşr olunan ədəbiyyatın məcburi
pullu nüsxəsini əldə etmək səlahiyyəti verildi. Azərbaycan Respublikasında
Elmlər Akademiyasının təşkili ilə əlaqədar olaraq Mərkəzi Elmi Kitabxananin
işi yenidən təşkil edilmiş, onun ştatı və funksiyaları genişləndirilmişdir.
Böyük Vətən Müharibəsi ölkəmizdə başqa sahələrdə olduğu kimi,
kitabxana işinə də böyük zərbə vurmuşdu. Alman–faşist işğalçıları 43 min
kitabxananı və 100 milyondan artıq kitabı məhv etmişdilər. Müharibə qurtar-
mamış alman–faşist işğalçılarından azad edilmiş ərazidə kitabxanaları bərpa
etmək üçün Dövlət ədəbiyyat fondu yaradıldı. Bu fond ölkədə alman-faşist
işğalçıları tərəfindən dağıdılmış kitabxanaları bərpa etmək üşün olduqca
böyük rol oynadı. AEA Mərkəzi Kitabxanası da dağıdılmış kitabxanaların
bərpaslnda onlara ədəbiyyat göndərməklə yaxından iştirak etmişdi.
Bu dövrdə respublikamızda da kitabxana işi sahəsində geriləmə və
tənəzzül özünü göstərirdi. Bu tənəzzül əsas etibarilə kitab fondlarının və
maddi vəsaitlərin azalmasında özünü göstərirdi.
Şiddətli vuruşmalarda faşizmə qarşı misilsiz qəhrəmanlıq salna-
məsində Azərbaycan xalqı çoxlu parlaq səhifələr yazmışdır. Azərbaycanın
KİTABXANAŞÜNASLIQ VƏ İNFORMASİYA
№ 1 (4) 2011
65
igid oğullları Böyük Vətən Müharıbəsi cəbhələrində qəhrəmancasına
vuruşaraq adlarını əbədi şöhrətləndirdilər.
Azərbaycan xalqının bu qəhrəmanlığına dair çoxlu monoqrafiya, dis-
sertasiya, oçerk, məqalə, xatirə və s. həsr olunmuşdur ki, bu materialları topla-
mağın, bir sistem halına salmağın, dərc etməyin zəruriliyi hələ Vətənimizin
başı üstünü təhlükə aldığını – 1941-ci il dekabrın 2-də Azərbaycan KP MK-
nın qərarında göstərilmişdi.
Müharibə haqqında, cəbhələrdəki qələbələrimizin əzəməti, arxa cəb-
hədə əməkçilərimizin rəşadəti haqqında və s. yazılanların hamısını üzə çıxar-
maq, ümumiləşdirmək, qayğı ilə qoruyub saxlamaq çox mühüm ideloji və
elmi-məlumat işidir. Bu məqsədlə də Azərbaycan Respublikasının EA İctimai
elmlər üzrə Elmi Məlumat Mərkəzi həmin mövzu üzrə əsas ədəbiyyatın
biblioqrafiyasını tərtib etmişdir. Biblioqrafiyaya 1941-ci ildən başlayaraq bu
günə qədər respublikamızda, onun ərazisindən kənarda Azərbaycan və rus
dillərində çap olunmuş ədəbiyyat daxil edilmişdir. Bunlar kitab və jurnal mə-
qalələri olub, mövzu ardıcıllığına görə yerləşdirilmişdir. Azərbaycanın mərd
oğul və qızlarının böyük qələbəmizdəki xidmətlərinin öyrənilməsi bu gün də
davam etdirilir.
ƏDƏBİYYAT
1. Azərb. EA Arxivi. F.5,siy.1, arx.185, qutu 14. s. 55.
2. Azərb. EA Arxivi. F.5, siy.1, arx. 230, qutu 14. s. 5.
3.Azərbaycan SSR Elmlər Akademiyası Mərkəi Elmi Kitabxanas :
Bələdçi. Bakı: Elm,1990, s. 29; 88.
4. Xələfov A.A. Azərbaycanda kitabxana işinin tarixi. Bakı: Azərnəşr,
1974, s.129.
5. Xələfov A.A. Böyük Vətən Müharibəsi illərində Azərbaycanda
kitabxana işi (1941-1945-ci illər) // ADU-n Elmi Əsərləri. Kitabxanaşünaslıq
və biblioqrafiya seriyası. Bakı: 1971, s. 33.
6. Материалы к истории библиотечного дела в СССР (1917-
1959гг.). М.: 1964, с.152 -153.
|