Narkoloji xidmət və nəzarət barədə
qanunvericilik aktlarına dair
BƏLƏDÇİ QAYDALAR
29 iyun 2001-ci il tarixdə “Narkoloji xidmət və nəzarət
haqqında” Azərbaycan Respublikasının Qanunu imzalanmışdır.
Bu Qanun narkoloji xəstəliklərin və onların doğurduğu mənfi
tibbi və sosial nəticələrin, habelə bu xəstəliklərə düçar olmuş və
onların ətrafında olan şəxslərə ziyanın vurulması hallarının qarşısını
almaq məqsədilə narkoloji xidmət və nəzarət sahəsində həyata
keçirilən tədbirləri müəyyən edir və tənzimləyir.
Qanuna uyğun olaraq narkoloji xidmətin və nəzarətin əsas
istiqamətlərini narkoloji yardım, sosial, inzibati və xəbərdaredici
tədbirlər təşkil edir. Azərbaycan Respublikasının ərazisində hər bir
şəxsin Azərbaycan Respublikasının qanunvericiliyi ilə nəzərdə
tutulmuş qaydada insan psixikasına təsir göstərən maddələr, bu
maddələrdən istifadə edilməsinin ailə və cəmiyyət üçün doğurduğu
nəticələr barəsində ətraflı məlumat almaq hüququ vardır. Narkoloji
xəstələrə onların maddi vəziyyətindən asılı olmayaraq narkoloji
yardımın göstərilməsinə, habelə bu şəxslərin sağlamlığı üzərində
ixtisaslaşdırılmış tibbi nəzarətin həyata keçirilməsinə dövlət
tərəfindən təminat verilir. Azərbaycan Respublikasının ərazisində
narkoloji xəstələrin müalicəsi bir qayda olaraq könüllülük əsasında
həyata keçirilir. 18 yaşına çatmamış şəxs narkoloji tibb müəssisəsinə
valideynlərinin və ya onun qanuni nümayəndəsinin razılığı ilə
yerləşdirilir. Narkoloji xəstələrin məcburi müalicəsinə Azərbaycan
Respublikasının qanunvericiliyi ilə müəyyən edilmiş qaydada yalnız
məhkəmənin hökmü əsasında yol verilir. Azərbaycan
Respublikasının ərazisində narkoloji xəstəliklərin müalicəsi,
cəzaçəkmə müəssisələri və istintaq təcridxanaları istisna olmaqla,
yalnız narkoloji tibb müəssisələrində həyata keçirilir.
17 sentyabr 2001-ci il tarixdə “Narkoloji xidmət və nəzarət
haqqında” Azərbaycan Respublikasının Qanununun tətbiq edilməsi
barədə Azərbaycan Respublikası Prezidentinin Fərmanı
imzalanmışdır.
Bu Fərmanla Azərbaycan Respublikasının Nazirlər Kabinetinə
“Narkoloji xidmət və nəzarət haqqında” Azərbaycan Respublikasının
32
Qanununda nəzərdə tutulmuş narkoloji xəstəliklərin siyahısının, peşə
növlərinin və vəzifələrin siyahısının və məhdudiyyətin müddətinin,
tibbi yoxlamanın aparılması qaydasının, insan həyatı üçün təhlükə
yaradan üsullarla narkoloji xəstələrin müalicəsi qaydasının,
detoksifikasiyanın keçirilməsi qaydasının, xüsusi müşahidənin
aparılması qaydasının, narkoloji yardım sahəsində fəaliyyət
göstərmək üçün xüsusi razılığın verilməsi qaydasının, narkoloji tibb
müəssisələrində
təhlükəsizlik tədbirlərinin tətbiq edilməsi
qaydasının, dövlət büdcəsinin vəsaiti hesabına göstərilən narkoloji
yardımın minimal standartlarının, narkoloji xəstələrin qeydiyyatının
aparılması qaydasını və onların qeydiyyatda olma müddətinin,
müayinədən keçmə qaydasının müəyyən edilməsi, fondun
əsasnaməsinin təsdiq edilməsi və bunlar barədə Azərbaycan
Respublikasının Prezidentinə məlumat verilməsi, narkoloji xidmət
sahəsində sosial tədbirlər haqqında və narkoloji xəstəliklərin
profilaktikası üzrə vahid dövlət proqramlarının hazırlanması və
Azərbaycan Respublikasının Prezidentinə
təqdim edilməsi
tapşırılmışdır.
Azərbaycan Respublikası Nazirlər Kabinetinin 120 nömrəli
31 iyul 2002-ci il tarixli Qərarı ilə “İnsan psixikasına təsir göstərən
maddələrin sui-istifadəsi ilə əlaqədar detoksifikasiyanın keçirilməsi
Qaydası”, 130 nömrəli 12 avqust 2002-ci il tarixli Qərarı ilə “İnsan
həyatı üçün təhlükə yaradan üsullarla narkoloji xəstələrin müalicəsi
Qaydası”, 131 nömrəli 12 avqust 2002-ci il tarixli Qərarı ilə
“Narkoloji yardımın həyata keçirilməsi zamanı şəxslər üzərində
xüsusi müşahidənin aparılması Qaydası”, 132 nömrəli 12 avqust
2002-ci il tarixli Qərarı ilə “Narkoloji tibb müəssisələrində
təhlükəsizlik tədbirlərinin tətbiq edilməsi Qaydası”, 136 nömrəli
19 avqust 2002-ci il tarixli Qərarı ilə “Narkoloji xəstələrin
qeydiyyatının aparılması Qaydası”, 145 nömrəli 12 sentyabr 2002-ci
il tarixli Qərarı ilə “Narkoloji xəstələr üçün fəaliyyət məhdudiyyəti
nəzərdə tutulmuş peşə növlərinin və vəzifələrin Siyahısı və
məhdudiyyətin müddəti”, 163 nömrəli 24 oktyabr 2002-ci il tarixli
Qərarı ilə “Narkoloji xəstəliklərin Siyahısı”, 186 nömrəli 26 noyabr
2002-ci il tarixli Qərarı ilə “Şəxsin narkoloji xəstəliyə düçar
olmasının (narkoloji xəstəliyin diaqnozunun) müəyyən edilməsi və
ya təsdiqlənməsi məqsədi ilə tibbi yoxlamanın aparılması Qaydası”,
33
18 nömrəli 8 fevral 2003-cü il tarixli Qərarı ilə “Peşə fəaliyyətinin
ayrı-ayrı növləri və yüksək təhlükə mənbəyi ilə bağlı olan fəaliyyətlə
məşğul olan şəxslərin dövlət narkoloji tibb müəssisəsində tibbi
müayinədən (tibbi yoxlamadan) keçməsi Qaydası” və 180 nömrəli
10 avqust 2012-ci il tarixli Qərarı ilə “Narkoloji yardımın dövlət
büdcəsinin vəsaiti hesabına həyata keçirilməsi Qaydası” təsdiq
edilmişdir.
|