Özəl tibb fəaliyyəti barədə qanunvericilik aktlarına dair
BƏLƏDÇİ QAYDALAR
30 dekabr 1999-cu il tarixdə “Özəl tibb fəaliyyəti haqqında”
Azərbaycan Respublikasının Qanunu imzalanmışdır.
Bu Qanun özəl tibb fəaliyyətinin subyektləri arasında
münasibətləri tənzimləyir, onların hüquq və vəzifələrini, bu
fəaliyyətin təşkilati-hüquqi əsaslarını müəyyən edir.
Özəl tibb müəssisəsi qanunvericiliklə müəyyən olunmuş qaydada
Azərbaycan Respublikasının hüquqi və fiziki şəxsləri tərəfindən
yaradıla bilər. Azərbaycan Respublikasının tərəfdar çıxdığı
dövlətlərarası müqavilələrdə digər qaydalar nəzərdə tutulmayıbsa,
xarici ölkələrin hüquqi və fiziki şəxsləri, eləcə də Azərbaycan
Respublikasında daimi yaşayan vətəndaşlığı olmayan şəxslər
tərəfindən özəl tibb müəssisələri qanunvericiliklə müəyyən olunmuş
qaydada yaradıla bilər. Özəl tibb müəssisəsi tibbi fəaliyyətin
müəyyən növləri üzrə qanunvericiliyə uyğun olaraq verilən xüsusi
razılıq olduqda və tibbi fəaliyyətin hər bir növü üzrə müvafiq
sertifikatı olan mütəxəssislərlə əmək müqaviləsi bağladıqda özəl
tibbi fəaliyyətlə məşğul ola bilər.
Ali və ya orta tibb təhsili olan, qanunvericiliklə müəyyən
olunmuş qaydada tibbi fəaliyyətin müəyyən növünə uyğun xüsusi
razılıq və attestasiyadan keçdikdən sonra müvafiq sertifikat alan,
habelə müvafiq icra hakimiyyəti orqanının (Azərbaycan
Respublikasının Nazirlər Kabineti) müəyyən etdiyi tələblərə uyğun
tibbi iş stajı olan Azərbaycan Respublikasının vətəndaşları özəl tibbi
praktika ilə məşğul ola bilərlər. Əcnəbilərin və Azərbaycan
Respublikasında daimi yaşayan vətəndaşlığı olmayan şəxslərin özəl
tibbi praktika ilə məşğul olması üçün şərtlər müvafiq icra
hakimiyyəti orqanı (Azərbaycan Respublikasının Nazirlər Kabineti)
tərəfindən müəyyən edilir.
Özəl tibb müəssisəsi və özəl tibbi praktika ilə məşğul olan şəxs
tərəfindən tibbi yardım göstərilməsi barədə müqavilə bu yardımın
növlərini, həcmini və göstərilmə şərtlərini əks etdirməlidir.
Özəl tibb müəssisələrinin və özəl tibbi praktika ilə məşğul olan
şəxslərin verdiyi sənədlər və rəylər dövlət nümunəli tibbi sənədlərlə
eyni hüquqi qüvvəyə malikdir. Müvafiq icra hakimiyyəti orqanı
20
(Azərbaycan Respublikasının Səhiyyə Nazirliyi) ödəniş əsasında özəl
tibb müəssisələrini, özəl tibbi praktika ilə məşğul olan şəxsləri əmək
qabiliyyətinin müvəqqəti itirilməsi barədə vərəqələr, doğum və ölüm
haqqında arayışlar, güclü təsir göstərən, zəhərli və narkotik
maddələrin resept blankları da daxil olmaqla, ciddi hesabatlı dövlət
nümunəli tibbi sənədlərin blankları ilə təmin edir. Özəl tibb
müəssisələri və özəl tibbi praktika ilə məşğul olan şəxslər
Azərbaycan Respublikasının normativ-hüquqi aktlarında göstərilən
bütün statistik qeydiyyat və hesabatları aparmağa borcludurlar və
onların doğruluğuna görə məsuliyyət daşıyırlar.
Özəl tibb fəaliyyəti subyektlərinin vətəndaşlar və təşkilatlarla (o
cümlədən, könüllü tibbi sığorta üzrə tibbi xidmətlər göstərilməsinə
dair sığorta təşkilatları ilə) müqavilələr çərçivəsində göstərdikləri
tibbi xidmətlərin tarifləri tərəflər arasında razılaşmaya görə
müəyyənləşdirilir.
Özəl tibbi praktika ilə məşğul olan şəxslər qanunvericiliklə
müəyyən olunmuş qaydada tibbi yardım göstərmək və məsləhətlər
vermək, ictimai təhlükəli xəstəliklər istisna olmaqla, siyahısı müvafiq
icra hakimiyyəti orqanı (Azərbaycan Respublikasının Nazirlər
Kabineti) tərəfindən təsdiq olunan xəstəliklər üzrə tibbi yardım
göstərmək, qanunvericiliklə müəyyən olunmuş qaydada xalq
təbabətindən istifadə etmək, qanunvericiliklə müəyyən olunmuş
qaydada tibbi sənədlər vermək, özəl tibb fəaliyyətini həyata keçirmək
üçün bütün tibb müəssisələrindən və özəl tibbi praktika ilə məşğul
olan digər şəxslərdən məlumat almaq, pasiyentin müayinələrinin
nəticələri ilə tanış olmaq, məsləhətçi kimi bütün növbəti müalicə
mərhələlərində iştirak etmək, peşə fəaliyyətini həyata keçirmək üçün
normativ sənədlərlə tanış olmaq, ciddi hesabatlı dövlət nümunəli
tibbi sənədlərin blanklarından istifadə etmək, tibbi yardım göstərmək
üçün özəl tibbi praktika ilə məşğul olan digər fiziki şəxslərlə birgə
fəaliyyət göstərmək, dövlət və bələdiyyə mülkiyyətində olan əmlakı,
o cümlədən bina, qurğu və avadanlıqları müvəqqəti istifadəyə
götürmək, peşə fəaliyyətini təmin etmək üçün əmək müqaviləsi
əsasında işçilər cəlb etmək hüquqlarına malikdirlər.
Özəl tibbi praktika ilə məşğul olan şəxslər tibbi yardımın
şərtlərinə və qaydalarına əməl etmək, təxirəsalınmaz tibbi yardıma
ehtiyacı olan şəxslərə pulsuz tibbi yardım göstərmək, xəstənin
21
sağlamlıq vəziyyətini, ona göstərilən tibbi xidmətlərin həcmini və
onların nəticələrini əks etdirən tibbi sənədləşmələri müvafiq icra
hakimiyyəti orqanı (Azərbaycan Respublikasının Səhiyyə Nazirliyi)
tərəfindən müəyyən olunmuş qaydada həyata keçirmək, tibbi statistik
hesabatları qanunvericilikdə müəyyən olunmuş qaydada və vaxtında
təqdim etmək, xəstəyə onun sağlamlıq vəziyyəti, müalicənin
müddəti, forma və məqsədləri, göstərilən xidmətlərin həcmi və
qiyməti, habelə gözlənilən nəticələr və müəyyən riskin mümkünlüyü
barədə məlumat vermək, özəl tibbi praktikanın həyata keçirilməsinə
hüquqi əsas verən sənədlərlə xəstəni tanış etmək, həkim sirrinə əməl
etmək, zəruri hallarda xəstənin vəziyyəti barədə başqa
mütəxəssislərlə
məsləhətləşmək, xəstəni tibb müəssisəsinə
göndərmək, qanunvericiliklə müəyyən olunmuş müddətlərdə öz
vəsaiti hesabına, göstərilən tibbi yardım maliyyələşdirilən
müəssisələrlə müqavilələrdə bu nəzərdə tutulmayıbsa, öz ixtisasını
artırmaq və ya yenidən hazırlıq keçməklə peşə sertifikatı almaq
vəzifələrini yerinə yetirirlər.
Özəl tibb fəaliyyətinin subyektləri qanunvericiliklə müəyyən
olunmuş qaydada xalq təbabətindən istifadə üsullarını tətbiq edə
bilərlər.
6 mart 2000-ci il tarixdə “Özəl tibb fəaliyyəti haqqında”
Azərbaycan Respublikası Qanununun tətbiq edilməsi barədə
Azərbaycan Respublikası Prezidentinin Fərmanı imzalanmışdır.
Bu Fərmanla Azərbaycan Respublikasının Nazirlər Kabinetinə
“Özəl tibb fəaliyyəti haqqında” Azərbaycan Respublikasının
Qanununda nəzərdə tutulmuş özəl tibbi praktika ilə məşğul olmaq
üçün zəruri olan tibbi iş stajının və müvafiq sertifikat alınması
qaydasının, əcnəbilərin və Azərbaycan Respublikasında daimi
yaşayan vətəndaşlığı olmayan şəxslərin özəl tibbi praktika ilə məşğul
olması üçün şərtlərin, özəl tibb müəssisələri və özəl tibbi praktika ilə
məşğul olan şəxslərə dövlət təminatı və səhiyyənin məqsədyönlü
proqramlarında iştirak etmək hüququ verən müsabiqələrin keçirilmə
qaydalarının müəyyən edilməsi tapşırılmışdır.
Azərbaycan Respublikası Prezidentinin 782 nömrəli 2 sentyabr
2002-ci il tarixli Fərmanı ilə “Azərbaycan Respublikasında bəzi
fəaliyyət növlərinə xüsusi razılıq (lisenziya) verilməsi haqqında
Qaydalar” təsdiq edilmişdir.
22
26 dekabr 2006-cı il tarixdə “Bəzi fəaliyyət növlərinə xüsusi
razılıq (lisenziya) verilməsi sahəsində əlavə tədbirlər haqqında”
Azərbaycan Respublikası Prezidentinin Fərmanı imzalanmışdır.
Azərbaycan Respublikası Nazirlər Kabinetinin 176 nömrəli
7 noyabr 2001-ci il tarixli Qərarı ilə “Əcnəbilərin və Azərbaycan
Respublikasında daimi yaşayan vətəndaşlığı olmayan şəxslərin özəl
tibbi praktika ilə məşğul olması üçün Şərtlər” təsdiq edilmiş,
177 nömrəli 7 noyabr 2001-ci il tarixli Qərarı ilə özəl tibbi praktika
ilə məşğul olmaq üçün zəruri olan tibbi iş stajı həkimlər üçün 5 ildən,
orta tibb işçiləri üçün isə 3 ildən az olmayaraq müəyyən edilmiş və
“Özəl tibbi praktika ilə məşğul olmaq üçün müvafiq sertifikat
alınması Qaydası”, 268 nömrəli 5 dekabr 2008-ci il tarixli qərarı ilə
“Təbii müalicə ehtiyatlarından, müalicə-sağlamlaşdırma yerlərindən
və kurortlardan istifadə Qaydası və rejimi” 49 nömrəli
31 mart 2009-cu il tarixli Qərarı ilə “Tibb fəaliyyəti üzrə
lisenziyalaşdırılan işlər və xidmətlərin Siyahısı”, 108 nömrəli 8 iyun
2010-cu il tarixli Qərarı ilə “Praktik tibb və ya əczaçılıq fəaliyyəti ilə
məşğul olan şəxslərin (işçilərin) sertifikasiyası Qaydası”,
234 nömrəli 17 oktyabr 2012-ci il tarixli qərarı ilə “Sanatoriya-kurort
müəssisələrində sanitar-gigiyenik Tələblər” və 94 nömrəli 3 aprel
2014-cü il tarixli qərarı ilə “Azərbaycan Respublikasında ticarət,
ictimai iaşə, məişət və digər növ xidmət Qaydaları” təsdiq edilmişdir.
Azərbaycan Respublikası Səhiyyə Nazirliyinin 01 sentyabr 2008-
ci il tarixli 119 saylı əmri ilə “Azərbaycan Respublikası Səhiyyə
Nazirliyinin müəssisələrində istifadə olunan həkim ixtisaslarının
siyahısı”, “Azərbaycan Respublikası
Səhiyyə Nazirliyinin
müəssisələrində vəzifələrin nomenklaturası” və “Azərbaycan
Respublikası Səhiyyə Nazirliyinin müəssisələrində vəzifələrin
tutulmasının ixtisaslar üzrə müəyyənləşdirilməsi”, 07 aprel 2009-cu
il tarixli 37 saylı əmri ilə “Tibb müəssisələrində sanitariya-
epidemioloji tələblərə dair Qaydalar”, 15 aprel 2010-cu il tarixli
21 saylı əmri ilə “Stomatoloji tibb müəssisələrinə (kabinetlərə) dair
sanitariya-gigiyena tələbləri”, 19 sentyabr 2012-ci il tarixli 70 saylı
əmri ilə “Səhiyyə Nazirliyinin tabeliyində olan tibb müəssisələrinin
nümunəvi əsasnamələrinin (nizamnamələrinin) siyahısı” və “Tibb,
əczaçılıq və digər ixtisaslar üzrə işçilərin nümunəvi vəzifə
təlimatlarının siyahısı” təsdiq edilmişdir.
23
Azərbaycan Respublikası Səhiyyə Nazirliyi kollegiyasının
11 mart 2013-cü il tarixli 08 saylı qərarı ilə “Doğum evlərində
(şöbələrində) doğuşayardım işinin təşkili haqqında Təlimat”, 07 may
2013-cü il tarixli 19 saylı qərarı ilə “Özəl tibb fəaliyyəti subyektləri
tərəfindən göstərilən tibbi xidmətlərin və həkim resepti olmadan
buraxılan dərman vasitələrinin reklamına rəy verilməsi Qaydası” və
03 fevral 2014-cü il tarixli 02 saylı qərarı ilə “Qadın
məsləhətxanalarında, ambulator-poliklinik tibb müəssisələrində
antenatal xidmətin təşkili haqqında Təlimat” təsdiq edilmişdir.
|