Microsoft Word Beledchi Qaydalar 2015
Onkoloji yardım barədə qanunvericilik aktlarına dair
Yüklə 0,49 Mb. Pdf görüntüsü
|
|
Onkoloji yardım barədə qanunvericilik aktlarına dair
BƏLƏDÇİ QAYDALAR
23 may 2006-cı il tarixdə “Onkoloji yardım haqqında” Azərbaycan Respublikasının Qanunu imzalanmışdır. Bu Qanun onkoloji xəstələrə ixtisaslaşdırılmış tibbi və sosial yardımın göstərilməsinin hüquqi əsaslarını müəyyən edir. Bu Qanun Azərbaycan Respublikasının vətəndaşlarına, Azərbaycan Respublikasının ərazisində daimi yaşayan əcnəbilərə, vətəndaşlığı olmayan şəxslərə, habelə təşkilati-hüquqi formasından asılı olmayaraq onkoloji xəstəliklərin profilaktikası və müalicəsi ilə məşğul olan fiziki və hüquqi şəxslərə şamil edilir. Qanuna uyğun olaraq onkoloji xəstələr onlara tibbi yardım göstərilərkən tibbi göstərişlər əsasında ambulator və stasionar şəraitində tam həcmdə mümkün olan müalicə növlərini almaq, sağlamlığının vəziyyəti, xəstəliyin mahiyyəti, tətbiq olunan müalicə üsulları, aparılmış müalicənin nəticələri haqqında ətraflı və müntəzəm məlumat almaq, onkoloji yardım göstərmək hüququ olan hər hansı mütəxəssisi və tibb müəssisəsini seçmək, konsilium və məsləhətləşmələr aparılmasını tələb etmək, müayinə və müalicə üçün zəruri müddətdə stasionarda qalmaq, siyahısı müvafiq icra hakimiyyəti orqanı (Azərbaycan Respublikasının Nazirlər Kabineti) tərəfindən müəyyən edilmiş dərman vasitələri ilə təmin olunmaq, tibbi göstərişlər əsasında həkim resepti ilə zəruri miqdarda narkotik və qeyri-narkotik ağrıkəsici preparatları almaq, pozulmuş hüquqları barədə qanunvericilikdə müəyyən edilmiş qaydada müvafiq orqanlara və ya məhkəməyə müraciət etmək hüquqlarına malikdirlər. Onkoloji müəssisələrin mülkiyyət formasından asılı olmayaraq ümumi təyinatlı müalicə-profilaktika müəssisələrindən aşkar olunmuş onkoloji xəstələrin sayı haqqında dəqiq məlumat almaq, onkologiya sahəsində əldə olunmuş müasir elmi-praktik nailiyyətləri tətbiq etmək, onkoloji xəstəliklər haqqında hesabatların düzgün aparılmasını tələb etmək hüquqları vardır. Onkoloji müəssisələr ümumi təyinatlı müalicə-profilaktika müəssisələrinə profilaktik tədbirlərin planlaşdırılması və keçirilməsi üçün təşkilati-metodik yardım göstərmək, bədxassəli şişə şübhəli bilinən şəxslərin hərtərəfli müayinəsini aparmaq, ehtiyac olduqda konsilium keçirmək, onkoloji
49 xəstələri stasionara yerləşdirmək və uyğun müalicəni aparmaq, onkoloji xəstələrin dispanser müşahidəsini və ambulator müalicəsini təşkil etmək, sanitar-maarifləndirmə işini aparmaq, həkimlərin və orta tibb işçilərinin hazırlanması, onkoloji xəstəliklərin profilaktika, diaqnostika və müalicəsi üzrə onların ixtisaslarının artırılmasını təmin etmək vəzifələrini yerinə yetirirlər. Ümumi təyinatlı müalicə-profilaktika müəssisələrinin onkoloji yardıma dair vəzifələri yaşından yuxarı qadınların sitoloji müayinəsini təşkil etmək və aparmaq, bədxassəli şiş əlamətləri aşkar olunmuş xəstələri əlavə müayinə üçün onkoloji müəssisəyə göndərmək, onkoloji xəstəliklərin törənməsi ilə bağlı risk qrupuna daxil olan şəxslərin dispanser müşahidəsini aparmaq və sağlam həyat tərzinin vacibliyi haqqında sanitar-maarifləndirmə işlərini həyata keçirməkdən ibarətdir. 2 avqust 2006-cı il tarixdə “Onkoloji yardım haqqında” Azərbaycan Respublikası Qanununun tətbiq edilməsi barədə Azərbaycan Respublikası Prezidentinin Fərmanı imzalanmışdır. Bu Fərmanla Azərbaycan Respublikasının Nazirlər Kabinetinə “Onkoloji yardım haqqında” Azərbaycan Respublikasının Qanununda nəzərdə tutulmuş onkoloji xəstəliklərin azaldılmasına yönəldilmiş müalicə-profilaktika tədbirlərinin həyata keçirilməsi qaydasının, onkoloji xəstələrə göstərilməli olan tibbi yardımın həcmi və keyfiyyət standartlarının, onkoloji xəstələrin dərman vasitələri ilə təminatı qaydasının, onkoloji xəstələrin müalicəsi üçün illik ayrılan dərman vasitələrinin, o cümlədən narkotik və qeyri-narkotik ağrıkəsici preparatların siyahısının və miqdarının, mülkiyyət formasından asılı olmayaraq tibb müəssisələrində onkoloji xəstələrin qeydiyyatı və uçotu qaydasının və azadlıqdan məhrum olmuş şəxslərə onkoloji yardımın göstərilməsi qaydasının müəyyən edilməsi tapşırılmışdır. Azərbaycan Respublikası Nazirlər Kabinetinin 243 nömrəli 21 noyabr 2006-cı il tarixli Qərarı ilə “Mülkiyyət formasından asılı olmayaraq, tibb müəssisələrində onkoloji xəstələrin qeydiyyatı və uçotu Qaydası”, 244 nömrəli 21 noyabr 2006-cı il tarixli Qərarı ilə “Onkoloji xəstələrə göstərilməli olan tibbi yardımın həcmi və keyfiyyət standartları”, 245 nömrəli 21 noyabr 2006-cı il tarixli Qərarı ilə “Onkoloji xəstəliklərin azaldılmasına yönəldilmiş müalicə- 50 profilaktika tədbirlərinin həyata keçirilməsi Qaydası”, 256 nömrəli 4 dekabr 2006-cı il tarixli Qərarı ilə “Azadlıqdan məhrum olmuş şəxslərə onkoloji yardımın göstərilməsi Qaydası”, 266 nömrəli 20 dekabr 2006-cı il “Onkoloji xəstələrin dərman vasitələri ilə təminatı Qaydası” və 17 nömrəli 29 yanvar 2007-ci il tarixli Qərarı ilə “Onkoloji xəstələrin müalicəsi üçün illik ayrılan dərman vasitələrinin, o cümlədən narkotik və qeyri-narkotik ağrıkəsici preparatların siyahısı və miqdarı” təsdiq edilmişdir.
|