Şəkərli diabet xəstəliyinə tutulmuş şəxslərə dövlət qayğısı barədə
qanunvericilik aktlarına dair
BƏLƏDÇİ QAYDALAR
23 dekabr 2003-cü il tarixdə “Şəkərli diabet xəstəliyinə tutulmuş
şəxslərə dövlət qayğısı haqqında” Azərbaycan Respublikasının
Qanunu imzalanmışdır.
Bu Qanun Azərbaycan Respublikasında şəkərli diabet xəstəliyinə
tutulmuş şəxslərə dövlət qayğısının təşkilati-hüquqi əsaslarını
müəyyən edir, bu xəstəliyin profilaktikası və müalicəsi sahəsində
yaranan münasibətləri tənzimləyir.
Qanuna uyğun olaraq şəkərli diabet xəstəliyinin profilaktikası və
onunla mübarizə ilə bağlı tədbirləri həyata keçirmək məqsədi ilə
müvafiq icra hakimiyyəti orqanı (Azərbaycan Respublikasının
Nazirlər Kabineti) tərəfindən “Şəkərli diabet üzrə Dövlət proqramı”
hazırlanır və təsdiq edilir. Dövlət proqramının həyata keçirilməsinə
dövlət nəzarətini müvafiq icra hakimiyyəti orqanı (Azərbaycan
Respublikası Prezidentinin Administrasiyası) təmin edir. Şəkərli
diabet xəstəliyinə tutulmuş şəxslərin registri bu şəxslərin
qeydiyyatının aparılmasını təmin etmək, şəkərli diabetlə xəstələnmə
halları, ağırlaşmaları, əlillik və ölüm halları, müalicə-profilaktika
tədbirlərinin səmərəliliyi haqqında sistematik və düzgün məlumat
almaq məqsədi ilə müvafiq icra hakimiyyəti orqanı (Azərbaycan
Respublikasının Səhiyyə Nazirliyi) tərəfindən yaradılır.
Şəkərli diabet xəstəliyinə tutulmuş şəxslərə göstərilən illik tibbi
yardımın (o cümlədən zəruri olan müayinələr) həcmi, inyeksiya
vasitələrinin, insulin və digər şəkərsalıcı dərman preparatlarının,
özünənəzarət vasitələrinin siyahısı və miqdarı müvafiq icra
hakimiyyəti orqanı (Azərbaycan Respublikasının Nazirlər Kabineti)
tərəfindən müəyyən edilir. Şəkərli diabet xəstəliyinə tutulmuş
şəxslərin insulin və digər şəkərsalıcı dərman preparatları, inyeksiya
vasitələri və özünənəzarət vasitələri ilə təminatı müvafiq icra
hakimiyyəti orqanının (Azərbaycan Respublikasının Nazirlər
Kabineti) müəyyən etdiyi qaydada həyata keçirilir.
Şəkərli diabet xəstəliyinə tutulmuş şəxslərin əmək hüquqları
yalnız Azərbaycan Respublikasının əmək qanunvericiliyi ilə
müəyyən edilən işçinin səhhətinə, sağlamlığına mənfi təsir göstərən
37
amillər olan ağır, zərərli və təhlükəli əmək şəraitli peşələr (vəzifələr)
və iş yerləri üzrə məhdudlaşdırıla bilər.
12 fevral 2004-cü il tarixdə “Şəkərli diabet xəstəliyinə tutulmuş
şəxslərə dövlət qayğısı haqqında” Azərbaycan Respublikasının
Qanununun tətbiq edilməsi barədə Azərbaycan Respublikası
Prezidentinin Fərmanı imzalanmışdır.
Bu Fərmanla Azərbaycan Respublikasının Nazirlər Kabinetinə
“Şəkərli diabet xəstəliyinə tutulmuş şəxslərə dövlət qayğısı
haqqında” Azərbaycan Respublikasının Qanununda nəzərdə tutulmuş
şəkərli diabet xəstəliyinə tutulmuş şəxslərin dövlət tibb
müəssisələrində müayinəsi və müalicəsinin maliyyələşdirilməsi
qaydasının, şəkərli diabet xəstəliyinə tutulmuş şəxslərə göstərilən
illik tibbi yardımın (o cümlədən zəruri olan müayinələrin) həcminin,
inyeksiya vasitələrinin, insulin və digər şəkərsalıcı dərman
preparatlarının, özünənəzarət vasitələrinin siyahısının və miqdarının,
habelə bu preparat və vasitələrlə təminat qaydasının müəyyən
edilməsi tapşırılmışdır.
Azərbaycan Respublikası Nazirlər Kabinetinin 87 nömrəli
13 may 2005-ci il tarixli Qərarı ilə “Şəkərli diabet xəstəliyinə
tutulmuş şəxslərə göstərilən illik tibbi yardımın (o cümlədən zəruri
olan müayinələrin) Həcmi, inyeksiya vasitələrinin, insulin və digər
şəkərsalıcı dərman preparatlarının, özünənəzarət vasitələrinin
Siyahısı və Miqdarı” və “Şəkərli diabet xəstəliyinə tutulmuş
şəxslərin insulin və digər şəkərsalıcı dərman preparatları, inyeksiya
və özünənəzarət vasitələri ilə təminatı Qaydası”, 101 nömrəli 7 iyun
2005-ci il tarixli Qərarı ilə “Şəkərli diabet üzrə Dövlət Proqramı”,
222 nömrəli 26 noyabr 2010-cu il tarixli Qərarı ilə “2011-2015-ci
illər üçün şəkərli diabet üzrə Tədbirlər Proqramı” təsdiq edilmişdir.
Azərbaycan Respublikası Səhiyyə Nazirliyinin 9 nömrəli
12 yanvar 2011-ci il tarixli əmri ilə “2011-2015-ci illər üçün şəkərli
diabet üzrə Tədbirlər Proqramı”nın icrası üzrə Azərbaycan
Respublikası Səhiyyə Nazirliyinin Tədbirlər Planı təsdiq edilmişdir.
|