Narkotik vasitələrin, psixotrop maddələrin və onların
prekursorlarının dövriyyəsi barədə qanunvericilik aktlarına dair
BƏLƏDÇİ QAYDALAR
28 iyun 2005-ci il tarixdə “Narkotik vasitələrin, psixotrop
maddələrin və onların prekursorlarının dövriyyəsi haqqında”
Azərbaycan Respublikasının Qanunu imzalanmışdır.
Bu Qanun narkotik vasitələrin, psixotrop maddələrin və onların
prekursorlarının dövriyyəsi ilə
əlaqədar yaranan ictimai
münasibətləri tənzimləyir, bu sahədə dövlət orqanlarının, fiziki və
hüquqi şəxslərin hüquq və vəzifələrini müəyyən edir.
Qanuna uyğun olaraq Azərbaycan Respublikasının ərazisində
narkotik vasitələrin və psixotrop maddələrin dövriyyəsinə yalnız
onların tibbi praktikada, elmi-tədqiqat işlərində tətbiqi və cinayətkar
fəaliyyətin qarşısının alınması məqsədilə yol verilir.
Narkotik vasitələrin, psixotrop maddələrin və onların
prekursorlarının dövriyyəsinə bu Qanunla və ona uyğun olaraq qəbul
edilmiş digər qanunvericilik aktları ilə müəyyən edilmiş əsaslarla və
qaydada yol verilir.
Tibbi məqsədlərlə istifadə edilən narkotik vasitələrin Azərbaycan
Respublikasının ərazisinə gətirilməsi yalnız dövlət orqanları
tərəfindən həyata keçirilir.
Narkotik vasitələrin və psixotrop maddələrin dövriyyəsində,
onların prekursorlarının idxalında, ixracında, tranzit nəql edilməsində
və istehsalında iştirak edən şəxslərin fəaliyyəti Azərbaycan
Respublikasının qanunvericiliyi ilə nəzərdə tutulmuş qaydada
Azərbaycan Respublikasının müvafiq icra hakimiyyəti orqanı
(Azərbaycan Respublikasının Səhiyyə Nazirliyi) tərəfindən verilən
icazə və ya lisenziya (xüsusi razılıq) əsasında həyata keçirilir.
Narkotik vasitələrin, psixotrop maddələrin dövriyyəsinin və
onların prekursorlarının idxalının, ixracının, tranzit nəql edilməsinin
və istehsalının tənzimlənməsi məqsədilə Azərbaycan Respublikasının
müvafiq icra hakimiyyəti orqanı: Azərbaycan Respublikasının
ərazisində dövriyyəsi qadağan edilmiş, məhdudlaşdırılmış və nəzarət
edilən narkotik vasitələrin və psixotrop maddələrin, habelə
Azərbaycan Respublikasının ərazisində idxalına, ixracına, tranzit
nəql edilməsinə və istehsalına lisenziya (xüsusi razılıq) tələb olunan
42
prekursorların siyahılarının layihələrini tərtib edir (Azərbaycan
Respublikasının Nazirlər Kabineti); bu Qanuna əsasən narkotik
vasitələrin və psixotrop maddələrin alınması, saxlanılması, satılması,
əldə edilməsi, paylaşdırılması, buraxılması, daşınması, göndərilməsi,
onlardan istifadə edilməsi, habelə narkotik vasitələrin və psixotrop
maddələrin dövriyyəsinə dair sənədlərin tərtib edilməsi, saxlanılması
və onların dövriyyəsi ilə əlaqədar Azərbaycan Respublikasının
qanunvericiliyi ilə nəzərdə tutulmuş digər əməliyyatların həyata
keçirilməsi qaydasını müəyyən edir (Azərbaycan Respublikasının
Nazirlər Kabineti); narkotik vasitələrin və psixotrop maddələrin
təcrübəvi hazırlanması qaydasını və bu fəaliyyətlə məşğul olan
dövlət orqanlarının dairəsini müəyyən edir (Azərbaycan
Respublikasının Nazirlər Kabineti); Azərbaycan Respublikasının
qanunvericiliyinə uyğun olaraq müsadirə edilmiş narkotik vasitələrin,
psixotrop maddələrin və onların prekursorlarının məhv edilməsi,
habelə məhv edilməsi nəzərdə tutulan narkotik vasitələrdən müvafiq
icra hakimiyyəti orqanlarının kinoloji xidmətləri tərəfindən narkotik
vasitələrin axtarışı üzrə aparılan təlimlərdə istifadə olunması
qaydasını müəyyən edir (Azərbaycan Respublikasının Nazirlər
Kabineti); narkotik vasitələrin və psixotrop maddələrin dövriyyəsinə
dair Milli İnformasiya Mərkəzini yaradır; narkotik vasitələrin,
psixotrop maddələrin dövriyyəsinə və onların prekursorlarının
idxalına, ixracına, tranzit nəql edilməsinə və istehsalına, habelə
narkotik vasitələrin və psixotrop maddələrin qanunsuz dövriyyəsində
iştirak edən, o cümlədən narkomanlıq xəstəliyinə düçar olan şəxslərə
dair ümummilli məlumat bankını təşkil edir, həmin məlumat bankına
məlumatların göndərilməsi və oradan məlumatların alınması
qaydasını müəyyən edir; narkotik vasitələrin və psixotrop maddələrin
tibbi məqsədlərlə istifadə edilməsi qaydasını və şərtlərini, habelə
narkomanlıq xəstəliyinə düçar olan şəxslər barəsində tibbi tədbirlərin
tətbiq edilməsi qaydasını müəyyən edir; qanunsuz dövriyyədən
Azərbaycan Respublikasının qanunvericiliyinə uyğun olaraq
müsadirə edilmiş, lakin dərman preparatları şəklində olduğuna və
tibbi məqsədlərlə istifadə oluna biləcəyinə görə məhv edilməsi
məqsədəuyğun olmayan narkotik vasitələrin və psixotrop maddələrin
tibbi məqsədlərlə istifadə edilməsi üçün təhvil verilməsi qaydasını
müəyyən edir; narkotik vasitələrin, psixotrop maddələrin qanunsuz
43
dövriyyəsi, onların prekursorlarının qanunsuz idxalı, ixracı, tranzit
nəql edilməsi və istehsalı, habelə narkomanlığın yayılması ilə
mübarizə üzrə məqsədləri, vəzifələri və fəaliyyət istiqamətləri, o
cümlədən tələb olunan maliyyə vəsaitləri və onların mənbələri
göstərilməklə dövlət proqramının layihəsini hazırlayır.
Azərbaycan Respublikasında narkotik vasitələrin və psixotrop
maddələrin dövriyyəsinə, onların prekursorlarının idxalına, ixracına,
tranzit nəql edilməsinə və istehsalına, o cümlədən narkotik
vasitələrin və psixotrop maddələrin qanunsuz dövriyyəsinə və onların
prekursorlarının qanunsuz idxalına, ixracına, tranzit nəql edilməsinə
və istehsalına dair ümummilli məlumat bankı yaradılır və bununla
bağlı məlumatlar daxil edilir.
Azərbaycan Respublikasında narkotik vasitələrin və psixotrop
maddələrin dövriyyəsinə dair Milli İnformasiya Mərkəzi yaradılır.
Qanunsuz dövriyyədə olan narkotik vasitələr, psixotrop maddələr
və onların prekursorları, eləcə də onların qanunsuz hazırlanması üçün
istifadə edilən alət və avadanlıq, habelə narkotik vasitələrin,
psixotrop maddələrin qanunsuz dövriyyəsində və onların
prekursorlarının qanunsuz idxalında, ixracında, tranzit nəql
edilməsində və istehsalında istifadə edilən və bunun nəticəsində əldə
olunan əmlak və maliyyə vəsaitləri aşkar edildikdə onlar barəsində
Azərbaycan Respublikasının qanunvericiliyi ilə nəzərdə tutulmuş
tədbirlər görülür.
Bu Qanun qüvvəyə mindiyi gündən “Narkotik vasitələrin,
psixotrop maddələrin və prekursorların qanunsuz dövriyyəsi ilə
mübarizə haqqında” 18 iyun 1999-cu il tarixli Azərbaycan
Respublikasının Qanunu qüvvədən düşmüş hesab edilmişdir.
9 avqust 2005-ci il tarixdə “Narkotik vasitələrin, psixotrop
maddələrin və onların prekursorlarının dövriyyəsi haqqında”
Azərbaycan Respublikası Qanununun tətbiq edilməsi barədə
Azərbaycan Respublikası Prezidentinin Fərmanı imzalanmışdır.
Bu Fərmanla Azərbaycan Respublikasının Nazirlər Kabinetinə
“Narkotik vasitələrin, psixotrop maddələrin və onların
prekursorlarının dövriyyəsi haqqında” Azərbaycan Respublikası
Qanununda nəzərdə tutulmuş narkotik vasitələrin və psixotrop
maddələrin alınması, saxlanılması, satılması, əldə edilməsi,
paylaşdırılması, buraxılması, daşınması, göndərilməsi, onlardan
44
istifadə edilməsi, habelə narkotik vasitələrin və psixotrop maddələrin
dövriyyəsinə dair sənədlərin tərtib edilməsi, saxlanılması və onların
dövriyyəsi ilə əlaqədar Azərbaycan Respublikasının qanunvericiliyi
ilə nəzərdə tutulmuş digər əməliyyatların həyata keçirilməsi
qaydasının, narkotik vasitələrin və psixotrop maddələrin təcrübəvi
hazırlanması qaydasının və bu fəaliyyətlə məşğul olan dövlət
orqanlarının dairəsinin, Azərbaycan Respublikasının
qanunvericiliyinə uyğun olaraq müsadirə edilmiş narkotik vasitələrin,
psixotrop maddələrin və onların prekursorlarının məhv edilməsi
qaydasının, narkotik vasitələrin, psixotrop maddələrin dövriyyəsinə
və onların prekursorlarının idxalına, ixracına, tranzit nəql edilməsinə
və istehsalına, habelə narkotik vasitələrin və psixotrop maddələrin
qanunsuz dövriyyəsində iştirak edən, o cümlədən narkomanlıq
xəstəliyinə düçar olan şəxslərə dair ümummilli məlumat bankına
məlumatların göndərilməsi və oradan məlumatların alınması
qaydasının, narkotik vasitələrin və psixotrop maddələrin tibbi
məqsədlərlə istifadə edilməsi qaydasının və şərtlərinin, habelə
narkomanlıq xəstəliyinə düçar olan şəxslər barəsində tibbi tədbirlərin
tətbiq edilməsi qaydasının, qanunsuz dövriyyədən Azərbaycan
Respublikasının qanunvericiliyinə uyğun olaraq müsadirə edilmiş,
lakin dərman preparatları şəklində olduğuna və tibbi məqsədlərlə
istifadə oluna biləcəyinə görə məhv edilməsi məqsədəuyğun olmayan
narkotik vasitələrin və psixotrop maddələrin tibbi məqsədlərlə
istifadə edilməsi üçün təhvil verilməsi qaydasının, narkomanlıq
xəstəliyinə düçar olan şəxslərin müalicəsində istifadə olunan
əvəzedici müalicə proqramlarının tətbiqinin şərtlərinin və
qaydalarının, Azərbaycan Respublikasının ərazisindən tranzit keçən
xəstənin müalicə məqsədilə narkotik vasitələr və psixotrop maddələr
aparması qaydasının və onlardan istifadə miqdarı həddinin,
Azərbaycan Respublikasının ərazisindən tranzit keçən xəstənin
müalicəni davam etdirmək üçün narkotik vasitələrə və psixotrop
maddələrə yaranmış əlavə tələbatının ödənilməsi qaydasının,
baytarlıq məqsədləri üçün lazım olan narkotik vasitələrin, psixotrop
maddələrin və onların prekursorlarının siyahısının və onlardan
istifadə qaydalarının, elmi məqsədlərlə və tədris məqsədləri ilə
narkotik vasitələrdən və psixotrop maddələrdən istifadənin həyata
keçirilməsi qaydasının, jurnalların aparılması və saxlanılması
45
qaydasının, peşə növlərinin və vəzifələrin siyahısının, şəxslərin tibbi
müayinədən (tibbi yoxlamadan) keçməsi qaydalarının, şəxsin tibbi
müayinədən keçməsi qaydalarının və ixtisaslaşdırılmış tibb
müəssisəsində məcburi müalicənin şərtlərinin və qaydalarının
müəyyən edilməsi tapşırılmışdır.
2 may 2007-ci il tarixdə “Narkotik vasitələrin, psixotrop
maddələrin və onların prekursorlarının dövriyyəsi haqqında”
Azərbaycan Respublikası Qanununun icrasının təmin edilməsi
barədə Azərbaycan Respublikası Prezidentinin Fərmanı
imzalanmışdır.
1 dekabr 1998-ci il tarixdə “Birləşmiş Millətlər Təşkilatının
Narkotik vasitələr haqqında Vahid Konvensiyasına qoşulmaq
barədə” Azərbaycan Respublikasının Qanunu imzalanmışdır.
28 iyun 2005-ci il tarixdə Azərbaycan Respublikasının ərazisində
dövriyyəsi qadağan edilmiş, məhdudlaşdırılmış və nəzarət edilən
narkotik vasitələrin, psixotrop maddələrin, habelə Azərbaycan
Respublikasının ərazisində idxalına, ixracına, tranzit nəql edilməsinə
və istehsalına lisenziya (xüsusi razılıq) tələb olunan prekursorların
siyahılarının təsdiq edilməsi haqqında Azərbaycan Respublikasının
Qanunu imzalanmışdır.
Azərbaycan Respublikası Nazirlər Kabinetinin 135 nömrəli
7 avqust 2000-ci il tarixli Qərarı ilə “Narkotik sərxoşluq
vəziyyətinin, narkotik vasitələrin və psixotrop maddələrin istehlakı
və insan bədəni daxilində narkotik vasitələrin və psixotrop
maddələrin gizlədilməsi hallarının müəyyən edilməsi məqsədi ilə
tibbi müayinənin keçirilməsi Qaydası”, 18 nömrəli 16 yanvar 2001-ci
il tarixli Qərarı ilə “İstifadə edilməsinin məqsədi göstərilməklə
dövriyyəsinə Azərbaycan Respublikasının ərazisində yol verilən
narkotik vasitələrin və istifadə edilməsinin məqsədi göstərilməklə
dövriyyəsinə Azərbaycan Respublikasının ərazisində yol verilən
psixotrop maddələrin siyahıları”, 83 nömrəli 21 aprel 2001-ci il
tarixli Qərarı ilə “Narkotik vasitələrin və psixotrop maddələrin
istehsalında istifadə edilən və dövriyyəsinə nəzarət edilən
avadanlığın siyahısı”, 57 nömrəli 13 may 2003-cü il tarixli Qərarı ilə
“Narkotik vasitələrin, psixotrop maddələrin saxlanılması, alınması,
satılması, əldə edilməsi, bölüşdürülməsi, buraxılması, daşınması,
göndərilməsi, onlardan istifadə edilməsi, habelə narkotik vasitələrin,
46
psixotrop maddələrin dövriyyəsinə dair sənədlərin tərtib edilməsi,
saxlanılması və onların dövriyyəsi ilə əlaqədar qanunvericiliklə
nəzərdə tutulmuş digər əməliyyatların həyata keçirilməsi Qaydası”,
181 nömrəli 6 oktyabr 2005-ci il tarixli Qərarı ilə “Azərbaycan
Respublikasının qanunvericiliyinə uyğun olaraq müsadirə edilmiş
narkotik vasitələrin, psixotrop maddələrin və onların prekursorlarının
məhv edilməsi Qaydası", “Narkotik vasitələrin, psixotrop maddələrin
dövriyyəsinə və onların prekursorlarının idxalına, ixracına, tranzit
nəql edilməsinə və istehsalına, habelə narkotik vasitələrin və
psixotrop maddələrin qanunsuz
dövriyyəsində iştirak edən, o
cümlədən narkomanlıq xəstəliyinə düçar olan şəxslərə dair
ümummilli məlumat bankına məlumatların göndərilməsi və oradan
məlumatların alınması Qaydası” və “Qanunsuz dövriyyədən
Azərbaycan Respublikasının qanunvericiliyinə uyğun olaraq
müsadirə edilmiş, lakin dərman preparatları şəklində olduğuna və
tibbi məqsədlərlə istifadə oluna biləcəyinə görə məhv edilməsi
məqsədəuyğun olmayan narkotik vasitələrin və psixotrop maddələrin
tibbi məqsədlərlə istifadə edilməsi üçün təhvil verilməsi Qaydası”,
39 nömrəli 9 fevral 2006-cı il tarixli Qərarı ilə “Narkotik vasitələrin
və psixotrop maddələrin tibbi məqsədlərlə istifadə edilməsi qaydası
və şərtləri, habelə narkomanlıq xəstəliyinə düçar olan şəxslər
barəsində tibbi tədbirlərin tətbiq edilməsi Qaydası”, 49 nömrəli
16 fevral 2006-cı il tarixli Qərarı ilə “Narkotik vasitələrin və
psixotrop maddələrin sayı və vəziyyəti haqqında jurnalların
aparılması və saxlanılması Qaydası”, 136 nömrəli 5 iyun 2006-cı il
tarixli Qərarı ilə “Baytarlıq məqsədləri üçün lazım olan narkotik
vasitələrin, psixotrop maddələrin və onların prekursorlarının siyahısı
və onlardan istifadə Qaydaları” 162 nömrəli 1 iyul 2006-cı il tarixli
Qərarı ilə “Azərbaycan Respublikasının ərazisindən tranzit keçən
xəstənin müalicəni davam etdirmək üçün narkotik vasitələrə və
psixotrop maddələrə yaranmış əlavə tələbatının ödənilməsi Qaydası”,
163 nömrəli 1 iyul 2006-cı il tarixli Qərarı ilə “Azərbaycan
Respublikasının ərazisindən tranzit keçən xəstənin müalicə
məqsədilə narkotik vasitələr və psixotrop maddələr aparması Qaydası
və onlardan istifadə miqdarı həddi”, 17 nömrəli 29 yanvar 2007-ci il
tarixli Qərarı ilə “Onkoloji xəstələrin müalicəsi üçün illik ayrılan
dərman vasitələrinin, o cümlədən narkotik və qeyri-narkotik
47
ağrıkəsici preparatların siyahısı və miqdarı” və 39 nömrəli 19 mart
2009-cu il tarixli Qərarı ilə Azərbaycan Respublikasının
qanunvericiliyinə uyğun olaraq məhv edilməsi nəzərdə tutulan
narkotik vasitələrdən müvafiq icra hakimiyyəti orqanlarının kinoloji
xidmətləri tərəfindən narkotik vasitələrin axtarışı üzrə aparılan
təlimlərdə istifadə olunması Qaydası” təsdiq edilmişdir.
24 iyun 2013-cü il tarixdə “Narkotik vasitələrin, psixotrop
maddələrin və onların prekursorlarının qanunsuz dövriyyəsinə və
narkomanlığa qarşı mübarizəyə dair 2013-2018-ci illər üçün Dövlət
Proqramı”nın təsdiq edilməsi barədə Azərbaycan Respublikası
Prezidentinin Sərəncamı imzalanmışdır.
Azərbaycan Respublikası Səhiyyə Nazirliyinin 118 nömrəli
25 oktyabr 2013-cü il tarixli əmri ilə “Narkotik vasitələrin, psixotrop
maddələrin və onların prekursorlarının qanunsuz dövriyyəsinə və
narkomanlığa qarşı mübarizəyə dair 2013-2018-ci illər üçün Dövlət
Proqramı”nın həyata keçirilməsi üzrə Azərbaycan Respublikası
Səhiyyə Nazirliyinin Tədbirlər Planı təsdiq edilmişdir.
|