Qiymətlərin statistik müşahidəsinin nəticələrini açıqlayıb



Yüklə 254.97 Kb.
Pdf просмотр
tarix25.12.2016
ölçüsü254.97 Kb.

 

 

www.erc-az.org

 

Avqust 11/2008 



 

 

www.erc-az.org

 

Avqust 11/2008 

 

Layihələrimiz 

 

İyul ayı üzrə inflyasiya göstəricisi açıqlanıb 

 

Avqust ayının 8-də  İqtisadi Tədqiqatlar Mərkəzi Açıq Cəmiyət  İnstututu Budapeşt Fondunun 



İnstitusional yardım layihəsi çərçivəsində  həyata keçirdiyi “Alternativ inflyasiya səviyyəsinin 

hesablanması” proqramı üzrə Azərbaycanın 11 regionunda bu ilin iyul ayı  ərzində apardığı 

qiymətlərin statistik müşahidəsinin nəticələrini açıqlayıb. Nəticələrə görə, iyul ayı  ərzində 

Azərbaycanda istehlak qiymətləri indeksi (İQİ) 0,72 faiz, Bakıda 0,44 faiz, regionda isə 1,09 faiz 

olub. 

Əmtəə qrupları üzrə  ən yüksək inflyasiya səviyyəsi  ərzaq məhsullarında – 0,91 faiz müşahidə 



olunub. Tədqiqat aparılan dövr ərzində inflyasiya səviyyəsi qeyri-ərzaq məhsulları üzrə - 0,67 faiz, 

xidmət üzrə isə 0,29 faiz təşkil edib.  

Mərkəzin hesablamalarına görə, bu ilin 7 ayında Azərbaycanda istehlak qiymətləri indeksi (İQİ) 

15,58 faiz, bu ilin iyul ayının ötən ilin iyul ayı ilə müqayisəsində illik inflyasiya isə 29,1 faiz qeydə 

alınıb. 

Aparılmış statistik müşahidə nəticəsində məlum olmuşdur ki, bu ilin iyul ayında ən çox bahalaşma 

ərzaq məhsulları üzrə - göyərti  (66,55 faiz), yemiş (56,07 faiz), şəkər (21,77 faiz), çiyələk (14,74 

faiz), yer xiyarı (14,12 faiz), qeyri-ərzaq məhsulları üzrə - giriş üçün mebel (13,25 faiz), 

soyuducular (11,99 faiz), velosipedlər (2,53 faiz),  xidmət üzrə isə - restoran tərəfindən yeməklə 

təmin edilmə xidmətləri (14,94 faiz), otel və mehmanxanalar tərəfindən mənzil xidməti (11,09 faiz) 

üzrə olub. Ən çox ucuzlaşma isə ərzaq məhsulları üzrə - yer pomidoru (14,75 faiz), lumu (11,28 

faiz), təzə kartof (11,03 faiz), şaftalı (6,94 faiz), buğda unu (4,12 faiz) olub.   

 

 

Qəsəbə Bələdiyyələri Assosiasiyasında görüş 



 

Avqustun 18-də “Azərbaycanda yerli özünüidarəetmə orqanlarının gücləndirilməsi” layihəsi 

çərçivəsində layihə  əlaqələndiricisi Vüsal Qasımlı  və layihə assistenti Rəcəb  İmanov Qəsəbə 

Bələdiyyələri Assosasiyasının sədri  İlham Xəlilovla görüşüblər. Görüşdə layihənin məqsəd və 

vəzifələri barədə Assosasiya sədrinə geniş  məlumat verilib, layihə  çərçivəsində hazırlanmış 

“Şəffaf büdcə” və “Tətbiqi büdcə  təhlili” kompüter proqramlarının istifadə qaydalarını izah edən 

kitablar təqdim olunub. Görüşdə  həmçinin proqramların bələdiyyə assosasiyaları vasitəsilə 

yayılması perespektivləri müzakirə edilib. 



 

 

www.erc-az.org

 

Avqust 11/2008 

 

Müzakirələrdən sonra “Şəffaf büdcə” və “Tətbiqi büdcə  təhlili” proqramlarından ölkə 



bələdiyyələrinin daha geniş miqyasda istifadəsinə şərait yaradılması üçün şəhər, qəsəbə və kənd 

assosasiyalarının nümayəndələri ilə birgə görüş və müzakirələr keçirilməsi qərara alınıb. 



 

 

İqtisadi Tədqiqatlar Mərkəzi yeni layihənin icrasına başlayıb 

 

Avqustun 26-dan etibarən  İqtisadi Tədqiqatlar Mərkəzi Azərbaycan Respublikası Prezidenti 



yanında Qeyri-Hökumət Təşkilatlarına Dövlət Dəstəyi  Şurasının dəstəyi ilə “Korporativ sosial 

məsuliyyətə dair fəaliyyətin ölçülməsi və hesabatlılığı” layihəsinin icrasına başiayıb. Layihə rəhbəri 

Tural Məmmədovun verdiyi məlumata görə, layihə  çərçivəsində ölkədə  fəaliyyət göstərən iri 

şirkətlərin sosial məsuliyyəti və bu sahədə hesabatlılıq səviyyəsi ölçüləcək, bu istiqamətdə qarşıya 

çıxan problemlər ictimailəşdiriləcək və onların həlli yolları ilə bağlı təkliflər hazırlanacaq. 

Layihə icrası zamanı iri biznes subyektlərinin korporativ sosial məsuliyyət problemlərinin 

araşdırılması məqsədilə onlar  və ixtisaslı ekspertlər arasında sorğular keçiriləcək. 

 


 

 

www.erc-az.org

 

Avqust 11/2008 



  

Görüşlər 

 

İyulun 28-də  İqtisadi Tədqiqatlar Mərkəzi  İdarə Heyətinin sədri Qubad Ibadoğlu  BMT-nin Bakı 

ofisində BMT-nin Azərbaycan Respublikasındakı rezident-əlaqələndiricisi və BMT İnkişaf 

Proqramının nümayəndəsi Bruno Pueza və BMT-nin İnkişaf Proqramının baş müşaviri Gülşən 

Rzayevə ilə görüşüb. Görüşdə ABŞ  BİA-nin iqtisadi müşaviri Paul Davis və Kanadanın Vindsor 

Universitetinin dosenti, İTM-in layihə üzrə tədqiqatçı mentoru Nazim Həbibov iştirak edib. Görüşdə 

İTM-in ABŞ  BİA-nın maliyyə  dəstəyi ilə  həyata keçirdiyi “Ev təsərrüfatlarının büdcə müayinəsi 

metodologiyasının təkmilləşdirilməsi” layihəsinin təqdimatı olub. Təqdimat zamanı layihə 

çərçivəsində ev təsərrüfatlarında  aparılacaq sorğu anketinin müzakirəsi keçirilib. Qərara alınıb ki, 

bu müzakirələr İşçi qrupu tərəfindən BMT-nin Azərbaycanda fəaliyyət göstərən digər institutlarının 

mütəxəsisslərinin iştirakı ilə davam etdirilsin. 

 

***** 



 

Avqustun 4-də BMT-nin İnkişaf Proqramının ofisində  işçi qrupunun ilk yigincagi keçirilib. 

Toplantıda   UNFPA-dan gender və ictimai əlaqələr üzrə müşavir Nigina Abaszadə, BMT-nin 

İnkişaf Proqramının baş müşaviri Gülşən Rzayevə, USAİD/PHCS Proqramının nümayəndəsi 

Aybəniz  İbarhimova, Dünya Səhiyyə  Təşkilatının Səhiyyənin maliyyələşdirilməsi siyasəti üzrə 

ekspert  Jenni Kehler, ABŞ  BİA-nin iqtisadi müşaviri Paul Davis, Kanadanın Vindsor 

Universitetinin dosenti, İTM-in layihə üzrə  tədqiqatçı mentoru Nazim Həbibov,  İTM tədqiqat 

qrupunun rəhbəri Vusal Qasımlı  və  İTM  İdarə Heyətinin sədri Qubad İbadoğlu iştirak edib. 

Görüşdə əvvəlcə İTM-in layihəsi üzrə tədqiqatçı mentoru Nazim Həbibov tərəfindən  İTM tədqiqat 

qrupunun hazırladığı sorğu anketinin təqdimatı olub. Təqdim olunmuş sorğuya qeydlər və təkliflər 

müzakirə edilib.  

 

***** 



 

Avqustun 6-da İTM İdarə Heyətinin sədri Qubad İbadoğlu Montague Lord International təşkilatının 

Qlobal  İqtisadi Məsləhət Xidmətinin Cənub-Şərqi Asiya ofsinin rəhbəri Montague Lordla və ABŞ 

BİA-nin iqtisadi müşaviri Paul Davislə İTM tərəfindən həyata keçirilən “Ev təsərrüfatlarının büdcə 

müayinəsi metodologiyasının təkmilləşdirilməsi” layihəsini müzakirə ediblər. Müzakirə zamanı 

əsas diqqət ticarət açıqlığının yoxsulluğa təsiri məsələlərinə  yetirilib. Cənab Montague Lordun bu 

istiqamətdə qeydləri müzakirə olunub.  


 

 

www.erc-az.org

 

Avqust 11/2008 

 

***** 

 

Avqustun 13-də İTM İdarə Heyətinin sədri Qubad İbadoğlu, sədr müavini Vusal Qasımlı, ABŞ BİA-



nin iqtisadi müşaviri Paul Davis  Beynəlxalq Valyuta Fondunun Azərbaycandakı nümayəndəliyinin 

rəhbəri Koba Qvetenetadze və nümayəndəliyin əməkdaşı Mübariz Hüseynquliyevlə İTM tərəfindən 

həyata keçirilən “Ev təsərrüfatlarının büdcə müayinəsi metodologiyasının təkmilləşdirilməsi” 

layihəsini müzakirə ediblər. Müzakirə zamanı  əsas diqqət tədqiqatın  reprezentativliyinə yetirilib.  

Eyni zamanda sorğudan alınan nəticələrlə makroiqtisadi indikatorlar arasında reqresiyalar 

barəsində də fikir mübadiləsi edilib. 

 

 

Oxfam-Novib təşkilatının nümayəndəsi Mərkəzdə olub 



 

Avqustun 19-da İTM  İdarə Heyətinin sədri Qubad İbadoğlu, sədr müavini Vusal Qasımlı,  İdarə 

Heyətinin üzvləri Dünya Sakit və Fuat Rəsulov  Hollandiyanın Oxfam Novib təşkilatının maliyyə 

üzrə məsul işçisi Jessica Gachetlə görüşüb. Görüşdə İTM maliyyə meneceri Anar Bayramov,  baş 

mühasib Oksana Məmmədova,  İnsan resursları üzrə  məsul işçı  Ceyran Nəsibova  və xarici 

əlaqələr üzrə  məsul işçi Nigar Məmmədova iştirak ediblər. Görüş zamanı  İTM  İdarə Heyətinin 

sədri Qubad İbadoğlunun təşkilatın proqram fəaliyyəti barədə, maliyyə meneri Anar Bayramovun 

isə maliyyə-uçot siyasətinə dair təqdimatları olub. Görüşdə  əsas müzakirələr  İTM-in menecment 

və maliyyə siyasəti, onun təşkili  istiqamətində aparılıb. 

Jessica Gachet daha çox İTM-in maliyyə-uçot siyasəti ilə maraqlanıb. Onun bu istiqamətli sualları 

maliyyə meneceri tərəfindən ətraflı cavablandırılıb. Bundan əlavə, görüş zamanı C.Gachet Oxfam-

Novib təşkilatının maliyyə-uçot siyasəti, maliyyə hesabatı standartları barədə məlumat verib.  

 

 

 



 

 

www.erc-az.org

 

Avqust 11/2008 

  

Əməkdaşlar mükafatlandırılıb 

 

İqtisadi Tədqiqatlar Mərkəzi fəaliyyətində  uğurlar qazanan əməkdaşların mükafatlandırılmasını 



davam etdirir. Belə ki, avqust ayında Mərkəzin insan resursları  şöbəsinin təqdimatı  və  İdarə 

Heyətinin qərarı ilə üç əməkdaş öz fəaliyyətlərində əldə etdikləri yüksək nəticələrə görə mükafata 

layiq görülüblər. Bunlar mühasib Oksana Məmmədova, ofis meneceri Şöhlət Səlimov və xarici 

əlaqələr üzrə məsul işçi Nigar Məmmədovadır. 

İdarə Heyətinin qərarı ilə qeyd olunan işçilərin hər birinə 100 manat məbləğində mükafat verilib və 

onlara təşəkkür elan edilib. 

 

 

 



 

 

 



 

 

 



 

 

 



 

 

****************************************************************************************************************************** 



 

Bülletenə məsul şəxs:  



Dünya Camalova 

İctimai əlaqələr üzrə məsul işçi  

Ünvan: Cəfər cabbarlı küç 44, 

 Kaspian Plaza 3, 9-cu mərtəbə 

Tel: (+99 412) 437-32-30 

Faks: (+99 412) 437 32 40 



e-mail: dcamalova@erc-az.org  



Поделитесь с Вашими друзьями:


Verilənlər bazası müəlliflik hüququ ilə müdafiə olunur ©www.azkurs.org 2019
rəhbərliyinə müraciət

    Ana səhifə