AZƏrbaycan ünvanli
“AZƏRBAYCANA YARDIM FONDU”
Yüklə 0,62 Mb. Pdf görüntüsü
|
- Bu səhifədəki naviqasiya:
- İSLAM, ORTA ŞƏRQ VƏ AZƏRBAYCAN MƏDƏNİYYƏTİ KAFEDRASI (Edinburq)
- İSVEÇ AZƏRBAYCAN-İSVEÇ YAZIÇILAR BİRLİYİ (Stokholm)
- “AZƏRBAYCAN MƏDƏNİYYƏT MƏRKƏZİ” (Geteborq)
- İSPANİYA “AZƏRBAYCAN DOSTLARININ KÜLTÜR CƏMİYYƏTİ” (Madrid)
- “AZƏRBAYCAN MƏRKƏZİ” (Toronto)
- GÜRCÜSTAN “BİRLİK” ÜMUMGÜRCÜSTAN AZƏRİ TÜRKLƏRİNİN CƏMİYYƏTİ (Tbilisi)
- “LATVİYA-AZƏRBAYCAN MƏDƏNİYYƏT ASSOSİASİYASI” (Riqa)
- “TƏBRİZ” CƏMİYYƏTİ (Riqa
- MOLDOVA “AZƏRBAYCAN MİLLİ ADƏT VƏ ƏNƏNƏLƏRİ
|
“AZƏRBAYCANA YARDIM FONDU” (London)
“Azərbaycana Yardım Fondu”nun təsisçisi Yəhya bəy Boler milliyətcə ingilisdir. Onun əsl adı Yan Bolerdir, müsəlmanlığı qəbul etmişdir. Onun həyat yoldaşı Xamuş xanım Qacari Ağari Məhəmməd Şah Qacarın nəslindəndir. Yəhya bəy uzun illər İranda yaşamışdır. O, həm də neft və qaz kəmərləri sahəsində ixtisaslaşmış “AYMEQ” beynəlxalq mühəndis kompaniyasına sədrlik edir. Son vaxtlar “Azərbaycana Yardım Fondu” ilə “AYMEQ” kompaniyası hesabına Şuşa və Fizulidən köçüb gələn qaçqınlara 250 min dollar həcmində 6 ton dərman verilmişdir. Fond Ümumdünya ekoloji təşkilatların köməyi ilə Azərbaycandakı ekoloji problemlərin ümumdünya miqyasına çıxarıb onların həllinə yönəltmək üzərində çalışır.
İngiltərənin Mançestr şəhərində fəaliyyət göstərən “Azərbaycan Mədəniyyət Mərkəzi” 1990-cı ildə yaradılmış və əsasən Cənubi Azərbaycandan olan gəncləri birləşdirir. Cəmiyyətin sədri Əbülfəz Paşaoğlu 1990-cı ilin noyabrında Bakıda keçirilən Azərbaycan cəmiyyətlərinin qurultayında iştirak etmiş, respublikamız ilə yaxından tanış olmuşdur. Bu təşkilatın əsas məqsədi Birləşmiş Krallıqda yaşayan azərbaycanlı icmasının yeni, müstəqil Azərbaycan dövlətinə kömək etməkdən ibarətdir. 1990-1991-ci illərdə Mançestrdə yaşayan soydaşlarımız Azərbaycan Respublikasına xeyli tibb avadanlığı və başqa kömək göndərmişlər. 1992-ci ilin iyununda isə Böyük Britaniya “Azərbaycan Mədəniyyət Mərkəzi” Azərbaycan Milli İstiqlal partiyasına bu təşkilatın istifadəsi üçün “Mersedes-300 D” markalı avtomobil hədiyyə etmişdir.
“AZƏRBAYCANÇILAR KOMİTƏSİ” (London)
Londonda yaşayan soydaşlarımız 1988-ci ilin iyulunda “Azərbaycançılar Komitəsi” yaratmışlar. Komitənin əsasnaməsi və nizamnaməsi təsdiq edilmiş, onun idarə heyəti seçilmişdir. Komitənin “Aydınlıq” adlı qəzeti nəşr olunur. Qəzet iki dildə - türk və fars dillərində buraxılır. Qəzetin əsas məqsədi milli mədəniyyətimizi və tariximizi təbliğ etməkdir.
İSLAM, ORTA ŞƏRQ VƏ AZƏRBAYCAN MƏDƏNİYYƏTİ KAFEDRASI (Edinburq)
Şotlandiyanın Edinburq universitetində təşkil edilmiş İslam, Orta Şərq və Azərbaycan Mədəniyyəti Kafedrası islam dünyasının, o cümlədən Azərbaycanın mədəniyyətini öyrənmək və tədqiq etmək məsələləri ilə yaxından məşğul olur, Kafedranın professoru Qulamrza Səbri Təbrizi öz elmi-tədqiqat işində Azərbaycanın və Şərqin ədəbi tarixi şəxsiyyətləri barədə onlarla məqalə dərc etmiş, dünyanın 30-dan artıq ölkəsində keçirilən elmi konfrans, forum və simpoziumlarda Azərbaycan mədəniyyətini təmsil etmişdir.
İSVEÇ AZƏRBAYCAN-İSVEÇ YAZIÇILAR BİRLİYİ (Stokholm)
Azərbaycan İsveç yazıçılar Birliyinin əsas məqsədi Azərbaycanda gedən müasir siyasi prosesləri açıqlamaq, Azərbaycanla bağlı bütün məsələləri olduğu kimi, doğru düzgün işıqlandırmaq, əsil həqiqəti söyləməkdir. Erməni təcavüzü nəticəsində baş verən müharibənin səbəblərini Ermənistanın xülyalarını ifşa etmək üçün Birlik səmərəli fəaliyyət göstərir. Birliyin təşəbbüsü və yaxından iştirakı ilə Bakıda 1990- cı il 20 yanvar hadisələri zamanı Stokholmda etiraz mitinqi keçirilmişdir. Belə bir mitinq Xocalı soyqırımı zamanında da təşkil edilmişdir. Bu mitinqlərdə İsveçin ayrı şəhərində və bölgələrində və yaşayan minlərlə azərbaycanlı iştirak etmişdir. Azərbaycan haqqında həqiqəti dünya ictimaiyyətinə çatdırmaq məqsədilə Birlik “Azərbaycan” adlı jurnal nəşr edir. Jurnalın nüsxələri ABŞ-a, o cümlədən Azərbaycana göndərilir. Birliyin üzvləri ara sıra Bakıya gəlməyə imkan Azərbaycanla baş verən demokratik prosseslərlə tanış olurlar gördüklərini obyektiv qələmə alaraq “Azərbaycan” jurnalı vasitəsilə dünyaya çatdırırlar.
“AZƏRBAYCAN MƏDƏNİYYƏT MƏRKƏZİ” (Geteborq)
İsveçin Geteborq şəhərindəki “Azərbaycan Mədəniyyət Mərkəzi” ölkədə yaşayan soydaşlarımıza Azərbaycanın mədəni, ictimai siyasi həyatı barədə kifayət qədər məlumat çatdırır. Mərkəzin sədri Fərəc Fərnudladır Mərkəz vaxtaşırı Azərbaycandan İsveçdə qonaq olan mədəniyyət xadimlərimizin, incəsənət ustalarımızın həmvətənlərimizlə yanaşı isveçlilərlə də görüşlərini təşkil etməsi respublikamız barədə geniş, obyektiv informasiya çatdırılmasına yardım edir.
Lund şəhərində məskunlaşmış azərbaycanlıların vətənə olan bağlıllığının möhkəmlənməsində Mərkəz səmərəli iş aparır, imkan tapdıqca Azərbaycanın incəsənət ustaları ilə görüş keçirir, mədəni əlaqələrin genişlənməsinə çalışır. Mərkəzin fəal üzvlərindən Məhin xanım mədəniyyətimizi, ədəbiyyatımızı, incəsənətimizi geniş təbliğ edir. Lund şəhərində onun naşiri və redaktoru olduğu ana dilində “Araz” jurnalı buraxılır.
İsveçin Malme şəhərində 1989-cu ildən fəaliyyət göstərən “Azərbaycan Mədəniyyət Mərkəzi” respublikamız da baş verən hadisələrlə təkcə həmvətənlərimizi məlumatlandırmaqla kifayətlənmir, isveçlilərdə və digər xalqların nümayəndələrində də Şimali və Cənubi Azərbaycan haqqında, onun tarixi və bu günü barədə təsəvvür yaratmaq üçün fəal iş aparır. Mərkəzə soydaşımız Şahnaz xanım sədrlik edir. Mərkəzin yaxından iştirakı ilə şəhərdə “Azərbaycanın səsi” radio verilişləri təşkil edilmişdir.
“AZƏRBAYCAN DOSTLARININ KÜLTÜR CƏMİYYƏTİ” (Madrid)
“Azərbaycan Dostlarının Kültür Cəmiyyəti” (Cəmiyyət eyni zamanda “İspan-Azəri Kültür Cəmiyyəti” adı ilə də tanınır) bir neçə ildir ki, Madriddə fəaliyyətə başlamışdır. Cəmiyyətin əsas məqsədi İspaniyada və Portuqaliyada yaşayan azərbaycanlıları sıx birləşdirməkdən ibarətdir. Cəmiyyət vətəndən uzaqlarda yaşayan azərbaycanlılara öz ana dilini qoruyub saxlamaq, onu təbliğ etmək, Şimali və Cənubi Azərbaycandan alınan qəzet və jurnallarla, kitablarla tanışlıq imkanı yaratmaq, xeyirdə- şərdə bir-birinin çağırışına yetişmək kimi xeyirxah işlərlə məşğuldur. “Güc birlikdədir” şüarı Cəmiyyətin fəaliyyətinin əsas qayəsidir. Bu sahədə Cəmiyyətin üzvləri, xüsusən onun sədri C. Erkin geniş və səmərəli iş aparır. “Dədə Qorqud” məcmuəsini nəşr edir. O, bir neçə dəfə Bakıda olmuş, Azərbaycan haqqında, xüsusən Qarabağ hadisələri barədə kitab buraxmaq üçün xeyli material toplamışdır.
KANADA “AZƏRBAYCAN-KVEBEK CƏMİYYƏTİ” (Monereal)
Kanadada fəaliyyət göstərən “Azərbaycan-Kvebek Cəmiyyəti” Azərbaycandakı ictimai-siyasi hadisələrlə yaxından tanış olmaq, respublikanın həyatında baş verən demokratik dəyişiklikləri Kanadada yaşayan yurddaşlarımıza çatdırmaq, xariclə eyni surətdə yaradılan informasiya blokalasının yarılması məqsədilə təşkil olunmuşdur. Cəmiyyətin sədri Məsud Əliyevdir. Cəmiyyətin uzaq Kanadada yaşyan həmvətənlərimizin Azərbaycanla əlaqələrini möhkəmlətməklə onları respublikanın siyasi durumu ilə burada həyata keçirilən mühüm iqtisadi və ictmai siyasi dəyişikliklərlə tanış etmək sahəsində müntəzəm olaraq fəaliyyət göstərir. 1993-cü ilin mayında Cəmiyyətin sədri Məsud Əliyev Bakıda olarkən Kanadada yaşayan azərbaycanlıların problemləri onların Azərbaycanla əlaqələrin genişlənməsi barədə söhbətlər aparmış xüsusən bu əlaqələrin Azərbaycan Yurddaş Partiyasının yaxından iştirakı ilə təmzinlənməsi qərarlaşdırılmışdır.
“AZƏRBAYCAN MƏRKƏZİ” (Toronto)
Kanadanın Ontario vilayətində yaşayan soydaşlarımız bu ilin oktyabr ayında yeni bir milli mədəniyyət mərkəzi açmışlar. Bütünlükdə Şimali Amerikada yaşayan azərbaycanlılar icmasının təşəbüssü ilə açılan bu təşkilat ilk növbədə uzaq qitədə milli mədəniyyətimizi təbliğ etmək Kanadada yaşayan soydaşlarımızın yaxın və mehriban ünsiyyətini yaratmaqdan ibarətdir. Mərkəzin rəhbəri doktor Səid Kazemidir. Yeni yaradılan milli mədəniyyət mərkəzinə Azərbaycan Respublikası Xarici İşlər Naziri Həsən Həsənov xüsusi məktub göndərərək Torontoda yaşayan həmvətənlərimizi təbrik etmişdir. Bu təbrikdə H.Həsənov qeyd etmişdir ki, “bu mərkəzin açılışı dünyada yaşayan bütün azərbaycanlıların arasında əlaqələrin inkişafına və möhkəmlənməsinə xidmət edəcək, belə mərkəzlərin yaradılması Şimali Amerikada yaşayan həmvətənlərimizin birləşməsində Azərbaycan Respublikası ilə Kanadanın münasibətlərində böyük rol oynayacaqdır”. Nazir bunu xüsusi olaraq bildirmişdir ki, Azərbaycan Respublikasının bu ağır günündə, yaşadığı yerdən asılı olmayaraq, hər bir azərbaycanlı öz tarixi Vətəni üçün var qüvvəsini əsirgəməyəcəkdir. “Azərbaycan Mərkəzi” yaxın vaxtlarda respublikamızdakı müxtəlif ictimai təşkilat və birliklərlə əlaqə yaratmağı, hazırkı vəziyyətlə bağlı humanitar yardım etməyi planlaşdırmışdır.
GÜRCÜSTAN “BİRLİK” ÜMUMGÜRCÜSTAN AZƏRİ TÜRKLƏRİNİN CƏMİYYƏTİ (Tbilisi)
“Birlik” Cəmiyyətinin yaranması 1992-ci ilin iyun ayında keçirilmiş təsis yığınçağında qərara alınmışdır. Yığıncaqda “Gürcüstan” qəzetinin redaktoru, Gürcüstan Respublikasının əmakdar jurnalisti Süleyman Süleymanov başda olmaqla təşkilat komitəsi yaradıldı. Komitənin ardıcıl və səmərəli işi nəticəsində 1992-ci ilin oktyabrında Tbilisi şəhərində “Birlik” Ümumgürcüstan Azəri Türklərinin Cəmiyyətinin təsis qurultayı keçirildi. Qurultayda Gürcüstanın azərbaycanlılar yaşayan Marneuli, Bolinisi, Qardabani, Laqodi, Kaspi və digər bölgələrindən nümayəndələr iştirak edirdilər. Qurultayda 21 nəfərdən ibarət Baş Şura və Ağsaqqallar Şurası seçildi. Süleyman Süleymanov Cəmiyyətin prezidenti seçildi. “Birlik” Cəmiyyətinin əsas məqsədi Gürcüstanın azərbaycanlı əhalisinin mədəniyyət, təhsil, dil, kütləvi informasiya, professional yaradıcılıq və xalq yaradıcılığı, din və digər sahələrdə mənəvi tələbatlarının ödənilməsi üçün əlverişli şərait yaratmaqdır. Gürcüstanın azərbaycanlı əhalisinin deportasiya olunması, soydaşlarımızın hüquqlarının pozulması hallarının, azərbaycanlılar yaşayan bölgələrdə kadrların milli mənsubiyyətə görə təqib olunması, toponomik adların əsassız olaraq gücləndirilməsinin qarşısının alınması sahəsində Cəmiyyət geniş fəaliyyət göstərmək niyyətindədir. Cəmiyyət birgə qüvvə ilə Azərbaycan və Gürcüstan arasında bütün mədəni, ədəbi, iqtisadi əlaqələri bərpa və inkişaf etdirmək üçün səy göstərir.
Gürcüstan azərbaycanlılarının “Qeyrət” Xalq Hərəkatının yaranması 1990-cı il dekabrın 8-də Marneulidə keçirilən respublika təsis konfransında elan olunmuşdur. Konfransda Marneuli, Bolnisi, Dmanisi, Qardabani, Saqareço, Kaspi bölgələrindən, Tbilisidən nümayəndələr, habelə Azərbaycandan qonaqlar iştirak etmişlər. “Qeyrət”in proqramı, nizamnaməsi qəbul olunmuş, onun strukturu təsdiq edilmiş, redaksiya heyətinin, müvafiq komissiyaların, Ağsaqqallar Şürasının üzvləri seçilmişlər. 35 yaşlı dindar, ali pedaqoji təhsilli Əlibala Əsgərov “Qeyrət”in idarə heyətinin sədri seçilmişdir. Konfrans iştirakçıları Gürcüstan Ali Sovetinə və Milli Konqresə, respublikada yaşayan bütün azərbaycanlılara, Azərbaycan ictimaiyyətinə müraciətlər qəbul etmişlər. 1990-cı ildən fəaliyyətə başlayan “Qeyrət” Xalq Hərəkatı yalnız 1993-cü il yanvarın 15- də Gürcüstan Respublikasının Ədliyyə Nazirliyi tərəfindən rəsmi qeydiyyatdan keçmişdir. “Qeyrət” Xalq Hərəkatı Gürcüstanda yaşayan yurddaşlarımızın Gürcüstan Respublikasının mövcud konstitusiyası çərçivəsində adi insani və vətəndaşlıq hüquqlarının müdafiəsi uğrunda fəaliyyət göstərir. “Qeyrət” Gürcüstanda yaşayan yarım milyonluq azərbaycanlı əhalinin iqtisadi, siyasi, mədəni inkişafının bütün problemlərinin həlli sahəsində müntəzəm iş aparır, Gürcüstandakı həmvətənlərimizin hüquqlarının tapdalanmasına qarşı qətiyyətlə çıxış edir. 1992-ci ilin oktyabrında “Yurddaş” Cəmiyyəti və “Qeyrət” Xalq hərəkatının birgə qəbul etdiyi bəyanatda Gürcüstan Respublikasında yaranmış sosial-iqtisadi vəziyyətin hazırkı durumunda Azərbaycan hökumət orqanlarından, ictimai-siyasi cəmiyyətlərdən, ayrı- ayrı siyasi qurumlardan və eləcə də kütləvi informasiya vasitələrindən öz fəaliyyətlərində son dərəcə dəqiq, obyektiv olmaları tələb olunurdu. “Qeyrət” Xalq hərəkatı 1993-cü ilin yanvarında Bakıda keçirilən “Borçalı: dünən, bu gün, sabah” forumunda iştirak etmişdir. Forumun əsas məqsədi Borçalıda soydaşlarımızın vəziyyətini müzakirə etmək, onunla bağlı Gürcüstan və Azərbaycan respublikalarının rəsmi mövqelərini müəyyənləşdirmək, iki respublika arasındakı münasibətlərin nizama salınmasına kömək etməkdir.
Gürcüstanda yaşayan soydaşlarımızı öz ətrafında birləşdirən “Dayaq” Assosiasiyası 1991-ci ilin oktyabrında fəaliyyətə başlamışdır. Assosiasiya “Ümumgürcüstan Rustaveli Cəmiyyəti”nin nəzdində yaradılmışdır. Assosiasiyanın fəallarının əsas məqsədi Gürcüstanda yaşayan yurddaşlarımızın ictimai və mənəvi inkişafına, mədəni ənənələrinin qorunub saxlanılmasına, onların konstitusiya hüquqlarının qorunmasına kömək etməkdir. Assosiasiya Zaqafqaziyanın bütün qabaqcıl ictimai-siyasi qüvvələri ilə əməkdaşlıq etməyə hazır olduğunu bildirir. Gürcüstanda Azərbaycan xalqının tarixini, ədəbiyyatını və mədəniyyətini təbliğ etməyə, hər iki respublikanın içtimai təşkilatlarının liderlərinin, elm və mədəniyyət xadimlərinin görüşlərinin təşkilinə çalışır. Assosiasiyanın əsas fəaliyyət istiqamətlərindən biri də nəşriyyat işini təşkil etmək, tarixi abidələrin bərpası ilə əlaqədar tədbirlər işləyib həyata keçirməkdir.
LATVİYA “AZƏRİ” CƏMİYYƏTİ (Riqa) “Azəri” Cəmiyyəti Latviya Milli Mədəniyyət Cəmiyyətləri Birliyində təmsil olunmuşdur. Cəmiyyətin sədri hüquqşünas Əlipaşa Nəsirlidir. Cəmiyyət Latviyada daimi yaşayan 3700-dən çox azərbaycanlılar arasında fəaliyyət göstərir. Azərbaycanda baş verən ictimai-siyasi hadisələr, ermənilərin hərbi təcavüzünə qarşı gedən qanlı müharibə haqqında həqiqətlərin Latviyada yayılmasında Cəmiyyət təqdirəlayiq iş aparır Cəmiyyətin üzvləri Riqa şəhərində keçirilən ictimai-siyasi tədbirlərdə, görüşlərdə fəal iştirak edir, televiziya ekranında, mətbuat səhifələrində Azərbaycandakı demokratik proseslərin izah olunması, erməni işğalçılarının sərsəm xülyalarının ifşa edilməsi ilə əlaqədar müntəzəm olaraq çıxışlar təşkil edirlər. Cəmiyyətin yaxından iştirakı ilə bir sıra mədəni tədbirlər hazırlanıb keçirilir. Cəmiyyətin təşəbbüsü ilə yaradılan bazar günü məktəbi 1992-ci ilin fevralından fəaliyyət göstərir. Müdafiə arasında təkcə azərbaycanlılar deyil, latışlar, ruslar da vardır. Hər bazar günü onlarca şagird latın qrafikalı türk dilini öyrənmək üçün toplaşırlar. Beş saat türk dili və ədəbiyyatı tədris edilir. Bundan başqa bir saat estetik tərbiyəyə, bir saat da İslam dininin mahiyyətinin öyrənilməsinə sərf olunur. Hər ay Latviya radiosunda ayrılan 35-40 dəqiqəlik vaxt ərzində musiqimiz, dilimiz, tariximiz təbliğ olunur.
ASSOSİASİYASI” (Riqa)
“Latviya-Azərbaycan mədəniyyət assosiasiyası” 1992-ci il mayın 28- də Riqada yaradılmışdır. Onun prezidenti Faiq Səfərovdur. Assosiasiyanın ətrafında əsasən ziyalılar toplaşmışlar. Assosiasiya nəinki Azərbaycanda, eyni zamanda keçmiş Sovet İttifaqının, Amerikanın, İsveçin, Avstraliyanın
və digər ölkələrin azərbaycanlı icmaları ilə əlaqələr yaratmışdır. Onun üzvləri içərisində müxtəlif millətlərin nümayəndələri də təmsil olunmuşdur. Assosiasiya ilə məşhur latış şairi - türkoloqu Uldis Berzinş əməkdaşlıq edir. O, “Dədə Qorqud”u latış dilində tərcümə etmişdir. Assosiasiya öz qüvvəsilə əsəri çap etdirmək fikrindədir. Latviya televiziyası və radiosu, bir çox latış yazıçıları, incəsənət ustaları Assosiasiya ilə yaxından əməkdaşlıq edirlər. Assosiasiyanın fəaliyyətində Azərbaycanda gedən demokratik proseslər, ictimai-siyasi hadisələr, erməni təcavüzkarlarının Azərbaycan torpağında törətdikləri vəhşiliklər barədə həqiqətin yayılması əsas yer tutur. Assosiasiyanın yaxından iştirakı ilə Latviya Xalq Cəbhəsinin “Baltiyskoye vremya” qəzeti 1992-ci ilin noyabrında bütövlükdə xüsusi buraxılışını Azərbaycana həsr etmişdir. “Latviya-Azərbaycan mədəniyyət assosiasiyası” Qarabağ hadisələrinin əsl mahiyyətini açmaqla Latviya kütləvi informasiya vasitələrində fəal təbliğat işləri aparır. Onun təşəbbüsü ilə indiyə qədər yeddi latış jurnalisti Qarabağın müharibə gedən bölgələrində olmuş, bu barədə Latviya mətbuatında, radio və televiziyasında xeyli qiymətli materiallar verilmişdir. Assosiasiyanın köməyi ilə Latviyanın bir neçə jurnalistinin Azərbaycan Respublikasının vasitəsilə Bosniyaya göndərilməsi planlaşdırılmışdır.
(Riqa)
Latviyanın paytaxtında soydaşlarımızın yaratdıqları üçüncü milli mədəniyyət mərkəzidir. Ötən il mərkəzin idarə heyəti təşkil olunmuşdur. Cəmiyyətin rəhbəri Həsənzadədir. Hazırda Azərbaycan torpaqlarına erməni təcavüzü ilə bağlı həqiqətlərin Latviyada, eləcə də digər Baltik respublikalarında yayılması sahəsində xeyli iş görmüş cəmiyyət üzvləri öz həmvətənlərinə - cəbhə xətlərində döyüşən əsgərlərimizə bir neçə dəfə ərzaq və dərman ləvazimatı yardımı göstərmişlər. “Təbriz” cəmiyyəti respublikamızdakı “Qarabağa Xalq Yardımı komitəsi” ilə yaxından əməkdaşlıq edir.
“Təbriz” cəmiyyəti Riqada, eləcə də Latviyanın digər şəhərlərində bir sıra maraqlı mədəniyyət və xeyriyyə tədbirləri keçirmişdir.
“Odlar Yurdu” Cəmiyyəti keçmiş sovet respublikalarının ərazisində azərbaycanlıların yaratdıqları ilk cəmiyyətlərdən biridir. Litva ilə Azərbaycan arasında ədəbi-mədəni əlaqələrin tarixi qədimdir. Litvalıların Azərbaycan ərazisində görünməsi əsrimizin ikinci yarısına təsadüf edir. Çarizmin milli zülmündən, iqtisadi çətinliklər ucbatından bir çox litvalı Bakıya pənah gətirmişlər. Əsrin əvvəllərində Bakıda təqribən səkkiz min litvalı yaşayırdı. Onların burada müxtəlif ictimai-mədəni cəmiyyətləri fəaliyyət göstərirdi. 1918-ci ildə Azərbaycan və Litva öz müstəqilliyini elan etdilər.1919-cu ildə isə iki dövlət arasında konsulluq səviyyəsində diplomatik əlaqələr yaradılmışdı. Xalqlarımızın arasında əlaqələrin yeni mərhələsi Litvada “Sayudis” hərəkatının və respublikamızda Azərbaycan Xalq Cəbhəsinin meydana atılmasından başlanır. Elə bu zamanlar fəaliyyətə başlayan “Odlar Yurdu” Cəmiyyəti Azərbaycan və Litva arasında əlaqələrin möhkəmlənməsinə, hər iki respublikada baş verən demokratik hərəkatın bütün çətinlikləri şəraitində öz işini qurmağa çalışırdı. Qarabağ böhranının başlanması, Azərbaycana qarşı erməni təcavüzünün müxtəlif informasiya vasitələri tərəfindən saxtalaşdırılması Litvada Cəmiyyətin fəaliyyətini xeyli dərəcədə çətinləşdirirdi. Cəmiyyətin üzvləri bu zaman olduqca səmərəli iş aparırdılar. Onlar Azərbaycanda baş verən hadisələr barədə informasiya blokadasını yarmağa, bütün vasitələrdən istifadə edərək Litva ictimaiyyətinə həqiqət çatdırmağa çalışırdılar. Bakıda Qanlı yanvar hadisələri ilə əlaqədar 1990-cı il fevralın 1-də Litva, Estoniya və Latviya azərbaycanlıları Vilnüs şəhərinin mərkəzində Gediminas kostyolunda toplaşaraq matəm ayinlərin icra etdilər. Azərbaycan və Litva respublikalarının müstəqillik əldə etməsi, onlar arasında iqtisadi, siyasi və mədəni əlaqələrin yeni məcraya düşməsi “Odlar Yurdu” Cəmiyyətinin fəaliyyətini xeyli canlandırdı. Cəmiyyətin sədri
Mahir Həmzəyev eyni zamanda “Sayudis” hərəkatı seyminin və Litva hökumətinin yanında Millətlər Departamentinin üzvüdür. 1992-ci ilin oktyabrında o, Azərbaycan Respublikasının Litvada səlahiyyətli nümayəndəsi təyin olunmuşdur. Azərbaycanda demokratik qüvvələr hakimiyyətə gələndən sonra iki ölkə arasında münasibətlər keyfiyyətcə yeni mərhələyə qədəm qoymuşdur. Azərbaycanda Litva arasında diplomatik əlaqələr yaradılması sahəsində ardıcıl addımlar atılır, iqtisadi və siyasi əlaqələr xeyli möhkəmlənir. Bu sahədə “Odlar Yurdu” Cəmiyyəti öz xeyirxah fəaliyyətini davam etdirir.
MOLDOVA “AZƏRBAYCAN MİLLİ ADƏT VƏ ƏNƏNƏLƏRİ Yüklə 0,62 Mb. Dostları ilə paylaş:
|