AZƏrbaycan ünvanli
Yüklə 0,62 Mb. Pdf görüntüsü
|
- Bu səhifədəki naviqasiya:
- “AZƏRBAYCAN KÜLTÜR CƏMİYYƏTİ” (Los-Anceles)
- “AZƏRBAYCAN MƏDƏNİYYƏTİ MƏRKƏZİ” (San-Fransisko)
- “AZƏRBAYCAN MƏDƏNİYYƏT OCAĞI” (Vaşinqton)
- “AZƏRBAYCANIN AMERİKALI DOSTLARI” CƏMİYYƏTİ ( Vircinya)
- “VƏTƏN” AMERİKA-AZƏRBAYCAN MƏDƏNİ MƏRKƏZİ (Nyu-York)
- QIRĞIZISTAN “AZƏRBAYCANÇILAR”ASSOSİASİYASI (Bişkek)
- ESTONİYA “ESTONİYA-AZƏRBAYCAN CƏMİYYƏTİ” (Tallin)
- “OCAQ”AZƏRBAYCAN MƏDƏNİYYƏTİ CƏMİYYƏTİ (Tallin)
|
“TÜRK-AZƏRBAYCAN QRUPU” (Los-Anceles)
“Türk-Azərbaycan Qrupu” sayca çox və fəallığı ilə fərqlənən cəmiyyətlərindən biri sayılır. Siyasi hadisələrə fəal münasibət bəsləyən, təşkilatca möhkəm olan “Türk-Azərbaycan Qrupu” türk xalqları arasında sıx birlik, həmrəylik və aməkdaşlıq yaradılmasına çalışır. Qrup Azərbaycan Respublikasına çox səmimi və loyal münasibət bəsləyir, Türkiyə konsulluğunun, Amerika Türk Assosiasiyisanın və digər təşkilatların Azərbaycana köməyinin təşkilində fəallıq göstərir. Qrupun yaxından iştirakı ilə bir sıra türk qəzet və jurnalları, o cümlədən məşhur “Tarkiş tayms” ös səhifələrində Azərbaycanın xarici siyasətinə, ictimai-siyasi həyatına müntəzəm yer verir.
“AZƏRBAYCAN KÜLTÜR CƏMİYYƏTİ” (Los-Anceles)
“Azərbaycan Kültür Cəmiyyəti” Kaliforniyada öz fəallığı ilə fərqlənən, azərbaycanlıları daha çox öz ətrafında birləşdirən cəmiyyətdir. 1991-1992-ci illərdə Cəmiyyətin fəaliyyəti daha mahsuldar və səmərəli olmuşdur. Azərbaycanda baş verən demokratik proseslər, erməni təcavüzünə qarşı aparılan müharibə məsələləri Cəmiyyətin diqqət mərkəzindədir. Elmlər doktoru, Kaliforniya universitetinin professoru Nairin Tohidi Cəmiyyətlə fəal əməkdaşlıq edir. O, tez-tez Azərbaycan Elmlər Akademiyasının qonağı olur, azərbaycanlı qadınlar haqqında kitab yazır. Onun siyasi fəallığın nəzərə çarpan cəhətlərindən biri də Kaliforniya universitetində keçirilmiş konfransda professor Ovanesyanın çıxışına (Ermənistan Respublikasının sabiq xarici işlər nazirinin atası) cavab çıxışı olmuşdur. Cəmiyyətin fəal iştirakçılarından biri də memar, “Relyif interneşl” təşkilatının üzvü Piruz Xanlıdır. 1993-cü ilin yanvarında o, Bakıya növbəti dava-dərman və cərrahiyyə avadanlığı gətirmişdir. “Azərbaycan Kültür Cəmiyyəti” Amerikada ilk dəfə olaraq 1993-cü ildən “Azərbaycan” adlı beynəlxalq jurnalın nəşrinə başlamışdır. Jurnalın birinci nömrəsində yazıldığı kimi, onu buraxmaqda əsas məqsəd bütün dünya azərbaycanlıları ilə mədəni, siyasi, ədəbi, təhsil va digər sahələrdə əlaqələr yaratmaqdır. Jurnal latın qrafikalı Azərbaycan əlifbası və ərəb qrafikası ilə ildə dörd dəfə Azərbaycan və ingilis dillərində nəşr olunacaqdır. Jurnalın ilk nömrəsində Azərbaycan Respublikasının ABŞ- dakı səfiri Hafiz Paşayevlə müsahibə, xalqımızın tarixinə, mədəni həyatına dair materiallar, Cənubi Azərbaycanla bağlı məqalələr, habelə səfirliyimizin müşaviri Ceyhun Mollazadənin 1992-ci ilin aprelində Kopenhagen şəhərində beynəlxalq seminardakı çıxışının mətni verilmişdir. Jurnal ABŞ-da aparıcı inzibati siyasi və tədris müəssisələrinə və oxuculara pulsuz göndərilir.
(San-Fransisko)
San-Fransiskoda fəaliyyət göstərən, “Azərbaycan Mədəniyyət Mərkəzi” 1989-cu ilin ortalarında yaradılmışdı. Mərkəzin sədri Əkbər Bayramlıdır. San-Fransisko şəhərində 20 mindən çox azərbaycanlı yaşayır. Mərkəzin iki yüz nəfər daimi üzvi, mindən yuxarı isə Mərkəzlə qeyri-sabit də olsa, əlaqə saxlayanı vardır. Mərkəz təkcə azərbaycanlılara deyil, həm də amerikalı dostlarına xidmət edir. Yerli radio ilə həftədə bir dəfə “Azərbaycanın səsi” adlı musiqili, şerli, nəğməli proqram səslənir. Həmin proqram vasitəsilə Azərbaycanın mədəniyyəti, ədəbiyyatı da geniş təbliğ olunur. Erməni təcavüzkarlarının Azərbaycan torpağında törətdikləri qanlı müharibə, onun əsas səbəbləri, erməni fitnəkarları, onların havadarları barədə Mərgəz həqiqəti yaymaq üçün səy göstərir, Azərbaycan barədə xaricdə yayılan uydurmaları, yanlış informasiyaları ifşa etmək sahəsində mümkün olan bütün vasitələrdən istifadə etməyə çalışır.
“Azərbaycan Mədəniyyət Ocağı”1989-cu ilin fevralında Vaşinqtonda təsis olunmuşdur. Ocağın 7 nəfərdən ibarət idarə heyəti vardır. Üzvlərinin sayı 500 nəfərdən çoxdur. Ocaq özünün təşkil etdiyi tədbirlərdən və üzvlük haqqı kimi toplanılan pulla maliyyələşdirilir. Ocağın əsas məqsədi Azərbaycan mədəniyyətini, tarixini, incəsənətini öyrənmək və həmvətənlərimiz, həm də amerikalılar arasında təbliğ etməkdir. Ocağın təşəbbüsü və yaxından iştirakı ilə milli bayramlarımız qeyd olunur, şer gecələri, digər mədəni-kütləvi tədbirlər keçirilir. Ocaq Azərbaycan və fars dillərində “Dirilik” adlı qazet nəşr edir. 1000 ədəd tirajla 16 səhifəlik bu qəzet ayda bir dəfə buraxılır. Qəzetin əsas mövzusu Şimali və Cənubi Azərbaycanın mədəniyyətinə, dilinə, adət-ənənələrinə, ədəbiyyatına və incəsənətinə həsr olunur. Ocağın həvəskarlardan təşkil olunmuş “Savalan” adlı mahnı və rəqs ansamblı vardır.
“Bakılı Assosiasiyası” Bakıda fəaliyyət göstərən “Bakılı” Beynəlxalq Mədəniyyət Cəmiyyətinin nizamnaməsinə uyğun olaraq öz sıralarına Bakını sevən və onun tərəqqisi üçün nə isə bir iş görməyə hazır olan hər bir kəsi milliyətindən, dini etiqadından asılı olmayaraq qəbul edir. Öz fəaliyyətinə yeni başlayan Assosiasiya Nyu-Yorkda “Bakı evi” Bakı və Azərbaycan haqqında mühazirələr təşkil etməyi, dostluq görüşləri keçirməyi, Bakıdan gələn ictimai xadimlərin, mədəniyyətimizin nümayəndələrinin çıxışlarını təşkil etməyi nəzərdə tutur.
( Vircinya)
Amerika Birləşmiş Ştatlarının Virciniya ştatında 1993-cü ilin yanvarından fəaliyyətə başlayan “Azərbaycannın Amerikalı Dostları Cəmiyyəti” öz ətrafında əsasən Amerika Birləşmiş Ştatlarının vətandaşlarını birləşdirir. Cəmiyyət Azərbaycan Respublikası haqqında əsil həqiqəti söyləmək, erməni millətçilərinin respublikamızda törətdikləri vəhşilikləri, Azərbaycan torpaqlarını işğal etməsi barədə bütün həqiqətləri amerikalılara çatdırmağı öz qarşısına məqsəd qoymuşdur.
Nevarq şəhərində fəaliyyət göstərən “Azərbaycan Cəmiyyəti”nin üzvləri sayca az olsa da, öz imkanları daxilində xeyli iş görürlər. Cəmiyyətin yaranmasında əsas məqsəd milli adət-ənənələri yaşatmaqdır. Cəmiyyətin nəzdində türk dili məktəbi təşkil edilmişdir. Məktədə təkcə azərbaycanlı uşaqları deyil, digər türk xalqları numayəndələri də oxuyurlar. Məktəb öz fəaliyyətində yalnız türk dilinin öyrənilməsini deyil, həmçinin digər xalqlarla mədəni əlaqələri möhkəmlətmək, milli ənənələri yaşatmaq və inkişaf etdirməyi də nəzərdə tutur. Cəmiyyətin şəhərdə öz məscidi və böyük torpaq sahələri vardır. Cəmiyyət bütün müsəlman xalqlarının yaratdıqları cəmiyyətlərdə də sıx əlaqə saxlamağa çalışır. Nevarq şəhərindəki bu cəmiyyət bütünlüklə ABŞ-da yaradılan ilk Azərbaycan mədəniyyət ocağıdır.
(Nyu-York)
“Vətən” Amerika Azərbaycan Mədəni Mərkəzi 1988-ci ilin sentyabrında Nyu-York şəhərində yaradılmışdır. Mərkəzin təsis yığıncağında 300 nəfər həmvətənimiz müxtəlif ölkələrin səfirliklərinin əməkdaşları şəhər bələdiyyə idarəsinin nümayəndələri iştirak etmişlər. Məşhur Azərbaycan neft sahibkarı Şəmsi Əsədullayevin qızı Züleyxa Əsədullayeva Veber bu mərkəzin məsul katibidir. Mərkəzin təsis olunmmasında əsas məqsəd Azərbaycanla sıx əlaqələr yaratmaq, milli tariximizi, mədəniyyətimizi, musiqimizi, ədəbiyatımızı amerikalılara tanıtmaqdır. “Vətən” Mərkəzin ilk sədri mərhum Rufa Əzizova Odyurdlu olmuşdur. BELORUS "QOBUSTAN" AZƏRBAYCAN MƏDƏNİYYƏT CƏMİYYƏTİ (Minsk)
Belorus torpağında yaşayan ən təşəbbüskar soydaşlarımız “Qobustan” adlı milli mədəniyyət mərkəzin yaradaraq, bu şərqi slavyan ölkəsində həm xeyriyyəçilik, həm də mədəniyyətimizin təbliği sahəsində geniş fəaliyyət göstərirlər. Cəmiyyətin sədri Elxan Kərimovdur. Müxtəlif peşə və sənət sahiblərini birləşdirən “Qobustan” cəmiyyəti bir neçə ildir ki, yaradılıbdır. Cəmiyyətin üzvləri 1990-cı ilin qanlı yanvar hadisələri, Xocalı faciəsi zamanı Minsk şəhərində piket düzəltmiş, Belorusun paytaxt sakinlərinə Azərbaycan torpağına edilən təcavüzün iç üzünü aşkarlayan fotoşəkillər və sənədli lentlər göstərmişlər. “Qobustan” cəmiyyəti Belorus Respublikasında Azərbaycanla bağlı keçirilən mədəni və ictimai tədbirlərdə həmişə yaxından iştirak edir, köməklik göstərir.
(Brüssel)
“Azərbaycan Kültür Evi”nin məqsədi Azərbaycan tarixini, mədəniyyətini, iqtisadiyyatını təbliğ etməkdən, iş adamlarının, alimlərin, elm, mədəniyyət və incəsənət xadimlərinin, jurnalistlərin Belçikaya qarşılıqlı səfərini təşkil etməkdən, Belçikaya gələn həmvətənlərimizə köməklik göstərməkdən ibarətdir. Cəmiyyətin sədri Bülənd Qurcam 1990- cı ilin faciəli yanvar günlərində Bakıda olmuş və həmin hadisələr haqqında foto şəkilləri bütün dünya qəzetlərinə çatdırmış və Fransa televiziyasında nümayiş etdirmişdir. Xüsusən həmin hadisələr barədə həqiqətin Belçika ictimaiyyətinə çatdırılmasında Cəmiyyət xeyli səmərəli iş aparmışdır. Azərbaycanı dünyaya tanıtdırmaq sahəsində Cəmiyyət səmərəli fəaliyyət göstərməkdədir.
“Turan” Mədəniyyət Mərkəzi 1992-ci ilin iyun ayından fəaliyyətə başlamışdır. Prezidenti Müseyib Novruzovdur. Qazaxıstanda 100 mindən çox soydaşlarımız yaşayır. Onların 30 mindən çoxu Alma-Ata şəhərində məskunlaşmışdır. Mərkəz öz fəaliyyətini əsasən soydaşlarımızın milli- mədəni dəyərlərimizin qorunub saxlanılmasına, Azərbaycan Respublikasının ictimai-siyasi və mədəni həyatı ilə əlaqələrin möhkəmlənməsinə yönəltmişdir. Xüsusən Azərbaycanın erməni təcavüzünə qarşı apardığı ağır müharibə şəraitində Mərkəzin yaxından iştirakı və rəhbərliyi ilə Qazaxıstanda yaşayan soydaşlarımız respublikaya maddi kömək göstərirlər. Alma-Ata, Çu və Cambul şəhərlərindən Qarabağa xeyli maddi yardım göndərilmişdir. “Turan” Mədəniyyət Mərkəzi öz əsas vəzifələrindən birini soydaşlarımızın öz ana dilini unutmamasına kömək etməkdə görür. Bu məqsədlə iki orta məktəbdə Azərbaycan şöbəsi açılmışdır. Qazaxstan pedaqoci İnstitutunda Qazax Azərbaycan şöbəsi yaradılmışdır. Mərkəz öz
əsas vəzifələrindən birini də xarici ölkələrdə yaranan azəbaycanlılarla əlaqə yaratmaq da görür.
“Natəvan” Azərbaycan Mədəniyyət Cəmiyyəti 1992-ci ilin mayın 19- da yaradılmışdır.Cəmiyyətin təsis konfransında onun nizamnəməsi qəbul olunmuşdur. Cəmiyyətin yaranması elan edilmişdir. Cəmiyyətin sədri Vəlixan Məmmədəliyevdir. Qazaxstanın Uralsk şəhərində Uralsk vilayətində 1700 nəfərə yaxın azərbaycanlı yaşayır. Cəmiyyətin məqsədi həmvətənlərimizi bir mərkəz ətrafında birləşdirmək və onun vasitəsilə qazaxları, rusları və başqa millətləri Azərbaycanın tarixi, incəsənəti, mədəniyyəti ilə tanış etmək, respublikamız haqqında bütün həqiqəti orada baş verən ictimai siyasi hadisələri mahiyyətini başa salmaqdır. Cəmiyyətin nəzdində Ağsaqqalar şurası yaradılmışdır. Cəmiyyətin Uralskda fəaliyyət göstərən digər xalqların milli mərkəzləri ilə sıx əlaqədə işləməyə çalışır.
“AZƏRBAYCANÇILAR”ASSOSİASİYASI (Bişkek)
Qırğızıstanın payxtaxtı Bişkek şəhərində yaradılmış və rəsmi qeydiyyatdan keçmiş “Azərbaycançılar”Assosiasiyası öz fəaliyyətinə 1992-ci ilin payızından başlamışdır. Qırğızıstanda 20 min azərbaycanlı yaşayır. Assosiasiyanın rəhbərliyinə daxil olan soydaşlarımız ölkənin ictimai-siyasi həyatında əhəmiyyətli rol oynayırlar. Assosiasiya Qırğızıstanda yaşayan azərbaycanlıların fəallığın artırılması, Azərbaycanla Qırğızıstan arasında iqtisadi və mədəni əlaqələrin genişlənməsi və möhkəmlənməsi sahəsində fəaliyyətini təkmilləşdirir.
“AZƏRİ”MƏDƏNİYYƏT MƏRKƏZİ (Bişkek)
“Azəri” Mədəni Mərkəzi 1992-ci ilin axırlarından fəaliyyətə başlamışdır. Mərkəzin sədri A.Xəlilovdur. Mərkəz öz əsas vəzifəsini Qırğızıstanda, xüsusən Bişkekdə yaşayan soydaşlarımıza kömək etməkdə, Azərbaycanın iqtisadi, ictimai-siyasi və mədəni həyatı barədə müntəzəm məlumat verməkdə, azərbaycan və qırğız xalqları arasında dostluq əlaqələrini və əməkdaşlığı möhkəmləndirməkdə görür.
DANİMARKA “DANİMARKA-AZƏRBAYCAN DOSTLUQ CƏMİYYƏTİ” (Kopenhagen)
Kopenhagen şəhərindəki “Danimarka-Azərbaycan Dostluq Cəmmiyyəti“ Danimarkada yaşayan azərbaycanlılar arasında geniş ictimai siyasi və mədəni tədbirlərin keçirilməsində səmərəli fəaliyyət göstərir. Bakıda 1990-cı il yanvar faciəsi ilə əlaqədar Kopenhagendə azərbaycanlıların etiraz mitinqlərinin, nümayişlərin və yürüşlərin təşkilində Cəmiyyətin üzvləri fəal iştirak etmişlər. Cəmiyyətin fəaliyyətində mədəni tədbirlər əsas yer tutur. Cəmiyyətin nəzdində yaradılmış “Dədə Qorqud” ansamblının üzvləri Azərbaycan musiqisinin, xalq yaradıcılığının təbliğində xüsusi fəallıq göstərir. Ansamblın üzvü aşıq Abbas Eloğlu öz geniş fəaliyyəti ilə nəinki Danimarkada, hətta digər Avropa ölkələrində yaşayan soydaşlarımız arasında da sazla-sözlə Azərbaycan musiqisini təbliğ edir. Abbas Eloğlu Azərbaycan Aşıqlar Birliyinə üzv qəbul edilmişdir. “Danimarka-Azərbaycan Dostluq Cəmiyyəti”nin ən fəal üzvlərindən olan Ağayi Kərim Cəmili bu yaxınlarda Bakıda qonaq olmuş, özü şəxsən 100 min ədəd birdəfəlik şpris gətirmiş, Kəlbəcər qaçqınları üçün 50 min manat pul köçürmüşdür. Cəmiyyət Kopenhagendə ana dili kursları açmışdır.
ESTONİYA “ESTONİYA-AZƏRBAYCAN CƏMİYYƏTİ” (Tallin)
“Estoniya-Azərbaycan Cəmiyyəti” Azərbaycandan xaricdə yaşayan həmvətənlərimizin yaratdıqları ilk cəmiyyətlərdən biridir. Cəmiyyət yarandığı ilk günlərdən Azərbaycan və Estoniya xalqlarının tarixi dostluq əlaqələrinin davamçısı kimi fəaliyyətə başlamışdır. Cəmiyyət Estoniya xarici ölkələrlə dostluq və mədəni əlaqələr cəmiyyətinin nəzdində yaranmışdır. Cəmiyyətə Ağsaqqallar şurası rəhbərlik edir. Cəmiyyətin sədri Fərhad Heydərli Tallində “Ocaq” Azərbaycan Mədəniyyət Cəmiyyətinin əsasını qoyanlardan biridir. Estoniya İncəsənət universitetinin ilk azərbaycanlı məzunudur. 1988-1992-ci illərdə siyasi xidmətlərinə görə Estoniya siyasi ensiklopediyasına düşən ilk azərbaycanlıdır. 1990-cı ildən Azərbaycan Xalq Cəbhəsinin rəsmi nümayəndəsi, 1992-ci ilin mayından isə Azərbaycan Respublikasının Estoniyada səlahiyyətli nümayəndəsidir. 1990-cı ilin noyabrında azərbaycanşünasların İstambulda keçirilən ümumdünya konqresində iştirak etmişdir. “Estoniya-Azərbaycan Cəmiyyəti” respublikamızda baş verən ictimai-siyasi hadisələrin mahiyyətini, demokratik proseslərin xüsusiyyətlərini istər Estoniyada yaşayan soydaşlarımız, istərsə də Estoniya ictimaiyyəti arasında geniş təbliğ etməyə çalışır, Cəmiyyətin üzvləri Estoniyada çıxan mətbuat səhifələrində, televiziya və radio vasitəsilə Azərbaycan haqqında informasiya blokadasının yarılmasına xüsusi diqqət yetirirlər. Xocalı faciəsinin baş verdiyi günlərdə Cəmiyyət yerli və xarici jurnalistlərin iştirakı ilə mətbuat konfransı keçirməyə nail olmuşdur. Konfransın gedişi böyük imkanlara malik olan, bütün Skandinaviya ölkələrinə translyasiya olunan Estoniya televiziyasında göstərilmişdir. Estoniya Respublikasının paytaxtında Türkiyənin yardımı ilə məscidin tikilməsi kimi xeyirxah işin görülməsində, Estoniya- Azərbaycan Cəmiyyəti" də geniş təşkilatçılıq fəaliyyəti göstərir. Tikiləcəg məscid milli ənənələrimizin qorunub saxlanmasında və soydaşlarımızın ünsiyyətində mühüm rol oynayaçaqdır. Cəmiyyət öz fəaliyyətində Azərbaycan və Estoniya arasında iqtisadi, siyasi və mədəni əlaqələrin
genişlənməsinə, xalqlarımızın arasında tarixi dostluğun möhkəmlənməsinə çalışır.
CƏMİYYƏTİ (Tallin)
“Ocaq” Azərbaycan Mədəniyyəti Cəmiyyəti keçmiş sovet respublikaları ərazisində azərbaycanlıların yaratdıqları ilk mədəni cəmiyyətlərdən biridir. Estoniyada 1200 nəfərdən çox azərbaycanlı yaşayır, onların əksəriyyəti respublikanın paytaxtı Tallin şəhərində məskunlaşmışdır. “Ocaq” Azərbaycan Mədəniyyəti Cəmiyyətinin təsis yığıncağı 1989-cu ilin yanvarında Tallin şəhərində keçirilmişdir. Cəmiyyət Estoniya Mədəniyyət Fondu nəzdində fəaliyyət göstərir və Milli-Mədəni Cəmiyyətlər Assosiasiyasına daxildir. Cəmiyyətə idarə heyəti rəhbərlik edir. Yarandığı ilk gündən Cəmiyyətə Niyazi Hacıyev sədrlik edir. Cəmiyyətin “Ocaq” adlı qəzeti 1989-cu ilin dekabrından ayda bir dəfə nəşr olunur. Qəzet Cəmiyyətin məqsədi, gördüyü işləri, onun fəaliyyətinin əsas istiqamətləri haqqında məlumat verir. Azərbaycan oxucuları qəzetin səhifələrində Cəmiyyətin fəaliyyəti, Estoniyada yaşayan soydaşlarımız, onların həyatı, eyni zamanda Estoniyanın ictimai-siyasi mühiti ilə tanış olurlar. “Ocaq” Azərbaycan Mədəniyyəti Cəmiyyəti ilk gündən Estoniyanın ictimai-siyasi həyatına fəal qoşulmuş, respublikada baş verən bütün mühüm hadisələrdə, Estoniyada gedən demokratikləşmə hərəkatında yaxından iştirak edir. Cəmiyyətin başlıca məqsədi Azərbaycan və Estoniya xalqları arasında mədəni, iqtisadi, sosial sahədə körpü yaratmaq, estonların və azərbaycanlıların bir-birini yaxından tanımasına, dostlaşmasına kömək etməkdir. Cəmiyyət Azərbaycan və Estoniya mədəni əlaqələrinin, dostluq münasibətlərinin qədimliyinə əsaslanaraq öz fəaliyyətini genişləndirir. Hələ keçən əsrin axırlarında Estoniyanın Tartu şəhərində azərbaycanlı tələbələrin Cəmiyyəti, əsrimizin əvvəllərində isə “Bakı Eston Cəmiyyəti” fəaliyyət göstərmşdir. “Ocaq” Cəmiyyəti bu tarixi ənənələri yeni şəraitdə inkişaf etdirməyə çalışır. Cəmiyyət Azərbaycanın milli bayramlarını Azərbaycan Demokratik Respublikasının yaranması gününü, Novruz bayramını Tallində yaşayan azərbaycanlılarla, estonlarla və digər xalqların nümayəndələri ilə birlikdə qeyd edir. Tallində Azərbaycan mədəniyyəti günlərin keçirilməsində, Azərbaycan kitablarının satışının təşkil olunmasında və bir sıra başqa tədbirlərin hazırlanıb keçirilməsində Cəmiyyət xeyli iş görmüşdür. Cəmiyyət Estoniyada yaşayan azərbaycanlılar üçün eston dilinin tədrisi kursu açmışdır. “Ocaq” Camiyyəti öz fəaliyyətində Azərbaycanda baş verən demokratik proseslər, erməni təcavüzkarlarının xalqımıza qarşı törətdikləri cinayətlər haqqında obyektiv məlumatları eston ictimaiyyəti arasında geniş yayır. Cəmiyyət istər Alma-Ata, Tbilisi, Bakı, istərsə də Riqa və Vilnüs faciələrinə və onları törədənlərə qarşı öz etiraz səsini ucaltmışdır. 1990-cı il Bakıda yanvar faciəsi ilə əlaqədar Cəmiyyət Estoniya Ali Sovetinin qarşısında böyük mitinq keçirmişdir. Mitinqdə nəinki Tallində yaşayan azərbaycanlılar, eyni zamanda estonlar və digər xalqların nümayəndələri də iştirak etmişlər. Ocaq Azərbaycan Mədəniyyəti Cəmiyyəti müstəqillik yoluna qədəm qoyan Azərbaycan və Estoniya respublikalarında demokratik proseslərin dərinləşməsi, xalqlarımızın arasında dostluğun və qarşılıqlı əlaqələrin daha da möhkəmlənməsi sahəsində öz fəaliyyətini durmadan genişləndirir.
İNGİLTƏRƏ “AZƏRBAYCAN DAYAQÇILARI CƏMİYYƏTİ” (London)
“Azərbaycan Dayaqçıları çəmiyyəti”nin əsas məqsədi Azərbaycanda baş verən hadisələr, demokratik proseslər, Ermənistanın Azərbaycana qarşı apardığı elan olunmamış müharibəsi haqqında həqiqəti dünya ictimaiyyətinə çatdırmaqdır. Mərkəzə Mustafa Rəsuli sədrlik edir. Azərbaycan Dayaqçılarının fəal iştirakı ilə "İndepedent" qəzeti Xocalı faciəsi, erməni təcavüzkarlarının torpağımızda törətdikləri vəhşiliklər haqqında bütöv bir səhifə həsr etmişdir. “Tayms” qəzeti bu haqda reportaj vermişdir. Mərkəzin yaxından köməyi ilə qəzet öz nömrələrinin birində respublikamızın həyatında mühüm hadisə olan prezident seçkilərinə həsr etdiyi məqaləni “Azərbaycan öz prezidentini seçir” adlandırmışdır. Londonda çıxan qəzetlər Mərkəzin təşəbbüsü və yaxından iştirakı ilə dərc olunan bir sıra məqalələrində Azərbaycan torpağında baş verən hadisələrin obyektiv mənzərəsini yaradır. Mərkəz Azərbaycan Respublikasına qarşı yönəldilmiş informasiya blokadasının yarılması sahəsində öz səmərəli fəaliyyətini davam etdirir. M.Rəsuli cəmiyyətin Azərbaycanla əlaqələrini möhkəmləndirmək məqsədilə respublikamızdakı müxtəlif mətbuat orqanları və ictimai təşkilatlarla sıx əlaqə yaradır, danışıqlar aparır. Bu baxımdan “AssA İradə”nin Londonda müxbir postu məhz “Azərbaycan Dayaqçıları cəmiyyəti”nin nəzdində açılmışdır.
Yüklə 0,62 Mb. Dostları ilə paylaş:
|