2.4. Əmək təlimi dərslərində sadə hərbi ləvazimatların
hazırlanması zamanı şagirdlərin digər fənn biliklərindən
istifadənin məzmunu və metodikası
Əmək təlimi proqramlarının və dərsliklərinin məzmunu da
şagirdlərə müəyyən hərbi biliklər verməyə və bu biliklərlə əlaqədar
bir sıra bacarıqları formalaşdırmağa şərait yaradır. Proqramda bağ
və kənd təsərrüfatı avadanlığı üçün dəstlər, uşaq belləri, ekker,
valcıqlar, oxlovlar, paltarasanlar, mebellərə və cihazlara lazım olan
başqa silindr formalı detallar (VI sinif), yiyə üçün dəstək, şahmat,
dama və suvenirlər, mebeli bəzəmək üçün ornamentli məmulatlar və
s. hazırlamaq üzrə şagirdlərə texniki-texnoloji məlumatların veril-
məsi və müvafiq bacarıqların aşılanması da nəzərdə tutulur. Bütün
bunlar kütləvi xarakter almış hərbi idman oyunlarında (“Qartal bala-
sı”, “Üfüqdə parıltı” və s.) istifadə olunan bəzi silah maketlərinin və
ləvazimatlarının məktəblilərin özləri tərəfindən hazırlanmasına və
lazımi bacarıq və vərdişlərin formalaşdırılmasına geniş imkan verir.
Maketlərini hazırlamaq mümkün olan silahlar isə karabin, avtomat,
təlim qumbaraları və Kalaşnikov əl pulemyotlarıdır. Əmək təlimi
dərslərində silahlardan əlavə xəbərdaredici bayraqcıqlar, burğular,
nişan ağacı (paya), istiqamət göstəriciləri, bölmənin bayrağı, qola
bağlanan sarğılar və başqa fərqləndirmə nişanlarını da şagirdlərin
özlərinə hazırlatmaq mümkündür. Pirotexniki vasitələrin (texniki
kimyanın, yanar və partlayıcı maddələrin), soyuq və odlu silahların
hazırlanması isə qadağandır.
Yuxarıda adlarını çəkdiyimiz odlu əl silahlarının maketlərinin
düzəldilməsinə xüsusi diqqət yetirilməlidir. Bu maketlər formaca
Ordumuzdakı odlu əl silahlarını xatırlatmalıdır. Təəssüf ki, bu vacib
şərt praktikada gənclərin çağırışaqədərki hazırlığı (ibtidai hərbi
hazırlıq) fənninin tədrisi və hərbi-idman oyunlarının keçirilməsi za-
manı müntəzəm şəkildə pozulur. Məktəblilərin əlində tez-tez uzaq
keçmişə aid və yaxud, artıq Ordumuzda istifadə edilməyən silahla-
rın maketlərini görmək olur. Tarixilik baxımından bunlar müəyyən
124
əhəmiyyət daşısa da, müasir silahlarla tanışlıq, onları bir-birindən
fərqləndirmək cəhətdən lazımi səmərə vermir, sonrakı mərhələlərdə
isə silahların xarici formasının, quruluşunun və işləmə prinsipinin
şagirdlər tərəfindən yaxşı başa düşülməsinə imkan vermir. Odur ki,
müasir odlu əl silahlarının – Karabinin, Kalaşnikov avtomatının və
əl pulemyotunun maketlərinin düzgün və mümkün qədər dəqiq
ölçülərlə hazırlamağı şagirdlərə öyrətmək məsləhətdir. 4-cü şəkildə
maketlərin sxematik quruluşu və ölçüləri öz əksini tapmışdır.
Bu maketlərin hazırlanmasını əmək təliminin təşkili forması-
na görə ən çox yayılan kombinə edilmiş dərslərdə həyata keçirmək
daha məqsədəuyğundur. Çünki belə dərslərdə şagirdlər müxtəlif
fəaliyyət növləri (dinləmə, müşahidə, praktik işin icrası və s.) şərai-
tində az yorulur. Nəticədə, həm əmək təlimi üzrə tədris materialları-
nı, həm də gənclərin çağırışaqədərki hazırlığı (ibtidai hərbi hazırlıq)
sahəsində bir çox bilikləri daha şüurlu və asan qavrayırlar. Silahla-
Şəkil 4.
125
rın maketləri tədris emalatxanasında məktəblilərin özləri tərəfindən
hazırlanarsa, bu, onların həm təliminə, həm hərbi-vətənpərvərlik
tərbiyəsinə müsbət təsir göstərər, özlərini hərbi-konstruktor, usta,
xarrat yerində görərlər.
Müəllim maketlərin hazırlaması işinə əvvəlcə silahların şəkli-
ni və sxematik quruluşunu əks etdirən plakatı (məktəbin hərbi kabi-
netində belə plakatlar var) göstərməklə başlaya bilər. Sonra o, bil-
dirir ki, onlar şəkildə Ordumuzda geniş istifadə olunan Kalaşnikov
avtomatını görürlər. Şagirdlər öyrənirlər ki, avtomat sadə quruluşu,
lakin yüksək döyüş keyfiyyətinə malik silahdır. Avtomat silahlar
fərdi silah növüdür və düşmənin canlı qüvvəsini sıradan çıxarmaq
üçündür. Avtomatlardan atəş uzun növbəli (fasiləsiz) və tək-tək açı-
la bilər. Atılan güllə 1500 metrlik məsafədə düşmən əsgərini öldür-
məyə qadirdir. Sonra müəllim Kalaşnikov avtomatının maketini ha-
zırlamaq üzrə məktəblilərlə iş aparır. O, plakatı şagirdlərə gös-
tərərək avtomatın çertyojdakı ölçülərinin izahına başlayır. Şagirdlər
bu ölçülərə uyğun şəkildə əvvəlcə karton kağız üzərində silahın
çertiyojunu çəkməli, sonra kartonu kəsərək avtomatın maketini al-
malıdırlar. Onlar karton maketi taxta parçasının üzərinə qoyub onun
kənar sərhədlərini karandaşla xətləyirlər. Daha sonra müxtəlif öl-
çülü mişarlardan istifadə edərək həmin xətt boyu taxtanı kəsirlər.
Kalaşnikov əl pulemyotunun və karabinin çertyojda verilən
ölçülərinə əsasən maketinin hazırlanması prosesi də analoji qaydada
aparıla bilər.
Əmək təlimi dərslərində hazırlanması mümkün olan hərbi lə-
vazimatlardan biri də pambıq-tənzif sarğılardır. İşə başlamazdan
əvvəl şagirdlər aşağıdakı məlumatı alırlar: Müharibə şəraitində əhali
radioaktiv və digər zəhərləyici maddələrin, bakterioloji vasitələrin
təsirinə məruz qala bilər. Radioaktiv zəhərlənmə yerüstü nüvə part-
layışı nəticəsində yaranır. Bu zaman radioaktiv zərrəciklər buxar və
tüstü halında yuxarı qalxır, bir neçə saniyədən sonra radioaktiv
bulud şəklini alır. Hava axını vasitəsilə buludun tərkibində olan
radioaktiv maddələr yüzlərlə kilometr uzağa gedə bilir və keçdiyi
əraziləri zəhərləyir. Radioaktiv zəhərlənməyə məruz qalmış ərazi
126
formaca həndəsi fiqur olan ellipsə bənzəyir. Zəhərlənmənin dərəcəsi
partlayışın növündən, gücündən, partlayış mərkəzinə qədər olan
məsafədən (ellipsin radiusundan və uzununa diametrindən), partla-
yışdan sonra keçən vaxtdan, metereoloji şəraitdən və ərazinin relye-
findən çox asılıdır. Radioaktiv zəhərlənmə geniş sahəni əhatə edir,
uzun müddət təsir göstərir, çətin aşkar olunur. Radioaktiv maddələ-
rin rəngi, iyi və s. əlamətləri olmadığından onu ancaq xüsusi doza-
ölçən (dozimetrik) cihazlarla aşkar etmək mümkündür. Bunlardan
qorunmaq üçün radioaktiv maddələrin dəri səthinə, gözlərin selikli
qişalarına düşməsinin qarşısını almaq lazımdır. Ona görə də bu
təsirlərdən müdafiə vasitələrini bilmək və onlardan istifadə etməyi
bacarmaq lazımdır. Belə müdafiə vasitələri əsasən dövlət tərəfindən
hazırlanmış xüsusi geyimlərdir (əleyhqaz, respirator və s.). Lakin
bunlardan başqa əl ilə hazırlana bilən sadə müdafiə vasitələri də
vardır. Bunlardan biri də pambıq-tənzif sarğılarıdır. Bu sarğıları
hazırlamaq çox sadədir. Bunun üçün 100×50 sm ölçüdə tənzif
(marla) götürmək lazımdır. Onun ortasına qalınlığı 1-2 sm olan
pambıq qatı qoymaq, tənzifin kənarlarını içəriyə doğru qatlamaq,
sonra tənzifin hər iki uclarından 30-35 sm uzunluğunda kəsmək
lazımdır. Sarğı ağızı, burunu, çənəni və çənəaltını örtməlidir. Gözlər
isə tozəleyhinə düzəldilən eynəklərlə qorunur. Bu məlumatın
sonunda aşağıdakı çertyojun şagirdlərə izah edilməsi məsləhətdir:
Şəkil 5
.
Çertyojdakı ölçülərə uyğun olaraq hər bir mərhələni əyani
göstərməklə müəllimin özü üçün bir pambıq-tənzif sarğı hazırlan-
ması məsləhət görülür. Sarğı hazır olduqdan sonra onun geyilmə
30-35sm
30-35sm
30sm
20s
m
127
qaydasını aydınlaşdırmaq və öz əyninə geyinərək əyani şəkildə gös-
tərmək lazımdır. Bunu şagirdlərin də mərhələ-mərhələ təkrar etməsi
məqsədəuyğundur. Nəzəri məlumatların praktik göstərmə ilə belə
üzvi əlaqələndirilməsi (maşayət edilməsi) təlim prosesinin, xüsusən
əmək təliminin optimallaşdırılmasında xüsusi əhəmiyyət daşıyır və
səmərəli nəticələr verir.
Tozəleyhinə parça maskalar (PTM-1) da analoji qaydada ha-
zırlana bilər. Bu vasitələrin hazırlanmasına isə müəllimin belə bir
izahatla başlaması tövsiyə edilir:
Müasir döyüşlər baş verərsə, əhali, o cümlədən, şagirdlər nüvə
partlayışı buludundakı radioaktiv və zəhərləyici təsirlərlə bərabər,
kimyəvi və bakterioloji hücumlara da məruz qala bilər. Bu zaman
başlıca vəzifələrdən biri də tənəffüs üzvlərinin qorunmasıdır. Gələ-
cəkdə (XI sinifdə) gənclərin çağırışaqədərki hazırlığı (ibtidai hərbi
hazırlıq) kursundan öyrənəcəksiniz ki, tənəffüs üzvlərini qorumaq
üçün əsasən əleyhqazlardan və respiratorlardan istifadə edilir.
Bəzən lazımi anda əleyhqaz olmur, çatışmır və ya xarab olur.
Onda tənəffüs üzvlərini qorumaq üçün əl ilə hazırlanan sadə
vasitələr köməyə gəlir. Belə sadə vasitələrdən biri parçadan tikilmiş
toz maskasıdır. Parçadan tikilmiş ən sadə toz maskası PTM-1
markalı maskadır. Yerə yaxın hava qatında və torpağın üzərində ra-
dioaktiv toz olduqda həmin ərazidən bu maskanı geyərək qorxusuz
keçmək mümkündür. Həmçinin bu
maskanı geyinərək xəndəklərdə və
zirzəmilərdə gizlənmək olar.
Maska iki hissədən-gövdə
(üzlük) və bənddən ibarətdir (6-cı
şəkil). Maskanın gövdəsi iki bəra-
bər yerə bölünür: sol və sağ hissə-
lər. Bu hissələrin hər biri dörd və
beşqat parçadan hazırlanır. Bu
qatların biri üstdə, ikisi və ya üçü
içəridə, biri də altda olur. Nəfəs
alan zaman maskadan keçən hava
Şəkil 6.
1-Gövdə
2-Bəndlər
2
1
128
maskanın bütün səthi tərəfindən süzülüb radioaktiv tozdan təmizlə-
nir. Maskanın gövdəsində göz üçün iki deşik vardır. Bu deşiklərə
şüşə və ya şəffaf plastik maddə taxılır. Maskanın gövdəsinin yan-
larına köbə vurulur.
Başa bərkitmək üçün maskada zolaqlar olmalıdır. Bu zolağın
qısa tərəfləri (ucları) maskanın gövdəsinin yanlarına tikilir. Bəndin
yuxarı və aşağı kənarları qatlanıb tikilməlidir. Yuxarıdakı tərəfin
tikişinə rezin, aşağıdakı tərəfin tikişinə isə iki bağ bərkidilir. Bağla-
rın ucları bəndin aşağı kənarındakı büküyün kəsiyinə keçirilir. Re-
zinlərin və bağların ucları maskanın gövdəsinin yuxarısındakı (gic-
gahüstü) künclərinə tikilir.
Sonra müəllim maskaların ölçüləri üzərində dayanır. Göstərir
ki, hərə özünə hansı ölçüdə maska tikmək lazım olduğunu bilməli
və bunun üçün üzünün hündürlüyünü ölçməlidir. Üzün hündürlüyü
iki qaşın ortasından alt çənənin ən aşağıdakı nöqtəsinə qədər olan
məsafə qəbul olunur. Bunu ölçmək üçün ştanker-pərgardan və ya
millimetrlərlə bölünmüş adi şagird xətkeşindən istifadə edilir. Aşa-
ğıdakı cədvəldə üzün hündürlüyü və buna müvafiq toz maskasının
ölçüsü göstərilir:
Üzün hündürlüyü
Maskanın ölçüsü
99 mm-dən 109 mm-ə qədər
birinci
109 mm-dən 119 mm-ə qədər
ikinci
119 mm-dən 129 mm-ə qədər
üçüncü
129 mm-dən yuxarı
dördüncü
Maskanı yalnız təzə parçadan deyil, habelə nimdaş şeylərdən
də (döşəkağı, üst paltarın astarı və s.) tikmək olar. Bu məqsədlə ağ
və ya sərt parçalar da götürmək məsləhətdir. Maskanın ölçüsünü
müəyyən etdikdən sonra ülgü aşağıdakı qaydada çıxarılır: Ülgünün
ölçüləri (sm-lərlə) göstərilir:
Maskanın ölçüsü
a-b kəsiyi (sm)
c-d kəsiyi (sm)
e-f kəsiyi (sm)
1-ci
11,0
13,5
21
2-ci
11,5
14,5
23
129
3-cü
12,0
15,5
25
4-cü
12,5
16,5
27
Sonra müəllimin təbii böyüklükdə çertyoş çəkməsi, çertyoj üz-
rə ülgü çıxarması və sonra parçanı ülgüyə görə biçməsi məsləhətdir.
Maska tikmək üçün götürülmüş parçanı əriş sapları (və ya parçanın
naxışı) istiqamətində ortadan qatlamaq lazımdır. Bundan başqa mas-
kanın kənarlarını bəxyələmək üçün parça zolaqlar, sonra 2 sm enində
lentdən 40-50 sm uzunluğunda bir cüt bağ kəsilməlidir.
Yuxarıdakı rezinin eni 0,8-1,5sm, uzunluğu isə maskanın öl-
çüsündən asılı olur. Belə ki, birinçi ölçüdə maska üçün 19sm uzun-
luğunda, ikinci ölçüdə 20sm, üçüncü ölçüdə 21sm və dördüncü
ölçüdə 22sm uzunluğunda rezin lazımdır. Köndələn bağlanan rezini
(40sm uzunluğunda) 1,5-2sm enində adi rezindən də tikmək olar.
Maskanın bütün detalları hazırlandıqdan sonra onun tikilişinə
başlanılır. Maskanı adi tikiş maşını ilə tikdikdə tikişlərin sıxlığı 1 sm-
də 4-5 ilmək, əl ilə tikdikdə isə
1sm-də 3-4 ilmək olmalıdır. Tikiş-
lər düz bir qaydada və düyünsüz,
üstdəki və altdakı saplar bir bəra-
bərdə dartılmış olmalıdır. Hər tiki-
şin axırını yaxşı bərkitmək lazım-
dır.
Maskanın hissələri aşağıda-
kı ardıçıllıqla hazırlanır: Əvvəlcə
göz deşiklərinin yanlarını basdır-
maq və deşiyin ölçüsünü 4×8 sm
saxlamaq məsləhətdir (8-çi şəkil).
Bundan sonra, maskanın yu-
xarı hissəsinin sağ və sol tayları
hazırlanılır: bunun üçün yarım
hissələri üst qatı içəriyə qoymaqla
(üz-üzə) qatlamaq lazımdır. Bu zaman göz deşikləri və maskanın
sağ və sol taylarının qıraqları bir-birinin üzərinə düşməlidir. Tikiş
yuxarıdan aşağıya doğru 1sm enində aparılır. Əvvəlcə üç yarım his-
Şəkil 7.
a
c
e
b
d
f
130
sə: iki üst qat və bir (sağ) iç qat basdırılır; iç qatın ikinci yarım his-
səsinin (sol) qıraqları qatlanıb tikilir.
Tikiş getdikdən sonra maskanın yuxarı hissəsinin sağ və sol
taylarını yanlara açmaq, tikişi sol tayda qoyub, onun yanından 0,1-
0,2sm aralı üstdən bir tikiş də getmək lazımdır. Bu zaman içəridəki
(sol) qatın kənarını maskanın sağ hissəsi tərəfə qatlayıb üstdən gedi-
lən tikişlə birlikdə basdırmaq gərəkdir.
Maskanın aşağı hissəsinin sol və sağ tayları da, onun yuxarı
hissəsinin tayları kimi birləşdirilir. Sonra yuxarı və aşağı hissələr
bir-birinə tikilir. Bunun üçün onları iç qatları bir-birinin üzərinə
düşməklə qatlayırlar və hər iki hissəni iki tərəfli tikirlər. Tikiş göz
deşiklərinin yanlarından 8-ci şəkildəki kimi 1sm aralı olmalıdır.
Bundan sonra şüşələri salmaq olar:
Maskanın yanlarına parçadan göbə vurulmalıdır. Göbənin
avand üzünü maskanın altındakı qatına qoymaq və gövdənin qı-
raqlarını maskanın iç tərəfindən 0,5-1sm aralı bir tikişlə basdırmaq
lazımdır. Göbənin eni avand üzündə təxminən 1sm olmalıdır. Bu de-
yilənlər nəzərə alınaraq, köndələn bağlanan rezinin və maskanın
bəndinin basdırılması hazır formada (9-cu şəkildə) göstərilir. Maska
hazır olduqda artıq sapları qırmaq, tikiş yerlərini çəkib düzəltmək və
onu yaxşı-yaxşı yoxlamaq məsləhətdir. Düzgün tikilmiş maskanın
Şəkil 8.
Şəkil 9.
×
×
Sol pay
Sağ pay
0,1-0,2sm
131
yanları azı 2-3 sm enində alnı, gicgahları, almacıq sümüklərini və
çənəni kip tutmalıdır, göz deşikləri isə gözlərin qabağına düşməlidir.
Maska hazır olanda müəllim ondan istifadə qaydalarını qısaca
belə izah edir: maskanı geyinmək üçün papağı çıxarmalı, iki əli ilə
bəndin aşağı tərəfindən elə tutmalı ki, baş barmaqlar içəri baxsın.
Sonra maskanın aşağı hissəsini çənəyə sıxıb, bəndi başa keçirməli
və maskanı üzə çəkməli.
Maskanı üzə bərk sıxıb başa keçirilmiş bəndi ovucun içi ilə
düzəltmək, köndələn tikilən rezini dartmaq və arxada gedən bağları
dartıb bant şəklində bağlamaq lazımdır. Müəllim bu izahatla kifa-
yətlənməyib özü həmin geyim mərhələlərini icra edir və maskanı
geyinir.
Əmək təlimi dərslərində
dərini mühafizə etmək üçün
digər sadə vasitələr də hazırla-
maq mümkündür. Həmin vasi-
tələr dərini radioaktiv, kimyəvi
və bakterioloji (bioloji) zərbə-
lərdən qoruyur. Bunlardan biri
də əmək təlimi dərslərində şa-
girdlərin özü tərəfindən biçilib
və tikilməsi mümkün olan
sinəbənd (10-cu şəkil)
və başlıqdır.
Onlar qalın materialdan
(plaş materialından, brezentdən
və s.) hazırlanır. Müəllim sinəbənd hazırlamaq üçün lazım olan ülgü
ilə şagirdləri tanış edir. Göstərir ki, ölçülər millimetrlərlə verilmiş-
dir. Bu vasitələr tənəffüs üzvlərinin qorunması üçün lazım olan va-
sitələr kimi hazırlandığından, burda sinəbənd və başlığın hazırlan-
ması metodikasını geniş şərh etmirik.
Əmək təlimi dərslərində yalnız insanları deyil, həm də kənd ra-
yonları ərazisində ev heyvanlarını radioaktiv, kimyəvi və bakterioloji
tozlardan mühafizə etmək üçün sadə mühafizə vasitələrini hazırlamaq
2
Şəkil 10
.
250
450
800
132
mümkündür (11-ci şəkil). Həmin vasitələr müdafiə maskası, müdafiə
çulu (heyvanı bürümək üçün bürünçək), müdafiə corablarıdır.
Heyvanlar üçün mühafizə vasitələri, armatur daxil edilməklə,
möhkəmliyi artırılmış kağızdan, brezentdən, kişdən (kisəlik parça-
dan) və s. hazırlanır. Şagirdlər öyrənirlər ki, heyvanlar zəhərli otları
yeməsin, suyu içməsin, zəhərli hava ilə nəfəs almasın deyə onlar
üçün belə müdafiə maskaları tikilir. Sonra müəllim növbəti çertyoju
nümayiş etdirərək deyir:”Uşaqlar, burada həm müdafiə maskasının
ümumi görünüşünü, həm də onun ayrı-ayrı hissələrinin açılışını
görürsünüz. Maskanın açılışında onun hər bir hissəsinin ölçüləri də
göstərilir. Bu ölçülər sm-lərlə verilmişdir”.
Sonra müəllim həmin çertyoja əsasən, əvvəlcə bütün hissələri
düzəltdirə bilər. Hissələr hazır olduqda onların ölçüləri bir daha
yoxlanılır, hissələr bir-birinə birləşdirilir (tikilir). Kənd məktəbləri
şəraitində dərsdən sonra maska bir inəyə geyindirilməklə yoxlanılır.
Əmək təlimi dərslərində riyazi ölçmə işlərinin tətbiq edilməsi
ilə sadə mühafizə vasitələrinin bu şəkildə hazırlanması təlim
prosesinin keyfiyyətinin yüksəldilməsinə bir neçə istiqamətdə müs-
Şəkil 11
.
25
Dairəvi sarğı
180
8
Gövdə üçün
3 ədəd
70
80
25
5
7
2
Peysər sarğısı-2əd.
133
bət təsir göstərir. Yəni əmək təlimi dərslərində onun öz məzmunun-
dan əlavə hərbi bilik və bacarıqlar da aşılanır; şagirdlər müəyyən
dərəcədə X-XI siniflərdə gənclərin çağırışaqədərki hazırlığı (ibtidai
hərbi hazırlıq) fənnini daha yaxşı mənimsəməyə, həmçinin Azər-
baycan Silahlı Qüvvələrində hərbi xidmətə hazırlanır; həyatı pro-
seslərdə riyaziyyatın və rəsmxətin tətbiq dairəsi ilə bağlı şagirdlərin
bilik və bacarıqları genişlənir; hərbi konstruksiya sahəsində ilk
addımlar atılır; hər dörd fənnin (əmək təlimi, ibtidai hərbi hazırlıq,
riyaziyyat və rəsmxətt) üzvü əlaqəsi dərk olunub praktik surətdə
tətbiq edilir.
* * *
II fəsildə şərh edilən faktlardan görünür ki, gənclərin çağırışa-
qədərki hazırlığı (ibtidai hərbi hazırlıq) kursunun tədrisinə qədər
digər ümumtəhsil fənlərinin öyrədilməsində şagirdləri psixoloji
cəhətdən hərbi-texniki biliklərin müntəzəm mənimsənilməsinə ha-
zırlamaq üçün münasib imkanlar var. Bu imkanların nədən ibarət
olduğunu bütün ümumtəhsil fənlərindən dərs deyən müəllimlər bil-
məli və onları reallaşdırmağa çalışmalıdırlar.
Belə imkanlar V-IX siniflərin riyaziyyat dərsliklərindəki ça-
lışmalarla əlaqədar hərbi texnikanın şəkillərini (xarici görünüşünü)
nümayiş etdirməkdə, hərbi topoqrafiya elementlərinin aydınlaşdırıl-
masında, Azərbaycan Ordusuna rəğbət və məhəbbət hissinin forma-
laşdırılmasında, güllə atıcılığında, döyüş şöhrəti yerləri haqqında
məlumat verilməsində, hərbi-idman oyunlarının xatırlanmasında,
hərbi təyyarələrin manevrlərinin öyrənilməsində, paraşüt sistemin-
dən istifadədə, obyektin hündürlüyünün müəyyənləşdirilməsində və
s.-də mövcuddur.
Apardığımız araşdırmalardan o da aydın olmuşdur ki, VI-IX
siniflərin fizika, riyaziyyat, kimya, coğrafiya, əmək təlimi və s. üzrə
tədris proqramları və dərslikləri də gənclərin çağırışaqədərki
hazırlığı (ibtidai hərbi hazırlıq) kursunun elmi əsaslarda öyrədil-
məsinə xidmət edə bilər. Bu məqsədlə Kalaşnikov avtomatının şəkli
nümayiş etdirilir, quruluşu (maddi hissələri) haqqında müvafiq
134
məlumat verilir, güllənin hərəkəti ilə əlaqədar məsələlər həll olunur,
bu zaman yerin cazibə qüvvəsi də nəzərə alınır, reaktiv hərəkətli
qırıcı təyyarələrin uçuşu ilə bağlı müxtəlif çalışmalar yerinə yetiri-
lir, mülki təyyarələrin uçuşunun fiziki parametrlərinə dair məsələlər
həll edilir, müasir tankların texniki əlamətlərinə dair məlumatlar
verilir, kompasın yerin maqnit sahəsi əsasında işlədiyi öyrədilir,
artilleriya ilə əlaqədar müxtəlif məzmunlu məsələlər həll edilir,
raketlərin quruluşu, reaktiv mühərriklər, bu mühərriklərdə enerjinin
çevrilməsi, paketlərin hərəkət sürətləri və s.-lə bağlı çalışmalar
üzərində iş aparılır, təyyarədən tullanan paraşütçünün hərəkəti üzrə
misallar həll edilir və s.
Bu cür imkanlar coğrafiyanın tədrisində də var. Geniş şəkildə
təhlil etdiyimiz faktlar belə bir nəticə çıxartmağa əsas verir ki, orta
ümumtəhsil məktəbinin coğrafiya fənni, xüsusən də fiziki coğrafiya
ilkin hərbi biliklərə yiyələnməkdə şagirdlərin xeyli karına gəlir.
Xəritələrin əhəmiyyətini, onların məzmununu, kartoqrafik proyeksi-
yaları, topoqrafik xəritələri, bu cür xəritələrdə relyefin təsviri və
oxunuşunu, kiçik miqyaslı xəritələrdə relyefi, xəritə üzrə azi-
mutların və direksiya bucaqlarının müəyyənləşdirilməsini öyrənən
şagirdlər gənclərin çağırışaqədərki hazırlığı (ibtidai hərbi hazırlıq)
kursunun əsaslı şəkildə mənimsənilməsinə nail olmaq üçün, bu kurs
üzrə, xüsusən hərbi topoqrafiya bölməsinin məzmununa yaxından
bələd olmaq üçün münasib imkan qazanmış olurlar.
Özünəxidmət məqsədi üçün lapatkalar, valcıqlar, oxlovlar,
paltarasanlar, yiyə üçün dəstlər, şahmat və dama və s. hazırlayan
şagirdləri əmək təlimi məşğələlərində odlu əl silahlarının maket-
lərini düzəltmək üzərində də işlətmək olur. Həmin məşğələlərdə
pambıq-tənzif sarğılar, toz əleyhinə parçadan maskalar, dərini
radioaktiv, kimyəvi və bakterioloji təsirlərdən mühafizə etmək üçün
sadə vasitələrin (həmçinin digər zəruri vasitələrin) şagirdlər tərə-
findən düzəldilməsi də onların gənclərin çağırışaqədərki hazırlığın-
da (ibtidai hərbi hazırlıqda) müvəffəqiyyət qazanmaları üçün vacib
şərtlərdən biri hesab edilir.
|