Faiq Abdullayev. Zəngəzur aslanı – Aslan bəy Sultanov
306
tutmuş komissarların xarakteri necəydi? İsmayıl müəllim belə
cavab verdi: Onların hamısı kitablarda təsvir olunan kimi de-
yildilər. Məsələn, yollar və rabitə komissarı Çingiz İldırım
M.Qorkinin təbirincə deyildiyi kimi şimşək, od, alov deyildi.
Tez-tez yığıncaqlarda Çingiz İldırım müxtəlif vədlər verər,
lakin bunlara əməl etməzdi. Mənim də iştirak etdiyim iclasla-
rın birində o yenə də vədbazlığını davam etdirdi. İclas zalın-
dan çölə çıxarkən biz hamımız onun xidməti avtomobilinin
arxasında içində süpürgə olan bir vedrənin bağlandığını gör-
dük. O xeyli əsəbiləşib bildirdi ki, məni təhqir edəni tapa-
cam. İ.Şəfiyev onu sakitləşdirərək bildirir ki, sən onu tapa
bilməzsən, çünki günahkar özünsən. Nə qədər yalançı vədlər
vermək olar? Bu vedrəni bağlayan sənin yalançı vədlərindən
təngə gələn sadə insanlardır.
Tarix boyu yalan vədlər vermiş hətta şahların belə atla-
rının quyruğuna süpürgə ilə vedrə bağlayırdılar ki, bir də ya-
landan vəd verməsin, camaatı aldatmasn.
****
Gorusun Qurdqalaq kəndində yaşamış, (vaxtilə Aslan bə-
yin milis işçilərindən biri olub) xalq arasında Geroy Əli ləqə-
bi ilə tanınan ağsaqqallardan birinin söhbətlərinə görə Qafa-
nın Zeyvə kəndində Şamxal adlı bir gənci erməni daşnakları
qətlə yetirmişdilər. Onun qohumları bu xəbəri Aslan bəyə
çatdırırlar. Aslan bəy də öz növbəsində bu vəhşiliyə cavab
olaraq həmin kənddə bu hadisəni törədənlərdən Şamxalın
qisasını alır, daşnak dəstəsinin üzvlərindən, qətlin iştirakçıla-
rından 38 nəfərinin başını kəsdirərək onlara dağ çəkib, gü-
nahsız bir gəncin qanını alıb.
Gorusun Qurdqalaq kəndində anadan olmuş Rafiq Abdul-
layevin atası rəhmətlik Balaca Abdullayevdən eşitdiyi xatirə-
lər də maraq doğurur. Rafiq müəllim deyir ki, atam Aslan bə-
yin mahir atıcılığı ilə bağlı bir çox maraqlı əhvalatları həmişə
ürək dolusu ilə nəql edərdi.
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
307
307
Aliminiumdan olan qabı bir nəfər var gücü ilə havaya atar,
qab yerə düşənə qədər Aslan bəy deyirmiş ki, o yerə ça-
tana qədər onu neçə dəfə güllə ilə deşəcək. Qab yerə düşəndə
Aslan bəyin verdiyi proqnoz tamamilə düz çıxarmış. Insanlar
heyrətdən donub qalarmışlar.
Başqa bir söhbətində kişi deyərmiş ki, toyuq yumurtalarını
yolun sağından-solundan müxəlif məsafələrdə düzərmişlər,
Aslan bəy də atın belində sürətlə çaparaq gələr, düzülmüş yu-
murtaların hamısını güllə ilə vurarmış.
Bir dəfə Aslan bəy meşədə ağacın dibində namaz qılar-
kən onun düşmənlərindən biri bəyin namaz qıldığını görüb
onu öldürmək fikrinə düşüb. Həmin adam onu öldürmək istə-
yərkən canına bir qorxu xofu dolub, düşünüb ki, birdən güllə
açılmaz, ya da çaxmağı çəkərkən onun çıqqıltısını eşidə bilən
Aslan bəy onu cəld bir hərəkətlə vurub öldürə bilər. Bu hadi-
səni sonralar həmin adamın özü etiraf edirmiş...
****
Rafiq müəllim atasından eşitdikləri xatirələrə istinad edə-
rək maraqlı bir hadisə danışdı. Andronik dəstəsi ilə Türkiyə
ərazisindən keçib Zəngəzur kəndlərini talan edib, yandırıb,
camaata divan tutub, kəndləri viran edərək Gorusa qədər gə-
lib çıxmışdı. Ancaq o hiss etmişdi ki, Gorusdan Xankındinə
keçmək üçün onun qarşısında Aslan bəy kimi keçilməz bir
qala var. Ona görə Aslan bəylə görüşmək üçün onun yanına
elçilərini göndərir. Aslan bəy onunla görüşə razılıq verir, gö-
rüşə kiçik bir dəstə ilə gedir, görüş zamanı Andronk ondan
Xankəndinə gedərkən yolunun kəsilməməsini xahiş edir, onun
təhlükəsizliyinə təminat alır, əvəzində vəd edir ki, bun-
dan sonra Zəngəzurun ərazisində bir müsəlmana da güllə
atılmayacaq. Daşnak psixologiyasını dərindən bilən Aslan bəy
kimi bir sərkərdə düşməni öz metodu ilə məhv etmək
prinsipinə sadiq qalaraq Andronikin şərtləri ilə razılaşdığını
bildirir. Amma qeyd edir ki, camaatın şübhələnməməsi üçün
əvvəlcə silahları keçirsinlər, sonra da ordu keçsin. Aslan bə-
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
308
yin düşmənləri də yaxşı bilirdilər ki, o sözünə sadiq adamdır.
Andronik də Aslan bəyin şərti ilə razılaşır. Aslan bəy də dər-
hal öz adamlarından bir-neçəsini Sultan bəyin yanına göndə-
rir, ona hazır döyüş planını verir və tapşırır ki, bu plan əsa-
sında hərəkətə keçsinlər. Onun təlimatına görə Mığı dərəsi
Androniki “sürpriz qarşılama” üçün ən əlverişli yer idi. Daha
sonra Aslan bəy öz ordusu ilə planını həyata keçirmək üçün
hərəkətə keçir. Andronik ordusu öz əli ilə “bağışladığı” silah-
larla tələyə salınaraq məhv edilir. Coğrafi cəhətdən Mığı
dərəsi bir tərəfi sıldırım qayalar, digər tərəfi də sərt dağlarla
əhatələnmiş dərədir. Daşnaklar atın, ulağın belində silah
sursatı o tərəfə keçirdikdən sonra silahlar bizimkilərin əlinə
düşür, bundan xəbərsiz olan daşnaklar yollarına davam etdik-
də isə bir tərəfdən Aslan bəyin, digər tərəfdən də Sultan bəyin
silahlılarının gülləsinə tuş gəlirlər. Maraqlısı odur ki, daşnak-
ları məhv edən güllələr onların öz silahlarından atılırdı. O dö-
yüşdə Andonik özünə sadiq kiçik bir dəstə ilə geriyə- Gorusa
tərəf qaçıb canını qurtara bilirb. Bu hadisənin ən maraqllı və
diqqəti çəkən cəhəti odur ki, Aslan bəy cəsarətini itirmədən
Gorusun içində Androniklə görüşə gedib, daha sonra isə An-
droniki inandıra bilib ki, camaat inansın deyə əvvəlcə silah-
ları o tərəfə keçirmək lazımdır və Andronik də buna inanıb.
Andronik də Aslan bəyi inandırmağa çalışıb ki, camaata xəbər
verə bilər ki, bundan sonra daşnaklar Zəngəzurda mü-
səlman əhalisinə qarşı bir də zorakılıq etməyəcəklər. Aslan
bəy bu daşnak tülkülərinin hiylələrindən yaxşı xəbərdar idi və
bilirdi ki, əgər Andronik Xankəndinə, Qarabağa keçib Dro ilə
birləşərsə Qarabağda qan su yerinə axacaq. Ona görə də
Aslan bəy ilk baxışdan Andronikə inandığını göstərsə də An-
droniki silahları göndərməyə, sonra ordunu çəkib aparmağa
razı salır və qurduğu plan əsasında daşnaklara ağır zərbə
vurur. Bu döyüşdə Aslan bəyin dəstələrinə Kəlbəcərdən və
ətraf yerlərdən də sayseçmə igidlər köməyə gəliblər. Aslan
bəyin Andronik döyüşçülərini öz silahları ilə öldürməsi yerli
camaat arasında şərəfli bir tarix kimi hörmətlə xatırlanıb.
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
309
309
****
Rafiq müəllim atası Balaca Abdullayevdən eşitdiyi bir xa-
tirəni də həmişə sevgiylə danışmağı xoşlayardı. Atası Balaca
kişi deyərmiş ki, Aslan bəyin general Semyonovla dostluğu
bütün Zəngəzurda ağız-ağız gəzərdi. Bu dostluğun təməli As-
lan bəy Ersevənikdə Semyonovu və onun ordusunu daşnak
mühasirəsindən xilas etdikdən sonra qoyulmuşdu. Aslan bəy
həmin mühasirədə Semyonovu real ölümdən xilas etmişdi. Bu
hadisədən sonra Semyonovla Aslan bəyin arasında çox sıx
dostluq münasibətləri qurulmuşdu.
Günlərin birində Aslan bəylə Semyonov ova çıxırlar. Me-
şənin dərinliyində olarkən onlar ceyran mələməsinin səsini
eşidirlər. Aslan bəy Semyonovdan soruşur:
– O səsi eşidirsənmi?
Semyonov cavabında:
– Eşidirəm,- deyir.
Aslan bəyin silahı qaldırıb hazır saxladığını görən Semyo-
nov maraqla xəbər alır:
– Nəyə güllə atmağa hazırlaşırsan?
Aslan bəy sakitcə:
– Ceyranın səsi bir də eşidiləndə onu vuracağam. Mən
onun səsini müşahidə edirəm.
Semyonovu gülmək tutur:
– Bu mümkün deyil, heç meşənin dərinliyində görünməz
olan bir heyvanı da səslə təyin edib vurmaq olar?- deyir.
Aslan bəy:
– Olar, mən onu başından vuracağam, – deyərək bu zaman
ceyranın səsinə doğru atəş açır.
Güllə səsindən sonra bir anlıq sükut olur. Aslan bəy Sem-
yonova deyir:
– Gedək ovumuzu götürək. Mən onu başından vurdum.
Semyonov dostunun bu sözlərini zarafat kimi başa düşür,
onun dediklərinə qəti inana bilmir. Onlar birlikdə bir qədər
əvvəl səsi eşidilən ceyrana doğru səmt alırlar. Azacıq vaxt
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
310
ötdükdən sonra onlar ceyranın yanına yetişirlər. Bu zaman
Semyonov gördüyü mənzərədən heyrətini gizlədə bilmir. Hər
şey Aslan bəyin dediyi kimi idi – ceyran başından cəmi bir
güllə ilə vurulmuşdu.
Bu mənzərəni görən Semyonov dostunun fitri atıcılıq
məharətinə heyranlığını gizlədə bilmir. Aslan bəy Semyonov-
la dostluğu boyu onu dəfələrlə belə heyrətamiz atıcılıq məha-
rəti ilə heyrətləndirə bilmişdi. Semyonov növbəti ovların
birində Aslan bəyin dediyi kimi, səmada uçan ördəyi dimdi-
yindən vurmasını təsadüf kimi qəbul etmişdi. Aslan bəy Sem-
yonova bunun təsadüf olmadığnı sübut etmək üçün dalbadal
səmada uçan üç ördəyi də dimdiyindən vuraraq yerə salmışdı,
bütün bunları görən Semyonov öz dostu Aslan bəy Sultanov
haqqında bir fikir deyirdi: “Ona Allah tərəfindən mahir atıcı-
lıq istedadı verilib!”
****
Günlərin birində Aslan bəyin kəşfiyyatı iki daşnak zabiti
ələ keçirir. Onları istintaq etmək Aslan bəyə həvalə olunur. Bu
zaman Aslan bəy Semyonovla bir yerdə imiş. Söhbət əs-
nasında Aslan bəy Semyonova deyir ki, bunlar kəşfiyyatımı-
zın ələ keçirdiyi daşnak zabitləridir.
Aslan bəy daşnak zabitləri ilə erməni dilində sorğu-suala
başlayır. Sorğu-sual bitəndən sonra Semyonava işarə ilə bil-
dirir ki, mən öz işimi bitirdim, indi növbə sizindir.
Bu mənzərənin şahidi olan və əsirlərlə çətinlik çəkmədən
ermənicə danışdığını görən Semyonov daşnak zabitlərini rus
dilində danışdırmağa başlayarkən onlardan aldığı ilk sual onu
heyrətləndirir. Daşnak zabitləri maraqla xəbər alırlar:
– Bizi sorğu-sual edən o adam erməni idi?
Semyonov eşitdiyi sualdan heyrətlənir:
– Məgər siz onun danışığında heç bir ləhcə hiss etmədi-
niz?
Daşnaklar:
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
311
311
– Yox, qətiyyən, o təmiz erməni dilində danışırdı,- deyə-
rək, cavab verirlər.
Aslan bəyin həm rus, həm erməni dilində heç bir ləhcə
biruzə vermədən, sərbəst, səlis danışa bilməsi Semyonovda
ona qarşı daha böyük pərəstiş hissi oyadır. Semyonov Aslan
bəyin belə gözlənilməz xüsusiyyətlərini kəşf etdikcə ona daha
da sıx bağlanırdı.
Aslan bəy Semyonovun onun erməni dilində sərbəst danı-
şa bilməsinə təəccübləndiyini gördüyündə ona demişdi:
– Dostum, yadında saxla, düşmənini məhv etmək istəyir-
sənsə, ilk növbədə onun dilini yaxşıca bilməlisən!
****
Zəngəzur kəndlərindən birində maraqlı bir hadisə baş
vermişdi. Günlərin birində quldurlardan biri qolunun zoruna
arxayın olub camaatın mal-qarasını zorla günün günorta çağı
əlindən alır. Camaat onun bu hərəkətinə etiraz edərək ona
xəbərdarlıq ediblər ki, sənin bu hərəkətin barədə Aslan bəyə
çatdıracaıq. Quldur da arxayın-arxayın deyib ki, gedin kimə
nə deyirsiz deyin!
Mal-qarası oğurlanan adamlar özlərini ümid yerləri olan
Aslan bəyə çatdırırlar və hadisəni olduğu kimi ona danışırlar.
Bu xəbəri eşidən Aslan bəy bərk qəzəblənir və ona pənah gə-
tirən adamlara deyir ki, narahat olmayın, o elədiyi hərəkətin
cavabını alacaq.
Aslan bəy vaxt itirmədən elə həmin gecə bir-neçə yaxın
adamı ilə quldurun evinə yollanır. Qapı-baca bağlı, həyətdə
canavar kimi vəhşi itlər olan bir evin həyətinə girməyin
mümkün olmadığını düşünən quldur evində arvad-uşağı ilə
yatırmış. Aslan bəy əvvəlcə itləri zərərsizləşdirib, itlərin səsi
belə çıxmadan hamısı öldürülür. Evin qapısını açaraq evə gi-
rən Aslan bəy hazır saxladığı tüfəngin lüləsini onun başına
tuşlayır, bu zaman quldurun yanında yatan arvadını görəndə
tüfəngini geri çəkir, patrondaşdan iki patron çıxarıb quldurun
qulaqlarının dibinə qoyaraq evi tərk edir.
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
312
Səhər yuxudan ayılan quldurun arvadı yataqda olan pat-
ronları görəndə haray-həşir salır. Quldur yuxudan oyanıb pat-
ronlara baxanda məsələnin nə yerdə olduğunu anlayır. Bu
hərəkəti ancaq Aslan bəyin edəcəyini başa düşən quldur vaxt
itirmədən bir-neçə ağsaqqalını da götürüb Aslan bəyin görü-
şünə gedir. Quldur bəyin ayağına düşərək yalvarır və deyir:
– Bəy, məni öldürsəydin bundan yaxşı olardı. Mən sənin
igidliyinin qarşısında baş əyirəm. Sən ki, məni arvadımın
yanında vurub öldürmədin, ömrüm boyu sənə qulam.
Aslan bəy də ona:
– Səni bu ağsaqqallara bağışlayıram, bir də belə qələt elə-
mə! Camaatın malını apar özünə qaytar.
O da verdiyi sözü tutaraq malını əlindən aldığı adamlarla
görüşüb, onlardan üzr istəyib və apardığı mal-qaranın hamısı-
nı onlara qaytarıb.
****
Deyilənlərə görə Zəngəzur kəndlərindən birində günlərin
birində çox murdar bir hadisə baş verib. Bir evin qadınla-
rının zivədən asılan bütün alt paltarlarını gecə ikən gəlib
oğurlayıb aparıblar. Bu fakt həmin dövrdə ailə üçün, bütün
nəsil üçün böyük bir biabırçılıq hesab olunurdu. Səhər tezdən
ev sahibi bu mənzərənin şahidi olur. Onlar bu hadisədən
başlarını itirir, məyus olur, nə edəcəklərini bilmirlər. Bu
şərəfsizliyi hansı düşmənlərinin onlara etdiyini yəqinləşdir-
məyə çalışırlar. Bu zaman oğlunun hadisədən az qala dəli
olacağını görən anası yerindən qalxaraq deyir:
– Gedirəm Aslan bəyə hər şeyi deyəm... Bu xainlərin cəza-
sını ancaq o verəcək! Oğlum, Allahdan ümid kəsilməz.
Qadın vaxt itirmədən Aslan bəyin yanına gedir, bu vaxt
Aslan bəy evdə yox imiş. Qadın hadisəni evdə olan yaşlı qa-
dınlardan birinə danışır. Az sonra Aslan bəy də gəlib çıxır,
evdə olan yad qadını gördükdə mehribanlıqla xəbər alır:
– Ay bacı, gəlişin xeyirdirmi?
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
313
313
Qadın cavab verməyə utandığından susur, bu vaxt evdəki
yaşlı qadın astaca Aslan bəyə yaxınlaşıb hadisəni eşitdiyi ki-
mi ona çatdırır, bu xəbərdən hiddətlənən bəy:
– Binamuslar! Biqeyrətlər! – deyərək ayağa qalxır, üzünü
qadına tutur və əlavə edir: – Narahat olma, bacı, onlar etdik-
ləri binamusluğun cavabını alacaqlar.
Aslan bəy dərhal yanındakı döyüşçülərinə “atlanın” əmrini
verir. Aslan bəyin kəşfiyyatı tez bir zamanda hadisənin kim-
lər tərəfindən törədildiyini müəyyənləşdirir. Aslan bəy dərhal
həmin adamları tapmağa yola çıxır. Şərəfsizlik edən adamla-
rın kəndlərinin girəcəyində, hündür bir təpənin üstünə çıxaraq
havaya bir-neçə güllə atır. Kənd camaatı təşvişə düşür, elə
zənn edirlər ki, kəndə basqın olub. Tez hər kəs silaha əl atıb
atlanaraq Aslan bəygilin qərar tutduqları təpəyə doğru çapıb-
lar. Bu zaman Aslan bəy uzaq məsafədən ona doğru gələn ilk
atın alnının ortasından vuraraq atı öldürür. Daha sönra növbə-
ti atları da eyni qayda ilə və eyni yerdən vuraraq öldürərək
atlıları yerə sərir. Bu zaman heyrət içində olan kənd adamları
bir-birlərinə sual edirlər ki, bu adam nədən bizi yox, atları-
mızı vurub öldürür, burda nəsə bir iş var.
Bu vaxt haraya yetişən kənd ağsaqqaları gəlib bir-neçə atın
eyni yerdən, eyni qayda ilə qaşqasından vurulduğunu görən
kimi, hadisəni anlayıblar və hər kəsə deyiblər ki:
– Bu Aslan bəydir, xəbərdarlıq edir, nəsə ciddi bir şey
olub!
Ağsaqqallar dərhal kənd camaatından xəbər alırlar ki, nə
olub ki, Aslan bəy belə qəzəblənib, hər şeyi bilməliyik, yoxsa
Aslan bəy hamımızı güllədən keçirdəcək.
Bu vaxt qorxu içində olan kənd adamları gecəki hadisəni
ağsaqqallara çatdırırlar. Ağsaqqallar əllərinə təslimçilik rəm-
zi sayılan ağ mələfəni başlarının üstünə qaldırıb Aslan bəyə
doğru gedirlər.
Aslan bəylə görüşən ağsaqqallar onun ayaqlarına düşüb
yalvarırlar ki:
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
314
– Bəy, kənd cavanlarının qanını bizim ağsaqqallığımıza
keç. Onları balalarının başına dola, bağışla. Pal-paltarları da
öz ağbirçəklərimizlə aparıb yiyəsinə çatdıracağıq...
Aslan bəy ağsaqqalların bu yalvarışlarına cavab olaraq
deyir:
– Qoy qurban olsunlar sizə! Gedin camaatdan üzür istəyin,
pal-paltarı da öz ağbirçəklərinizlə yiyələrinə qaytarın.
Bu hadisədən sonra şərəfi ləkələnmək təhlükəsindən qur-
tulan qadın yenidən Aslan bəyin evinə gələrək ona minnət-
darlıq edir:
– Çox sağ ol, Aslan bəy, allah səni bu camaata çox görmə-
sin! Az qala oğlum dəli olacaqdı. Ömrümüz boyu bu yaxşılığı
itirmərik, dualarımız həmişə sizinlə olacaq.
****
Aslan bəyin uşaqlıq və yeniyetməlik illəri ilə bağlı da
maraqlı xatirələr az deyil. Onlardan biri də Zəngəzurun yaşlı
adamlarının indi də xatirində yaşayan bir əhvalatdır.
Bir gün kənd qadınlarından ikisi kəndin kənarındakı kol-
luqdan böyürtkən yığırmışlar. Bu zaman yekəpər bir erməni
dığası qadınların yanında heç kəsin olmadığını gördükdə
onlara sataşmaq fikrinə düşür, qadınlara hücum edir və təca-
vüz etməyə çalışır. Qadınlar da özlərini qorumaq üçün hay-
həşir salır, ona müqavimət göstərməyə çalışırlar. Dığa qadın-
lardan birini zorla tutub yerə çırpanda yaxınlıqdan keçən
doqquz yaşlı Aslan bunu görür, damarlarındakı qan coşur,
erməni dığasının bu hərəkətini cavabsız qoya bilməyərək
özünü itirmədən yerdəki iri payanı götürərək qadını yerə yıx-
mış dığanın peysərinə bir-neçə zərbə ilişdirir. Dığa qan içində
özündən gedir və kənara aşır. Bu hadisədən heyrətlənən qa-
dınlar balaca bir oğlan uşağının onların namusunu necə xilas
edə bilməsindən çaşıb qalırlar, qadınlar balaca Aslanı bağırla-
rına basıb öz xilaskarlarını öpürlər və hələ də qorxu, həyəcan
içində olan qadınlar deyirlər ki:
– Oğlum, gəl, qaçaq, yoxsa bu dığa durar bizi öldürər.
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
315
315
Balaca Aslan da cavabında onlara deyir ki:
– Daha o bizi öldürə bilməz! Çünki o özü ölüb...
Bu hadisə tez bir zamanda hər tərəfə yayılır. Doqquz yaşlı
Aslanın etdiyi qəhrəmanlıq dillər əzbəri olur. Hamı deyirmiş
ki, Kərbəlayi Hüseyn bəyin oğlu Aslan böyüyəndə qəhrəman
olacaq.
Bəli tarix bunu göstərdi. İlk düşmənini xəyanət üstündə
haqlayan balaca Aslan gələcək taleyini elə o vaxt seçmişdi.
Allah onu Zəngəzur camatının xilaskarı kimi göndərmişdi.
****
Aslan bəyin xaincəsinə həlak olmasından sonra bütün ailə
üzvləri və bütün qohum-əqrabası Azərbaycanın müxtəlif yer-
lərinə sürgün olunur. Ailənin özünü isə Nuxanın (indiki Şəki
rayonu) Daşburun kəndinə sürgünə göndərirlər. Oradan isə
onları Qazaxstana sürgün etmək planlaşdırılırmış. Ailə bir
müddət Nuxada yaşadıqdan sonra Nuxanın yerli hakimiyyət
nümayəndələri tərəfindən yayılan həyəcan dolu xəbərlər
eşidirlər. Tezliklə onları Qazaxıstana sürgün edəcəklər.
Bu xəbərdən az sonra Azərbaycan Fövqəladə Komissiyası-
nın sədri (o vaxtlar bu vəzifə Milli Təhlükəsizlik Nazirliyi sə-
viyyəsində bir orqan olub) Mircəfər Bağırovun Nuxaya gələ-
cəyi, sürgün olunmuş adamlarla görüşəcəyi barədə məlumat
dolaşır və xəbər yayılır ki, Mircəfər Bağırovun Qazaxıstana
sürgün olunacaq adamlarla görüşünün vaxtı barədə əlavə mə-
lumat veriləcək. Elə də olur, xəbər verilən vaxt Qazaxıstana
sürgün olunacaq adamlar meydana toplaşırlar. Bu zaman
Mircəfər Bağırov izdiham qarşısında çıxış etməyə başlayır.
Onun rus millətindən olan eynəkli yavəri adamlar arasında
dolaşarkən qəfildən gözü Aslan bəyin qardaşı Süleyman bəyə
sataşır. O çaşqın bir vəziyyətdə yaxınlaşaraq onu bərk-bərk
bağrına basaraq qucaqlayır. Bu vəziyyət bir-neçə dəfə təkrar-
lanır. Heyrətlə xəbər alır:
- Sizi bura kim sürgün edib?
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
316
Aslan bəyin qardaşı Süleyman bəy vəziyəti olduğu kimi
ona danışır. Yavər iti addımlarla Mircəfər Bağırovun yanına
gələrək hərbi təzim edir və deyir:
– Yoldaş Bağırov, bizi Zəngəzurda banditlər mühasirəyə
alıb öldürmək istəyərkən real ölümün cəngindən bizi xilas
edən Aslan bəy Sultanovun qardaşı Süleyman bəyi də bura
sürgün ediblər. – Yavər əlavə edərək deyir ki: – Aslan bəy bizi
xilas edərkən onun dəstəsindən olan üç nəfər igid bandit-
lər tərəfindən öldürülmüşdü, o vaxt güllələrdən biri Aslan bə-
yə də dəyə bilərdi. O həyatına risk edərək bizi xilas etmişdi.
Bağırov bu xəbəri dinlədikdən sonra uca səslə deyir:
– Bu ola bilməz! Onun qardaşını təcili yanıma çağırın,-
əmrini verdi.
Yavər Aslan bəyin qardaşı Süleyman bəyin qoluna girərək
onu Mircəfər Bağırovun yanına gətirdi. Bu zaman Mirəfər
Bağırov onunla son dərəcə səmimiyyətlə görüşərək əlini bir-
neçə dəfə başının üstünə qaldırıb endirərək hadisənin necə ol-
duğunu bir daha xəbər alır.
Prezident Aparatı Siyasi Sənədlər Arxivi sənədləri təsdiq
edir ki, həmin dövrdə Mircəfər Bağırov da mərkəzi hakimiy-
yətin hədəfində olanlardan biriydi. Mərkəzi hökumət onu
başından etmək üçün Gürcüstana dəxli olmayan su təsərrüfatı
ilə bağlı bir adi işə göndərmişdilər. (Fond 1. Siyahı 8. İş 14)
Süleyman bəy Aslan bəyin ölümündən sonra baş verən
hadisələri dəqiqliyi ilə Mircəfər Bağırova çatdırır. Bağırov
onu diqqətlə dinlədikdən sonra əlini ərklə onun çiyninə to-
xunduraraq çox təəssüf etdiyini demiş, daha sonra da əmr
verib deyir ki, onları dərhal sürgündən azad etsinlər. Bu in-
sanların heç bir günahı yoxdur.
Daha sonra Mircəfər Bağırov Aslan bəyin qardaşı Süley-
man bəylə mehribanlıqla görüşərək ayrılır. Ayrılarkən Mircə-
fər Bağırov əmr etdiyi adamlara bildirir ki, bu məsələnin ic-
rasına şəxsən özüm nəzarət edirəm. Məsələ tam icra olunduq-
dan sonra mənə məlumat verin.
www.kitabxana.net
– Milli Virtual-Elektron Kitabxananın e-nəşri
Dostları ilə paylaş: |