Faiq Abdullayev. Zəngəzur aslanı – Aslan bəy Sultanov
147
147
Daha sonra Nəriman Nərimnovun göndərdiyi komissiya
yazır: “Onu (yəni Xudabaxış bəy Sultanovu) əksinqilabçı
adlandırmaq olmaz, sözsüz ki, o kommunist partiyasının üzvü
deyil, amma ondan yaxşı işçi çıxa bilər”.
Bu fakt mübaliğəsiz şəkildə qəza rəhbərlərinin daşnaklarla
əlbir olmasını iddia edən qüvvələrin – erməni məxfi işçilə-
rinin və yerli kommunistlərin təmiz insanlara böhtan atmaqla
məşqul olduqlarını təsdiq edir. Məxfi işçilər mərkəzə ötür-
dükləri məlumatda əvvəlcə bildirirlər ki, Aslan bəy qırx milis
işçisi ilə onları tərksilah edib, aralarında daşnakların ola
biləcəyindən şübhələndiyi üçün onlardan mandat tələb edir və
mandatları yoxladıqdan, içərilərində daşnak olmadıqla-
rından tam əmin olduqdan sonra onları azad edib. Bu adamlar
özləri özlərini təkzib edir, özlərini gülünc vəziyyətə salırlar.
Bir tərəfdən yazırlar ki, yerli rəhbərlər daşnaklarla əlbir olaraq
əhalini çapıb-talayır, quldurluqla məşğul olur, daşnak-
lara ərzaq göndərirlər, digər tərəfdən də qeyd edirlər ki, məxfi
işçilər qəzaya gələndə gələnlərin aralarında daşnakların ola
biləcəyindən şübhələndikləri üçün onları saxlayıb, mandat
tələb edib, mandatları yoxladıqdan və bu adamların arasında
daşnakların olmadığından tam əmin olduqdan sonra məxfi
işçiləri azad ediblər. Əgər doğrudan da milisə bilavasitə er-
məniləri, ya da kommunistləri məhv etmək lazım olsaydı, o
zaman komissiya üzvlərinin özlərinin hesabatda yazdıqları
kimi qırx silahlı milis işçisinin mühasirəsində olan altı-yeddi
nəfər məxfi işçini məhv etmək milisə o qədər çətin idimi?
Əgər onlar doğrudan da daşnaklarla əlbir olsaydılar onları
daşnakların düşməni kimi yerindəcə məhv edə bilərdilər.
Bir də... Əgər Xudabaxış bəy Sultanov doğrudan da qatı
əksinqilabçıydısa, düşmən hesab edilirdisə onun haqqında
mərkəzə gizli böhtan dolu məlumatlar ötürənlər hansı səbəb-
dən onu ay yarımdan sonra azad etdirdilər? Bu sualın cava-
bını da arxiv sənədlərinin arasında axtarmaq lazımdır. Sənəd-
lər təsdiq edir ki, Xudabaxış bəyin həbs olunmasının səbəb-
karları onun haqqında mərkəzə yalan informasiyalar ötürən
yerli kommunistlər olublar. Onu ən ağır vətən xaini, əksinqi-
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
148
labçı kimi qələmə verərək ən ağır cinayətlərdə ittiham edib-
lər. Çox qəribədir ki, onun haqqında belə ittihamları irəli
sürən adamlar Nərimanovun komissiyasının şəxsən Nərima-
nova etdiyi məruzədə göstərdiyi kimi onun azad olunmasını
tələb ediblər. Daha sonra da Xudabaxış bəyin ziyalılığını,
müəllim olmağını irəli çəkərək onun kommunist olmamasına
baxmayaraq ondan yaxşı işçi çıxa biləcəyini qeyd edirlər.
Buradan da belə nəticə çıxarmaq olar ki, yerli adamların
haqqın müdafiəsinə qalxmaları və Aslan bəyin də o zaman
hüquq orqanının başında duran bir insan kimi vəziyyəti
düzgün təhlil etməsi və onları çağıraraq heç bir günahı
olmayan təmiz bir insanın kimlər tərəfindən mərkəzə yalan
məlumatlar ötürməyini, onu ağır ittihamlarda suçlamağını
xəbər aldıqda sonralar Savalan Şirinov bildirirmiş ki, bütün
kommunistlər and içiblər ki, bu işdən onların xəbəri yoxdur, o
ki, qaldı Xudabaxış bəyə o çox namuslu və təmiz bir insandır.
Bundan sonra yerli adamların və Aslan bəyin şəxsi iradəsi ilə
bütün kommunistlər Şuşaya gedərək Şuşa siyasi bürosundan
Xudabaxış bəyin həbsdən dərhal azad olunması tələbini irəli
sürüblər. Göründüyü kimi bu xainlər ictimai rəyin qarşısında
tab gətirə bilməyib və ay yarım əvvəl həbs etdirməyə
çalışdıqları adamın bu dəfə də həbsdən azad olunmasını
təkidlə tələb ediblər. Əsl riyakar kommunist əqidəsi də elə
budur.
Göründüyü kimi Aslan bəyin əvvəlcədən öz məruzəsində
gətirdiyi bütün faktlar öz təsdiqini tapdı. Bunu bir daha
xatırlamağı məsləhət bilirik ki, Aslan bəy öz ittihamedici
məruzəsində Nərimanova xatırladırdı ki, Xudabaxış bəyin
“daşnaklarla kiminsə əlaqəyə girməsi faktı aşkar edilsə
yerindəcə güllələnməsi haqqında“ yazılı əmri var. Bu fakt bir
daha onun əksinqilabçı olmadığını və daşnaklarla heç bir
əlaqəsinin olmamasını sübut edir. İnsanda ikrah hissi doğuran
bir də odur ki, bu yerli kommunistlər rüşvətxor, cinayətkar,
partiya üzvü olmayan Mirzə Muxtar Bayramovu irəli verərək
onun arxasında gizlənmişlər və Xudabaxış bəyin həbs
olunmasında yalnız onu günahkar saymışlar.
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
149
149
Nəzər Heydərov “Zəngəzur dağlarında” adlı kitabının
221-ci səhifəsində yazır ki, “1920-ci ildə bəy banditləri ifşa
etdiyinə görə Mİrzə Muxtar Bayramovun arvadını öldürdülər,
özünü isə ağır yaraladılar”. Qərəzə və riyakarlığa baxın ki,
hətta Nərimanovun göndərdiyi komissiya Mirzə Muxtar
Bayramovun cinayətkar olduğunu təsdiq etdiyi halda Nəzər
ona dəstək verir. Ancaq əlimizdə olan arxiv sənədləri təsdiq
edir ki, yerli kommunistlər Savalan Şirinovu səlahiyyətli
nümayəndələri kimi öz imzaları ilə təsdiq etdikləri bəyanatla
mərkəzə göndərərək bu insanları əksinqilabçı damğası ilə
damğalayaraq onların təcili həbs olunmaları üçün mərkəzdən
200 qızıl ordu əsgərinin göndərilməsini tələb ediblər. Buradan
da belə bir nəticə çıxır ki, ictimai rəyin, yerli camaatın və
Aslan bəyin qorxusundan əqidəsiz kommunistlər bütün
məsuliyyəti Mirzə Muxtar Bayramovun üstünə atmaqla
özlərini sudan quru çıxarmağa çalışıblar və canlarının
qorxusundan Xudabaxış bəyin həbsdən azad olunmasını tələb
ediblər. Mərkəzə təqdim olunan məruzənin sonunda Savalan
Şirinovun, Nəzər Heydərovun, Mirzə Muxtar Bayramovun,
Kərimovun və qeyri kommunistlərin imzalarının olması onla-
rın bir yerdə olmalarını, eyni məslək sahibi olduqlarını təsdiq
edir. Nərimanovun komissiyasının Aslan bəy Sultanovu er-
məni xalqının düşməni kimi qələmə verməsi daşnak ideoloqu
S.Şaumyanın dəyirmanına su tökmək məqsədindən başqa bir
şey deyildi. Bununla da erməni daşnaklarından azərbaycan
xalqının qisasını layiqincə alan bir qəhrəmanı erməni xalqının
düşməni kimi qələmə verməklə yəqin ki, Nərimanov Şaum-
yanın rəğbətini qazanmaq istəyirmiş. Bu Azərbaycan xalqının
qisasını daşnaklardan alan Aslan bəydən daşnak Şaumyan-
ların içimizdən olan xainlərin əlilə qisas almaq istəyi idi. O
dövrdəki hadisələri analiz etdikdə açıq-aydın nəzərə çarpır ki,
Aslan bəyi erməni xalqının düşməni kimi qələmə verənlər bu
igid və vətənsevər insandan şəxsi məqsədləri üçün qisas almaq
istəyirmişlər. O zaman daşnaklara qarşı vuruşan və on-
larla düşmənçilik edən yüzlərlə igid və qoçaq adamlar olub,
amma yerli kommunistlər və Nərimanovun rəhbərlik etdiyi
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
150
mərkəzi hakimiyyət demək olar ki, bütün sənədlərdə dəfələrlə
Aslan bəyin adını erməni xalqının düşməni kimi bu və ya
digər halda hallandırırlar.
Nəzər Heydərov daha da irəli gedərək hətta peyğəmbər
əfəndimiz Məhəmməd(s.ə.v) peyğəmbərə də qara yaxmaqdan
çəkinmir (səhifə 163). Onu VII əsrin qolçomaqlarının və feo-
dallarının tərəfini saxlamaqda ittiham edərək öz xəyanətkar
xislətindən əlavə, dinsizliyini, kafirliyini də orataya qoyur və
fəxrlə deyir ki, biz bolşeviklər Allahın varlığına inanmırıq
(səhifə 83).
94-cü səhifədə isə Türkiyə dövlətinə şər atır və yazır ki,
guya 1918-ci ildə Türkiyə Brest sülh müqaviləsini pozaraq
Ermənistanın ərazisini işğal edib və Ermənistanın içində iki
qəza yaradıb: Eçmiədzin və İrəvan.
Azərbaycanın əzəli və əbədi qardaşı olan Türkiyə dövlə-
tinə böhtan atmaqla o, ermənilərin dəyirmanına su tökür.
Hansı ki, tarixdən bizə məlumdur ki, həmin ərazilərin hamısı
qədim Azərbaycan torpaqlarıdır. Göründüyü kimi, Aslan bə-
yə böhtan atan Nəzər eyni zamanda Türkiyə dövlətinə, Pey-
ğəmbər əfəndimizə də utanmadam böhtan atır.
Yaşadığımız son tarix bir daha onu sübut etdi ki, bu millətin
ən çox qəhrəmanlara ehtiyacı var.
****
Bu yerdə Qubadlı Qəzası Milis İdarəsinin rəisi Aslan bəy
Sultanovun 10 aprel 1921-ci il tarixində mərkəzə göndərdiyi
ittihamedici məruzəsini təhlil etməyə çalışaq.
İlk baxışdan insanlarda müəyyən qədər çaşqınlıq yarana
bilər. Çünki məruzənin əvvəlində Qubadlı qəzasında sovet
hökumətinin vəziyyətinin son dərəcə böhran içində olmasını
qeyd edir. Aslan bəy Sovet Hökumətinin fəhlə-kəndli höku-
məti olduğna, daha demokratik bir quruluş olduğuna inanırdı.
Bu fikirləri məruzəsinin sonunda işlətdiyi ifadələr də təsdiq
edir. O göstərir ki, biz bütün gücümüzü və səylərimizi bu qu-
ruluşun qorunub saxlanılmasına o inamla sərf edirdik ki, bu
quruluşun xalqı xoşbəxtliyə və xilasa aparmağına inanırdıq.
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
151
151
Məruzənin başlanğıcında göstərir ki, hər dəfə qəzanın ümu-
mi vəziyyəti və mənim tabeliyimdə olan milis işçilərinin
fəaliyyəti barədə ardıcıl olaraq mərkəzə vaxtı-vaxtında yazılı
olaraq məlumat verirdim. Ancaq nədənsə verdiyim yazılı
məlumatlara bir dəfə də olsa cavab almamışam. Daha sonra
göstərir ki, sovet hakimiyyətinin bu vəziyyətə düşməsinin əsas
səbəbi bir tərəfdən onun nüfuzunun arzuolunmaz həddə qədər
azalması, digər tərəfdən daxildəki zərərli elementlərin
fəaliyyətidir. Başqa tərəfdən də daşnaklar əl çəkmədən, zəhlə
tökməklə özlərinin qəbuledilməz tələblərini irəli sürürlər
onlarla həm siyasi həm də ticarət əlaqələrinə girməyi
istəyirlər.
Qubadlı Qəza Milis İdarəsinin Rəisi Aslan bəy
Sultanovun Azərbaycan Mərkəzi İnqilab Komitəsinə
Ünvanladığı ittihamedici Məruzəsi
№603
10 aprel 1921-ci il.
Xocalan
“Rəhbərlik etdiyim İdarə tərəfindən qəzadakı ümumi
vəziyyət, rəhbərliyim altında sədaqətlə xidmət göstərən
milisin fəaliyyəti barədə mərkəzə vaxtaşırı verdiyim yazılı
məlumatlar nədənsə hər dəfə cavabsız qalmışdır.
Sovet Hakimiyyətinin Qubadlıdakı durumu hal-hazırda
son dərəcə gərgin bir vəziyyətə gəlib çatmışdır: bu da onunla
bağlıdır ki, onun nüfuzu bir tərəfdən daxildəki bolşevizmə
arzuolunmaz və mən deyərdim ki, təhlükəli elementlər
tərəfindən aşağı düşür, digər tərfdən isə daşnakların özlərinin
onlarla həm siyasi, həm də ticari əlaqələrə girmək kimi
qəbuledilməz tələbləri ilə baş apardıqlarından irəli gəlir.
1. Daşnaklarla müsəlman əhalisinin nümayəndələrinin bu
ilin 6 aprelində vacib məsələləri həll etmək üçün Aqarak
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
152
kəndində ali baş komandan Nijdenin iştirakı ilə görüşlərinin
təşkili.
2. Ticarət məqsədləri ilə yarmarkaların təşkili, onların və
müsəlman camaatının qarşılıqlı münasibətlərinin yaradılması
və s.
Sərhədyanı ərazilərdə yaşayan müsəlmanların daşnaklarla
əlaqələrinin qarşısını almaq üçün lazımi tədbirlər görülüb və
bu barədə Mərkəzə dəfələrlə məlumat vermişəm.”
Göründüyü kimi bu xəyanətkar təkliflərin qarşısını alan Aslan
bəy Nijdenin təkliflərini rədd etdiyini, onlara qarşı amansız
mövqe tutduğunu, daşnakların qatı düşməni oldu-
ğunu yazılı şəkildə mərkəzə bildirmişdir. Ancaq təəssüflər
olsun ki, bütün bu hərəkətləri Savalan Şirinov məruzəsində
yazır ki, guya yerli kompartiya (gizlinə sıxışdırılmış kommu-
nist partiyası üzvləri) üzvləri etmişlər. Əllərində heç bir səla-
hiyyət və gücü olmayan adamlara Nijdenin hər hanısa bir
təkliflə müraciət etməsi nə dərəcədə doğru ola bilər? İkrah
hissi doğuran isə mərkəzin bu məsələlərə qərəzli münasibə-
tidir.
Nəzər Heydərov kitabında yazır ki, “Aqarakda Nijdenin
birləşmə və yaxınlaşma təklifini guya yerli kompartiya üzvlə-
ri müsəlmanlarla pozublar. İnsan vicdanına nə qədər xəyanət
edə bilər? İnsanları necə hiyləgərliklə aldadırlar? Bu yerdə
Bəyalı Səfaoğlunun 28 iyun 1990-cı il tarixli “Azərbaycan
gəncləri” qəzetində çap olunan Aslan bəy haqqında yazdığı
“Özümlə oynadığım şahmata güldüm” adlı məqaləsində
göstərdiyi kimi “şirlərin ovuna tülkülər sahib çıxmağa çalışır”
fikirlərini xatırlamaq yerinə düşür. O adamlardan soruşmaq
lazımdır ki, sizin əlinizdə hansı hakimiyyət, hansı hərbi güc,
hansı ixtiyar var idi ki, daşnak generalı Nijde sizinlə hesabla-
şa və sizə hansısa bir təklif verə? Daha sonra Aslan bəy
məruzəsində bir məsələni də xüsusi olaraq vurğulayır;
“Qeyd etmək istəyirəm ki, daşnakların antibolşevik təşəb-
büsləri bizə o qədər təhlükəli görünmür, amma daxili düş-
mənlərimizin, partiyaya sədaqətlə xidmət göstərmək maskası
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
153
153
altında gizlənərək bizim aralarımıza soxulan və hakimiyyətə
can atmaqda qəti maraqları olan, öz şəxsi mənfəətlərini düşü-
nən, səlahiyyətləri ələ keçirməyə çalışan adamların hansısa
xəyanətkar məqsədləsə təmiz və vicdanlı adamlara ləkə
yaxmaları təhlükəlidir. Təhlükəli olan daşnakların təxribatla-
rı və təklifləri də deyil, bizim ideyalarımıza xəyanətkarlıqla
zərbə vurmağa çalışan, sədaqətli işçilərə qarşı tam fırıldaqçı
münasibətdə olan həmin elementlərin ölkənin daxilində So-
vet hakimiyyətinin fəaliyyətinə mane olmalarıdır“.
Məruzənin bu yerində Aslan bəy içimizdə olan xainlərin
daşnaklardan daha təhlükəli olduğunu, onun anladığı fəhlə-
kəndli hökumətinin inkişafına maneçilik törətmələrindən na-
rahatlığını bildirir.
Mərkəzin diqqətini bir daha daxildəki xainlərə tərəf
yönəldərək bildirir ki, onların məqsədləri təmiz və vicdanlı
işçiləri ləkələmək, onların qazandıqları uğurlara kölgə sal-
maq, ləyaqətli insanların gördükləri bütün işləri öz adlarına
çıxarmaq olmuşdur.
Hər bir məsələni yoxlayıb dəqiqləşdirdikdən sonra qərar
qəbul etməyin vacib olduğunu mərkəzə göstərməyə çalışmış-
dır. O vaxtlar qəza kommunist partiyasının başında duran
Mirzə Muxtar Bayramov kommunist partiyasının üzvü
deyildi. Bunu Nərimanovun komissiyası da təsdiq edir.
Savalan Şirinov, Nəzər Heydərov və başqaları mərkəzə
ötürdükləri qərəzli məlumatlarında qəza yerli hakimiyyətinin
başında duran yerli bəylərin kommunist partiya üzvü
olmadıqlarını xüsusi olaraq vurğulayırlar, ancaq nədənsə
özlərinin yerli kommunist partiya rəhbəri olan Mirzə Muxtar
Bayramovun kommunist partiya üzvü olmadığının üstündən
sükutla keçirlər. Diqqət edin yerli kommunistlərin başında
kommunist olmayan cinayətkar durur və Nərimanovun
komissiyası da bunu təsdiqləyir. Buradan nə nəticə çıxarmaq
olar? Başda Mirzə Muxtar Bayramov, Savalan Şirinov, Nəzər
Heydərov və qeyriləri əvvəlcədən bilirdilər ki, onların böhtan
dolu məlumatları həqiqət kimi qəbul olunacaq. Əks halda
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
154
onların böhtan atdığı bu qəhrəman insanların mərkəzin çox
gözəl tanıdığını və hansı zərurətdən onların qəzanın rəhbərləri
olmasını daha dəqiq desək, xalqın qəhrəman oğulları
olduqlarını biləcəyindən çəkinərək onları əksinqilabçı
damğası ilə damğalamağa cürət etməzdilər. Necə deyirlər,
balıq başından iylənər. Mirzə Muxtar Bayramov kimi
cinayətkarı Nəzər Heydərov öz kitabında müdafiə etməyə
çalışır və onu dəstəkləməyi ilə də sübut edir ki, onların ikisi
də eyni cəbhənin adamlarıdır. Nə qədər gülməlidir kommunist
partiya üzvü olmayan Mirzə Muxtar Bayramov yerli
kommunist partiya üzvlərinə rəhbərlik edir. Necə deyərlər,
“elçisi Gülüm olanın başına külüm olar”.
Daha sonra Aslan bəy məruzəsində bildirir ki; “Bu
günlərdə mənə məlum olub ki, Qəza İnqilab Komitəsi Mər-
kəz tərəfindən yenidən təşkil edilib. Eləcə də mən tutduğum
vəzifədən-Qəza Milis İdarəsinin Rəisi vəzifəsindən azad
olunmuşam. Bəs nədən bu barədə mənim heç bir rəsmi
məlumatım yoxdur?”
Bu məsələyə diqqət edək: əvvəla Aslan bəy qəzada olduğu
halda Nərimanovun kabinetində qəbul edilən gizli qərardan
necə xəbər tuta bilib? Özü də üstündən bir-neçə gün keçdik-
dən sonra... Bu fakt özü-özlüyündə Aslan bəyin nə qədər ayıq
olduğuna, əlinin hər yerə çatdığına, mərkəzi hakimiyyət orqa-
nında baş verənlərdən yerindəcə xəbər tutmasına və onun
kəşfiyyatının yetərincə dəqiq işlədiyinə sübutdur. Bu bir daha
Aslan bəyin mərkəzdə oturanlardan daha ağıllı, savadlı, daha
güclü təhlil qabiliyyətinin olmasını sübut edir.
İkincisi, mərkəzi hakimiyyət şəxsən Nəriman Nərimanov
onu vəzifəsindən azad etməsini gizli saxlayır və bu barədə
rəsmi olaraq ona heç nə bildirmir. Bəlkə onun nüfuzundan
ehtiyat edirdilər? Axı Aslan bəy hər kəsin birmənalı olaraq
qəbul etdiyi qəhrəman sərkərdəydi. Daşnak hökumətinin
məhv edilməsi planının müəllifi idi. Ona sadiq hərbi qüvvələr
Aslan bəyin necə qəhrəman olduğunu, xaqlının düşmənlərin-
dən onun layiqli qisasını necə aldığını öz gözləri ilə
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
155
155
görmürdülər. Bütün bunlara görə də onu xalq və ona sadiq
hərbi qüvvələr çox sevirdilər. Onun bir çağırışına yüzlərlə
insanlar ayağa qalxar, öz qəhrəman sərkərdələrinin arxasınca
ölümə belə gedərdilər. Bütün bunları çox gözəl bilən mərkəzi
hakimiyyət başda Nəriman Nərimanov olmaqla onun nüfu-
zundan ehtiyatlanaraq Aslan bəyin vəzifəsindən kənarlaşdırıl-
masını gizlində saxlamağa üstünlük vermişdi.
Bir məsələyə də diqqət yetirək. Aslan bəy hadisələri qa-
baqcadan necə təhlil edir və hadisələrin sonrakı inkişafı onun
tamamilə haqlı olduğunu sübut edir. Məruzəsində bildirir; “
Mən əminəm ki, bütün bunlar qəzanın bəzi məsul şəxslərinin
və hakimiyyətin düşmənlərinin Mərkəzə ötürdükləri yalan və
böhtan dolu məlumatların nəticəsində baş verib. Əldə etdiyim
məlumata əsasən Qubadlı kəndinin sakini, fırıldaqçı, qaçaq,
18 cinayət əməlində birbaşa təqsiri sübuta yetirilən Mirzə
Muxtar Bayramov özünün fırıldaqçı məharəti nəticəsində
kommunist partiya üzvü olmadan Qubadlı qəzasının kommu-
nist partiyası təşkilatının katibi təyin edilib və partiya maska-
sı altında gizlənərək öz hakimiyyətini gücləndirmiş, bir sıra
qeyri-qanuni hərəkətlərə yol vermiş, daşnak rayonlarından
Qubadlıya gələn gizli erməni-işçilər ilə görüşmüş, onları bir-
neçə gün evində qonaq saxlamış və daha sonra Bakıya yola
salmışdır. Öz cinayətkar əməllərini ört-basdır etmək və günahı
onların üstünə atmaq üçün isə başqa bir əclaflıqla onları
Nijdenin və burjuaların tərəfdarı kimi qələmə vermiş-
dir. Eyni zamanda Mirzə Muxtar Bayramovun təşkilatçılığı
sayəsində Şuşada, eləcə də Mərkəzdə rəhbər orqanların Qu-
badlının məsul şəxslərinə qarşı mənfi münasibəti formalaşır.
Elə bu səbəbdəndir ki, tamamilə yalan və böhtan dolu
məlumat nəticəsində heç kəs tərəfindən yoxlanılmadan əks-
inqilabi fəaliyyətdə günahlandırılaraq Qubadlı qəza İnqilab
Komitəsinin sədri Xudabaxış bəy Sultanov Şuşada həsb olu-
nub. Hansı ki, o bütün varlığı ilə Sovet hakimiyyətinə
sədaqətli olduğu ilə seçilən bir şəxsdir (Müəllif: onlar həqiqə-
tən bu hakimiyyətin fəhlə-kəndli hakimiyyəti, demokratik bir
www.kitabxana.net
– Milli Virtual-Elektron Kitabxananın e-nəşri
Faiq Abdullayev. Zəngəzur aslanı – Aslan bəy Sultanov
156
quruluş olduğuna inanırdılar.) Məlumatın sonunda bu fikri
Aslan bəyin özü də etiraf edir. Aslan bəy bildirir ki, əgər biz
bütün gücümüzü və enerjimizi bu quruluşun saxlanmasına,
möhkəmlənməsinə sərf ediriksə bunu yalnız o inamla, düşün-
cə ilə edirik ki, yeni yaranmış fəhlə-kəndli hökuməti (Sovet
hökuməti) xalqı xoşbəxtliyə, xilasa aparır. İnqilab komitəsin-
də işlədiyi dövrdə Xudabaxış bəy kasıb və ehtiyac içində olan
xalqa həmişə təmənnasız olaraq yardım etmiş, onların mənəvi
dayağına çevrilmişdir. Xudabaxış bəy Sultanov İnqilab komi-
təsinin sədri olduğu dövrdə sərhəd ərazisində yerləşən Ələd-
din postunun rəhbəri Abbasəli Almuradova yazılı olaraq əmr
verir ki, daşnakların və şübhəli müsəlmanların birgə alver
etdikləri “avdan yarmarkası”nda daşnaklara ərzaq satanların
hamısı nəinki həbs edilərək malları müsadirə edilsin, hətta
daşnaklarla əlaqəyə girən hər kəs yerindəcə güllələnsin. Bu
yazılı əmr faktı tam olaraq aydın göstərir ki, Xudabaxış bəy
Sultanov əksinqilabçı deyil.”
Bu yerdə bir haşiyəyə çıxmaq istəyirik. Onun əmri ilə
qəzanın keçmiş milis rəisi Əli Şərifov yarım milyon dövlət
pulunu mənimsədiyi üçün həbs olunub. Bu həmin Əli Şərifov
idi vaxtilə Aslan bəy Sultanova fövqəladə səlahiyyət verilər-
kən qəzada milis rəisi olmasını mərkəzə o təklif edib. Lakin
sonralar onun cinayət törətdiyini bildikdən sonra artıq onun
həbs edilməsi barədə qərar qəbul olunub. Onu da bildirmək
yerinə düşər ki, hər bir inqilab komitəsinin rəhbəri mərkəzdən
göstəriş almadan qəza milis idarəsinin rəisini həbs edə bil-
məz. Aslan bəyin belə müstəqil hərəkətləri mərkəzi qıcıqlan-
dırırdı. Erməni rəhbərləri Nərimanova göndərdiyi siyahıda
təklif edir ki, Nəzər Heydərov inqilab komitəsinin sədri, Əli
Şərifov isə qəza milisinin rəisi olsun. Bunu arxiv sənədi də
təsdiq edir. Cinayəti sübut olunmuş Əli Şərifov da erməni
rəhbərlərinin xoşuna gəlir. Onun kimi yarım milyon dövlət
pulunu mənimsəyən bir cinayətkarın da adı olan siyahını
(qəzada cinayətkarlara qarşı mübarizə aparacaq olan bir və-
zifəyə) Nərimanov təsdiq edir. Paradoks ondadır ki, cinayət-
www.kitabxana.net
– Milli Virtual-Elektron Kitabxananın e-nəşri
Dostları ilə paylaş: |