6
GIRIŞ
Müasir dövrdə insanların fəaliyyət sahələrindən asılı
olmadan kompüter texnikasının istifadəsinə tələbat mövcuddur.
Belə ki, kompüter texnikası ən mürəkkəb
texnoloji sistemlərin
idarə olunmasından başlayaraq kargüzarlığa qədər müxtəlif
sahələrdə tətbiq olunur.
Bu gün informasiyanın toplanması, saxlanması, emalı və
ötürülməsi tələb olunan bütün fəaliyyət sahələrində kompütersiz
keçinmək mümkün deyil. Ona görə də başlıca
obyekti
informasiya, əsas aləti isə kompüter olan informatika elminin ali
təhsil müəssisələrində öyrənilməsi böyük əhəmiyyət kəsb edir.
Bu dərs vəsaiti «Informatika və kompüter texnikası» fənni
çərçivəsində informatika elminin əsaslarının
öyrənilməsinə həsr
olunmuşdur. Ümumiyyətlə, fənnin tədris proqramına uyğun
olaraq, bir neçə dərs vəsaitinin hazırlanması nəzərdə tutulmuşdur.
«Informatikanın əsasları» dərs vəsaiti onlardan birincisidir. Dərs
vəsaiti 4 fəsildən ibarətdir. Birinci fəsildə informatikanın
ümumi
anlayışları, ikinci fəsildə isə say sistemləri öyrənilir. Müasir fərdi
kompüterlər, onların xarakteristikaları, quruluşu, aparat-texniki
təminatı
üçüncü fəsildə, kompüterlərin proqram təminatı,
proqramların yaradılma mexanizmləri isə dördüncü fəsildə
verilmişdir.
7
I fəsil.
INFORMATIKA ELMI VƏ INFORMASIYA
NƏZƏRIYYƏSININ ƏSAS ANLAYIŞLARI
1.1.
Informatikanın predmeti
Informatika
öz
başlanğıcını
kibernetika
elmindən
götürmüşdür. «Kibernetika» sözü elmdə ilk dəfə XIX əsrin II
yarısında fransız fiziki Andre Mari Amper tərəfindən işlənmişdir.
Amper, idarəetmənin incəliklərini öyrənən xüsüsi bir elmin
yaradılmasının zərurət olduğunu qeyd edirdi.
O vaxtlar texniki
sistemlər zəif inkişaf etmişdi, hətta mövcud deyildi. Ona görə də
Amper idarəetmə dedikdə yalnız cəmiyyətin idarə edilməsini
nəzərdə tuturdu. Amper bu elmi kibernetika adlandırmışdı.
«Kibernetika» yunan sözüdür və mənası "mahir idarə edən"
deməkdir.
Amerika riyaziyyatçısı Norbert Viner 1948-ci ildə ilk dəfə
olaraq kibernetika elminə texniki sistemlərdə və canlı
təbiətdə
idarəetmə haqqında elm kimi tərif vermişdi. Onun riyazi məntiq
sahəsindəki
elmi
işləri
hesablama
texnikasının
və
proqramlaşdırmanın elmi əsasını qoymuşdur. Kibernetikaya
verilmiş təriflər cəmiyyətdə mübahisələr doğurmuş və bu
səbəbdən bir neçə yerə bölünmüşdür.
Hazırda kibernetika elmi psixologiya
və riyazi məntiq
arasındakı əlaqələrin öyrənilməsindən başlayaraq, süni intellekt
üsullarının yaradılmasınadək çoxistiqamətli elmi tədqiqatları
özündə birləşdirir.
Kibernetika elminin parçalanması
nəticəsində yaranan
elmlərdən biri də informatikadır.
Dostları ilə paylaş: