KİTABXANAŞÜNASLIQ VƏ İNFORMASİYA
№ 1 (4) 2011
96
9. Azərbaycan Dillər Universiteti İnformasiya Resurs Kompleksi və s.
İRBİS 64 Avtomatlaşdırılmış Kitabxana İnformasiya Sistemi (AKİS)
əsas kitabxana prosesləri üçün nəzərdə tutulmuşdur və bu proseslərə uyğun
Avtomatlaşdırılmış İşçi Yerlərindən (AİY) ibarətdir. [7, 188]
Bu sistemin Azərbaycanda geniş yayılmasında əsas səbəbləri kimi:
a) Bir sıra beynəlxalq biblioqrafik formatlara və standartlara cavab
verir. Sistem vasitəsi ilə bütün növ resursları təsvir etmək mümkündür.
b) Nəzərə alsaq ki, Azərbaycan Respublikası 70 il Sovet dönəmini
keçmişdir, ikinci istifadə olunan dil rus dili olmuşdur və bizim yerli, əsas isə
orta və yuxarı yaş kitabxanaçılar üçün bu sistemin qavranılması nisbətən daha
rahatdır.
Bütün bunları nəzərə alaraq
İnteqrallaşdırılmış Kitabxana
Sistemlərinin (İKS) və İnternet texnologiyalarının əsasında qurulmuş proqram
texniki və texnoloji sistemlərin yeni növü kimi kitabxana İnternet kom-
pleksləri yaradılmışdır. Kitabxana texnologiyalarına bütün imkan dairələrində
inteqrasiya olunan İnternet texnologiyalarının reallaşdırılmasına kompleks
yanaşma, mümkün səhvləri və vaxt sərfini azaltmağa, maliyyə və kadr
ehtiyatlarından səmərəli istifadə etməyə imkan verir.
ƏDƏBİYYAT
1.
Gündüz, O. İnternet /Osman Gündüz. Bakı: Multimedia mərkəzi,
2004. 199 s.
2.
İsmayılov X.İ. Kitabxana-informasiya texnologiyaları: dərs vəsaiti /
X.İ. İsmayılov.-Bakı: Nurlar nəşriyyatı-poliqrafiya mərkəzi, 2009. 312 s.
3.
Xələfov, A.A. Kitаbхаnаşünаslığа giriş: Dərslik (3 hissədə). H.3.-
Bakı: 2003.314 s.
4.
Moyo, L. Electronic libraries and the emergence of new service
paradigms / L. Moyo // The Electronic Libraries. 2004. Vol 22, N3. P.220-230
5.
Rüstəmov, Ə.M. İnformatika: Qeyri-riyaziyyat ixtisasları üzrə təhsil
alan tələbələr üçün dərslik / Ə.M. Rüstəmov.-Bakı: İqtisad Universiteti
nəşriyyatı, 2002. 550 s.
6.
Земсков А.И, Шрайберг Я.Л. Электронные библиотеки
[Текст]: учеб.пособие / А.И. Земсков, Я.Л. Шрайберг. М.:ГПНТБ Росcии,
2001. 352 с.
7.
Система автоматизации библиотек ИРБИС64. Общее
описание системы. М.:ГПНТБ России, 2004. 259 с.
KİTABXANAŞÜNASLIQ VƏ İNFORMASİYA
№ 1 (4) 2011
97
THE INTRODUCTION OF INFORMATION COMMUNICATION
TECHNOLOGIES IN AZERBAIJAN LIBRARIES
E.CH.MAMADOV
SUMMARY
This article examines the introduction of Information Communication
Technologies in Azerbaijan libraries.
НЕКОТОРЫЕ ВОПРОСЫ ПРИМЕНЕНИЯ
ИНФОРМАЦИОННО КОМУНИКАЦИОННЫХ ТЕХНОЛОГИЙ В
БИБЛИОТЕКАХ АЗЕРБАЙДЖАНА
Е.Дж.МАМЕДОВ
РЕЗЮМЕ
В статье были рассмотрены некоторые вопросы, связанные с воз-
можностей расширении внедрения информационных технологий в биб-
лиотечную систему Азербайджана.
KİTABXANAŞÜNASLIQ VƏ İNFORMASİYA
№ 1 (4) 2011
98
AZƏRBAYCAN KİTABXANALARINDA ELEKTRON MÜHİTİN
FORMALAŞMASI VƏ MÖVCUD PROBLEMLƏR
A.T.ABDULLAYEVA
M. F. Axundov adına Azərbaycan Milli Kitabxanası
AMEA-nın Mərkəzi Elmi Kitabxanasının aspirantı
Məqalədə kitabxanada həyata keçirilən əsas iş proseslərinə texniki va-
sitələrin tətbiqi ilə əlaqədar respublika kitabxanalarının avtomatlaşdırılması
və onların qlobal şəbəkəyə qoşulmasından danışılır. Həmçinin yeni yaradılmış
elektron kitabxanalarda axtarış sistemləri və istifadəçilərə (oxuculara)
elektron xidmətlər zamanı yaranan problemlər işıqlandırılır. Şəhər və rayon
kitabxanalarında elektron mühitin səviyyəsini müəyyən etmək məqsədilə
monitorinq və təhlillərin keçirilməsinin əhəmiyyətindən bəhs edilir.
Gündən-günə sürətlənən qloballaşma prosesləri informasiya-kom-
munikasiya texnologiyalarının ictimai həyatın bütün sahələrində, həmçinin
mədəniyyət, incəsənət, elm və təhsildə də əhəmiyyətini artırmışdır. Bir çox
inkişaf etmiş və inkişaf etməkdə olan ölkələrin indiki səviyyəyə çatmalarında
müasir İKT-nin tətbiqi, onun üstünlüklərindən istifadə olunması böyük rol
oynamışdır.
Hazırda informasiya cəmiyyətinin “vəsiqə”lərindən biri olan “İnternet”
dünya informasiya infrastrukturlarının ən mühüm elementidir. XX əsrin 60-cı
illərində ABŞ-ın Müdafiə Nazirliyinin hərbi məqsədlər üçün etibarlı rabitə
sistemi yaratmaq qərarı bugünkü İnternetin yaradılmasına səbəb oldu. [7, 4.]
Bu rəqəmsal texnologiya nəhəng informasiya, bilik potensialını özündə əks
etdirməklə bəşəriyyətin milli-mədəni sərhədləri aşaraq, vahid qlobal cəmiy-
yətdə birləşməsinə gətirib çıxarmışdır. Qlobal İnternet şəbəkəsinin yaratdığı
geniş imkanlar insanların düşüncə tərzində, iş üsulunda, ünsiyyətində və sosial
fəaliyyətində böyük dəyişikliklərə səbəb olmuşdur. İnternetin ölkəmizə ilk
gəlişində Azərbaycan Milli Elmlər Akademiyası İnformasiya Texnologiyaları
İnstitutunun mühüm rolu olmuşdur. Məhz bu elm ocağının ilkin bazası olan
Avtomatlaşdırılmış idarəetmə sistemləri (AİS) şöbəsində respublikamızda ilk
dəfə olaraq İnternetin Azərbaycan seqmenti qurulmuş və xarici ölkələrlə elek-
tron məktub mübadiləsi edilmişdir. Lakin o vaxtın məlum hadisələri
ölkəmizdə İnternetin genişləndirilməsinə imkan verməmiş və yalnız 1995-ci
ildən başlayaraq respublikamızda qlobal şəbəkənin inkişafı geniş vüsət alma-
ğa başlamışdır. [3, 109.] Hazırda İnternet artıq ölkənin ictimai, siyasi və
iqtisadi həyatının ayrılmaz tərkib hissəsinə çevrilmiş və ölkədə cəmiyyətin
aparıcı təbəqəsinin informasiya mübadiləsi və informasiya mənbəyi vasitəsi
olmuşdur. Bəzən hər hansı bir məlumatı kitabxanada deyil, İnternetdə axtar-
KİTABXANAŞÜNASLIQ VƏ İNFORMASİYA
№ 1 (4) 2011
99
maq daha asan olur. İnternetdə yerləşdirilən axtarış sisteminin köməyi ilə
istənilən mövzuya dair materialları əldə etmək imkanı bu işi xeyli asanlaşdırır.
Son illərdə Azərbaycanda informasiya və kommunikasiya texno-
logiyalarından istifadə sahəsində müəyyən addımlar atılmış, bir sıra sahələrdə
bu texnologiyaların tətbiqində ciddi uğurlar qazanılmış və ümumiyyətlə, bu
istiqamət dövlət siyasətinin prioritetlərindən birinə çevrilmişdir. Kitabxanalar
informasiyalaşdırılmış cəmiyyətin əsas atributlarından biri, informasiya müəs-
sisələrinin ən mühüm vasitəsi olduğu kimi, müasir kitabxana da informasiya
texnologiyası olmadan səmərəli fəaliyyət göstərə bilməz. Bu fəaliyyətin də
əsas elementləri kimi kitabxanaların texniki təchizatını, İnternetə qoşulması və
veb saytının yaradılmasını göstərmək olar. Saytın əsas resurslarına isə məlu-
mat bazaları, elektron kataloq, elektron kitabxana, kitabxananın fəaliyyətini
əks etdirən məlumatlar, keçiriləcək tədbirlər haqqında anonslar daxildir. [4,
74.]
Elektron inqilab informasiya texnologiyalarını dövlət orqanlarına,
insan fəaliyyətinin bütün sahələrinə kütləvi tətbiq etməklə “Elektron
hökumət” adlanan yeni idarəetmə üsulunun yaradılmasına, sənədlərin “kağız
dünyasından” rəqəmli məkana keçirilməsinə, işin keyfiyyətinin və şəf-
faflığının artırılmasına, bürokratik əngəllərin aradan qaldırılmasına, vətən-
daşların keyfiyyətli təhsil, tibbi xidmət və sosial təminatlar alması üçün
əlverişli şəraitin yaradılmasına yol açmışdır. Müasir iqtisadi vəziyyət, fəal
rəqabət mühiti kitabxanaları informasiya xidmətlərinin geniş spektrini (ənə-
nəvi kitabxana çeşidi çərçivəsindən çıxaraq) mənimsəməyə, öz təyinatını
istifadəçilərə (kitabxana fondları ilə məhdudlaşmayan) istənilən sənəd infor-
masiyasını çatdırmaqla əlaqələndirməyə məcbur edir. Buna görə də müasir
kitabxanada onun sosial statusu və cəmiyyət tərəfindən kütləvi istifadəsini
nəzərə alaraq oxucuların informasiya tələbatlarının ödənilməsində yalnız ənə-
nəvi kitabxana məhsulları və xidmətləri ilə kifayətlənmək olmaz, eyni zaman-
da elektron informasiya məhsulları və xidmətləri çeşidindən də, müxtəlif
məlumat bazalarından da geniş istifadəni təmin etmək lazımdır. [5, 219.]
Nəzərə alınmalıdır ki, bugünki oxucular (istifadəçilər) artıq kitabxanadan
onlayn xidmətlər tələb edirlər.
Bu gün “Azərbaycan Respublikasının İnkişafı Naminə İnformasiya və
Kommunikasiya Texnologiyaları Üzrə Milli Strategiyaya (2003-2012-ci il-
lər)” əsasən informasiya və kommunikasiya texnologiyaları sahəsində milli
mütəxəssislərin hazırlanması, milli vahid elektron informasiya məkanının
formalaşdırılması, milli tarixi, ədəbi və mədəni irsin qorunub saxlanması və
təbliğində, o cümlədən kitabxana, muzey və arxiv işlərində informasiya və
kommunikasiya texnologiyalarının geniş tətbiq olunması, milli informasiya
resurslarının beynəlxalq aləmə çatdırılması üçün onların ümumdünya elektron
informasiya məkanına inteqrasiyası, Azərbaycan diasporuna elektron infor-
KİTABXANAŞÜNASLIQ VƏ İNFORMASİYA
№ 1 (4) 2011
100
masiya dəstəyinin təmin olunması, İnternetin Azərbaycan seqmentinin geniş-
ləndirilməsi, milli axtarış saytlarının inkişaf etdirilməsi kimi bir sıra işlər
nəzərdə tutulmuşdur. [2, 242-243.] “Azərbaycan Respublikasında kitabxana-
informasiya sahəsinin 2008-2013-cü illərdə inkişafı üzrə Dövlət Proqramı”nda
da kitabxana işi sahəsində dövlət siyasətinə uyğun olaraq kitabxana-
informasiya sahəsində yeni texnologiyaların tətbiqi və istifadəsi nəticəsində
müasir kitabxana-informasiya infrastrukturunun yaradılması, istıfadəçilərə
göstərilən kitabxana-informasiya xidmətinin dünya standartları səviyyəsinə
çatdırılması, əhalinin intellektual potensialının və bilik səviyyəsinin inkişafı,
elektron informasiya fondlarının formalaşdırılması və virtual kıtabxanaların
inkişaf etdirilməsi, elektron kataloq və elektron kitabxanaların yaradılması
işinin təmin edilməsi, onların müasir standartlar səviyyəsinə çatdırılması
nəzərdə tutulmuşdur. [1, 2467.] Bu istiqamətdə bir sıra işlər də həyata
keçirilmişdir.
Hesablamalara görə, ötən 10 il ərzində həmyerlilərimiz qlobal şəbə-
kəyə 10000-dən artıq İnternet resursu yerləşdirmişlər. Təqdirəlayiq haldır ki,
həmin resurslar arasında bu və ya digər formada elektron kitabxana, elektron
mətn, müxtəlif janrlı ədəbiyyat və informasiya çeşidini özündə cəmləyən sayt-
lar mövcuddur. Kitabxanalarda informasiya texnologiyalarının tətbiqi ilə
əlaqədar əldə olunan bir çox uğurları da sadalamaq mümkündür. Kitabxana-
ların informasiyalaşdırılması sahəsində müsbət təcrübə qazanmış M.F.Axun-
dov adına Milli Kitabxana “Azərbaycan Respublikasında kitabxana-infor-
masiya sahəsinin 2008-2013-cü illərdə inkişafı üzrə Dövlət Proqramı”na əsa-
sən
Azərbaycan
kitabxanalarının saytlarını birləşdirən bir portal
(http://azerbaycan-kitabxanalari.az) yaratmışdır. Portal dedikdə çox sayda
kitabxanaların xidmətlərindən İnternet vasitəsilə yararlanmaq üçün vahid giriş
nöqtəsinə malik resurs nəzərdə tutulur. İstifadəçilər bu portaldan Heydər
Əliyev Fondu, Prezident Kitabxanası, AMEA Mərkəzi Elmi Kitabxanası,
Milli Kitabxana, Bakı Dövlət Universitetinin Kitabxanası, Respublika Gözdən
Əlillər Kitabxanası, Azərbaycan Dövlət Tibb Universitetinin Kitabxanası,
M.Qorki adına MSKF, F.Köçərli adına Respublika Uşaq Kitabxanası,
C.Cabbarlı adına Respublika Gənclər Kitabxanası, “Heydər Əliyev irsi”
Beynəlxalq elektron kitabxana, M.Ə.Sabir adına kitabxana-klub, M.Seyidzadə
adına Mərkəzi şəhər Kitabxanası, Azərbaycan Kitabxana İnformasiya
Konsorsiumunun saytları ilə yanaşı 5 şəhər (Gəncə, Lənkəran, Mingəçevir,
Sumqayıt, Şirvan), 28 rayon (Ağdaş, Ağstafa, Ağsu, Astara, Balakən, Bərdə,
Biləsuvar, Füzuli, Gədəbəy, Göyçay, Hacıqabul, Xaçmaz, İmişli, Qazax,
Qəbələ, Quba, Qubadlı, Qusar, Masallı, Neftçala, Sabirabad, Salyan, Şamaxı,
Şəmkir, Tovuz, Ucar, Zaqatala, Zərdab) və 9 ali məktəb kitabxanasının
saytlarına asanlıqla keçid edə bilərlər. Müntəzəm olaraq bu siyahı daha da
genişləndirilir. Respublikamızın şəhər və rayonlarında mövcud olan Mər-
KİTABXANAŞÜNASLIQ VƏ İNFORMASİYA
№ 1 (4) 2011
101
kəzləşdirilmiş kitabxana sistemlərinin yeni texnologiyalarla təchizatı, iş
proseslərinin avtomatlaşdırılması, elektron kataloq və elektron kitabxananın
yaradılması işi hələ ilkin mərhələdə olduğu üçün mövcud veb saytlarda da
hələ elektron kataloq, elektron kitabxana bölmələri tam şəkildə aktiv deyil. Bu
gün Elektron kitabxanalar mövcud olsa da bəzi kitabxanalarda axtarışlar
istənilən nəticəni vermir. Bəzən virtual oxucular elektron kataloq vasitəsilə
tapdığı məlumatı tam versiyada əldə etmək istəyir. Ancaq burada maddi-
texniki təchizat, proqram təminatı və kadr problemi ilə yanaşı başqa bir
problem-müəlliflik hüquqlarının qorunması problemi üzə çıxır. Elektron
daşıyıcıların sayı artdıqca, kitabxanaçılar müəlliflik hüququ və rəqəmsal
informasiyaya münasibətdə digər intellektual mülkiyyət hüquqları ilə tez-tez
rastlaşırlar. Elektron dünyada müəlliflik hüququ fəlsəfəsinin özü şübhə altına
alınır. Əsas çətinlik ondan ibarətdir ki, fərdi (qurucuların, hüquq sahiblərinin)
və ictimai (istifadəçilərin, cəmiyyətin) maraqları balanslaşdırılsın. [6, 105.]
Müəlliflər öz əsərlərini kitabxanaya gətirərkən onların elektron mətnlərini də
şəxsi razılıqları ilə diskdə və digər elektron daşıyıcılarda təqdim edirlər, bəzən
isə bir çox müəlliflər kitablarının elektron kitabxanada yerləşdirilməsinə
tərəddüd edir, icazə vermirlər. Məlum məsələdir ki, elektron versiyası əldə
edilə bilən kitabın satış imkanları avtomatik azalacaqdır. Ancaq onu da qəbul
etməliyik ki, müasir şəraitdə istifadəçilər öz tələbatlarının ödənilməsi zamanı
bütün imkanlardan yararlanmaq istəyirlər. Qlobal şəbəkədə biz Azərbaycan
dilində hansısa məlumat axtarırıqsa, bu heç də müsbət nəticələr vermir.
Həmin məlumatı ya rus, ya ingilis, ya da digər dillərdə axtarmalı oluruq. Əgər
axtarış sistemində Azərbaycan dilində hər hansı bir məlumat çıxırsa da onlar
çox gec yüklənir. Bəzən isə adı çıxan səhifələr, ümumiyyətlə açılmır.
Ölkənin informasiya cəmiyyətinə doğru irəliləməsinin səviyyəsini
müəyyənləşdirmək və mövcud problemləri aradan qaldırmaq məqsədilə ölkə
kitabxanalarındakı elektron vəziyyətin daimi monitorinqinin aparılması məq-
sədəuyğundur. Belə monitorinqlər kitabxanada həyata keçirilən müxtəlif
proseslərin işləmə mexanizminin yoxlanılması, tətbiq edilən elektron kitab-
xana sistemlərinin təhlili, oxuculara xidmətin, onların informasiya tələbatının
ödənilməsinin səviyyəsinin müəyyən edilməsi məqsədilə keçirilə bilər. Bu
yaxınlarda Azərbaycan Respublikası Mədəniyyət və Turizm Nazirliyi
paytaxtda və region kitabxanalarında tətbiq edilmiş sistemlər əsasında vahid
Elektron kitabxana sistemlərinin təhlilini həyata keçirmişdir. Aparılan təhlil
nəticəsində məlum olmuşdur ki, bütün kitabxanalar üçün vahid mər-
kəzləşdirilmiş məlumat informasiya bazasının olması, iri dünya kitab-
xanalarının elektron resurslarına qoşulma imkanı, rayon kitabxanalarında
bahalı avadanlıqlara və yüksəkixtisaslı İT kadrlarına tələbatın olmaması və
digər üstünlüklərinə görə dəstəklənən VTLS sisteminin tətbiqi daha qəna-
KİTABXANAŞÜNASLIQ VƏ İNFORMASİYA
№ 1 (4) 2011
102
ətbəxşdir. Bu sistem hazırda M.F.Axundov adına Milli Kitabxanada tətbiq
edilir.
Ümidvarıq ki, bütün regionlarımızda kitabxanaların saytlarının
müntəzəm və aktiv fəaliyyəti, elektron məlumat bazalarının yaradılması,
oxuculara elektron xidmət işinin təşkili tezliklə bəhrəsini verəcəkdir. Belə ki,
təhlillər və keçirilən monitorinqlər nəticəsində Bakıda və region kitab-
xanalarının fəaliyyətində yeni iş üsullarının tətbiq olunması, istifadəçilərə
müasir tələblərə uyğun kitabxana-informasiya xidmətinin göstərilməsi üçün
yeni təkliflərin hazırlanması, kitablarla yanaşı qəzet və jurnalların rəqəm-
sallaşdırılması sahəsində mövcud problemlərin həll edilməsi məqsədilə müasir
texniki avadanlıqlarla kitabxanaların təchizatı, İnternet vasitəsilə kitab-
xanalarla operativ əlaqənin yaradılması kimi problemlərin həll edilməsi
qarşıya qoyulmuşdur.
ƏDƏBİYYAT
1.
Azərbaycan Respublikasında kitabxana-informasiya sahəsinin 2008
2013-cü illərdə inkişafı üzrə Dövlət Praqramı [Mətn] //Azərbaycan
Respublikası Qanunvericilik toplusu. 2008. 31 oktyabr. № 10 (136). s. 2464-
2479.
2.
Azərbaycan Respublikasının inkişafı naminə informasiya
kommunikasiya texnologiyaları üzrə Milli Strategiya (2003-2012-ci illər)
[Mətn] //Azərbaycan Respublikası Qanunvericilik toplusu. 2003. 28 fevral. №
2 (68). s. 240-253.
3.
Gündüz, O. İnternet. Azərbaycanın İnternet resursları [Mətn] /O.
Gündüz. Bakı: Multimedia mərkəzi, 2008. 336 s.
4.
Xələfov A. XXI əsrin əvvəllərində Azərbaycanda kitabxana işinin
əsas inkişaf istiqamətləri [Mətn]: (mülahizələr, təkliflər və proqnozlar)
/A.Xələfov. Bakı: 2006.- 106 s.
5.
İsmayılov X. Kitabxana-informasiya texnologiyaları [Mətn]: dərs
vəsaiti / X.İsmayılov. Bakı: Nurlar Nəşriyyat-Poliqrafiya Mərkəzi, 2009.
312 s.
6.
İsmayılova, N. Əcnəbi müəlliflər elektron kitabxanalar haqqında
[Mətn] /N.İsmayılova // Kitabxanaşünaslıq və informasiya. 2010. №1. s. 101-
107.
7.
Qroşev, S. İnternet: sürətlə və hər şey haqqında [Mətn] / S.Qroşev.
Bakı: Adiloğlu, 2003. 205 s.
KİTABXANAŞÜNASLIQ VƏ İNFORMASİYA
№ 1 (4) 2011
103
FORMATION OF THE ELECTRONIC ENVIRONMENT OF
AZERBAIJAN LIBRARIES AND EXISTING PROBLEMS
A.T.ABDULLAYEVA
SUMMARY
The article deals with the automatization of libraries in connection
with implementation of new technological means in basic working processes
of library and the reception of access to libraries in global networks.
Search engines in new electronic libraries and in electronic catalogs
about the occurred problems during electronic services (service activities) to
users (readers), as well as the importance of monitorings and the analysis in
connection with the definition of the condition of electronic position in city
and regional libraries are investigated.
ФОРМИРОВАНИЕ ЭЛЕКТРОННОЙ СРЕДЫ БИБЛИОТЕК
АЗЕРБАЙДЖАНА И СУЩЕСТВУЮЩИЕ ПРОБЛЕМЫ
А.Т. АБДУЛЛАЕВА
РЕЗЮМЕ
В статье говорится об автоматизации библиотек в связи с внед-
рением новых технологических средств в основные рабочие процессы
библиотеки и о получении доступа библиотек в глобальные сети.
Широко освещаются поисковые системы в новых электронных
библиотеках и в электронных каталогах, о возникших проблемах во
время электронных сервисов (обслуживаний) к пользователям
(читателям), а также исследуется важность мониторингов и анализа
в связи с определением состояния электронного положения в городских
и районных библиотеках.
Dostları ilə paylaş: |