O‟zbekiston respublikasi oliy va o‟rta maxsus ta‟lim vazirligi s. A. Usmanov
Yüklə 5,01 Kb. Pdf görüntüsü
|
|
1. Bosh muhandis
- texnik rahbar, kichik korxonalarda esa, avtomobillarning texnik holatiga, ularning yo‘l va ekologik xavfsizligiga, shu jumladan, shartnoma asosida xizmat ko‘rsatishga ma‘sul mutaxassis (master, texnik menejer) shaxs sifatida muhandis texnika xizmatini boshqaradi. 2. Avtomobillarga TXK va ta`mirlash ishlab chiqarishini tezkor boshqarish, hisob va tahlil qilish guruhi (markaziy bo‟lim). 3. Texnikaviy bo‟lim - nostandart jihozlar, moslamalar, uskunalarni loyihalaydi, texnik me‘yorlar va yo‘riqnomalar tuzadi, xodimlar malakasini oshirish va kadrlarni tayyorlash bo‘yicha texnik o‘qish, texnika xavfsizligi va mehnat xavfsizligi tadbirlarini o‘tkazadi va ishlab chiqadi. Ishlab chiqarishdagi shikastlanishlar sabablarini o‘rganadi va ularni bartaraf qilish bo‘yicha choralar qabul qiladi, texnologik xaritalarni ishlab chiqadi, texnologik jihozlarni tanlash va buyurtma berishni amalga oshiradi, ishlab chiqarish texnik bazasini qayta qurish va texnik qayta jihozlash bo‘yicha rejaviy echimlarni ishlab chiqadi. 4. Bosh mexanik bo‟limi (guruh) - sanitar, texnik, xo‘jalik va energetik qurilmalar, inshootlar, binolar holatini texnik soz ushlab turishni, hamda nostandart jihozlar tayyorlash, asbob-uskunalar, texnologik jihozlarni o‘rnatish, xizmat ko‘rsatish, ta`mirlash va ulardan to‘g‘ri foydalanish nazoratini amalga oshiradi. 5. Moddiy-texnik ta`minot bo‟limi (guruh) - ATKning moddiy-texnik ta`minotni amalga oshiradi, ombor xo‘jaligi ishlarini samarali tashkil etish va ta`minlash bo‘yicha buyurtmalar tuzadi. 6. Texnik nazorat bo‟limi, harakatdagi tarkib nosozliklarining kelib chiqish sabablari tahlilini o‘tkazadi, harakatdagi tarkib yo‘lga chiqishida va ishdan qaytishida texnik holatini, hamma ishlab chiqarish bo‘limlari tomonidan bajarilayotgan ishlarning to‘liqligini va sifatini nazorat qiladi. 7. Ishlab chiqarishni tayyorlash majmuasi - materiallar, ehtiyot qismlar aylanma jamg‘armasini va ta`mirlash jamg‘armasini butlaydi, zahiralarni saqlaydi va muvofiqlashtiradi, agregat, uzel va detallarni ishchi postlarga etkazadi va yuvadi, ishchilarni asboblar bilan ta`minlaydi, hamda kutish, ta`mirlash va TXK 97 mintaqalariga avtomobillarni ko‘chiradi. Bundan tashqari majmua quyidagilarni bajarishi mumkin: - butlash ustaxonasi ishlab chiqarish dispetcheri - vazifasiga ko‘ra, butlash ustaxonasining xodimlari (chilangar-butlovchilar) talabnomalarni rasmiylashtirish va ta`mirlash ishlarini bajarish uchun zarur ehtiyot qismlarini ombordan olish va ularni ishchi postlarga etkazish hamda avtomobildan echilgan nosoz agregat, uzel va detallarni ta`mirlash joylariga etkazishni ta`minlaydi; - oraliq omborida agregatlar, uzellar, va detallarning (shu jumladan, ta`mirlanganlarini ham) cheklangan majmuasini saqlashni va ularni ma‘lum miqdordagi zahirasini ushlab turishni ta`minlaydi; - yuvish–saralash ustaxonasi ta`mirlash jamg‘armasini saqlaydi va qabul qiladi, agregatlarni qismlarga ajratadi, detal va uzellarni yuvadi, ularni TU (ta`mirlash ustaxonalari) majmuasiga ta`mirlashga jo‘natishdan oldin saralaydi (defektlash) va butlaydi; - asbob-uskunalarni tarqatish omborxonasi asboblarni ta`mirlash, tarqatish va saqlashni ta`minlaydi; - transport ustaxonasi haydovchi-ko‘chiruvchilari avtomobillarni ko‘chirishni, ularni ta`mirlashni kutish mintaqasiga (TKM) saqlashga topshirishni, hamda o‘ta og‘ir agregatlar, uzellar va detallarni transportda tashishni amalga oshiradi. Muayyan ATK uchun MTX tashkiliy-ishlab chiqarish tuzilmasini tayyorlashda ishlab chiqarish jarayoniga nisbatan ham tashqi, ham ichki omillar hisobga olinadi, shunga bog‘liq ravishda MTX bo‘limlarining keltirilgan ro‘yxati kombinatsiyalanishi va boshqa ko‘rinishga o‘tishi mumkin. Asosiy ichki omillarga , ijrochilarni va bo‘limlarni ixtisoslashtirish imkonini yoki ularning bir necha ishlab chiqarish vazifalarini birga olib borish zaruratini belgilovchi ishlab chiqarish xodimlari soni, ularda hududiy tarqoqlikning borligi, ishlab chiqarish mintaqalari joylashuvining harakteri va ishlab chiqarish texnik bazasining taraqqiyot darajasi, ishlab chiqarishning ish tartiboti (rejim) va harakatdagi tarkibining ekspluatatsiyasi jadalligi, texnologik jihatdan qo‘shiladigan 98 guruhlar borligi bo‘yicha harakat tarkibi parkining tuzilmasi va katta kichikligi kirishi mumkin. Mazkur ATK MTX tashkiliy ishlab chiqarish tarkibini shakllantirishga ta‘sir etuvchi asosiy tashqi omillarga , hududda servis xizmati bozorining rivojlanish darajasi bilan aniqlanadigan omillarni qo‘shish mumkin. Ushbu omillarga avtomobillar ishlash qobiliyatini saqlab turish tizimi samaradorligini oshirishni ta`minlovchi hududiy bosqichdagi ishlab chiqarishni markazlashtirish, konsentratsiyalash, ixtisoslashtirish va koopersiyalash kiradi. Ishlab chiqarishni markazlashtirish deganda turli avtomobil transporti korxonalari harakat tarkibi bo‘yicha belgilangan ishlarni avtomobil transporti korxonalaridan bittasining ishlab chiqarish bo‘linmasida yoki maxsus tashkil qilingan markazlashgan ixtisoslashgan ishlab chiqarishda (MIICH) bajarish tushuniladi. Ishlab chiqarishni markazlashtirish ishlab chiqarishni konsentratsiyalash darajasini oshirish, ya‘ni bo‘linmaning ishlab chiqarish dasturini kengaytirish imkonini beradi. O‘z navbatida ishlab chiqarishni ixtisoslashtirishga imkon yaratadi. Ammo ixtisoslashtirish koopersiyali ishlab chiqarishni rejalashtirishni talab qiladi, ya‘ni ma‟lum ishlarni bajarishni koopersiyalash yoki turli avtomobil transporti korxonalari bazasining bir qancha ishlab chiqarish bo‟linmalarida turli mahsulotlarni ishlab chiqarish va natijada xizmat yoki mahsulot almashinuvini koopersiyali aloqalar orqali amalga oshirishdir. Rivojlangan ishlab chiqarish bazasiga ega bo‘lgan va tegishli sertifikat va litsenziyalari bo‘lgan ATK xo‘jalik mustaqilligini olishlari munosabati bilan kichik korxonalar va shaxsiy egalikdagi avtotransport vositalariga shartnoma asosida xizmat ko‘rsatish va ta`mirlashda qatnashmoqdalar. Shunday qilib, ATK o‘zi uchun ishlab chiqarish quvvatlarini va xodimlarni yanada to‘liq band qilish va qo‘shimcha daromad olish masalasini o‘zi hal qilmoqda. |