Kurs: II fənn: Pedaqogika -2 Mövzu

P.5.Portfolio.Onun qiymətləndirilməsi. Portfolio-şagird işlərinin məqsədyönlü toplanılmasıdır. Portfolio təlim prosesində (tapşırıqların yerinə yetirlməsində) şagirdin səyini, inkişafını, bir və ya bir neçə fənn üzrə nailiyyətlərini göstərir. Portfolido şagir­din özünüqiymətləndirmə üçün seçdiyi ən yaxşı işlər və planlaşdırılmış nəticələrin əldə edilməsi məqsədilə onun irəliləyiş və inkişafını göstərən fəaliyyət nümunələri olmalıdır.
Portfolionun funksiyası. Müasir təhsildə qiymətləndirmə şagirdin təlim prosesin­də fənlər üzrə əldə etdiyi bacarıq və vərdişlərə yiyələnmə səviyyəsinin monitorinqinə yönəldilib. Portfolio:
-Şagirdlərin güclü və zəif tərəflərini əyani şəkildə göstərərək qiymətləndirmə
prosesini yaxşılaşdırır;
-Təlim məqsədlərinə nail olmaq üçün seçilmiş strategiyanı dəstəkləyir.
-Təlim prosesində dəyişiklik və irəliləyişləri əks etdirir.
-Şagird, müəllim və valideynlərin refleksiv-analiktik təfəkkürünə kömək edir.
Portfolionun istifadə məqsədləri:
-Məqəsdyönlü təlimi həvəsləndirmək
-Öyrənilən mövzu, material haqqında təsəvvürü genişləndirmək
-Öyrənmək bacarığını inkişaf etdirmək
-Planlaşdırılmış nəticələrin əldə edilməsində inkişafı nümayiş etdirmək
-Şagirdlərin özünüqiymətləndirməsinə imkan vermək
-Şagirdlərə qarşılıqlı dəstək və inkişaf üçün şərait yaratmaq
Portfolionun xüsusiyyətləri. Portfolio vasitəsi ilə qiymətləndirmə müxtəlif xüsusiyyətlərə malik çoxşaxəli prosesdir. Bura aşağıdakıları aid etmək olar:
-Həm formativ, həm də summativ qiymətləndirməni təmin edən fasiləsiz proses­dir. O, əvvəlcədən planlaşdırılmış təlim nəticələrinin əldə edilməsində şagird inkişa­fı­nın monitorinqini təmin edir.
-Təlim prosesində şagird fəaliyyətinin müxtəlif aspekt və proseslərini göstərir.
-Şagird təfəkkür və özünütəhlil prosesində birgə refleksiyasını təmin edir. Bu pro­ses­də onlar öz şəxsi qavrayış və anlamalarını izləyir, problem həlli və qərar qəbulunda öz yanaşmaları üzərində fikirləşir, fənnin məzmununun başa düşülməsi və vərdişlərin təkmilləşdirilməsində şəxsi irəliləyişlərini müşahidə edirlər.
Portfolio müxtəlif yanaşmaları əks etdirsə də ümumi tələblər də mövcuddur. Portfolio:
-Proqramda (kurikulumda) müəyyən olunan məqsədlər aydın əks etdirilməli;
-Şəxsiyyətyönümlü təhsilin xüsusiyyətlərini dəstəkləməli;
-Yarımil və ya tədris ili ərzində yerinə yetirilən bütün fəaliyyət nümunələrini özün­də cəmləşdirərək qiymətləndirmədə müxtəlif texnikaların tətbiqini nümayiş etdirməli;
-Şagirdlərin özünü qarşılıqlı qiymətləndirmə və müəllim tərəfindən qiymətləndi­ri­lən işlərin müxtəlif nümunələrini cəmləşdirməlidir.