48
Musiqi.Opera.Balet
105
illiyi
Cahan Talışinskaya
1909-1967
FEVRAL
Cahan Rza qızı Talışinskaya 1909-cu
il fevral ayının 9-da Lənkəran şəhərində
anadan olmuşdur. 1918-ci ildə ailəsi Ba-
kıya köçmüş, burada Qızlar Seminariya-
sına daxil olmuşdur. Eyni zamanda, mu-
siqi ilə maraqlanmış, piano və tarda ifa
etməyi öyrənmişdir. 1927-ci ildən Bakı
şəhər radio şəbəkəsində işə düzəlmişdir.
1934-cü ildə Azərbaycan Dövlət Fi-
larmoniyasının solisti olmuş, konsert
proqramı ilə silsilə çıxışlar etmişdir.
Xalq mahnı və muğamlarının gözəl ifa-
çısı kimi şöhrət tapmışdır.
1933-cü
ildə
“Şərq
musiqi
ansamblı”nın tərkibində Cahan xanım
Moskva, Leninqrad (Sankt-Peterburq),
Kiyev şəhərlərində qastrol səfərlərində
olmuşdur. 1936-cı ildə Moskva və Sankt-
Peterburq şəhərlərinə qastrolları zamanı
“Qatar” və “Segah” muğamları, “Uca
dağlar” və “Yeni kənd” mahnıları onun
ifasında lentə alınmışdır. Cahan xanımı
o dövrün görkəmli sənətkarlarından Səid
Rüstəmov, Bülbül, Həqiqət Rzayeva,
Şövkət Məmmədova, Şəmsi Bədəlbəyli,
Yavər Kələntərli, aktyorlardan Mus-
tafa Mərdanov, Sona Hacıyeva, Əzizə
Məmmədova, Fatma Qədri, Mərziyə Da-
vudova ilə dostluq və əməkdaşlıq telləri
bağlamışdır.
Lakin 1937-ci illərin qara yelləri
Cahan Talışinskayadan da yan keçmə-
mişdir. Ona NKVD ilə gizli əməkdaşlıq
təklif olunmuşdur. Ancaq o, razılıq
verməmiş, buna görə də Cahan xanı-
ma 1938-ci ildə Moskvada keçirilən ilk
Azərbaycan incəsənəti ongünlüyündə iş-
tirak etməyə icazə verilməmişdir. Lakin
sonra hansı səbəbdənsə yuxarıların onun
haqqında fikri dəyişmişdir. 1939-cu
ildə estrada artistlərinin I Ümumittifaq
müsabiqəsinə qatılmış və laureat olmuş-
dur. 1940-cı ildə Cahan Talışinskayaya
“Əməkdar artist” fəxri adı verilmişdir.
Lakin bir müddət sonra Azərbaycan
Xalq Daxili İşlər Komissarlığından
Tiflisə məktub göndərilmiş, yenidən
müğənninin sürgün məsələsi qaldırılmış-
dır. Onu bu dəfə əvvəllər Bakıda yaşa-
mış Zaqafqaziya Hərbi Şurasının üzvü,
SSRİ xalq deputatı Xavər Vəliyev xilas
etmişdir. Məhz onun köməkliyi ilə Ca-
han xanım Tiflisdə qalmış və sonra Ba-
kıya qayıtmışdır.
1949-cu ildə Cahan Talışinskaya
oğlu ilə birlikdə yenidən Daşkəndə sür-
gün edilmişdir. Yalnız 1954-cü ildə,
İ.Stalinin ölümündən və M.Bağırovun
həbsindən sonra Cahan xanım və oğlu-
nun azad olunması barədə qərar qəbul
olunmuşdur. Lakin Cahan xanım Bakıya
dönməmiş, Daşkənddə qalmışdır.
1966-cı ildə Daşkənddə olan güclü
zəlzələ nəticəsində yaşadıqları ev dağıl-
dığına görə Bakıya qayıtmışlar. Uzun
illərin təqibi və ağır məhrumiyyətlər bu
kübar xanımı vaxtından əvvəl qocalt-
mışdı. Bakıya dönən Cahan xanım bir il
sonra, 1967-ci il mart ayının 1-də vəfat
etmişdir.
Dostları ilə paylaş: