Söz sahibliyi/aparıcı rol: Menecerlər ictimai və hüquqi məsuliyyətləri yerinə yetirən söz sahibi yaxud aparıcı kimi çıxış edirlər. Bu vəzifələrə qonaqların qarşılanması, rəsmi sənədlərin imzalanması, vacib müştərilərin nahar yeməyinə aparılması, tabeçiliyində olanların mərasimlərində iştirak etmək, məktəblərdə və digər yerlərdə təşkil olunan tədbirlərdə nitq söyləmək və s. aid ola bilər. Bütün bunlar, birbaşa olaraq, mərasim xarakterli vəzifələrdir; ancaq, təşkilatın fəaliyyətinin rahat idarə edilməsi üçün də vacibdir.
Liderlik rolu: Menecerin liderlik rolu ən aydın şəkildə təşkilatın və ya bir bölmənin rəhbəri olduğu vaxt görülür. Menecer tabeçiliyində olanların işinə görə də cavabdeh olduğu üçün onların tapşırıqla əlaqəli məqsədlərinə çatmaqlarını koordinasiya etməli, onlara rəhbərlik etməli və daha yaxşı nəticələr almaqları üçün onları həvəsləndirməlidirlər. Menecerin komanda üzvlərinin, onun vasitəçilik və əlaqələndirici rolunu qeyd-şərtsiz və hörmətlə yanaşaraq izləyə bilməsi menecerin liderlik rolundan asılıdır.
