Таълими методикаси book · December 022 citations reads 2,437 author

 
7.2.4 Takrorlash darsi 
Takrorlash darslari yirik mavzular o‘tib bo‘lingandan keyin uyushtiriladi va 
geografiya ta’limida kam qo‘llaniladi. Takrorlash darslarida tegishli bo‘limdagi 
hamma materiallar takrorlanmay, asosiy e’tibor mavzusidagi eng muhim 
masalalarni chuqurlashtirish, yakunlash va yangi bilim bilan boyitishga qaratilishi 
lozim.
Takrorlash vaqtida darslarning tarbiyaviy tomoniga ko‘proq e’tibor berish kerak. 
Bunda o‘quv materiali qiziqarli dalillar, voqealar, taassurotlar bilan bog‘lanishi 
lozim. 
7.2.5. Aralash dars 
Maktabda ommaviy tus olgan dars turi bo‘lib, bunda ish olib borishning har 
xil turlari, tushuntirish, mustahkamlash, tekshirish, yakun yasash uyg‘unlashgan 
bo‘ladi. Aralash dars bir necha tarkibiy qismlardan: kirish (dars vazifalarini 
belgilash), o‘quvchilarning darsga tayyor ekanligini tekshirish, o‘tilgan material 
bilan yangi materialni bog‘lash, uy vazifalarini tekshirish va uni umumlashtirish, 
darsda ish natijalarini mustahkamlash va tekshirish, uyga vazifa va uni bajarish 
uchun ko‘rsatmalar berishdan iborat bo‘ladi. Aralash darsning har bir qismi o‘ziga 
xos metod va ish usullarini qo‘llashni talab qiladi. Aralash dars tuzilishi xilma-xil 
bo‘lib, darsni tayanch bilimlarni tekshirishdan boshlash ham mumkin. Ba’zi 
hollarda o‘rganilishi lozim bo‘lgan yangi material qismlarga ajratilib, har bir qism 
bo‘yicha bosqichma-bosqich yangi bilimlar beriladi, ular mustahkamlanadi va 
tekshiriladi, keyin qolgan qismlar ham shu tarzda o‘rganiladi. Ko‘pchilik 
o‘qituvchilar darsni o‘tilgan mavzu bo‘yicha o‘quvchilar bilimini tekshirishdan 

---

155 
boshlaydi. Bunda o‘tilgan mavzu materiali yangi mavzu uchun asos bo‘lib xizmat 
qilsa, shundagina samara berishi mumkin. 
Aralash darslarni ko‘p soatli mavzularni o‘rganishda va dars oldingi mavzular 
bilan bog‘lanish lozim bo‘lgan mavzularda qo‘llash maqsadga muvofiqdir.