YADİGAROV QARDAŞLARI
Talışinskilər nəslindən də general olduğunu eşitmişdim. Bakıda onlardan heç kimi tapa
bilməyib, Lənkərana yollandım. Lənkəranda öyrəndim ki, general Mirkazım bəy Talışxanovun
9
nəvələrindən biri Rəna xanım Axundzadə Bakıda yaşayır. Generalın sorağıyla Rəna xanımın
qonağı oldum.
Rəna xanım Axundzadənin ötən əsrə məxsus ailə albomundakı üç şəkil diqqətimi cəlb
elədi. Şəklin birində Birinci dünya müharibəsi illərində qoca bir general səngərdə təsvir
olunmuşdu. Ancaq şəxsiyyəti məlum deyildi. Albom sahibi dedi ki bəlkə də Əliağa Şıxlinskidir,
dəqiq bilmirəm. Bu mülki geyimdə olan da Yadigarovdur. Axı, bizim nəsil Borçalı
Yadigarovlarla qohum olub. Hansı Yadigarovdur, onu da bilmirəm. Bu səkkiz nəfərin təsvir
olunduğu şəkildə isə babam Mirkazımxan ailəsi ilədir. Bunların hamısı mənim yaşımdan çox-
çox əvvəl yaşamış adamlardır.
Şəkillərin üzünü çıxartdırmaq üçün Rəna xanımdan icazə istədim. Səngərdə təsvir olunan
generalın Əliağa Şıxlinski olmasını heç bir qohumu - nə xalq yazıçısı İsmayıl Şıxlı, nə də
Gövhər xanım Usubova təsdiq elədi. Həqiqətən də şəkildəki generalın Şıxlinskiyə oxşarlığı
demək olar ki, yox idi... Sonralar məlum oldu ki, Birinci dünya müharibəsi illərində təsvir olunan
general da elə Mirkazım bəy Talışxanovdur.
Yadigarovlar Borçalının Təkəli kəndindən olublar. Bu əsilzadə nəslin üç oğlu haqqında
məndə az-çox məlumat vardı. Onların hər üçü hərbçi olub. Rusiya-İran, Rusiya-Türkiyə və Rus-
8
Kəbki – kəklik
9
İnqilabdan əvvəlki sənədlərin hamısında generalın ad-familiyası belə göstərilir.
32
yapon müharibələrində qeyrətlə vuruşub ad-san qazanıblar. İnqilabdan əvvəl rus hərb tarixçisi
M.İ.Boqdanoviç və hazırda Moskvada yaşayan həmyerlimiz, polkovnik, tarix elmləri doktoru
Hacımurad İbrahimbəyli bu qardaşlardan birinin - İsrafil bəy
10
Yadigarovun döyüş
şücaətlərindən iftixarla bəhs etmişdir. Qazax, Borçalı aşıqları İsrafil bəyin Qars və Ərzurumdakı
qeyri-adi qəhrəmanlığı haqqında dastan da qoşublar.
1853-cü ildə Krım müharibəsi başlananda podpolkovnik İsrafil bəy Yadigarov
azərbaycanlılardan ibarət min nəfərlik süvari müsəlman briqadası komandirinin müavini
olmuşdur. Bir il sonra Kürək dərə döyüşlərindəki hərbi məharətinə görə ona polkovnik rütbəsi
verilir. Borçalılardan ibarət könüllü yığma ovçu” döyüşçülər təşkil edən İsrafil bəy ordunun
tərkibində ikinci süvari Azərbaycan alayı təşkil edir.
1854-cü il avqustun 19-da döyüşən ordu korpusunun komandanı Əlahiddə Qafqaz
korpusunun komandanına göndərdiyi bir məlumatda yazırdı:
“Bu gün möhkəm və dəhşətli bir hücum oldu. Düşmən müdafiə olunmağa cəhd
göstərirdi. Lakin onlar polkovnik İsrafil bəy Yadigarovun süvarilərinin hücumuna davam gətirə
bilmədilər. Düşmənin sol cinahı yarıldı. Draqunlar, kazaklar, ikinci Azərbaycan süvariləri və
gürcü drujinası sürətlə irəli atılıb onları döyüş səhnəsindən sildilər”.
Arxiv sənədləri göstərir ki, 1855-ci ilin iyul ayında polkovnik İsrafil bəy Yadigarov Şəki
və Şamaxı könüllülərindən təşkil etdiyi süvari alayla Qars üzərinə olan qəti hücumda bir neçə
dəfə fəal iştirak etmişdir. Bu müharibədə qeyri-adi qəhrəmanlığa görə təltif olunan 350-dən çox
azərbaycanlı arasında polkovnik Yadigarov da vardı. Onun döyüş xidmətləri dördüncü dərəcəli
müqəddəs Georgi ordeninə layiq görülmüşdü.
Polkovnik, tarix elmləri doktoru Hacımurad İbrahimbəyli Krım müharibəsində rus hərbi
xadimlərinin xidmətindən danışarkən haqlı olaraq yazır:
“Krım müharibəsi dövründə milli Qafqaz hərbi xadimləri içərisindən çıxmış hərbi rəisləri
Rusiyanın şöhrətli hərbi xadimləri ilə bir sırada yanaşı qoysaq, səhv etmərik. Onların sırasına
azərbaycanlı general-mayor İsmayıl bəy Qutqaşınlını, Mənsur ağa Vəkilovu, polkovnik İsrafil
bəy Yadigarovu, polkovnik Ağayevi, kürd podpolkovniki Cəfərağa Əlibəy ağa oğlunu, gürcü
generalı Andronikaşivilini, kabardin polkovniki Sultan Qazi Gərayı, osetin polkovnik
Kondukovu, Dudarovu və başqalarını aid etmək olar”.
İndiyədək heç bir arxiv sənədində inqilabdan əvvəlki hərbi-tarixi əsərlərdə polkovnik
İsrafil bəy Yadigarovun general-mayor rütbəsi alması haqqında məlumata rast gəlməmişik. Bu
barədə əlimizdə bircə tutarlı fakt var
11
. Onu da ilk dəfə Azərbaycan SSR EA Tarix İnstitutunun
baş elmi işçisi, tarix elmləri doktoru Tofiq Vəliyev üzə çıxarıb. T.Vəliyev SSRİ Mərkəzi Dövlət
Tarix Arxivindən və XIX əsrin dövri mətbuatından topladığı yeni materiallar əsasında yazdığı
“Naməlum səhifələr” məqaləsinin (“Ədəbiyyat və incəsənət” qəzeti, 16 yanvar 1981-ci il) bir
yerində qeyd edir ki, məhkəmə materiallarından müəyyən olur ki, Əlimərdan bəy
(M.C.Topçubaşovun atası - Ş.N.) Borçalı ağalarından birinin qızını almışdı. Çox güman ki,
sonralar onun II İrakli sarayına düşməsində arvad qohumlarının böyük rolu olmuşdur. Mirzə
Cəfər Topçubaşovun dayısı uşaqlarından saray müşaviri Ağa bəy və general-mayor İsrafil bəy
Yadigarovlar, Hüseyn ağa Abbas bəy oğlu və Əsmət xanım Vəzirova onun “varisləri” sifəti ilə
qalmış mal-dövlətə iddiaçı idilər”.
Yadigarovlar haqda araşdırmalar aparsaq görərik ki, tariximizin müxtəlif qatlarında bu
nəslin oğullarının layiqli izi var.
Əvəzsiz tarixçimiz Abbasqulu ağa Bakıxanov məşhur “Gülüstani-İrəm” əsərində
Yadigarovlar nəslinin ulu babasından söhbət açır:
... “Fətəli xan, Azərbaycan və bəlkə də, bütün İran işlərin” intizama qoymaq xəyalı ilə
Gürcüstan valisi İrakli xanla görüşüb məsləhətləşmək binasını qoydu. İrakli xan da Sadıq bəy
10
Arxiv sənədlərindən və borçalıların söhbətlərindən məlum olur ki, iki İsrafil bəy Yadigarov olub. Baba və
nəvə ( - Ş.N.).
11
Sonralar “Kabkazckij calendar” məcmuəsinin 1873-74-cü il nömrələrində İsrafil bəy Yadigarovun general-mayor
rütbəsi alması faktına rast gəldim. ( - Ş.N. )
33
Yadigar oğlunu səfir sifətilə Fətəli xanın yanına göndərdi. O, qədim valilər nəslindən yadigar
qalıb... Onun oğul və nəvələri indi də Tiflisdə yaşamaqdadırlar. Səfir Sadıq bəy Nuxada (Şəkidə
- Ş.N.) xanın hüzuruna gəlib, hədsiz lütf və mərhəmətə nail oldu”.
1978-ci ilin oktyabrında Tbilisidə ezamiyyətdə olanda akademik Paata Vissarionoviç
Ququşvili ilə görüşdüm. Gürcüstanda onu bizim böyük şairimiz Səməd Vurğunun yaxın dostu
kimi tanıyırlar. Söhbətimiz istər-istəməz iki qardaş xalqın qədim dostluğundan, onların
yadellilərə qarşı birgə mübarizəsindəa düşdü. Paata Vissarionoviç dedi ki, 1795-ci ildə Qacar
Tiflisə hücum edəndə Gürcüstanda yaşayan Azərbaycanlılar da şah ordusuna qarşı şücaətlə
vuruşublar. Onlardan biri Sadıq bəy Yadigar oğlu idi, biri də Xudu bəy Borçalinski. Xudu bəy
Borçalinski II İraklinin ən yaxın dostu olub. Ən çətin anlarda belə II İrakli Xudu bəyə inanıb.
Hətta bir gürcü sərkərdəsini qoşun başçılığından azad edib, əvəzində Xudu bəyi təyin edir. Bizim
gürcü tədqiqatçıları indi də bu əhvalatı qeyri-adi bir fakq kimi danışırlar. Xudu bəy də
Yadigarovlardandır.
Mən 1928-ci ildə “Gürcü kitabı” (1629-1929-cu illəri əhatə edir) adlı əsərini yazanda bu
fakta arxivdə rast gəldim.
Xalqımıza təmənnasız bir sevgi bəsləyən ağsaqqal akademik Paata Vissarionoviç
sevinclə:
- Hə, yadıma bir fakt da düşdü, - deyib söhbətinə davam etdi. - Ağa Məhəmməd şah
Qacar Tiflisə yeriməmiş II İrakliyə hədələyici bir məktub göndərir. Qacar məktubunda yazıb
tələb edir ki, 1783-cü ildə ruslarla bağladığı müqaviləni pozsun. Əgər əmrimi yerinə yetirməsən
onda mənim qoşunum Gürcüstanda rus və gürcü qanından Kür kimi bir çay axıdacaq.
II İrakli hiss edir ki, onun ölkəsinə çox güclü və dəhşətli fəlakət gəlir. Ona görə də
ailəsini salamat qalmaq üçün Tuşetə göndərməli olur. Bu vaxt çətin dağ yolları ilə II İraklinin
arvadı Darecan xanımı və uşaqlarını müşayiət edən Xeyransa xanım Yadigarova və bir neçə
başqa azərbaycanlı qadın olub. Bu fakta mən “Kavkaz” qəzetinin 1854-cü ildə nəşr olunmuş
nömrələrində rast gəlmişəm.
Azərbaycan Dövlət Tarix Muzeyinin arxivindən əldə etdiyimiz bir sənəd 1846-cı ilə
məxsusdur. Həmin ilin may ayında Qafqaz canişini knyaz M.S.Vorontsov raportla çar I Nikolaya
bildirir ki, Lori dərəsindəki kəndlərin Sadıq bəy Yadigarovun ixtiyarında qalmasına icazə versin.
M.S.Vorontsovun raportu:
“Əvvəllər Körpülü kəndində köçərilərin müvəqqəti məskunlaşmasına baxmayaraq, gürcü
çarları İrakli və Georgi tərəfindən bu kəndin Sadıq bəy Yadigarova bağışlanması haqqında ona
fərman təqdim olunmuşdu. Bununla bərabər çarlar ətrafdakı xristian və Azərbaycan kəndlərini
də onlara bağışlamışdı və indiyədək də həmin kəndlər Yadigarovların tamamilə ixtiyarındadır”.
Dekabrın altısında imperator M.S.Vorontsova cavab məktubunda yazır ki, Lori
dərəsindəki torpaqların Gürcüstanda yaşayan əsilzadə azərbaycanlıların ixtiyarında qalmasına
etiraz etmir.
Nə İsrafil bəyin, nə Sadıq bəyin, nə də Həsən bəy Yadigarovun fotoşəklinə indiyədək rast
gələn olmayıb. Bəs Rəna xanımın göstərdiyi şəkildəki mülki geyimli hansı Yadigarov idi?
Təkəli kəndindən Bakıda yaşayan bir neçə ağsaqqal və ağbirçəklə görüşdüm. Şəkli kimə
göstərdimsə tanıyan olmadı. Borçalıya getdim. Təkəlinin qocaman sakinləri Hüseyn Eyyubovla,
Əli Qurbanovla görüşdüm. Ötən əsrin səksəninci illərində şəkildə əbədiləşən Yadigarovu heç
kim tanımadı.
Vaxtilə Borçalı mahalının adlı-sanlı nəsillərindən biri olan Yadigarovlardan indi bu
obada bir nəfər belə qalmayıb. Otuz yeddinin qara günləri bu nəslin oğullarını pərən-pərən salıb.
Amma qeyrətli Yadigarov qardaşları haqqında qocaların sinəsi dastana sığışmayan əhvalatlarla
doludur. Gümrüdən (indiki Leninakan şəhəri - Ş.N.) Sınıq körpüyə, Borçalıdan isə Cəlaloğluya
(İndiki Stepanavan şəhəri - Ş.N.) qədər olan torpaq sahələri Yadigarovların ixtiyarında olub.
İkimərtəbəli, on iki otaqlı Yadigarovların şəxsi evi indi kəndin orta məktəbidir. Kənddəki
dəyirmanı, məscid binasını da bu qardaşlar tikdiriblər. İndi dəyirmandan çörəkxana kimi,
məsçiddən isə mədəniyyət evi kimi istifadə olunur.
34
- İsrafil bəy ucaboylu, enlikürəkli, qarayanız adam idi. Hüseyn dayı ilə birgə
Yadigarovların həyətini, bərbad hala düşmüş bağlarını gəzirik. O, mənə nəvə İsrafil bəydən
söhbət açır.. - Bəy İngiltərədən bir at gətirtmişdi. Od parçası idi. Mən onda gənç idim, on dörd-
on beş yaşım ancaq olardı... Atam, əmilərim danışardılar ki, rus-yapon müharibəsində İsrafil bəy,
döyüşlərin birində yaponların topunu qılınc gücünə əsir almışdı.
Qafqaz süvari briqadasının tərkibində vuruşan mayor İsrafil bəy Yadigarov (nəvə) 1905-
ci ildə zabitlərə məxsus müqəddəs Georgi ordeninin ikinci dərəcəsi ilə təltif olunmuşdur. O,
böyük dramaturqumuz Mirzə Fətəli Axundovla yaxın dost olmuşdur.
1916-cı ildə çar soldatları kasıb kəndliləri çox incidirmişlər. Ağır vergi, müharibəyə əsgər
toplanışı camaatı cana doydurubmuş. Yanı soldatlı pristav, uryadnikli qubernator kəndi çapıb
talayırmış. Qaçağanlı Mustafa Tağı oğlu, Məmmədtağı Axundoğlu və Qasımlı Kərəm
qubernatorun iki soldatını öldürürlər. Az keçmir ki, iki polk əsgər Qaçağan kəndini mühasirəyə
alıb kasıb kəndliləri döyür, işgəncə verib cinayətkarları tələb edir. Kəndin bir neçə bəyi, hətta
ortancıl qardaş Sadıq bəy Yadigarov da qubernatordan təvəqqe edir ki, camaatı nahaqdan
incitməsin. Həsən bəy kənddə yox imiş, Tiflisdə imiş. Ona xəbər göndərirlər. O, dərhal kəndə
gəlir. Çamaatı döydürən qubernator faytondan general düşdüyünü görüb özünü yığışdırır.
Həsən bəy: - Bu nə özbaşınalıqdır, mənim kəndimdə?
Qubernator:
- Əlahəzrət, mən onlardan soldatları öldürən cinayətkarları tələb edirəm.
- Cənab qubernator, siz kasıb kəndlilərə vurduğunuz zərəri ödəyin, mən də bu saat sizin
öldürülmüş əsgərlərin qan pulunu artıqlaması ilə verərəm. O ki, qaldı cinayətkar kəndlilərin sizə
divan üçün verilməsinə... Nə qədər ki, mən sağam, siz onları (heç vaxt ala bilməyəcəksiniz...
Dodaqaltı donquldanan qubernator:
- Əlahəzrət, məndə o qədər pul hardandı?
- Onda gedin işi divan-məhkəməyə verin...
Suyu süzülən qubernator əsərləri də yığıb kəndi tərk edir. Bir daha geri qayıtmır.
Ağsaqqal Hüseyn Eyyuboğlunun söhbəti:
- İnsani keyfiyyətlərə məxsus olan Həsən bəy çox rəhmli və səxavətli adam idi.
Kəndlilərə icarəyə verdiyi yerin bəhrəsini məhsula görə alardı. Bacarıb verə bilməyənlərə, külfəti
çox olanlara güzəştə gedərdi. Həyat yoldaşı Rüxsarə xanım əmisi qızı idi. Atalar məsəlidir, ərlə
arvadın torpağı bir yerdən götürülər. Həsən bəy kimi Rüxsarə xanım da kəndin, Borçalı
mahalının bütün xeyir-şər işlərində iştirak edərdi. Kasıb da, ortabab da bəyin bəzəkli faytonunda
gəlin gətirər, qız köçürərdi. Onlar heç kəsdən, heç nəyi əsirgəməzdilər. Xoşxasiyyət və rəhmli
Rüxsarə nənə kənd qızlarının toylarına gedər, qız-gəlinlərə hədiyyə alardı. Toyun bəyinə isə
hədiyyəni Həsən bəyin özü alardı. Kasıblar üçün ayrıca qazan asdırardılar, onları yedizdirib-
içirdərdilər.
Sadıq bəy Yadigarovun arvadı gürcü qızı idi. Üç oğlu vardı: Arçil bəy, Vəli bəy və
Davud bəy. Otuz yeddinci il onları kəndimizdən yox, bütün ölkədən didərgin saldı. Heç kəsə də
pislikləri dəyməmişdi. Çox sadə, əliaçıq adamlardılar: rəiyyətlə rəiyyət, bəylə bəy idilər.
Deyirlər, Sadıq bəyin kiçik oğlu Davud bəy bir neçə il əvvəl gəlib nənəsinin qəbrini
ziyarət edib. Deyib ki, Zestafoni şəhərində yaşayır. Azərbaycanlı familiyası ilə ona dinclik
vermirmişlər. Ona görə də Davud Sadıqoviç Yadigaraşvili olub.
İllər nə qədər amansız və sərt olsa da bu əsilzadə nəslin oğullarının əvəzsiz xidmətini nə
hafizəmizdən silə bilib, nə də daş yaddaşlardan. Tbilisindən Gəncəyə qədər elə bir məclis yoxdur
ki, onların adı anılıb, sözləri danışılmasın. Tiflis də imarəti, Borçalıda yurdu, qədim Gəncədə
səxavəti qalıb bu nəslin oğullarının. Əgər yolunuz Gəncəyə düşsə XVII əsrdə inşa edilmiş
“İmamzadə” kompleksinə baş çəkin. Bu qədim memarlıq abidəsinin giriş qapısındakı qızılı
rəngli yazıları oxuyun:
“1296-cı ildə (1917-ci ildə) Tiflisin Borçalı qəzasından olan mayor İsrafil bəy Yadigarov
bu müqəddəs qəbrin günbəzini öz pulu ilə ucaltdırmışdır”.
35
Burda kiçicik bir haşiyə çıxıb XIX əsrin əvvəllərində yaşayıb-yaratmış qazaxlı şair
Mustafa ağa Arif Şıxlinskinin Borçalı bəyləri haqqında olan bir şeri ilə oxucuları tanış etmək
istəyirəm.
“Yeni dövrün möcüzəli məxluqu” titulunu qazanmış general Aleksey Petroviç Yermolov
Qafqaza hakim təyin olunan gündən yerli bəylərdən, ziyalılardan çar hökumətinə dönüklüyə görə
şübhələnənləri dəstə-dəstə Sibirə sürgün etdirirdi. Mustafa ağanın sürgündən yazdığı
“Düşmüşəm” qoşmasından məlum olur ki, bəylərdən biri namərdlik edib nahaqdan onun üzünə
durub şər atmışdır. Buna görə də hökumət onu zaval təriqi ilə Rusiyaya sürgün etmişdir.
“Ağlaram” qoşmasında isə Mustafa ağa Arif Qazax, Şəmşəddin və Borçalı bəylərinin mərdliyini,
on dörd il həsrətini çəkdiyi sərçeşməli bulaqlarımızı, süsənli-sünbüllü dağlarımızı tərənnüm edir.
Bu tuthatut günlərdə Borçalı bəylərinin elinə, obasına sadiq qaldığını, ağır günlərdə, namərd
zəmanədə möhkəm və dönməz olduqlarını iftixarla yazır:
Qaldı paydar Borçalının bəyləri,
Meydan günü bir-birindən yegləri,
Mehman qarşısına mərd gəlməkləri,
Yadıma düşəndə onlar, ağlaram!
Hanı Qazax? Mehribanlıq gedibdir,
Ağalıq, sultanlıq, xanlıq gedibdir,
Nücəbədan alişanlıq gedibdir,
İtibdir şövkətü şanlar, ağlaram!
Təkəli kəndinin üst yanında kiçicik bir təpə var. Əsrləri yola salmış Babkər dağının
ətəyindəki bu boz təpədə, salxım söyüdlər altındakı məzarda bir igid, bir bəy uyuyur. Vaxtilə
onun kəhəri Suqovuşanda kişnəyəndə Gümrüdə bəd xəyallara düşənlər diksinib qorxardı. Bu
kişnərtindən Çubuxlunun göy yaylaqları, Cəlaloğlu meşələri lərzəyə gələrdi. Lori dərəsinin
yalçın qayaları bu kəsilməyən kişnərtidən əks-səda verərdi. İndi bu təmtəraqsız məzar daşında
çox qısa bir yazı var: general-mayor Həsən bəy İsrafil ağa oğlu Yadigarov, 1854-1934”.
Çoxdan unudulmuş general babamızın məzarını gec də olsa yad etdik. Ruhuna rəhmət
oxuduq. Dağılıb talan olmuş həyət-bacasına baş çəkdik. Ovlağından ötüb keçdik. Vaxtilə tərlan
ilə şikar elədiyi süsənli-sünbüllü dağlarını gəzdik. Gəzdikçə kövrələ-kövrələ əzabkeş şair
Mustafa ağa Arif Şıxlinskinin şerinə üz tutduq.
Ellərimiz vardı bəyli-paşalı,
Dağlarımız vardı əlvan meşəli.
Süsənli, sünbüllü, tər bənövşəli
Qaldı bağlar, xiyabanlar, ağlaram!
Dostları ilə paylaş: |