European neighborhood and partnership instrument fast countries forest law enforcement and covernance II program
Yüklə 22,01 Kb. Pdf görüntüsü
|
|
yamaca qalxmaq təhlükəlidir. Yağış yağarkən
tək qalmış ağacların altında daldalanmaq olmaz. Xüsusən açıq sahədəki tək-tək bitən ağaclardan uzaq olmaq lazımdır. İstirahət vaxtı qayalara söykənmək, meşə talasında və ya çəmənlikdə dayanmaq, su hövzələrinin yaxınlığında dur- maq, tonqal yaxınlığında durmaq, qaçmaq, sıx qrup halında hərəkət etmək, yaş geyimdə gəzmək, hündürlüyə çıxmaq, qayaların çat- lamış hissəsinə yaxınlaşmaq olmaz. Şimşək çaxarkən əksər hallarda palıd, qovaq, göyrüş ağaclarını, nisbətən nadir hallarda şam ağac- larını, ağcaqayın ağacını vurur. Qayalara söy- kən mək, meşə talasında durmaq, su hövzəsinə yaxınlaşmaq, qayanın altına girmək, üstü açıq maşında oturmaq, tonqal yandırmaq, qaçmaq, sıx qrup halında getmək, yaş paltarda olmaq, hündürlüyə çıxmaq, uçqunlar və ya qaya çatlarına yaxınlaşmaq, metal əşyalara toxunmaq olduqca təhlükəlidir. İldırım çaxarkən metal əşyaları, mobil telefonları, elektrik cihazlarını ələ götürmək olmaz. İldırım çaxarkən hət ta otaq şəraitində olduqda belə, elektrik cihaz- larını söndürmək, mobil telefondan istifadə etməmək, su kranlarına toxunmamaq lazımdır. İldırım insan bədənindən ani olaraq keçib bir və ya hər iki ayaqdan yerə ötürülür. Bədənin həmin nahiyələrində yanıq əmələ gəlir, ən çox tənəffüs və daxili orqanlar, əzələlər, böyrəklər zədələnir. Əzələlərin kəskin yığılması nəticəsində sümüklər çatlayıb sına bilər. İldırım vuran insan nəfəs almır və huşunu itirir. Belə insanlar hətta özlərinə gəldikdə heç nəyi xatırlamırlar, əl və ayaqları iflic olur, səmti itirir, danışıq qabiliyyəti itir, şok vəziyyətinə düşür. İldırım vuran insanın ani olaraq baş beyni, ağ ciyərləri və digər daxili orqanları zədələnir və ölümlə nəticələnir. Hadisə baş verdikdə dərhal xəsarət almış insanın yaxasını açmaq, arxası üstə uzandırıb sinəsinin altına geyimləri büküb qoymaqla tənəffüsü yaxşılaşdırmağa çalışmaq lazımdır. Ağızı tənziflə təmizləmək vacibdir. Xəstə uzadılaraq ayaqları 15-30 sm hündürlüyə qaldırılır və üzəri örtülür. Xəsarət alanın bədəni isti geyim və ya örtüklə soyuqdan qorunur. Əgər ildırım çaxmaqda davam edirsə, xəstəni təhlükəsiz yerə çatdırmaq gərəkdir. İldırım vurmuş insanın tənəffüsü dayanır və o, huşunu itirir. Nəticədə belə insanlar heç nə xatırlamırlar. İldırım vurmasının digər fəsadları müvazinətin itirilməsi, baş gicəllənmısi, nitqin itməsi, şok halına düşməklə müşayət olunur. Bu halda xəsarət alan şəxsə ilk yardım göstərmək lazımdır. Nəbzin döyünmədiyi aşkar edildikdə ildırım vuran şəxsə dərhal süni tənəffüs verilməli və ürək massaj edilməlidir. İlk öncə ürək massajı vasitəsilə tənəffüsü bərpa etmək vacibdir. İlk tibbi yardım üsulu kimi ürəyi massaj etmək və süni tənəffüs etdirmək lazımdır. Xəstənin ayaqlarını 15-30 sm hündürlükdə qaldırıb uzatmaq, yorğan və ya qalın örtüklə üzərini örtmək lazımdır. Xəsarət alan şəxs təcili olaraq tibb müəssisəsinə çatdırılmalıdır. Təcili olaraq xəsarət almış insana oksigen balıncı verilir. Ürək ritmi bərpa olunana qədər müayinə edilir və daxili orqanların vəziyyəti yoxlanılır. İldırım torpağa düşdükdə müəyyən dərinliyə keçir. Elektrik cərəyanı nəm torpaq, ağac kökləri, çatlarla ötürülür. Müxtəlif suxurlarla ayrılan torpaq sahələrinin müqaviməti elektrik potensialı obyektinə çevrilir. Belə obyektlər bir- birindən nə qədər uzaqda olsa da, arasındakı potensial fərqi güclü olur. Yamacda uzanan insan bədəni ilə bu nöqtələrə toxunduqda cərəyanın təsirinə məruz qala bilər. 100 milyon volt gərginlikdə ildırımın elektrik cərəyanının gücü 200 min amperdir. Belə halda insanın sağ qalması mümkündür. Mənzillərdən fərqli olaraq ildıerım çaxarkən elektrik cərəyanı dəyişkən olmayıb sabitdir və nisbətən az təhlükəlidir. Buna baxmayaraq yağışlı havada meşədə olarkən bütün təhlükəsizlik tədbirlərinə riayət etmək və həyatı qorumaq lazımdır. 87 Fövqəladə hallarda xəsarət alan insanlara təcili ilk tibbi yardım göstərmək üçün tibbi müdafiə vasitələrindən istifadə olunur. Bu vasitə- lərə radiasiyadan müdafiə vasitələri, antibakterial preparatlar, sanitar vasitələri aiddir. Radiasiyadan müdafiə vasitələri orqanizmin radioaktiv şüalanmaya davamlılığını artıran preparatlardır. Bu preparatlar şüalanmaya məruz qalan insanların ümumi vəziyyətini yüngül ləşdirir. Əsas köməkçiniz səyyar dərman qutusu ola bilər. Onun içində ilk tibbi yardımın göstərilməsi üçün minimal sayda lazımi vasitələr olmalıdır. Fərdi tibbi ləvazimat - şok və stress vəziyyətinin, şüa xəstəliyinin qarşısını almaq üçün tətbiq olunur və xüsusi polimer qutuda və ya təcili yardım çantasında saxlanılır. Bu vasitələrə ağrıkəsici dərmanlar, fosfor-üzvü birləşmələrlə zəhərlənməyə qarşı, şüalanmaya qarşı, antibakterial, ürəkbulanmasına və s. qarşı xüsusi həblərdən ibarətdir. İstənilən dərman çantasında qayçı, cərrah bıçağı və ya maqqaş olmalıdır (gənəni bədən dən necə kənarlaşdırmaq olar?). Zədə və kəsiklər zamanı steril bintləriniz və salfetləriniz, bakterisid leykoplastır, qanaxmanın dayandırılması üçün jqut, yod, kalium-permanqanat kristalları, hidrogen-peroksidi olmalıdır. Zərurət olduqda, naşatır spirti, borat turşusu, baş ağrısı zamanı isə “Zvyozdoçka” balzamı köməyə gələ bilər. Mütləq səyyar dərman çantasına daim qəbul etdiyiniz dərmanları qoyun. Həmçinin balzamı unutmayın: o, həşəratların sancması və kəsiklər zamanı, habelə ürəkgetmə və yanğınlar zamanı ən təsirli vasitədir. Unutmayın ki, bütün dərman qablaşdırmalarında (və ya içərisindəki təlimatlarda) bu dərmanı NECƏ və NƏ ZAMAN istifadə etmək göstərilir. Çətin vəziyyətdə dərman bitkiləri də kömək edə bilər. Yod əvəzinə ballıcanın (öfkəotu) yandırıcı qırmızımtıl şirəsindən faydalanmaq olar. Qanaxmanı bağayarpağın və ya yovşanın təzə şirəsi, habelə yağış göbələyinin yaşılımtıl qəhvəyi tozcuğu saxlaya bilər. Bu təbii müalicə vasitələri ümumi dezinfeksiya xassələrinə malikdir, ağrını sakitləşdirir və yaraları sağaldır; onları kəsiklər, əzilmə, eşşəkarısının və ya arıların sancması zamanı tətbiq etmək olar. Pambıq yerinə qamışın pərğusunu işlətmək olar. Ağır hallarda süni nəfəs, ürək massajı və digər tələb oluna bilər. Yaralıya ilk yar- dımı göstərdikdən sonra onu mütləq tibb məntəqəsinə çatdırmaq lazımdır: xəsarətin və ya xəstəliyin ağırlıq dərəcəsini yalnız həkim müəyyən edə bilər! Yanğın zamanı ilk tibbi yardım üsulları: 1. Yüksək temperaturun azaldılması üçün tədbir görmək. 2. Zərər çəkmiş insanı hadisə yerindən kənarlaşdırmaq. 3. Dərinin yanmış nahiyəsinə soyuq əşya qoymaqla yüksək temperaturu azaltmaq. 4. Yanmış dəriyə steril sarğı qoymaq. Tibbi sarğı materialı olmadıqda təmiz dəsmal və ya parçanı spirtdə isladıb istifadə etmək. 5. Yanmış nahiyəyə hər hansı bir məlhəmi qoymaq olmaz. Bununla zədələnmiş dərini çirkləndirmək olar. 6. Dərindən yanma zamanı xəsarət almış şəxsi təcili tibb müəsisəsinə çatdırmaq lazımdır. 7. Kimyəvi yanıq zamanı yara 15-20 dəqiqə su ilə yuyulur. İlk tibbi yardım kimyəvi maddənin qoxusu azalana qədər davam etdirilir. 8. Turşu yanıqlarında 5% çay sodasında isladılmış sarğı, qələvi yanıqlarında-limon, bor və ya sirkə turşusunda isladılmış sarğı və əhəngdən yanma zamanı 20% şəkər məhlulunda isladılmış sarğı qoyulur. 9. Xəsarət almış şəxsə ağrıkəsici dərmanlar verilir. İsti çay, kofe və ya mineral su təklif olunur. Həmçinin 1litr suda 0,5 çay qaşığı çay sodası və 1 çay qaşığı xörək duzu qarışdırılıb xəstəyə içirilir. Daha ağır yanıqlar zamanı xəstə təcili tibb müəssisəsinə çatdırılır. 88 Əlavə 1. «Dövlət qeydiyyatına alınmışdır» Azərbaycan Respublikasının Ədliyyə Nazirliyi Qeydiyyat № 2976 08 may 2003-cü il Nazir F.F. MƏMMƏDOV «Təsdiq edirəm» Azərbaycan Respublikası DİN Baş Dövlət Yanğın Təhlükəsizliyi İdarəsi Əmr № 44 16 aprel 2003-cü il Rəis M.Q. HÜSEYNOV «Razılaşdırılmışdır» Azərbaycan Respublikası Ekologiya və Təbii Sərvətlər Nazirliyi 15 aprel 2003-cü il Nazir H.S. BAĞIROV Azərbaycan Respublikası meşələrində yanğın təhlükəsizliyi Qaydaları 1. Ümumi müddəalar 1.1. Bu qaydalar «Yanğın təhlükəsizliyi haqqında» Azərbaycan Respublikası Qanununa əsasən hazırlanmış və Azərbaycan Respublikası Meşələrində yanğın təhlükəsizliyi qaydalarını müəyyən edir. Meşələrdə və meşə zolaqlarında yerləşən təşkilati hüquqi və mülkiyyət formasından asılı olmayaraq ictimai iaşə müəssisələrinə, məişət xidmətlərinə, sağlamlıq ocaqlarına və digər obyektlərə bu qaydalarla yanaşı, həmin obyektlər üçün onların spesifik xüsusiyyətlərini nəzərə alan digər yanğın təhlükəsizliyi qaydaları da şamil edilir. 1.2. Azərbaycan Respublikası meşələrində yanğın təhlükəsizliyinin təşkil olunmasında məsuliyyət Ekologiya və Təbii Sərvətlər Nazirliyinin Meşələrin İnkişafı Departamentinin üzərinə düşür. − yerlərdə bu qaydalara əməl olunmamasına görə məsuliyyət Meşə Mühafizəsi və Bərpası müəssisələrinin, dövlət qoruqlarının və yasaqlıqlarının direktorlarının və mühəndislərinin üzərinə düşür. − bundan başqa digər nazirliklərin, komitələrin, idarələrin tabeçiliyində olan meşələrdə yanğın təhlükəsizliyinin təmin edilməsi həmin təşkilatların üzərinə düşür. − Meşə Mühafizəsi və Bərpası müəssisələrinin, dövlət qoruqlarının və yasaqlıqlarının direktorları və mühəndisləri, meşələrdə bu qaydaların tələblərinin yerinə yetirilməməsinə görə məsuliyyət daşıyırlar. − meşələrdə yanğın təhlükəsizliyinə cavabdeh olan şəxslər, meşə mühafizə mühəndisləri bu qaydaları bilməli və ona əməl etməlidirlər. 1.3. Meşə Mühafizəsi və Bərpası müəssisələrinin kollektivi, o cümlədən mühəndis-texniki işçilər yerli Dövlət Yanğın Nəzarəti Orqanı (sonradan DYNO) ilə razılaşdırılmış xüsusi proqram üzrə yanğın təhlükəsizliyi qaydalarının tədrisi kursunu keçməlidirlər. 89 1.4. Yanğın baş verən zaman Meşə Mühafizəsi və Bərpası müəssisəsinin hər bir əməkdaşının birinci növbədə vəzifə borcları yanğının geniş sahəyə yayılmasının qarşısını almaqdan ibarətdir. 1.5. Meşə Mühafizəsi və Bərpası müəssisələrinin rəhbərləri borcludurlar: 1.5.1. Bu qaydaların öyrənilməsi və yerinə yetirilməsi üzrə cavabdeh şəxs təyin etmək; 1.5.2. Meşə sahələrində və zolaqlarında yanğına qarşı ciddi rejim təyin etmək və ona ciddi riayət olunmasını daima nəzarətdə saxlamaq; 1.5.3. Yanğınsöndürmə texnikalarının və vasitələrinin, təbii və süni su mənbələrinin, keçidlərin, yolların vəziyyətini daima yoxlamaq, kollektivin iş fəaliyyətinə nəzarət etmək; 1.5.4. Meşələrdə və meşə zolaqlarında müvəqqəti tikililərin aparılmasını qadağan etmək; 1.5.5. Yanğınsöndürmə texnikalarının və vasitələrinin (yanğınsöndürən avtomobil, yanğınsöndürən su nasosu, odsöndürənlər) texniki xidmətini, təmirini və daima işlək vəziyyətdə saxlanılmasını təmin etmək; 1.5.6. Yanğın texniki komissiya və könüllü yanğın dəstəsi yaradaraq, onların fəaliyyətini qüvvədə olan mövcud qanunvericiliyə uyğun olaraq təşkil etmək; 1.5.7. Mütəmadi olaraq kollektivin yanğınla əlaqədar (yanğınsöndürmə xidmətinin çağırılması, yanğınsöndürmə avadanlıqların düzgün istifadə edilməsi) təlim məşqlərini təşkil etmək; 1.5.8. Meşə Mühafizəsi və Bərpası müəssisəsinin kollektivi ilə yanğına qarşı təlimatların, eləcə də yanğın texniki minimumu üzrə dərslərin keçirilməsini təşkil etmək; 1.5.9. DYNO-nın və onun bölmələrinin vəzifəli şəxslərinin tələbinə əsasən müəssisənin yanğın təhlükəsizliyi vəziyyəti barədə, o cümlədən ərazidə baş vermiş yanğınlar və onların nəticələri barədə məlumatlar və sənədlər vermək. 1.6. Meşə Mühafizəsi və Bərpası müəssisəsinin mühəndisləri borcludurlar: 1.6.1. Meşə və meşə zolaqlarında yanğınların baş verməsinə səbəb ola bilən nöqsanların aradan qaldırılması üçün təxirəsalınmaz tədbirləri həyata keçirmək; 1.6.2. Yanğınsöndürmə texnikasına və vasitələrinə vaxtlı-vaxtında texniki xidmətin göstərilməsini təşkil etmək; 1.6.3. Yanğın təhlükəsizliyi qaydalarına riayət olunmasına nəzarət məqsədi ilə meşə sahələrinə və zolaqlarına vaxtaşırı baxış keçirmək; 1.6.4. Meşə Mühafizəsi və Bərpası müəssisəsinin tabeliyində olan meşə sahəsində keçidlərin, yolların, su mənbələrinin vəziyyətinə nəzarət etmək; 1.6.5. Yanğın baş verən zaman yanğınsöndürmə xidmətinin hadisə yerinə çağırılması üçün tədbirlər görmək və dərhal yanğının söndürülməsini mövcud vasitələrlə təşkil etmək. 2. Yanğın təhlükəsizliyinin əsas tələbləri 2.1. Meşədə aşağıdakılar qadağan edilir: 2.1.1. Meşə sahələrində söndürülməmiş kibritin, yanan siqaret qalığının və ya kötüyünün atılması, eləcə də tonqalların yandırılması və ağac kömürü istehsal etmək üçün xüsusi ocaqxanaların təşkil edilməsi: 2.1.2. Sürtkü yağı, benzin, ağ neft, dizel yanacağı və digər yanar mayelərə bulaşmış əsgi və digər materialların atılması; 90 2.1.3. Müəyyən olunmamış yerlərdə avtomobil, traktor və digər daxili yanma mühərrikli aqreqatların yanacaqla doldurulması, eləcə də onların yaxınlığında siqaret çəkilməsi, tonqal yandırılması və s; 2.1.4. Dövlət meşə torpaq fondunun, habelə meşə torpaq fondu ilə həmsərhəd olan sahələrdə qurumuş otların, kövşənlərin müəssisələr, idarələr, təşkilatlar və fermer təsərrüfatları, eləcə də əhali tərəfindən yandırılması; 2.1.5. Aparılmış hər hansı tikinti işləri yerində, tikinti materiallarının qalıqlarının atılması və yandırılması; 2.1.6. Yanacaq və sürtkü yağlarının açıq şəkildə saxlanılması. 2.2. Dövlət meşə fondunda yol, qaz kəməri, neft kəməri, yüksək gərginlikli elektrik xətləri (sonradan YGEX), rabitə xətləri və digər kommunikasiyaların tikintisini aparan, habelə neft-qaz çıxaran müəssisələr, təşkilatlar və idarələr tərəfindən iş görüləcək sahə və onun ətrafları ağac, kol və digər yanan materiallardan Meşə Mühafizəsi və Bərpası müəssisəsinin müəyyən etdiyi vaxtda təmizlənməlidir. 2.3. Meşə sahələrində YGEX çəkilərkən həmin xətlərin çəkildiyi yerlərdə ağaclar kəsilərək cığırlar açılmalıdır. Cığırların eni müəyyən edilərkən ağacların elektrik xəttinin üzərinə düşməsi, yıxılması təhlükəsi baxımından və YGEX-nin istismarı şəraiti, habelə meydana çıxan hər hansı bir nasazlığın tez bir zamanda aradan qaldırılması imkanları nəzərə alınmalıdır. 2.4. Meşə massivlərində və yaşıllıq salınan yerlərdə YGEX-nin çəkilməsi üçün nəzərdə tutulan cığırların eni aşağıdakı qaydada müəyyən edilməlidir: Hündürlüyü 4 metrə qədər alçaq boylu ağac növləri olan sahələrdə: - YGEX-nin qıraq naqilləri arasındakı məsafə daxil olmaqla 6 metrdən az olmamalıdır (YGEX-nin dirəyindəki, ən qıraqdakı naqillərdən hər tərəfə 3 metr). Hündürlüyü 4 metrdən yuxarı ağac növləri olan sahələrdə: - 330 kvt-dan — 500 kvt-a qədər olan bütün YGEX-nin, habelə istehlakçı üçün yeganə cərəyan mənbəyi kimi xidmət göstərən 220 kvt və aşağı gərginlikli elektrik xətləri çəkilərkən YGEX-nin qıraq naqillərinin hər tərəfində meşə massivindəki ağacların əsas hündürlüyünə bərabər olan məsafə daxil olmaqla qıraq naqillər arasındakı məsafədən az olmamalıdır. - Əgər YGEX üçün meşədə salınan cığırların qıraqlarında bitən ayrı-ayrı ağacların və ya ağaclar qrupunun hündürlüyü üfüqi vəziyyətdə elektrik xəttindən ağaclara qədər olan məsafədən artıq olarsa, onda onlar kəsilməlidir. 2.5. Meşədə emal edilmiş hazır meşə materialları açıq sahədə aşağıdakı qaydada yığılıb saxlanılmalıdır: 2.5.1. Meşə materialları yığılan yerin sahəsi 8 hektara qədərdirsə, onda enliyarpaqlı meşə massivi kənarından həmin sahəyə qədər olan məsafə 20 metr, 8 hektar və ondan artıq olduqda isə məsafə 30 metr olmalıdır; 2.5.2. Meşə materialları yığılan yerin sahəsi 8 hektara qədərdirsə, onda iynəyarpaqlı və qarışıq meşə massivi kənarından həmin sahəyə qədər olan məsafə 40 metr, 8 hektar və ondan artıq olduqda isə məsafə 60 metr olmalıdır; 2.5.3. Meşə materialları yığılan yerlər və yanğına qarşı ara məsafələr yanar materiallardan təmizlənməli və eni 1,4 metrdən az olmayaraq minerallaşdırılmış zolaqlarla haşiyələnməlidir. 91 2.6. Geoloji axtarış işləri aparan təşkilatlar dövlət meşə fondu torpaqlarında geoloji axtarış işlərinə başlamazdan əvvəl, ərazisində iş aparılacaq Meşə Mühafizəsi və Bərpası müəssisəsində qeydiyyatdan keçməlidir. İş marşrutu, yaradılacaq müvəqqəti düşərgə yeri onlarla razılaşdırılmalıdır. 2.7. Turist istirahət zonaları, gənclər və uşaq təşkilatları tərəfindən dövlət meşə fondu torpağında keçirilən kütləvi tədbirlərin vaxtı Meşə Mühafizəsi və Bərpası müəssisəsi ilə razılaşdırılmalıdır. Tonqalların yandırılması Meşə Mühafizəsi və Bərpası müəssisəsinin ayırdığı xüsusi yerlərdə aparılmalıdır. 2.8. Tullantıların yandırılması bütün hallarda Meşə Mühafizəsi və Bərpası müəssisəsi ilə razılaşdırılmalıdır. 2.9. Yanğın təhlükəsi olan meşə sahələri, meşə yolları və digər torpaqlarla həmsərhəd olan sahələr yanğın əleyhinə 2-3 metr enində şumlanmalı, meşənin tör-töküntülərdən təmizlənməsi təmin edilməlidir. 2.10. Meşənin ərazisində yerləşdirilən hər hansı tikilinin ətrafı 15 metr radiusunda şumlanmalı və ya yanğına qarşı minerallaşdırılmış zolaqlarla təmin edilməlidir. 2.11. Meşədən və ya meşə zolağından keçən avtomobil və dəmir yollarının hər iki tərəfi 10 metr məsafədə meşə tör-töküntülərindən, yanar materiallardan təmizlənməli və yanğına qarşı minerallaşdırılmış zolaqlarla təmin edilməlidir. 2.12. Meşə ilə əlaqəsi olan bütün müəssisələrdə, təşkilatlarda, idarələrdə, əhali arasında, məktəblərdə və meşə ilə həmsərhəd olan yaylaq otlaqlarında çobanlar, ov mövsümü zamanı ovçular arasında odla ehtiyatlı olmaq və yanğın baş verərsə, onun söndürülməsi qaydaları barədə izahat işi aparılmalıdır. 2.13. Meşəyə yaxın olan yaşayış yerlərində, yol kənarlarında, meşədə müvəqqəti istirahət yerlərində, meşə ilə həmsərhəd olan və meşədə yerləşən bütün obyektlərdə odla ehtiyatlı olmaq və meşədə yanğın təhlükəsizliyi qaydalarının pozulması barədə məsuliyyət haqda dövlət standartına uyğun olaraq xəbərdaredici lövhələr qoyulmalıdır. 2.14. Meşə yanğınının söndürülməsi üçün Meşə Mühafizəsi və Bərpası müəssisəsinin işçilərindən könüllü yanğın dəstəsi yaradılmalı və onların siyahısı gözlə görünən yerlərdə asılmalı, habelə orada hər könüllünün ev ünvanı, telefon nömrəsi qeyd olunmalıdır. 3. Meşə Mühafizəsi və Bərpası müəssisələrinə olan tələblər 3.1. Yanğın təhlükəsizliyi sahəsində Meşə Mühafizəsi və Bərpası müəssisəsinin borcudur: 3.1.1. Yanğın təhlükəsizliyi tələblərinə riayət etmək, habelə Dövlət Yanğın Nəzarəti Orqanının və onun bölmələrinin vəzifəli şəxslərinin göstərişlərini, qərarlarını və digər qanuni tələblərini yerinə yetirmək; 3.1.2. Meşələrin yanğın təhlükəsizliyinin təmin edilməsi tədbirlərini işləyib hazırlamaq və həyata keçirmək; 3.1.3. Yanğına qarşı təbliğat aparmaq, habelə öz işçilərinə yanğın təhlükəsizliyi qaydalarını öyrətmək; 3.1.4. Yanğından müdafiə sistemlərini və vasitələrini, o cümlədən ilkin yanğınsöndürmə vasitələrini saz vəziyyətdə saxlamaq, onların başqa məqsədlər üçün istifadə olunmasına yol verməmək; 3.1.5. Meşədə müvəqqəti istirahət yerlərində siqaret çəkənlər üçün xüsusi yer düzəldilməsini təşkil etmək; 92 3.1.6. Yanğınları söndürməkdə, onların törənməsi və yayılması səbəblərini, şəraitini müəyyənləşdirməkdə, habelə yanğın təhlükəsizliyi tələblərinin pozulmasında və yanğınların törənməsində təqsirli olan şəxslərin aşkar edilməsinə yanğın təhlükəsizliyi orqanlarına və bölmələrinə köməklik göstərmək; 3.1.7. Meşədə baş vermiş yanğınların söndürülməsi zamanı yanğınsöndürmə üzrə əməliyyatların yerinə yetirilməsində iştirak edən yanğın təhlükəsizliyi xidmətinin şəxsi heyətinə və yanğının söndürülməsinə cəlb olunmuş qüvvələrə müəyyənləşdirilmiş qaydada zəruri qüvvə və vəsaitlər, yanacaq-sürtkü materialları, habelə ərzaq məhsulları və istirahət yerləri vermək; 3.1.8. Dövlət Yanğın Nəzarəti Orqanının və onun bölmələrinin vəzifəli şəxsləri öz xidməti vəzifələrini yerinə yetirərkən onların ərazilərə, binalara, qurğulara və müəssisənin başqa obyektlərinə daxil olmasını təmin etmək; 3.1.9. Baş vermiş yanğınlar, eləcə də mövcud yanğından müdafiə sistemlərinin və vasitələrinin nasazlığı, yolların və keçidlərin vəziyyətindəki dəyişikliklər barədə DYN orqanına və ya onun bölmələrinə ləngimədən məlumat vermək. 3.2. Meşə Mühafizəsi və Bərpası müəssisəsi meşə sahələrində baş verə biləcək yanğınların söndürülməsi üçün ərazidə yerləşən dövlət, kooperativ, şəxsi, idarə və müəssisələrin, mülki müdafiə birləşmələrinin, hərbi hissələrinin və dövlət yanğın təhlükəsizlik xidmətlərinin texnikasının və şəxsi heyətinin cəlb edilməsi planını işləyib hazırlamalıdır. Bu plan yerli İcra Hakimiyyəti başçısı tərəfindən təsdiq edilməlidir. 3.3. Meşə yanğınlarının təhlükəsi olan mövsümdə bir ədəd avtomobil, traktor, buldozer iş yerlərində tam hazır vəziyyətdə saxlanılmalı və meşəbəyilərinin növbə çəkmələri barədə müəssisə direktoru tərəfindən əmr verilməlidir. 4. Yanğınsöndürmə vasitələri 4.1. Meşə Mühafizəsi və Bərpası müəssisələri 1 saylı qoşmaya uyğun olaraq yanğınsöndürmə vasitələri ilə təmin olunmalıdırlar. 4.2. Yanğın texnikasının və ilk yanğınsöndürmə vasitələrinin təyinatına uyğun olmayaraq istifadə edilməsi qəti qadağandır. 4.3. Meşədə baş verən yanğınların söndürülməsinə cəlb ediləcək yanğın avtomobillərinin meşəyə kifayət qədər yaxın olan su mənbəyindən tez bir zamanda istifadə etməsi məqsədi ilə rayon ərazisində yerləşən çayların, göllərin və süni su mənbələrinin yerləşdiyi yerləri göstərməklə xəritə tərtib olunmalı və ilin hər bir fəslində suyun götürülməsi üçün həmin su mənbələrinin üzərlərində bərk örtüklü meydançası olan pirslər (körpülər) quraşdırılmalıdır. 5. Yanğın zamanı hərəkətlər 5.1. Yanğın aşkar edilən zaman aşağıdakılar tələb olunur: 5.1.1. Tez bir zamanda yanğından mühafizə orqanlarına xəbər vermək, habelə yanğının dəqiq yerini və orada insanların olması haqqında məlumat vermək; 5.1.2. Yanğınsöndürmə xidməti gələnə qədər mövcud vasitələrlə yanğının söndürülməsini təşkil etmək. 5.2. Meşədə yanğın baş verən zaman Meşə Mühafizəsi və Bərpası müəssisəsinin rəhbəri aşağıdakı vəzifələri yerinə yetirməlidir: Yüklə 22,01 Kb. Dostları ilə paylaş:
|