Azərbaycan Respublikası Mədəniyyət və Turizm Nazirliyi
Yüklə 13,5 Mb. Pdf görüntüsü
|
- Bu səhifədəki naviqasiya:
- Ədəbiyyat: Əhmədov Teymur- “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
- 8 Avqust - Şair Hafiz Əlinin anadan olmasının 80 illiyi, (1937)
- 10 Avqust - Tərcüməçi Beydulla Musayevin anadan olmasının 110 illiyi, (1907-1979)
- 12 Avqust - Şair, tərcüməçi Vilayət Rüstəmzadənin anadan olmasının 80 illiyi, (1937-2001)
- 19 Avqust - Xalq şairi Mirvarid Dilbazinin anadan olmasının 105 illiyi, (1912-2001)
- 20 Avqust - Yazıçı, ədəbiyyatşünas İslam Ağayevin anadan olmasının 85 illiyi, (1932-2014)
- 25 Avqust - Şair, publisist Davud Nəsibin anadan olmasının 75 illiyi, (1942-2003)
- Tərcümələri
- 31 Avqust - şair, dramaturq İsgəndər Coşğunun anadan olmasının 90 illiyi, (1927-1996)
- Xarici ədəbiyyat 29 Avqust - Belçika yazıçısı Moris Meterlinkin anadan olmasının 155 illiyi, (1862-1949)
- İnternetdə:-name.ru/biography/moris-meterlink.htm
- İncəsənət 17 Avqust - Xalq artisti, müğənni, bəstəkar Müslüm Maqomayevin anadan olmasının 75 illiyi, (1942-2008)
|
İnternetdə: www.books.google.com 263
6 Avqust - Şair Rüfət Zəbioğlunun anadan olmasının 85 illiyi, (1932-1983)
Şair Rüfət Zəbioğlu Bakıda müəllim ailəsində doğulmuşdur. İlk təhsilini 31 saylı Bakı şəhər orta məktəbində almışdır (1940-1950). Azərbaycan Dövlət Universitetinə daxil olmuş (1951), bir il sonra Azərbaycan Yazıçılar İttifaqının zəmanəti ilə SSRİ Yazıçılar İttifaqının nəzdində olan M.Qorki adına Ədəbiyyat İnstitutuna dəyişilmişdir. Onun ilk şeiri ―Bakinski raboçi‖ qəzetində dərc edilmişdir (1949). Şeirləri ―Azərbaycan‖, ―Kirpi‖ jurnallarında, ―Ədəbiyyat və İncəsənət‖ qəzetində müntəzəm çap olunmuşdur. Əmək fəaliyyətinə Azərbaycan Dövlət Televiziya və Radio Verlişləri Komitəsində redaktorluqla başlamışdır (1957). Sonra Azərbaycan Xalq Yaradıcılığı Evində dramaturgiya şöbəsinin müdiri (1958-1969), Bakı Neft Texnikumunda inspektor (1969-1974), Azərbaycan Dövlət Nəşriyyatında redaktor (1974-1978) işləmişdir. Bundan sonra müstəqil yaradıcılıqla məşğul olmuşdur. Rüfət Zəbioğlu 1983-cü il iyulun 20-də vəfat etmişdir.
çöküb‖ (1970), ―İlk beşlik‖ (1971), ―Təbəssüm‖ (1975), ―Sirr, möcüzəm‖ (1978), ―Ayselim‖ (1983), ―Kainatla üz-üzə‖ (1983) və s.
məlumat kitabı, Bakı, 2011.
264
Hafiz Əli Masallı rayonunun Göyçay kəndində anadan olmuşdur. Kiçik yaşlarında ikən ailəliklə Lənkəran rayonunun Şirinquyu kəndinə köçmüşlər. Orta təhsili Port-İliç qəsəbəsində aldıqdan sonra Bakıdakı 5 saylı Tibb Məktəbində oxumuşdur (1957-1959). Əmək fəaliyyətinə Yardımlı rayonunda feldşer kimi başlamışdır (1959). ADU-nun filologiya fakültəsində qiyabi təhsil almışdır. Ədəbi yaradıcılığa 1965-ci ildən ―Bakı‖ axşam qəzetində ilk oçerk və şeirləri ilə başlamışdır. Sonra mənsur şeirləri, oçerk və şeirləri dövri mətbuatda vaxtaşırı dərc olunmuşdur. ‖Bakı‖ və ―Azərbaycan gəncləri‖ qəzeti redaksiyalarında müxbir işləmişdir. Əsərləri keçmiş SSRİ xalqlarının dillərinə tərcümə olunmuşdur. Azərbaycan Yazıçılar İttifaqı Bədii Ədəbiyyatı Təbliğat Bürosunun direktor müavini (1970-1975), sonra nəşriyyat müdiri (1975-1976), təşkilat işləri üzrə referent (1976-1982), məsləhətçi (1982-1987) işləmişdir. Hazırda Azərbaycan Yazıçılar Birliyi Bədii Ədəbiyyatı Təbliğat Bürosunun direktorudur (1987-ci ildən). Bədii tərcümə ilə də məşğul olur.
ünvanım‖ (1980), ―Üç leylək balası‖ (1981), ―Ömrümün yarpaqları‖ (1984), ―Kaş yollar uzanaydı‖ (1989), ―Nağılların ad günü‖ (1992), ―Dünyadan böyük dünya‖ (2002) və ―Könül dünyam‖ (2003) və s.
Ədəbiyyat: Əhmədov Teymur- “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
265
(1907-1979) Beydulla Ağəli oğlu Musayev Ucar şəhrində toxucu ailəsində anadan olub. İbtidai təhsili Ucarda alıb, Bakıda Pedaqoji Texnikumu bitirib. Mahaçqalada dil və ədəbiyyat müəllimi kimi əmək faliyyətinə başlayıb. "Dağıstan füqərası" qəzetində və "Yeni yol" jurnalında çalışdığı illərdə (1926-1939) ilk hekayələri mətbuatda dərc olunub. Moskva Dövlət Universitetinin ədəbiyyat fakültəsində təhsilini davam etdirərkən tərcüməçilik sənəti ilə yaxından maraqlanmağa başlayıb. Sonralar Bakıda Pedaqoji Texnikumda ədəbiyyat müəllimi, "Ədəbiyyat qəzeti"ndə şöbə müdiri və məsul katib, eyni zamanda bədii ədəbiyyat şöbəsində tərcüməçi və redaktor vəzifələrində çalışıb. Azərbaycan Yazıçılar Birliyinin tərcüməçilər bölməsinə rəhbərlik edib. 30-a yaxın kitabı, o cümlədən dünya ədəbiyyatı klassiklərinin onlarla əsərini rus dilindən Azərbaycan dilinə tərcümə edib. Anatol Fransın "Mələklərin üsyanı" (1933), Aleksandr Dümanın "Üç müşketyor" (1949), Viktor Hüqonun "Səfillər" (1988), Artur Konan Doylun "Baskervillərin iti" (1980), Rafaello Covanyolinin "Spartak" (1970) və s. əsərləri tərcümə edib. Rus ədəbiyyatından etdiyi tərcümələr sırasında Novikov-Priboyun "Susima", Aleksey Tolstoyun "Birinci Pyotr", Mixail Saltıkov-Şedrinin "Seçilmiş əsərləri", Fyodor Dostoyevskinin "Cinayət və cəza" və ―Alçaldılmış və təhqir olunmuşlar‖, Lev Tolstoyun "Sevastopol hekayələri", Valentin Katayevin "Alay oğlu" və s. əsərlər xüsusilə seçilir. Beydulla Musayev 1979-cu il iyun ayının 23-də Bakıda vəfat edib.
(1982), A.Düma ―Üç muşketyor‖, L.Tolstoy ―Hərb və sülh‖, Covanjoli ―Spartak‖ və s.
məlumat kitabı, Bakı, 2011.
266
(1937-2001)
Vilayət Rüstəmzadə Gürcüstanın Borçalı rayonunun Bala Muğanlı kəndində anadan olmuşdur. Marneuli Dövlət Pedaqoji Məktəbini, Moskvada M.Qorki adına Ədəbiyyat İnstitutunu (1964) bitirmişdir. Əmək fəaliyyətinə "Azərnəşr"də tərcüməçi-redaktor kimi başlamışdır. Sonra M.V.Lomonosov adına Moskva Dövlət Universitetinin aspirantı olmuşdur (1968-71). Bir müddət Azərbaycan Mədəniyyət Nazirliyinin aparatında çalışmış, M.F.Axundov adına Pedaqoji Rus dili və Ədəbiyyatı İnstitutunda, Azərbaycan Dövlət Universitetində SSRİ xalqları ədəbiyyatını tədris etmişdir. "Azərbaycan" jurnalında tənqid və ədəbiyyatşünaslıq şöbəsinin, "Azərnəşr"də, "Yazıçı" nəşriyyatında bədii tərcümə redaksiyasının müdiri, Azərbaycanın Xarici Ölkələrlə Dostluq və Mədəni Əlaqələr Cəmiyyətinin orqanı (yeddi dildə nəşr edilən) "Sovet Azərbaycanı" qəzetinin baş redaktoru, "Azərnəşr"də böyük redaktor, Azərbaycan Tərcümə və Mədəni Əlaqələr Mərkəzinin məsul katibi, "Türk dünyası" jurnalının baş redaktorunun birinci müavini, "Amal" qəzetinin baş redaktorunun birinci müavini vəzifələrində işləmişdir. İlk mətbu şeiri - "Tut kötüyü" 1956-cı ildə Marneulidə, "Stalin yolu" qəzetində çap olunmuşdur.
267
(1912-2001)
Mirvarid Paşa qızı Dilbazi Qazax rayonunun Xanlıqlar (indiki Musaköy) kəndində anadan olmuşdur. Azərbaycan Dövlət Pedaqoji İnstitutunun dil və ədəbiyyat-ictimayyət fakültəsində təhsil almışdır (1929). İnstitutu bitirdikdən sonra gənc şairə Quba Partiya Məktəbinə ədəbiyyat müəllimi təyin olunmuşdur. İki ildən sonra Bakıya qayıdan Mirvarid xanım Azərbaycan EA- nın Əlyazmaları fondunda şöbə müdiri (1934-1938), Azərbaycan Dövlət Nəşriyyatında tərcüməçi (1938-1940) vəzifələrində çalışmışdır. "Qadınların hüriyyəti" adlı ilk şeri 1927-ci ildə "Oktyabr alovları" adlı məcmuədə dərc edilmişdir. Bu dərgidə o cümlədən şairənin Azərbaycan qadınlarının yeni həyat yollarını tərənnüm edən "Zəhra", "Qurtuluş", "Qadın" adlı şerləri dərc olunmuşdur. Bu illərdə şairənin yeddi kitabı çap olunmuşdur ki, bunların altısı Vətən müharibəsinə həsr edilmişdir. O, "Məhsəti" (1945), "Əlcəzairli qız" (1961), "Partizan Aliyə" (1972) poemalarının müəllifidir. "Məhsəti" poeması məşhur rübai ustası M.Gəncəvinin həyatı, ədəbi və ictimai fəaliyyətindən bəhs edir. "Əlcəzairli qız" əsəri real faktlar əsasında yazılmışdır. Bəstəkarlardan Süleyman Ələsgərov, Tofiq Quliyev, Fikrət Əmirov, Şəfiqə Axundova, Ağabacı Rzayeva və başqaları şairənin sözlərinə mahnılar, romans və oratoriyalar bəsləmişlər. Nizami Gəncəvi, Xaqani Şirvani, Əlişir Nəvai, Aleksandr Puşkin, Taras Şevçenko, N.Tixonov, Samuil Marşak, Sergey Mixalkov və başqa
şairlərin əsərlərini, Evripidin "İppolit" faciəsini tərcümə etmişdir. Əsərləri xarici dillərə tərcümə olunmuşdur. Azərbaycanın ilk qadın Xalq şairəsi (1979).―İstiqlal‖ ordenli (1997) Mirvarid Dilbazi
2001-ci il, iyulun 12-də vəfat etmişdir. Kitabları: ―Nağıllar‖ (1940), ―Şeirlər‖ (1951), ―Kiçik dostlarıma‖ (1956), ―Gülbahar‖ (1957), ―Yaz gəlir‖ (1968), ―Lalənin ağacları‖ (1970), ―Ana qanadı‖ (1972), ―Yasəmən fəsli‖ (1976), ―Dağ çiçəyi‖ (1977), ―Abşeron bağlarında‖ (1984), ―Qar çiçəkləri‖ (1984), ―Durnalar ötüşəndə‖ (1989), ―Çiçəkdən-çiçəyə‖ (1991) və s.
268
(1932-2014) İslam Məmməd oğlu Ağayev Bakının Bülbülə qəsəbəsində anadan olmuşdur. İlk təhsilini Bülbülədə 79, 208 və Sabunçu rayonundakı 51 nömrəli fəhlə-gənclər məktəbində almışdır. 1952-1957-ci illərdə Azərbaycan Dövlət Universitetinin filologiya fakültəsində oxumuşdur. 1957-1960-cı illərdə Azərbaycan Dövlət Kitabxanasında baş biblioqraf işləmişdir. 1960-cı ilin iyun ayında Azərbaycan Elmlər Akademiyasının Nizami adına Dil və Ədəbiyyat İnstitutuna kiçik elmi işçi vəzifəsinə dəvət edilmişdir. 1964- cü ildə "Satirik Zənbur jurnalı" mövzusunda namizədlik, 1984-cü ildə "Molla Nəsrəddin" jurnalı və XX əsrin əvvəlləri Azərbaycan Ədəbiyyatının ideya - bədii inkişafı problemləri" mövzusunda doktorluq dərəcəsi adı almaq üçün dissertasiya müdafiə etmişdir. "Arzu" adli ilk şeri Azərbaycan Dövlət Universitetinin çoxtirajlı qəzetində çıxmışdır. Sonrakı illərdə "Gənclik nəğmələri" (1957), "Tər çiçəklər" (1959), "Duyğular" (1960) adlı ədəbi almanaxlarda hekayələri dərc edilmişdir. O, XX əsrin sonlarından başlayaraq bədii yaradıcılıqla müntəzəm məşğul olmuş, azyaşlı uşaqlar üçün əsərlər yazmışdır. Azərbaycan ədəbiyyatı və dövri mətbuatının tarixi, şəxsiyyətləri, ideya və nəzəri problemləri mövzusunda 15 kitabi, 150-dən artıq məqaləsi dərc edilmişdir. O, çoxcildli "Azərbaycan ədəbiyyatı tarixi" kitabının müəlliflərindən biridir. 10 cildlik "Azərbaycan Sovet Ensiklopediyası"nın əsas məqalə və 2 cildlik "Azərbaycan Xalq Cumhuriyyəti Ensiklopediyası"nın Baş redaksiya heyətinin üzvü və əsas məqalə müəlliflərindəndir. İslam Ağayev 27 yanvar 2014-cü ildə Bakı şəhərində vəfat etmişdir.
düşüncələri‖ (1993), ―Salam olsun‖ (1997), ―Sirli dünya‖ (2000), ―Tale çiçəkləri‖ (2002), "Xəzan yarpaqları" (2007) və s.
məlumat kitabı, Bakı, 2011.
269
(1942-2003) Davud Məcid oğlu Nəsibov (Davud Nəsib) Qazax rayonunda anadan olmuşdur. Qazax şəhər 2 saylı orta məktəbini bitirdikdən sonra ADU-nun kitabxanaçılıq fakültəsində təhsil almışdır (1959-1963). Ədəbi fəaliyyətə 1956-cı ildə "Qalibiyyət bayrağı" (Qazax rayonu) qəzetində dərc edilən "Mənim doğma çayım - Mənim Kür çayım" adlı ilk şeiri ilə başlamışdır. Həmin vaxtdan fəal poetik yaradıcılıqla məşğul olmuşdur. SSRİ xalqları poeziyasından bədii tərcümələri də vardır. Macar şairi Mikloş Radnotinin şeirlər kitabını doğma dilə çevirmişdir. Onun Moskvada "Sovetski pisatel" nəşriyyatı tərəfındən "Anama məktublar" (1974), "Ocaq daşları" (1981) şeirlər kitabları çap olunmuşdur. Davud Nəsib Dövlət Televiziya və Radio Verilişləri Komitəsində incəsənət redaksiyasında redaktor işləmişdir (1966-1969). Moskvada, SSRİ Yazıçılar İttifaqı nəzdində olan ikiillik ali ədəbiyyat kursunu bitirmişdir (1971-1972). Sonra "Ədəbiyyat və incəsənət" qəzeti redaksiyasında ədəbi işçi, təsviri sənət və poeziya şöbələrinə rəhbərlik etmişdir. O, Azərbaycan (1984) və Ümumittifaq Komsomolu mükafatları laureatı (1986) idi. Azərbaycan SSR Ali Soveti Rəyasət Heyətinin Fəxri fərmanına (1984), Ümumittifaq və Azərbaycan LKGİ-nin Fəxri fərmanlarına layiq görülmüşdür. Davud Nəsib 2003-cü il martın 26-da dünyasını dəyişmişdir.
qatarı‖(1979), ―Bizdən sonra yaşayanlar‖ (1981), ―Əsrin laylası‖ (1982), ―Azərbaycan bayatısı‖ (1984), ―Dünya bir körpüdür‖ (1987), ―Karvan gedir‖ (1991) və s. Tərcümələri: Mikloş Radnoti ―Yaralı Ağılar‖
Ədəbiyyat: Əhmədov Teymur- “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
270
(1937) Qəzənfər Məhəmməd oğlu Paşayev Tovuz bölgəsinin Düzqırıxlı kəndində doğulub. 1962-ci ildə Bakıda Azərbaycan Dövlət Pedoqoji Xarici Dillər İnstitutunun ingilis dili fakültəsini bitirib. Üç ay kənd məktəbində müəllim, sonra İraq Respublikasında tərcüməçi işləyib. Müxtəlif fasilələrlə üç dəfə İraqda tərcüməçi və ali təhsil aldığı institutda baş laborant, müəllim, dekan müavini, kafedra müdiri işləyib. 1990-cı ildən isə M.Rəsulzadə adına Bakı Dövlət Universitetində xarici dillər kafedrasının dosenti və kafedra müdiri işləməyə başlayıb. Azərbaycan Milli Elmlər Akademiyası Nizami adına Azərbaycan Ədəbiyyatı Muzeyində şöbə müdiri (2001-2005), eyni zamanda 2003-ci ildən Nizami adına Ədəbiyyat İnstitutunda baş elmi işçidir. Ədəbi-elmi fəaliyyətində İraqda yaşayan azərbaycanlıların – İraq türkmanlarının ədəbi-mənəvi yaradıcılığının tədqiqi və təbliği xüsusi yer tutur. Paşayevin elmi fəaliyyətinin zirvəsi onun ―İraq-türkman folkloru‖ adlı monumental əsəridir. ―Kərkük bayatıları‖ (1968), ―Arzu-Qənbər dastanı‖(1972), ―İraq kərkük atalar sözləri‖ (1978), ―İraq kərkük bayatıları‖ (1984), ―Kərkük tapmacaları‖(1984), ―Kərkük folklor antologiyası‖ (1987), ―Nəsiminin İraq divanı‖ (1987), ―İraq Türkmən folkloru‖ (1982), və b. kitabları nəşr edilib. O, A.Dümanın ―Qafqaz səfəri‖, ―Necə yaşayasan yüzü haqlayasan‖ və başqa əsərləri dilimizə çevirib. Qəzənfər Paşayevə böyük uğur qazandıran ―Altı il Dəclə - Fərat sahillərində‖ kitabı oxucular arasında əl-əl gəzib. Q.Paşayev ―Ədəbiyyat‖ qəzetinin (1995-ci ildən), ―Vəfa‖ (2004-cü ildən), ―Folklor və etnoqrafiya‖ (2004-cü ildən), ―Xəmsə‖ (2002-ci ildən), ―Qopuz‖ (2005-ci ildən) jurnallarının, Nizami adına Ədəbiyyat İnstitutunun ―Ədəbi-nəzəri məcmuə‖ sinin Redaksiya Heyətinin üzvüdür. 1994-cü ildən Nizami adına Ədəbiyyat İnstitutu nəzdində Müdafiə Şurasının üzvüdür. 1997-2005-ci illər arası həmin şuranın həmsədri olub.
―İraq-Kərkük atalar sözləri‖ (1978), ―Bu İngiltərədir‖ (1981), ―Kərkük tapmacaları‖ (1984), ―Altı il Dəclə-Fərat sahillərində‖ (1985), ―Nəsiminin İraq Divanı‖ (1987), ―İraq-Türkman folkloru‖ (1992), ―Alın yazısı‖ (2004) və s. Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011. 271
(1927-1996)
Hümmətov İsgəndər Məhəmməd oğlu (İsgəndər Coşğun) Göyçay şəhərində, fəhlə ailəsində doğulmuşdur. Burada orta təhsil alandan sonra Bakıda M. A. Əliyev adına Teatr İnstitututunun teatrşünaslıq fakültəsinə daxil olmuşdur. 1952-ci ildə Moskvada M.Qorki adına Ədəbiyyat İnstitutunun poeziya şöbəsinə daxil olmuş, oranı 1955-ci ildə bitirmişdir. Bir müddət Azərbaycan Mədəniyyət Nazirliyində redaktor vəzifəsində çalışmışdır. 1962-ci ildən M.Qorki adına Azərbaycan Dövlət Gənc Tamaşaçılar Teatrında ədəbi hissə müdiri işləmişdir. Ona Azərbaycan Ali Soveti Rəyasət Heyətinin Fəxri Fərmanı verilmişdir. İsgəndər Coşğun 1996-cı il dekabrın 10-da vəfat etmişdir.
düşünərkən‖ (1971), ―Nəğmə dolu ürək‖ (1975), ―Ana laylası‖ (1983), ―Ömür yolu‖ (1987) və s.
Ədəbiyyat: Əhmədov Teymur- “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
272
Xarici ədəbiyyat 29 Avqust - Belçika yazıçısı Moris Meterlinkin anadan olmasının 155 illiyi, (1862-1949)
Belçika yazıçısı, dramaturqu, şairi və filosofu Moris Meterlink 1862-ci il avqustun 29-da Gent şəhərində anadan olmuşdur. Parisdə hüquq təhsili almış, 1896-cı ildən Fransada yaşamışdır. 1889-cu ildə onun ―İstixanalar‖, 1896-cı ildə ―12 nəğmə‖ toplusu çap olunmuşdur. ―Şahzadə Malen‖ nağılının, ―Peleas və Melisanda‖ dramının, ―Tentajilin ölümü‖ pyesinin, ―Aqlaveta və Selizenna‖, ―Ariana və Göy Saqqal‖ pyes-nağılların, ―Mona Vanna‖ tarixi dramının və s. əsərlərin müəllifidir. 1905- ci ildə yazdığı ―Göy quş‖ nağıl-pyesi insanın təbiət qüvvələri, aclıq, müharibə üzərində qələbəsinə inamı əks etdirir. Bu əsər insanın daimi xoşbəxtlik simvolu və varlığın dərki ilə bağlı əbədi axtarışlarına həsr olunmuşdur. Moris Meterlink həm də bir çox fəlsəfi əsərlərin də müəllifidir. 1911-ci ildə ədəbiyyat üzrə Nobel mükafatı almışdır. Moris Meterlink 1949-cu il mayın 6-da Fransanın Nitsa şəhərində vəfat etmişdir.
273
17 Avqust - Xalq artisti, müğənni, bəstəkar Müslüm Maqomayevin anadan olmasının 75 illiyi, (1942-2008) Müslüm Məhəmməd oğlu Maqomayev Bakı şəhərində anadan olub. 1960-cı illərdə Azərbaycan Dövlət Opera və Balet Teatrının solisti olub, İtaliyanın Milan şəhərindəki "La Skala" teatrında təcrübə keçib. Enriko Pyatsa ilə "Sevilya bərbəri" operasından Fiqaronun, "Toska" operasından Skarpianın partiyalarını hazırlayıb. 1966-cı ildə Parisin "Olimpiya" konsert salonunda ilk konsertini verib. 1968-ci ildə Azərbaycan Dövlət Konservatoriyasını bitirib. 1969-cu ildə Sopotda (Polşa) keçirilən Beynəlxalq Mahnı Festivalında ilk mükafatını alıb. 1975-ci ildə Azərbaycan Dövlət Estrada-Simfonik Orkestrinin bədii rəhbəri təyin edilib. 1970-ci illərdən həyatını estrada ilə bağlayıb və böyük populyarlıq qazanıb. Görkəmli pianoçu Rauf Atakişiyevlə dostluğu və əməkdaşlığı onun bu yolda daha böyük uğurlarına yol açır. "Seviliya bərbəri" operasının hər tamaşası anşlaqla keçib və Bakı tamaşaçıları Fiqaronu – Müslüm Maqomayevi o coşqu ilə qarşılayıblar. O, rejissor Eldar Quliyevin filmlərinə musiqi yazırdı. Görkəmli Azərbaycan, sovet opera və estrada müğənnisi, bəstəkar, Azərbaycan SSR Əməkdar artisti (1964), Azərbaycan SSR Xalq artisti (1971) , SSRİ xalq artisti (1973) Müslüm
Maqomayev "Qırmızı Əmək Bayrağı" və "Xalqlar Dostluğu"ordenlərinə layiq görülüb, Rusiyanın "Şöhrət" (1997) və "Şərəf" ordenləri (2002), Azərbaycan Respublikasının "İstiqlal" ordeni (2002) ilə təltif edilib. Rejissor Tofiq İsmayılov 1971-ci ildə onun haqqında "Oxuyur Müslüm Maqomayev" adlı film-konsert çəkib. İllərlə dinləyicilərin sevgisini qorumağı bacarmış Müslüm Maqomayev 25 oktyabr 2008-ci ildə vəfat edib və Bakıda Fəxri Xiyabanda dəfn olunub. Yüklə 13,5 Mb. Dostları ilə paylaş:
|