mərhəmətli baxışlarla gəlib Cəlalın gözü qarşısında
dayanır. Bu səhnə, şübhəsiz ki, tamaşaçılarda öz ailəsinə
xəyanət
edənlərə
nifrəti
gücləndirmək
üçün
düşünülmüşdür. Yaxud ―İblis‖də Rənanın gözünə ata-
sının xəyalı görünür və ―intiqam, intiqam!‖ deyib çə-
kilir. Yenə ―İblis‖də son pərdədə ağaclar arasından ―bir
292
takım skeletlər‖ çıxıb, kəfənə bürünmüş halda, sürünərək,
qıvrılaraq rəqs edir. Arifin boğub öldürdüyü məsum
Xavərin də xəyalı bunların arasındadır. ―Şeyx Sənan‖da
üçüncü pərdədə Şeyx Hadinin yuxusunda Sənan atəşlər,
alovlar içində görünür. Mövhumi qüvvələr əllərində
xəncər, qılınc Şeyx Sənana hücum edirlər. Şübhəsiz ki,
bunlar hamısı tamaşaçılarda qatillərə, xainlərə, avamlara,
fanatiklərə qarşı nifrəti gücləndirmək, tamaşaçıya
qüvvətli təsir göstərmək üçün düşünülmüş dramatik
üsullardır.
Lakin xəyallar, teyflər, ölü ruhların canlanması hər
yerdə yalnız nifrət oyandırmaq üçün deyildir. Dra-
maturq bu vasitələrdən başqa məqsədlər üçün də istifa-
də edir! Məsələn, ―Xəyyam‖da son səhnədə Xəyyam
Sevdanı əvvəlcə təzə gəlinlərə məxsus ağ tüllər içində
görür. Xəyyam həsrətlə Sevdanı yanına çağırır. Lakin bu
dəfə Sevda üzündən duvağı atdıqda qorxunc bir skelet
görünür. Şair dəhşətə gəlir, ürküb geri çəkilir, Xəyyamın
ürkdüyünü, usandığını görən Sevda ona deyir:
Səni ürkütdümü halım?
Keçmişdə, xeyr, boylə deyildim,
Bilsən nə gözəl, ah nə gözəldim!
Gözlər məni həsrətlə arardı,
Ruhumda səhər cilvəsi vardı.
Birdən-birə soldum da, dəyişdim,
İssiz, əbədi heçliyə keçdim.
Cismim qarışıb torpağa, ondan —
Güllər və tikanlar bitər əl’an.
Yemdir dəvə ərçin o tikanlar,
Güllər də köküslərdə gülümsər.
(Ġstehzalı güluĢlərlə )
Çirkinliyim etdirməsin ikrah...
293
Bu sözlərdən sonra Sevda görünməz olur. Onu əvəz
edən Nişapurun gənc qızları, Sevdaya bənzəyən gözəl-
lər, zəlzələdə məhv olmuş Sevda və Vəfanın qızları
gəlirlər. Xəyyam yuxudan ayılır. Ona güllər, çiçəklər
təqdim edirlər. Qızlar yeni mahnılarla şairin tutqun
könlünü açmağa çalışırlar.
Göründüyü kimi, burada artıq Sevdanın xəyalının
canlandırılması tamamilə başqa bir məqsədə xidmət edir.
Burada bu dramatik vasitə: qüdrətli, ana təbiətdən başqa
hər nə varsa əfsanədir, təbiət isə donuq deyildir, o daima
dəyişməkdə, şəkildən-şəklə düşməkdədir — fikrini təbliğ
üçündür. Başqa sözlə, bu səhnədə Xəyyamın yuxusu,
Sevdanı yuxuda görməsi onun ümumi ideyalarının, ömrü
boyu təbliğ etdiyi fəlsəfənin, varlığın dəyişilməsi
haqqında olan mülahizələrinin başqa bir şəkildə, həm də
gərgin dramatik formada bədii ifadəsidir.
―Şeyx Sənan‖da Sənanın Xumarı yuxuda görməsi və
son əlavədə Xumarla qol-qola buludlarda uçması da yenə
müəyyən fikrin bədii ifadəsidir.
Cavidin əsərlərindəki fantastik dram ünsürləri həmişə
və eyni dərəcədə müvəffəqiyyətli olmamışdır. Məsələn,
―Şeyx Sənan‖da Xumarın və ―Uçurum‖da Göyərçinin
xəyalının canlanması nə qədər məqsədəuyğun, əsərin
ideya xətti ilə yaxından bağlıdırsa, ―Şeyda‖da Qara
geyimli mələyin və Rozanın xəyalı, özlüyündə mənalı
olsa da, hadisələr silsiləsində tamamilə əksinə, çox süni
təsir buraxır.
Cavidin dramlarındakı xarakterlər də təbiətləri etibarı
ilə müxtəlifdir. Bunların içərisində bir növ fövqəladə,
romantik,
sentimental
əhvali-ruhiyyəli xarakterlərlə
bərabər, realist xarakterlər də vardır. Bu muxtəlif insan
xarakterlərini müəyyən edən, hər şeydən əvvəl, onların
dünyagörüşü, mənəviyyatı, həyata, insana baxışlarıdır,
mühitə münasibətləridir. Məsələn, ―Ana‖da öz oğlunun
294
qatilini
bağışlayan
Səlma,
―Maral‖da
mühitin
ağırlığından, ―fəlakət zindanından‖ xilas olmaq üçün,
sevgilisi ilə qol-qola ucu-bucağı olmayan fəzalara uçmaq
istəyən
gənc
Cəmil
bəy,
―Şeyda‖da
həyatdakı
boşluqlardan, mənasızlıqdan bezib intihar etmək, yaxud
―uçmaq, yüksəlmək, yüksəldikcə yüksəlmək, buludlara
qoşmaq‖ eşqi ilə yaşayan mühərrir Şeyda, ―Şeyx
Sənan‖da həqiqət, məhəbbət naminə bütün mövcud
hakim fikirləri, dini təəssübkeşliyi tapdalayan Sənan,
həqiqət axtarıcısı təriqətçi Dərviş, Sənanın eşqi ilə
yaşayan ərəb qızı Zəhra, insanlardan küsüb monastıra
getməyə can atan Xumar, ―İblis‖də göylərə yüksəlib
allahlarla haqq-hesab çəkməyə çalışan Arif, ―Uçurum‖da
insanlardan qaçıb tənha həyat keçirən fəlsəfəçi Əkrəm və
başqaları Cavidin əsərlərində, şübhəsiz ki, fövqəladə
xarakterlər kimi verilmişdir.
Lakin bu fövqəladəlik, bu surətlərin hamısında eyni
dərəcədə böyüklük, əzəmət, müstəsnalıq, yüksəklik
əlaməti kimi təzahür edə bilmir. Məsələn, Səlma, Sən-
an, Xumar, Zəhra surətlərində bu fövqəladəlik, həqi-
qətən, əzəmətli göründüyü halda, Şeyda, Cəmil, Arif və
Əkrəm surətlərində əksinə, malxülya, acizlik, iradə-
sizlik əlaməti olaraq meydana çıxır; bu sifətlər bir
fövqəladəlik, müstəsnalıq təsiri deyil, mənasız bir qeyri-
adilik, şıltaqlıq təsiri buraxır. Bunun bir səbəbi də
ondadır ki, müəyyən əsərlərində (―Şeyx Sənan‖, ―Şeyda‖,
―Maral‖) Cavid öz müsbət qəhrəmanlarını fərqləndirmək,
onların mənəvi gücünü qabarıq surətdə nəzərə
çarpdırmaq üçün bəzən mövzunun, dramatik münaqişənin
və xarakterlərin xüsusiyyətini nəzərə almadan eyni bir
dramatik vasitədən — qəhrəmanları ucsuz-bucaqsız
fəzalarda uçurmaq vasitəsindən eyni şəkildə istifadə
etmişdir. Məsələn, yuxuda, Sənana göründüyü kimi, gənc
mühərrir Şeydaya və Cəmil bəyə də ―behişti‖ mənzərələr
295
görünür. ―Şeyx Sənan‖da Şeyx Hadi Sənanı yuxuda
mələklər, pərilər əhatəsində gördüyü kimi, Şeydanın
mühərrir yoldaşı Rauf da həbsxanada yuxuda nurani bir
zatın göydən enib, həbsxananın divarlarını uçurduğunu
görür, bütün məhbuslar quş kimi qanadlanıb uçur,
azadlığa çıxır, uca dağların zirvəsinə qonurlar; Şeyda isə
onlardan fərqli olaraq ―uçduqca uçur, nəhayətsiz
buludlarda qovuşub tamamilə gözdən itir‖. Yaxud Şeyx
Sənan Xumarla buludlarda uçduğu kimi, Cəmil bəy də
Humayla bərabər, qol-qola fəzalarda uçmaq, yüksəlmək
istəyir.
Məlumdur ki, bu yolla dramaturq müsbət qəhrəman-
ları fərqləndirmək, qaldırmaq məqsədini izləyir. Lakin
―Şeyx Sənan‖da əsərin müəyyən dərəcədə əfsanəvi,
nağılvarı süjetinə və hadisələrinə uyğun olaraq bu üsul nə
qədər təbii görünürsə, ―Şeyda‖ və ―Maral‖da bir o qədər
süni görünür; mətbəə işçilərini sinfi azadlıq uğrunda
mübarizəyə çağıran gənc şair və mühərrir Şeydaya,
zorakılıq və köhnə əxlaq əleyhinə çıxan gənc ziyalı
Cəmil bəyə göylərə uçmaq, hər necə olursa-olsun,
yaraşmır; həddini aşmış hissiyyatçılığa, xəyalpərvərliyə
çevrilir.
Cavidin
sonrakı dramlarında (―Afət‖, ―Knyaz‖,
―Səyavuş‖, ―İblisin intiqamı‖, ―Xəyyam‖ və sair) biz
artıq bu bədii vasitəni görmürük. Məsələn, əvvəlki
fəsillərdə qeyd edildiyi kimi, ―Xəyyam‖da Xəyyam
qeyri-adiliyi, fövqəladəliyi ilə deyil, zəmanəsinə görə ən
qabaqcıl dünyagörüşünə sahib olması ilə yüksək, müs-
təsna və əzəmətlidir. Səyavuş da yenə qeyri-adiliklə
deyil, qəhrəmanlığı, nəcib insani sifətləri, ədalətli, insaflı
olması ilə təsirli, əzəmətlidir. Yaxud Anton yenə özünün
böyük azadlıq ideyaları ilə diqqətəlayiq surətdir.
Cavid yalnız fövqəladə xarakterlər yaratmamışdır.
Onun əsərlərində romantik, yaxud eyni zamanda realist
296
xüsusiyyətlərə malik olan xarakterlər də çoxdur. Xüsusən
onun müsbət, realist surətləri diqqəti ayrıca olaraq cəlb
edir. Məsələn, ―Knyaz‖da Gürcüstanda Sovet hakimiyyəti
qurulması uğrunda mübarizə aparan Anton, ―İblisin
intiqamı‖nda faşizmə qarşı vuruşan mərakeşli Xalid,
―Səyavuş‖da üsyançı qullara rəhbərlik edən Altay, ―Xəy-
yam‖da səlcuq sultanlarının zülmünə qarşı üsyan
edənlərin başçısı Yusif, ―Topal Teymur‖da Türkiyə
sultanı İldırım Bayazidin təxribatçı siyasətinə qarşı çıxan
qoca Şeyx Buxari, ―Afət‖də burjua-mülkədar əxlaqına
qarşı çıxan köməksizləri, kimsəsizləri müdafiə edən
Ərtoğrul, ―Maral‖da ailə və qadın azadlığını müdafiə
edən Nadir bəy və başqaları əsasən realist xarakterlərdir.
Bu surətlərdə (Anton və Ərtoğrulda olduğu kimi)
müəyyən dərəcədə romantik əhvali-ruhiyyə olsa da, real
düşüncə üstünlük təşkil etməkdədir. Cavidin Göyərçin
(―Uçurum‖), Firəngiz (―Səyavuş‖), Dilşad və Almaz
(―Topal Teymur‖), Nazlı, Humay (―Maral‖), İsmət
(―Ana‖) kimi surətlərində də real cizgilər qüvvətlidir.
Beləliklə də fövqəladə, romantik,
sentimental
xarakterlərlə yanaşı eyni zamanda realist xüsusiyyətlər
daşıyan xarakterlər Cavidin əsasən romantik üslubda
yazdığı dramlarına, bütün görkəmli romantiklərin
əsərlərində olduğu kimi, müəyyən realist xüsusiyyətlər də
gətirmişdir.
Cavidin dramları içərisində dram sənəti nöqteyi-
nəzərindən ən zəif əsərlər ―Peyğəmbər‖ və ―Topal
Teymur‖dur. Bunun səbəbi odur ki, bu əsərlər xa-
rakterlər dramı olmayıb, daha çox bioqrafik dram növünə
yaxındır.
Cavidin
dramları əsasən xarakterlər, ehtiraslar
dramıdır. Lakin bu əsərlərdə vəziyyət dramının ünsürləri
də yox deyildir. Ancaq bu ünsürlər ayrıca, çılpaq şəkildə
meydana çıxmır. Bu dramlarda, demək olar ki, üstünlük
297
təşkil edən xarakterlər dramı xüsusiyyətləri ilə (―İblis‖,
―Afət‖, ―Səyavuş‖da göründüyü kimi) vəziyyətlər dramı
ünsürləri birləşir.
Cavidin dramlarında müxtəlif mənfi, müsbət xa-
rakterlər arasında baş verən ziddiyyətlər, toqquşmalar
çox yerdə ictimai həyat ziddiyyətlərini, müxtəlif ictimai
fikir toqquşmalarını ifadə edir. Başqa sözlə şəxslər,
fərdlər arasındakı konflikt ictimai həyat və ictimai görüş
konflikti kimi təzahür edir. Məsələn, ―Ana‖da Xanpolad,
İsmət və Səlimin Orxan və onun qatil dostları ilə
qarşılaşması aşağı təbəqədən olan, təmiz əxlaqlı, nəcib,
ancaq hüquqsuz vətəndaşlarla qudurğan xanzadələr
arasındakı ictimai konflikti müəyyən dərəcədə ifadə edir.
―Maral‖da yoxsul müəllim ailəsindən olan kimsəsiz
Maral, gənc ziyalılardan Cəmil, Humay və Nadir bəylə
mühafizəkar mülkədarlar arasındakı toqquşma mülkədar
əxlaqı və ruhani görüşləri ilə, şəriət ehkamları ilə
maarifçi, liberal ziyalı görüşləri arasındakı ziddiyyətdən
doğur. ―Şeyda‖ dramında ictimai konflikt daha aydın
şəkildə təzahür edir. Bu faciədə Şeyda, Məsud, Rauf,
Musa, Yusif kimi mühərrir və mürəttiblərlə sahibkar
mətbəə müdiri Məcid əfəndi arasında olan toqquşma
fəhlə sinfi ilə kapitalistlər arasındakı ziddiyyətin bir
nəticəsi kimi göstərilir. ―Şeyx Sənan‖da dindar, fanatik
şeyxlər və papaslarla dinə şübhə ilə yanaşan ariflər
arasındakı ziddiyyət iki müxtəlif ictimai görüşün, feodal
dünyagörüşü
olan
dindarlıqla
dini
şübhəçiliyin
toqquşması şəklində təzahür edir. ―Uçurum‖da Qərb
burjua-zadəgan əxlaqı ilə Şərqin patriarxal ailə, əxlaq
prinsipləri üz-üzə gəlir, dramaturq yüksək əxlaqi
ideyaların tapdalanmasının acı nəticələrini göstərir.
―İblis‖də, passiv, seyrçi şəkildə olsa da, XX əsrin sülh
ideyaları ilə müharibə ideyaları toqquşur. ―Afət‖də
Ərtoğrul və Alagöz kimi yeniyetmələrlə Özdəmir və
298
Qaratay kimi əyyaşların üz-üzə gəlməsi insanpərvərlik,
xeyirxahlıq, təmiz ailə münasibətləri ideyaları ilə burjua
əxlaqı ideyaları üz-üzə gəlmiş olur. ―Knyaz‖da Antonla
Knyazın və yalançı sosialist Şakronun üz-üzə gəlməsi
azadlıq, demokratiya ideyaları ilə burjua-mülkədar
ideyalarının toqquşmasını təmsil edir. ―İblisin intiqamı‖
faşizm, müharibə ideyaları ilə sülh ideyalarının
toqquşmasını əks etdirir. ―Səyavuş‖da Səyavuş və
üsyançı kəndlilərlə saray, feodal əyanları, şahlar, valilər
arasındakı toqquşma feodal ictimai quruluşu ilə xalq
arasındakı ziddiyyəti göstərir. ―Xəyyam‖da şair, filosof
Xəyyam və onun tərəfdarlarının saray əyanları, müftilər
və xəlifələrlə üz-üzə gəlməsi bir tərəfdən orta əsrin
hakim
dini
ideyaları ilə materialist dünyagörüşü
arasındakı ziddiyyəti göstərirsə, ikinci tərəfdən də
sarayla kütlə, xalq arasındakı ziddiyyəti göstərir.
Klassik dramaturgiya tələblərinə uyğun olaraq, bu
dramlarda konfliktlərin eyni zamanda ata ilə oğul
(―Maral‖), ərlə arvad (―Afət‖, ―Uçurum‖), qardaşla
qardaş (―İblis‖) arasında baş verməsi, hakimiyyət
ideyaları ilə azadlıq ideyaları, müharibə ideyaları ilə sülh
ideyaları arasındakı toqquşma dramatizmi, dramların
təsir gücünü daha da qüvvətləndirmiş olur.
Cavidin sənətkarlığı onun əsərlərinin kompozisi-
yasında da özünü aydın göstərir.
Cavidin dramlarının çoxu mürəkkəb süjetli olub, iki və
ya bir neçə paralel xətli süjet quruluşuna malikdir. Bu
paralel xətlərdə isə möhkəm səbəbiyyət əlaqələri vardır.
Məsələn, ―Maral‖ faciəsində Maral-Turxan bəy xətti ilə
yanaşı (altmış yaşlı mülkədara satılmış on altı yaşlı
Maralın sonsuz iztirabları) bir-birini sevən, anlayan,
qiymətləndirən yeniyetmə Cəmil və Humay xətti verilir
və demək olar ki, bu iki xətt — bir-birini tamamlayan
paralel süjet xətləri kimi inkişaf edir. Yaxud ―Afət‖
299
faciəsində Afət-Özdəmir, Afət-Qaratay, Afət-Kaplan,
Altunsaç-Kaplan,
Afət-Qorxmaz,
Ərtoğrul-Altunsaç,
Ərtoğrul-Alagöz, Yavuz-Alagöz, Oqtay-Alagöz, Qaratay-
Altunsaç kimi bir çox dramatik xətlər meydana çıxır.
Lakin bütün bu paralel xətlər ustalıqla əsas hadisənin,
ailə faciəsinin səbəbkarı olan Afət və Qaratay xətti
ətrafında mərkəzləşdirilmişdir. Başqa sözlə, bütün
müxtəlif xətlər əsərin baş qəhrəmanı Afət ətrafında
dolaşır, onun taleyi ilə əlaqələndirilir.
Müxtəlif dramatik xətlərin baş qəhrəman ətrafında
dolaşması ―Xəyyam‖da daha sənətkarlıqla verilmişdir.
Bu dramda Xacə Nizam-Həsən Səbbah, Yusif-Alp
Arslan,
Həsən
Səbbah-Rəmzi-Vəfa,
Xərabati-Səfa
arasında yaranan dramatik vəziyyətlər hamısı Xəyyamın
taleyi ilə əlaqələndirilmişdir. Əlaqədar paralel xətlər,
mürəkkəb süjet quruluşu ―Şeyx Sənan‖, ―Uçurum‖,
―İblis‖, ―Səyavuş‖, ―Knyaz‖ dramlarında da aydın
görünməkdədir. Bunlardan yalnız ―Şeyda‖ faciəsi süjet
quruluşuna görə fərqlənir. Bu əsərdə, yuxarıda qeyd
edildiyi kimi, Roza-Şeyda xətti ilə faciənin əsas süjet
xətti olan Məcid əfəndi-Şeyda-Qara Musa xətti birləşmir.
Sevgi xətti havada qalır. Başqa sözlə, paralel xətlər
arasındakı səbəbiyyət əlaqələri qırılır. Rozanın dramı
əsas dramatik hadisə qarşısında çox sönük görünür.
Cavid öz dramlarında əsas hadisələrlə, əvvəldən-axıra
qədər davam edən dramatik xətlərlə yanaşı, ayrı-ayrı
dramatik səhnələrdən də istifadə edir. Bu səhnələrin çox
ustalıqla
işlənildiyindən
və
əsas
hadisələrlə
əlaqələndirildiyindən ümumi vəhdəti daha da qüvvətlidir.
Məsələn, ―Xəyyam‖da məzarçıların səhnəsi, ―Səyavuş‖da
üsyançı Yalçının öldürülməsi, ―Knyaz‖da qoca alman
qadınının öz əri ilə rəqqası haqqında söhbətləri, ―Şeyx
Sənan‖da Şeyx Hadinin Sənanı yuxuda görməsi,
―Maral‖da aşığın mahnı oxuması müvəffəqiyyətlə
300
düşünülmüş səhnələrə misal ola bilər. ―Maral‖da aşıq öz
mahnısında isgəndərləri, çingizləri, teymurları qan içən,
dünyanı alt-üst edən şöhrətpərəstlər adlandırdığı zaman
dinləyənlər bu fikrə müxtəlif münasibət bəsləyirlər.
Beləliklə də bu səhnə müxtəlif xarakterlərin açılmasına
kömək edir. ―Xəyyam‖da məzarçıların söhbəti Xəyyamın
öz rübailərində təbliğ etdiyi fikirləri tamamlayır və bir
növ onun fəlsəfəsini əyaniləşdirir. ―Səyavuş‖da igid
Yalçının öldürülməsi feodal zülmünün amansızlığını
göstərir və h.b.
Hərəkət vəhdəti Cavidin əsərlərində dramatizmi
qüvvətləndirən mühüm sənətkarlıq xüsusiyyətlərindəndir.
Bu dramlarda səbəb və nəticə, hadisələrin bir-birindən
doğması birinci növbədə nəzərə çarpır. Məsələn,
―Afət‖də Afətin əri Özdəmir əyyaşlıq edir, arvadını
sevmir. Ailəni fəlakətə sürükləyən əsas səbəb də bu
yanlış hərəkətlə başlanır. Özdəmirlə xoşbəxt ola
bilməyən gənc Afət başqa bir həyat, təmiz, mütəqabil
sevgi üzərində qurulmuş ailə arzusu ilə yaşayır. O,
doktor Qaratayı sevir. Lakin Qaratay yalançı, ikiüzlü və
düşkündür. O, gənc Afəti cinayətə, fəlakətə sövq edir.
Son nəticədə Afət aldandığını görüb peşman olur, öz-
özündən intiqam alır, ihtihar edir. Bu bədbəxt ailəni
əhatə edən adamların hərəkəti, fəaliyyəti də bu ailəyə
olan münasibətlə əlaqələndirilir. Alagöz, Ərtoğrul, Yavuz
və Oqtay bədbəxt ailəni uçurumdan xilas etmək, ona
kömək etmək istədikləri halda, Qaratay, Kaplan,
Qorxmaz və Xandəmir kimi əyyaşlar da öz alçaq
hərəkətləri ilə bu ailənin uçuruma yuvarlanmasına, məhv
olmasına səbəb olurlar. Beləliklə, bir-birindən doğan
səbəblər silsiləsi bu ailənin faciəsi, məhv olması ilə
nəticələnir. ―Uçurum‖, ―Maral‖, ―Ana‖ kimi məişət
dramlarında da bu növ hərəkət vəhdəti, möhkəm səbəb və
nəticə əlaqələri görürük.
301
Ailə-məişət dramlarından fərqli olaraq, Cavidin fəlsəfi
dramlarında hərəkət vəhdətini müəyyən edən tamamilə
başqa
səbəbdir.
Məsələn,
―Xəyyam‖da
müxtəlif
hadisələri, hərəkətləri, cəbhələri müəyyən edən, müxtəlif
səbəblər sisliləsi doğuran, hər şeydən əvvəl, Xəyyamın
təbliğ etdiyi qabaqcıl ideyalardır. Şair-filosof Xəyyamın
dini fanatizm və feodal zülmünə qarşı təbliğ etdiyi
materialist fikirlərə münasibətdə iki cəbhə əmələ gəlir.
Xacə Nizam, Sevda, Rəmzi, Xərabati, Vəfa, Səfa və bir
çox başqa sadə insanlar bu ideyalardan ruhlandıqları
halda, Həsən Səbbah, Müfti, Xəlifə və başqa saray
adamları və ruhanilər bu ideyalara qarşı çıxırlar. Bu ilk
əsas hərəkətdən bir sıra səbəblər də doğaraq dramın
hərəkət vəhdətini istiqamətləndirir. Müxtəlif zidd
ideyalar hərəkətə, fəaliyyətə çevrilir, bunlardan da
müxtəlif səbəblər, nəticələr doğur.
Siniflər və təbəqələr arasında, varlılar və yoxsullar
arasında ictimai ziddiyyəti əks etdirən ―Şeyda‖ dramında,
məişət dramları və fəlsəfi dramlardan fərqli olaraq, bütün
hadisələri, dramatik vəziyyətləri doğuran ilk səbəb
mətbəə müdiri Məcid əfəndinin qabaqcıl fikirli, mübariz
mühərrir və mürəttibləri işdən çıxarması, sahibkarlarla
işçilər arasındakı ziddiyyətdir.
İlk səbəblər, ilk dramatik təkanlar bu əsərlərdə hər nə
qədər müxtəlif olursa olsun, dram sənətinin qanunlarına
uyğun olaraq hadisələrin inkişafı nəticəsində ümumi bir
hərəkət vəhdəti yaradırlar.
Ekspozisiya Cavidin dramlarının çoxunda qəhrəmanın
sözləri ilə, yaxud baş qəhrəmanla başqa personajlar
arasındakı mükalimə ilə başlanır. Məsələn, ―Maral‖da
pərdə açılarkən Maral Nazlıya öz dərdini danışıb, çəkdiyi
əzabları bildirir. Başqa sözlə dramaturq ilk səhnədən
tamaşaçıların diqqətini əsas hadisəyə, konfliktə və
qəhrəmanın faciəsinə cəlb edir. ―Şeyda‖da yenə eyni
302
vəziyyətdə Şeyda Raufa həyat haqqında mülahizələrini,
öz ziddiyyətli fikirlərini, mənəvi iztirablarını danışır.
―Uçurum‖da Avropa səyahətinə hazırlaşan Cəlal
Göyərçinə bildirir ki, hara getsə, yenə də Göyərçinin
xəyalı ilə yaşayacaq, ailəsinə sadiq olacaqdır. Burada da
yenə əsas hadisə və əsas surətlər ilk səhnədən diqqət
mərkəzindədir. ―Afət‖də pərdə açıldıqda biz, hər şeydən
əvvəl, Afəti narahat görürük. O, Özdəmirin çox içdiyini
görüb təşvişə düşmüşdür. ―Peyğəmbər‖də də baş
qəhrəman ilk səhnədədir. ―İblis‖ İblisin müharibə
dəhşətlərindən bəhs edən monoloqu ilə başlanır.
―Səyavuş‖da dramın baş qəhrəmanı Səyavuşla Rüstəmin
ilk səhnədən məşq etdiyini görürük. ―Xəyyam‖ dramında
ekspozisiya Xəyyamla Xərabati və Rəmzi arasında olan
mükalimə ilə başlanır. ―İblisin intiqamı‖nda yenə pərdə
İblisin sözləri ilə açılır və h. b.
Bu
nöqteyi-nəzərdən
―Şeyx-Sənan‖ və ―Topal
Teymur‖ fərqlənir. ―Şeyx Sənan‖da baş qəhrəmanın
gəlişindən qabaq dramaturq onu tamaşaçılarına təqdim
etmək üçün hazırlıq səhnəsi verir. Zəhra, Üzra və Şeyx Əbuzər
Sənan haqqında danışırlar. Bu hazırlıq səhnəsində, eyni
zamanda, Zəhranın xarakteri, Sənana olan məhəbbəti aydınlaşır.
―Topal Teymur‖da ilk səhnədə Olqa ilə Orxan arasında
mükalimə verilir. Bütün bu dramlar içərisində ekspozisiya
cəhətindən ―Topal Teymur‖ çox zəifdir. Çünki burada Olqa ilə
Orxan arasında mükalimə Teymurla əlaqədar olan əsas
hadisələrlə çox zəif şəkildə bağlanmışdır.
Cavid dramaturgiyasında diqqəti cəlb edən sənətkarlıq
xüsusiyyətlərindən biri də budur ki, bu dramların çoxunda
dramatik situasiya, hadisələrin təbiətinə uyğun olaraq, gah
tədrici, gah da əksinə, müəyyən nöqtələrdə çox gərgin bir
şəkildə inkişaf edir. Başqa sözlə, dramatik hadisələr həmişə
coşqun, dalğalı, tufanlı deyildir, dənizin məddü cəzri kimi gah
sakit, mülayim, gah da dalğalı, qasırğalıdır. Bu ondan irəli gəlir
303
ki, dramaturq tamaşaçılarını həmişə narahat, həyəcanlı
saxlamağı sevmir, ən gərgin faciələrində də baş qəhrəmanın
ürəkaçan, xoşbəxt günlərini və ya heç olmasa dəqiqələrini də
göstərməyə çalışır.
İlk nəzərdə belə görünür ki, bu üsul tamaşaçıları həmişə
intizarda saxlamağa mane olacaq. Lakin əksinə, Cavid faciəvi
qəhrəmanının bu ani, xoşbəxt dəqiqələrini ümumi hadisələrlə
elə üzvi surətdə bağlaya bilir ki, bu dəqiqələr tamaşaçıda daha
gərgin vəziyyət və coşqun maraq yarada bilir.
Bu nöqteyi-nəzərdən ―Xəyyam‖ dramı çox səciyyəvidir.
Birinci səhnədə Xəyyam və onun dostları ilə Həsən Səbbah
arasında başlanan fikir, məslək ixtilafı ilə dramın razvyazkası
başlanır. Bu səhnədə hələ gərgin dramatik vəziyyət yoxdur.
İkinci, bazar səhnəsində dramatizm yavaş-yavaş gərginləşir.
Xəyyamın ağır günləri başlanır. Üçüncü səhnə dostların
səmimi görüşü ilə, musiqi ilə, mahnılarla başlanır; sona doğru
isə yenə dramatizm güclənir, Yusif və Alp Arslanın ölüm
səhnəsi göstərilir. Beşinci səhnədə qəhrəmanın müvəqqəti
xoşbəxt həyatı verilir. Xəyyam dostları ilə bir məclisdədir və
xoşbəxtdir. Altıncı səhnədə dramatizm daha da gərginləşir və
kulminasiya nöqtəsinə çatır. Həsən Səbbah Xəyyamın sevgilisi
Sevdanı zəhərləyir. Bu gərginlik sonrakı səhnələrdə bir yanğın
kimi davam edir. Yeddinci səhnədə Xəyyam Sevdanın qəbri
üstündədir. Səkkizinci səhnədə Xacə Nizam öldürülür, Xəyyam
Xəlifə ilə üz-üzə gəlir. Doqquzuncu səhnədə Xəyyam
qocalmışdır, təkdir. O, yuxuda əvvəlcə təzəgəlin, sonra isə
skelet şəklində Sevdanın xəyalını görür. Bu artıq dramatik
gərginliyin son nöqtəsidir. Bundan sonra Nişapur qızları
əllərində çiçək Xəyyam babanın görüşünə gəlirlər. Xəyyam
onlara vəsiyyət edib, əbədilik olaraq həyata göz yumur.
Dramatik situasiyanın bu məddü cəzrinə biz Cavidin ―İblis‖,
―Şeyda‖, ―Knyaz‖, ―Səyavuş‖ və başqa əsərlərində də rast
gəlirik. Məsələn, ―Şeyx Sənan‖ın razvyazkası bir tərəfdən
Sənanın Xumarın xəyalını görməsi ilə, digər tərəfdən də
304
Sənanın görüşlərinə şərik olanlarla onun şübhəçiliyinə heyrət
edən fanatik şeyxlər arasındakı mübahisə ilə başlanır. Burada
da dramatik gərginlik ilk səhnədən Zəhranın məhəbbət
iztirabları və Sənanın özündən getməsi ilə başlanır. Birinci
pərdənin üçüncü səhnəsində bu gərginlik yenə Zəhranın
iztirabları ilə davam edir. Sənan isə burada bir aşiqdən daha
çox bir mürşid, nəsihətçidir. O, korlara nəsihət edir, əhaliyə və
şeyxlərə yol göstərir. İkinci pərdənin birinci səhnəsində
Qafqazda Kür qırağında Sənanın müvəqqəti xoş həyat
dəqiqələri başlanır. O, filosofanə bir ilhamla Qafqaz
təbiətindən zövq alır. Lakin çox çəkmədən onun dərvişlə
qarşılaşması yenə ilk səhnədəki mənəvi dramatik gərginliyin
təzələnib, davam etməsinə, artmasına səbəb olur. Sənan
şeyxlərdən ayrılır. İkinci pərdənin üçüncü səhnəsində Sənan
Xumarın hüzurunda Papas və Platonla qarşılaşdıqda dramatik
gərginlik ən şiddətli kulminasiya nöqtəsinə çatır; Sənan bütün
dini müqəddəsatı ayaqlayıb, bütün dinlərə qarşı böyük
məhəbbət ideyasını təbliğ edir. Üçüncü pərdənin birinci
şəklində dramatizm vəziyyətlər dramı şəklində davam edir.
Anton və Simon birləşib Sənanı öldürmək istəyir, lakin
müvəffəq olmurlar. Dördüncü pərdənin birinci səhnəsində yenə
Xumarla Sənanın iztirabları şiddətlənir, dramatizm güclənir.
Dördüncü pərdənin ikinci səhnəsində Sənanla Xumar daha
həyəcanlı və iztirablıdırlar. Onlar mühitlə barışa bilməyib,
özlərini uçuruma atırlar. Bu mürəkkəb kompozisiyada yalnız
üçüncü pərdənin ikinci şəkli (Şeyx Hadinin Sənanı yuxuda
görməsi ilə və əlavə Sənanın Xumarla buludlarda uçması) artıq
görünür ki, bunu dramaturq özü aydın hiss etdiyi üçündür ki,
əsərin sonundakı qeyddə məsləhət görür ki, ―Şeyx Sənan‖
tamaşaya qoyulduğu zaman bu səhnələr büsbütün atılsın.
Cavidin səhnə əsərlərində dramatik gərginliyi, xüsusən
lirizm və emosionallığı qüvvətləndirən cəhətlər çoxdur.
Bunlardan ikisi diqqəti ayrıca olaraq cəlb edir: birincisi, şair və
ya filosof, mütəfəkkir təbiətli qəhrəmanların mənəvi iztirabları
305
və bu surətlərin mənəvi çırpıntılarının son dərəcə şairanə bir dil
və dramatik situasiya ilə verilməsidir. Məsələn, ―Xəyyam‖da
filosof-şair Xəyyamın, ―Şeyx Sənan‖da Sənanın, ―Şeyda‖da
Şeydanın, ―Afət‖də Ərtoğrulun mənəvi iztirabları, insan
şüurunu və qəlbini təlatümə gətirən fikirləri, arzuları lirizm və
emosionallığı qüvvətləndirən başlıca cəhətlərdəndir. Bu
əsərlərdə həm dramatik gərginliyi, həm də lirizmi,
emosionallığı qüvvətləndirən ikinci cəhət müsbət insanların,
xüsusən gözəl ruhlu məsum qadınların vəhşi əllərdə
öldürülməsidir. ―Maral‖da Maralın mülkədar Turxan bəy
tərəfindən güllə ilə vurulması, ―Şeyda‖da Rozanın ölümü və
anası qoca Mariyanın iztirabları, ―Şeyx Sənan‖da Zəhranın
iztirabları, ―Uçurum‖da körpə qızcığazın əyyaş atası tərəfindən
öldürülməsi,
bədbəxt
ana
Göyərçinin
iztirabları,
―Peyğəmbər‖də Şəmsanın zəhərlənməsi, ―İblis‖də Xavərin öz
əri tərəfindən boğulub öldürülməsi, ―Xəyyam‖da gözəl
Sevdanın zəhərlənməsi, ―Knyaz‖da Jasmenin Knyaz tərəfindən
öldürülməsi və sairəni buna misal göstərmək olar.
Cavidin dramlarında mahnılardan da çox istifadə edilmişdir.
Məlum olduğu üzrə, mahnı dramlara çox zaman emosionallığı,
lirizm qüvvətləndirmək üçün salınır. Lakin Cavid bundan
başqa məqsədlər üçün də istifadə edir. Bəzən dramaturq surətin
monoloq və ya mükalimə ilə ifadə edilə bilməyən dərin mənəvi
iztirablarını vermək üçün mahnıya müraciət edir. Məsələn,
―Uçurum‖da əri tərəfindən unudulmuş, yeganə körpə qızını
itirmiş gənc Göyərçinin oxuduğu aşağıdakı mahnı bu məqsədlə
verilmişdir:
Göyərçinəm, Göyərçin,
Ağlaram için-için.
Mən bu qara bəxt ilə
Neçin doğdum, ah, neçin?
Bəzən mahnılardan dramaturq müəyyən fəlsəfi fikirləri ifadə
306
etmək üçün istifadə edir. Məsələn, ―Xəyyam‖da Sevdanın
oxuduğu bütün mahnılar buna misal ola bilər. Sevda çox yerdə
Xəyyamın rübailərini və qəzəllərini oxuyur.
Əgər ―Xəyyam‖da fanatik müftilərin Xəyyam və onun
dostları tərəfindən kinayəli şəkildə tənqid edildiyi müstəsna
tutularsa, demək olar ki, Cavidin dramlarında komik
momentlər yoxdur. Odur ki, dramaturq lazım gəldiyi yerdə,
gərgin dramatik vəziyyətlərdən sonra tamaşaçıya azca nəfəs
almağa imkan vermək üçün həm dramatik situasiya ilə əlaqədar
olaraq gərginliyi müvəqqəti yüngülləşdirmək üçün mahnıdan,
bəzən də rəqslərdən istifadə edir (―İblis‖də üçüncü və beşinci
pərdələrdə rəqqasənin oxuduğu mahnılar‖) Bəzən mahnıdan
Cavid, ―Şeyx Sənan‖da korların mahnısında olduğu kimi,
zəmanədən, ―Mərhəmətsiz fələkdən‖ şikayətləri ifadə etmək,
―Knyaz‖da isə sevimli vətənindən ayrı düşmüş Lenanın
mahnısında olduğu kimi, vətən, el həsrətini vermək məqsədi ilə
ifadə edir. Bu mahnıların bir qismi də ―Sənan‖ və ―Xəyyam‖da
olduğu kimi, bahar nəğmələrini, təbiət şənliklərini, gəncliyi,
gözəlliyi ifadə və tərənnüm üçündür. Bütün bu mahnılar, söz
yox ki, öz növbəsində emosionallığı, lirizmi qüvvətləndirməyə
də xidmət edir.
Məzmun etibarı ilə Cavidin dramlarında zəmanəsi ilə,
müasir həyatla səsləşən ideyalar çox olmuşdur. Dini
təəssübkeşliyin, orta əsr zehniyyəti qalıqlarının tənqidi, köhnə
adət-ənənələrin tənqidi, imperialist müharibəsi, burjua-
mülkədar zülmü, köhnə əxlaq və ailə münasibətlərinə qarşı
nifrət, qısqanclıq, əyyaşlıq və avamlığın tənqidi Cavidin
dramlarında çox qüvvətlidir.
Dil nöqteyi-nəzərindən bu dramlar müəyyən mənada
yeknəsəq olmuşdur. Cavid dram sənətinin ―hər tip öz dilində
danışdırılmalıdır‖ kimi məşhur prinsipini, demək olar ki,
nəzərə almamışdır; o, xüsusən tarixi-fəlsəfi dramlarında tipləri
eyni bir dildə, öz müəllif dili ilə danışdırmışdır. Cavid surətin
yaranmasında mühüm şərtlərdən olan dili deyil, əhvali-
307
ruhiyyəni, psixoloji xüsusiyyətləri əsas götürmüşdür ki, bu da
birtərəfliyə aparıb çıxarmışdır. Bundan başqa surətlərin dilində
Azərbaycan tamaşaçısı üçün anlaşılmaz olan sözlərin tez-tez
işlənməsi də Cavidin bəzi əsərlərinin dilini ağırlaşdırmışdır.
Bütün məhdud, zəif cəhətləri ilə bərabər, Cavid
dramaturgiyası Azərbaycan dramaturgiyası tarixində xüsusi
orijinal bir mərhələ təşkil edir. Şairin əsərlərində hələ bu gün
də öz ideya-bədii əhəmiyyətini və gözəlliyini saxlayan cəhətlər
çoxdur.
308
M Ü N D Ə R Ġ C A T
Böyük cavidĢünas Məmməd Cəfər ..................................3
Giriş ....................................................................................23
Birinci fəsil
H.Cavidin həyatı, ədəbi mühiti və ilk qələm təcrübələri
1. Həyatı..............................................................................36
2. İlk ədəbi təcrübələri.........................................................57
3. İlk dramları......................................................................86
4. ―Şeyx Sənan‖ faciəsi.......................................................99
İkinci fəsil
Yaradıcılığının ikinci dövrü
1. Cavidin imperialist müharibəsi əleyhinə ilk çıxışları....123
2. ―Şeyda‖ faciəsi..............................................................128
3. ―Uçurum‖......................................................................133
4. ―İblis‖............................................................................138
Üçüncü fəsil
Məfkurəvi tərəddüd illəri
1. ―Peyğəmbər‖ və dini modernizə etmək cəhdləri...........164
2. ―Afət‖............................................................................190
3. ―Topal Teymur‖ və onun tənqidi..................................202
Dördüncü fəsil
Cavid yaradıcılığının yeni dövrü
1. ―Azər‖ dastanı...............................................................219
2. ―Knyaz‖.........................................................................242
3. ―Səyavuş‖......................................................................248
4. ―Xəyyam‖......................................................................260
5. ―İblisin intiqamı‖...........................................................277
Beşinci fəsil
Cavidin dramlarında sənətkarlıq xüsusiyyətləri................283
Q e y d l ə r
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
___________________________________________________
Dostları ilə paylaş: |