5. ―ĠBLĠSĠN ĠNTĠQAMI‖
1936-cı ilin axırları və 37-ci ilin əvvəllərində Cavid
―İblisin intiqamı‖ dramını yazır. Bu onun son əsəri
deyildir. Bu arada şairin Azərbaycan qadınının sosializm
quruluşu cəbhəsindəki mübarizəsini göstərən ―Şəhla‖
pyesini, tarixi mövzuda olan bir dram, ―Koroğlu‖
ssenarisini və bir çox lirik-epik şeirlər yazdığını da
təsdiq edənlər vardır. Lakin hələlik bu əsərlərdən əldə
olan ancaq ―İblisin intiqamı‖dır.
―İblisin intiqamı‖ Almaniya, İtaliya və Yaponiya
faşistləri əleyhinə yazılmış təbliği bir
pyes idi.
Əsərin mövzusu 1936-37-ci illərdə dünyanın bütün
xalqlarını ciddi məşğul edən mühüm beynəlxalq
hadisələrdən alınmışdı. Yapon imperialistlərinin Çin-
Mancuriya və Monqolustana qarşı təcavüzkar hücumları,
İtaliya faşistlərinin Həbəşistanda törətdikləri qanlı qırğın,
İspaniya faşistlərinin işğalçılarla əlbir olub İspaniyada
azadlıq hərəkatını boğmaları, bu təcavüzkarlığa qarşı
İspaniya respublikaçılarının mübarizəsi, təpədən dırnağa
qədər
silahlanmış
hitlerçilərin
dünyaya
meydan
oxumaları və birinci növbədə Sovetlər İttifaqı əleyhinə
təcavüzkar müharibə planları tərtib etmələri, bu illərdə
Avropanın müxtəlif ölkələrində çağırılan Millətlər
cəmiyyətinin uğursuz fəaliyyəti, burjua diplomatlarının
ümumsülh
haqqında yalançı, hiyləgər manevrləri,
nəhayət, Sovet dövlətinin sülhü müdafiə üçün göstərdiyi
277
tarixi
fəaliyyət, sovet diplomatiyasının qazandığı
beynəlxalq nüfuz və sovet adamlarının bütün dünyada
sülhü qorumaq üçün müharibə qızışdırıcılarına qarşı
mübarizəsi — əsərdə əhatə edilən və yarıromantik,
yarıreal planda göstərilən əsas hadisələr bunlar idi.
Şairin 18 il ondan əvvəl müharibə əleyhinə yazdığı
―İblis‖ faciəsində olan İblis, Arif və Rəna bu əsərdə də
iştirak edirlər. Lakin burada onların mənası, vəzifəsi,
təmsil etdikləri qüvvələr tamamilə başqa idi. İblis bu
dramda faşizmin müharibə ideyalarını, hitlerçilərin
fitnəkar təxribatçılıq təşəbbüslərini təmsil edirdi. İblis
yeni dünya müharibəsinin əsas ilhamçısı, İtaliya və
yapon faşistləri isə onun pərəstişkarları kimi göstərilirdi.
Əsərdə İblisi müxtəlif tipli şeytanlar əhatə etmişdir. Bu
şeytanlardan biri ―Yapon siyasi qılığında‖ olub, yapon
faşistlərini, ikincisi ―İtaliya siyasi qılığında‖ olub İtaliya
faşistlərini, üçüncüsü ―İspaniya siyasi qılığında‖ olub,
İspaniya faşistlərini və sairəni təmsil edir. Bütün dünyanı
yenidən qan dənizində üzdürməyə çalışan bu faşist
şeytanlar İblisin əlində bir vasitə, onun müti qulları kimi
göstərilir.
Birinci pərdədə şeytanların hərəsini bir ölkəyə
göndərmiş İblis onların gətirdiyi ―şad‖ xəbərləri dinləyir:
B i r i n c i Ģ e y t a n (Hitlerçi faşist qılığında) — Ən
parlaq müjdələr!.. Mən Hitler Almaniyasını dolaşdım, özümüzə
bir çox məsləkdaş qazana bildim. Oradakı əməkçilərdən başqa
hər kəs ―qan-qan!‖ deyə qızmış canavar kimi dünyaya meydan
oxuyurlar.
İ k i n c i ş e y t a n (Yapon faşistləri qılığında) — Yapon
diplomatları hər gün yeni fitnələr uydurub, qonşu hökumətlərə
rahatçılıq vermir. Bir yandan Mancuriya ilə Monqolustana
soxulur, bir yandan Çini parça-parça bölməyə çalışırlar.
Minlərcə, yüz minlərcə insan qanı axır. Kimsə səsini çıxarmır.
Xalqın var-yoxu yanıb kül olur da, tüstüsü, dumanı çıxmır.
278
Ü ç ü n c ü Ģ e y t a n (İtaliya faşistləri qılığında) —
Mən faşizm beşiyinə vardım, pərəstişkarım Mussolini ilə
görüşdüm. Bir kibritlə bütün başları alovlandırdım. Hamı ―qan-
qan!‖ deyə cahangirlik xülyası ilə, əzəmət sevdası ilə
müharibəyə girişir. Atəşli makinalarla yerdən-göydən həbəş
ölkəsini yaxıb, yıxırlar.
D ö r d ü n c ü
Ģ e y t a n (İspaniya faşistləri
qılığında) — İspaniyaya gəldikdə qarışıq, hər könüldə kin və
dəhşət, hər ağızda qan qoxusu! Ölkə ikiyə bölünmüş; bir yanda
cümhuriyyətçilər və inqilabçılar, bir yanda faşizm generalları
ilə qiyamçılar...
İblis qəhqəhələr qoparıb ―İnsanları canlandıran ancaq
müharibədir‖ deyir və bu xəbərlərdən xeyli şad olduğunu
bildirir. Burada Arif bir sülh tərəfdarı kimi, müharibə
fitnəkarı İblisə qarşı çıxıb, onun müharibə ideyalarını
rədd edir.
A r i f — Yalan! Bu vəsvəsələr faşistlərin düşüncələrində
parlayan qara bir şimşəkdir... Mən qan içənlərə nifrət edirəm!
Sən xain və alçaq bir məxluqsan!
İnsanın İblisə qarşı çıxdığını görən və əsərdə əbədi
sülhün simvolu kimi verilən ―insaniyyət sevgisi ilə,
mərhəmət duyğusu ilə çırpınan sülh pərisi zərif qız‖ Sima
Arifin köməyinə gəlir. Arif onu görcək ―sən kimsən!‖
deyə soruşur. Sülh pərisi deyir:
S ü l h p ə r i s i — Mən bir çox şairlərin, filosofların,
könlünü alovlayan, ən dərin düşüncələrə qanad verən bir dilək
pərisiyəm.
A r i f — Səni dünyada ən çox maraqlandıran nədir?
S ü l h p ə r i s i — Yalnız sülh və məhəbbət! Mən
bəşəriyyət üçün çırpınan, qan izlərini silməyə çalışan sülh
pərisiyəm.
Ariflə Sülh pərisi birləşib, sülh uğrunda mübarizə
etməyi qərara alır. Onlar eyni zamanda, hiss edirlər ki,
böyük sülhə də ancaq böyük mübarizələr yolu ilə nail
279
olmaq olar. Onlar özlərinə məğlubedilməz bir rəhbər,
köməkçi tapırlar. Bu qüdrətli qəhrəman — Sovetlər
ölkəsinin böyük vətəndaşı, əmək dünyasının yenilməz
əsgəri, inqilab cəbhəsinin sarsılmaz bir nəfəri, tarlalarda
çalışan, fabriklərdə işləyən, qabarlı əllərin, tərli alınların
bir rəmzi, sarsılmaz bir nümayəndəsi olan Spartak
qiyafəli, tunc heykəlli qəhrəman Tüncərdir.
Arif və Sülh pərisi Tüncərlə birləşib faşizm taununa
qarşı mübarizə aparan qəhrəman respublikaçılara kömək
etmək üçün İspaniyaya gedirlər. Pyesin ekspozisiyası və
ilk səhnəsi bir qədər romantik planda yazıldığı halda,
qalan səhnələri daha çox realist planda işlənmişdir. İkinci
pərdədə biz Tüncəri Arif, Rəna və Sülh pərisi ilə birlikdə
Madriddə, respublikaçılar sırasında görürük. Onlar əsərdə
qəhrəman respublikaçıların nümayəndələri kimi verilən
vətənpərvər Kastillo, Ema, Natalya, mərakeşli Xalid və
başqaları ilə birlikdə əksinqilaba qarşı vuruşurlar.
İspaniyanın əmək adamları ilə sosializmə, demokratiyaya
qarşı olan faşistlər arasında ölüm-dirim mübarizəsi gedir.
Cəbhədə respublikaçıların məğrur səsi yüksəlir:
―Vətən eşqi, vətən qurtuluşu hər şeydən yüksək və
müqəddəsdir. Vətən anadır. Vətəndaşlar, faşizm ordusu
getdikcə azmağa başlayır, gecə-gündüz vəhşi hücumlardan vaz
keçmirlər, inkvizision cəlladlar kimi önlərinə gələni yaxıb
yıxmaqdan çəkinmirlər. İspaniya faşizmin məzarı olmalıdır‖.
Bu səsə sovet vətəndaşı Tüncərin səsi qüvvət verir.
Tüncər faşist generallarına üzünü tutaraq deyir:
―Bu zəfərlər sizi öyündürməsin. Bu sərxoşluq və sərsəmlik
uzun sürməz. Sizin yardımçınız bir yığın cahangirlərsə, bizim
arxamızca bütün cahan əməkçiləri durmuşdur‖.
280
Əsərin qalan səhnələri Millətlər cəmiyyətinin müxtəlif
iclaslarını göstərir.
Bu səhnələrdə ən maraqlı cəhət müharibə tərəfdarları
olan ikiüzlü burjua diplomatları ilə əsil sülh tərəfdarları
arasındakı
konfliktlər,
dramatik
toqquşmalardır.
Dramaturq birinci cəbhənin, müharibə tərəfdarlarının
nümayəndəsi olaraq eyni şeytanları göstərir. Onlar indi
simalarını dəyişmiş, biri alman, bir italyan, biri də yapon
diplomatı cildinə girmişdir. Onlar qara geymişlər,
başçıları İtaliya papası vəkili cildinə girmiş İblisdir.
İkinci cəbhənin nümayəndələri həbəş nümayəndəsi,
müəllifin ―əsil alman‖ adlandırdığı, alman xalqının
nümayəndəsi, Arif, Tüncər, Sülh pərisi və başqalarıdır.
Bu həqiqi sülh tərəfdarlarının başında isə sovet nüma-
yəndəsi və diplomatı durmuşdur. Millətlər cəmiyyətində
faşistlərin müharibə planlarına qarşı sülh tərəfdarlarının
səsi yüksəlir.
S o v e t n ü m a y ə n d ə s i — Yer üzündə sülh
istəyənlər müharibə tərəfdarlarından qüvvətlidirlər. Çünki
onların arxasında hərbə qarşı kin və nifrət bəsləyən xalqlar
durmuşdur.
Ə s i l b i r a l m a n — Mən hitlerçilərin izi ilə
sürünməkdə heç bir şərəf görmürəm.
S o v e t n ü m a y ə n d ə s i — Biz bütün ölkələrə,
bütün insanlara qurtuluş yolları göstərməliyik. O yol da ancaq
işçi siniflərinin, dünya əməkçilərinin birləşməsidir.
S ü l h p ə r i s i — Bütün bəşəriyyətin səadəti və qurtuluşu
ancaq
nasırlı əllərdədir, ancaq dünya əməkçilərinin
birləşməsindədir.
T ü n c ə r — Faşizm Almaniyası ilə yapon imperatorluğu
Sovetlər İttifaqına qarşı yeni hərb müahidəsi bağlamış, hər iki
tərəfdən inqilab yurdunun alovlarını söndürmək istəyirlər.
Zərər yoxdur, onlar bizə taxmaq istədiyi zəncirləri tez-gec öz
qollarında görəcəklər.
281
S o v e t n ü m a y ə n d ə s i — Bütün cahan əməkçiləri
əmin olmalıdırlar ki, sülh düşmənlərinin bulanıq, qanlı
dalğaları bizim hüdudumuzun divarlarına çırpılıb qırılacaq,
azğın orduları tez-gec sərab olmuş ümidlər kimi saralıb məhv
olacaqlar.
―İblisin intiqamı‖ bədii forma etibarı ilə publisist
xarakterli, təbliği bir pyes olaraq Sovet hakimiyyətinin
ilk illərində sovet dramaturqlarından Süleyman Sani
Axundovun Tənqid-təbliğ teatrı üçün yazdığı pyesləri
xatırladırdı. Onun məzmununa gəlincə, misallardan
göründüyü kimi ―Almaniya, Yaponiya və İtaliya faşistləri
Sovetlər İttifaqı xalqlarını əsarət altına almaq üçün
hazırladıqları zəncirləri tez-gec öz qollarında görəcəklər
və Sovet Vətəninə doğru yönəldilmək məqsədi ilə
hazırlanan faşist orduları hüdudumuzun divarlarına
çarpıb qırılacaq, məhv ediləcəkdir‖ fikri əsərin əsas
ideyasını təşkil edirdi.
Oxucu yaxşı bilir ki, bu illərdə faşizm ideologiyasına
qarşı mübarizə çoxmillətli sovet ədəbiyyatının ən aktual
mövzularından biri olmuşdur və bu mövzu Azərbaycan
sovet ədəbiyyatında, nəsr, şeir və publisistikasında da
çox mühüm bir yer tutmuşdur. Bir dramaturq olaraq
Hüseyn Cavid də öz öhdəsinə düşən vəzifəni yerinə
yetirib, Azərbaycan səhnəsinə faşizm əleyhinə bu ilk
əsəri verməyə çalışmışdır. Bu əsər Cavidin sosializm
ölkəsinin yenilməz olduğuna, Sovetlər İttifaqının bütün
dünyada sülhün böyük, sarsılmaz dayağı olduğuna
bəslədiyi inamı, sosializm quruluşu işinə bir yazıçı kimi
sədaqətlə xidmət etdiyini göstərirdi.
282
BEŞİNCİ FƏSİL
CAVĠDĠN DRAMLARINDA
SƏNƏTKARLIQ XÜSUSĠYYƏTLƏRĠ
Cavidin dramları əsas etibarı ilə xarakterlər dramıdır.
Lakin bu xarakter dramlarını bir-birindən kəskin surətdə
fərqləndirən spesifik dram xüsusiyyətləri də vardır. Bu
xüsusiyyətlər müxtəlifdir. Məsələn, ―Şeyx Sənan‖ və
―Xəyyam‖ xarakterlər dramı olmaqla bərabər, həmçinin
fəlsəfi dramlardır. Amma bu iki əsəri də bir-birindən
fərqləndirən cəhətlər vardır. ―Şeyx Sənan‖ faciədir.
Burada
qəhrəmanın
taleyi
fəlakətlə
nəticələnir.
―Xəyyam‖ isə dramdır. Burada fəlakət deyil, müəyyən
dərəcədə peripetiya (qəhrəmanın taleyinin birdən-birə
dəyişməsi) xətti əsas götürülmüşdür. ‖Şeyx Sənan‖
təəssübkeş dindarların təqibinə məruz qalıb, özünü
Xumarla bərabər faciəli surətdə məhv etdiyi halda,
Xəyyam qoca yaşlarında, təbliğ etdiyi ideyaların geniş
yayıldığı və gənc nəsil, Nişapur gəncləri tərəfindən qayğı
ilə əhatə edildiyi bir zamanda öz əcəli ilə ölür. Bu iki
əsəri başqa bir xüsusiyyət də fərqləndirir. ―Şeyx Sənan‖
fəlsəfi dram olmaqla bərabər, daha çox bir məhəbbət
dramıdır. ―Xəyyam‖da da nakam bir məhəbbət xətti
vardır (Xəyyam ilə Sevdanın bir-birini sevməsi, Sevdanın
gənc ikən ölməsi), lakin burada fəlsəfi dram xətti daha
əsaslı və ardıcıldır. Bütün bu fərqləri ilə bərabər,
növlərinə görə hər iki əsər fəlsəfi məzmunlu xarakterlər
dramıdır.
Cavidin dramlarının çoxu xarakterlər dramı olmaqla, eyni
dərəcədə ehtiraslar dramı şəklində yaradılmışdır. Bu əsərlərdə
üz-üzə gələn, çarpışan qüvvələr birinci növbədə müsbət-mənfi
xarakterlər, müsbət-mənfi ehtiraslardır. Bu ehtiraslar çox
müxtəlifdir,
rəngarəngdir:
idrak
eşqi,
xeyirxahlıq,
283
insanpərvərlik, sülhpərvərlik, azadlıq, vətənpərvərlik kimi
müsbət insan ehtirasları ilə şöhrətpərəstlik, qısqanclıq,
mənsəbpərəstlik, əyyaşlıq, dindarlıq, bədxahlıq, hərbculuq kimi
mənfi ehtiraslar qarşılaşır. Məsələn, ―Xəyyam‖ dramında şair-
filosof Xəyyamda başlıca ehtiras yüksək idrak eşqidir ki, bu
surətin əsas, aparıcı xarakteri kimi meydana çıxır. Xəyyam, hər
şeydən əvvəl, ağıl, mərifət aşiqi, zəmanəsinə görə çox-çox
yüksəlmiş mütəfəkkir şairdir. Köhnəlmiş etiqadları, adət-
ənənələri, köhnəlmiş əxlaq normalarını, dini, fanatizmi və
asketizmi yıxıb dağıtmaq, onun yerində real düşüncəni,
rasionalizmi əsaslandırmaq Xəyyamın varlığında ən qüvvətli
bir ehtirasa çevrilmişdir.
Diqqəti cəlb edən başqa bir cəhət də budur ki, bu
xüsusiyyət, yəni, Xəyyamın idrak, mərifət ehtirası sanki əsərdə
başqaları arasında da paylaşdırılmışdır. Bu ehtiras az və ya çox
Xəyyamın dostlarında, həmdərdlərində, Xacə Nizam, Rəmzi,
Xərabati, Vəfa, Səfa və Sevdada, üsyançıların başçısı Yusifdə,
hətta epizodik surətlərdən olan qəbirqazanlarda və erməni
kəndlisində də vardır. Bunlar da dindar fanatikləri, müftiləri,
müridləri, xəlifəni Xəyyam kimi tənqid edir, onlara gülür,
cənnət, cəhənnəm əfsanəsini, asketizmi lağa qoyurlar.
Beləliklə vahid bir ideya müsbət planda verilib, ayrı-ayrı
fərdi xüsusiyyətlərə malik olan bu surətlər arasında müştərək
ehtiraslar, hisslər, arzular, qənaətlər və dolayısı ilə də dostluq,
mehribanlıq, səmimiyyət, sədaqət şəklində təzahür edir,
şöhrətpərəstlik, hakimiyyət, dindarlıq kimi mənfi ehtiraslara
qarşı durur.
Buradan aydın görünür ki, Cavid mütləq mücərrəd ehtiraslar
tanımır. Onun dramlarında ehtirasları və xarakterləri, hər
şeydən əvvəl, ideya və dünyagörüşü müəyyənləşdirib
istiqamətləndirir. Odur ki, vahid bir görüş ətrafında birləşmiş
müsbət ehtiraslar, bir-birinə yaxın meyllər başqa bir
görüşlə müəyyənləşmiş mənfi ehtiras və meyllərə qarşı
durur.
284
―Xəyyam‖da bu xüsusiyyət daha qabarıq şəkildə özünü
göstərir. Burada baş qəhrəman — Xəyyam fərdi xüsusiy-
yətlərinə görə müstəsna olsa da, qara qüvvələrə qarşı
mübarizədə tək deyildir. Sevda, Xacə Nizam, Vəfa, Sə-
fa, Rəmzi və Xərabati də onun tərəfindədirlər. Onlar da
hərə öz mövqeyinə və anlayışına görə eyni ehtirasla qara
qüvvələrə müqavimət göstərir. Eyni mahiyyəti olan
ehtirasların, meyllərin müsbət planda verilmiş surətlər
arasında paylaşdırılması isə öz-özlüyündə dramın fəlsəfi
bir dram kimi əsas janr xüsusiyyətini möhkəmləndirib
əsaslandırır. Beləliklə, ―Xəyyam‖da bir-birinə zidd olan
aparıcı ehtiraslar qruplaşması əmələ gəlmişdir.
Bu xüsusiyyəti biz bir qədər başqa mənada ―Şeyx
Sənan‖ faciəsində də görürük. Bu əsərdə faciənin qəh-
rəmanı Sənan surətində başlıca ehtiras, keyfiyyətcə
Xəyyamdan fərqli olaraq, məhəbbət ehtirasıdır. Sənan da
ağıl, mərifət aşiqidir. Bu ehtiras ona da yad deyildir.
Lakin Sənanda həmin cəhət çox vaxt məhəbbət ehtirası
ilə bağlı şəkildə meydana çıxır. Fəlsəfi məzmun daşıyan
və son nəticədə bütün əzəməti ilə dini təəssübkeşliyə
qarşı duran təmiz, yüksək məhəbbət ehtirası!
Sənan bütün dini müqəddəsatı tapdalayıb, insanlar
arasında olan məhəbbəti hər şeydən yüksək tutur. ―Xəy-
yam‖da olduğu kimi, bu əsərdə də biz ümumi məhəbbət
ehtirasının başqa surətlər arasında da paylandığını
görürük. Bu məhəbbət ehtirası on altı ildən artıq Sənanın
eşqi ilə yaşayan ərəb qızı Zəhrada da eyni dərəcədə
qüvvətli, əzəmətli və davamlıdır. Gürcü qızı Xumarda,
Xumarın eşqi ilə çırpınan gənc gürcülərdə, hətta gözəl bir
qadına aşiq olduğu üçün ağlamaqdan gözləri tutulan
İkinci korda da bu məhəbbət ehtirası vardır. Əsərdə nəcib
ərəb qızı Üzranın Zəhraya, Şeyx Hadinin, Oğuz və
Özdəmirin Sənana, gözəl ruhlu Ninanın Xumara olan
məhəbbəti də eyni məhəbbət ehtirası ilə əlaqədardır ki,
285
dostluq, səmimiyyət, mehribanlıq şəklində təzahür edir.
Diqqət etdikdə sevmək, sevilmək ehtirası ilə yaşayan
bu insanların eyni mahiyyətli maniəyə rast gəldiklərini
görürük: Sənan dini təəssübkeşliyi müdafiə edən
papasların, fanatik şeyxlərin müqavimətinə rast gəlir.
Zəhranın öz arzusuna, Sənana çatmasına təriqət başçısı
atası Şeyx Kəbirin ―səni alçaldan ehtiras olacaq‖ — kimi
asketizmi təbliğ edən fikirləri mane olur. Xumarın
faciəsinə səbəb dini təəssübkeşlik, xristianlıqdır.
Beləliklə, bu əsərdə məhəbbət ehtirasları ilə dini
təəssübkeşlik, tərkdünyalıq ehtirasları qruplaşdırılmış
halda
bir-birinə
qarşı
qoyulur.
Bir-birinə
zidd
dünyagörüşləri, bir-birinə zidd xarakterlər, bir-birini
inkar edən ehtiraslar, meyllər doğurur.
Məhəbbət
ehtirası
―Şeyda‖
faciəsində
Şeyda,
―Maral‖da Cəmil bəy, ―İblis‖də Xavər, ―Afət‖də, Afət,
―Uçurum‖da Göyərçin, ―Səyavuş‖da Firəngiz və Süda-
bə, ―Peyğəmbər‖də Şəmsa surətlərində də aparıcı eh-
tirasdır. Lakin bu surətlərin bəzilərində onlara gös-
tərilən münasibət, xəyanət və ya şəxsi məhrumiyyətlərə
düçar olmaq üzündən məhəbbət ehtirası son nəticədə
nifrət və intiqam hissinə çevrilir.
Cavidin
dramlarında insanpərvərlik, xeyirxahlıq,
sülhpərvərlik ehtirası ilə yaşayan surətlər də vardır.
―Ana‖da Səlma, ―İblis‖də qoca Şeyx, ―İblisin inti-
qamı‖nda Sülh pərisi, ―Topal Teymur‖da şair Kirmani
belə surətlərdəndir. Ancaq bu surətlərin çoxu ağıl,
mərifət və ya məhəbbət ehtirası ilə yaşayan Xəyyam,
Sənan, Sevda, Dərviş, Südabə, Şəmsa, Göyərçin kimi
surətlərə nisbətən sönük, cansız və sxematikdir. Bunun
da sirri ondadır ki, bu adamlarda insanpərvərlik,
xeyirxahlıq, sülhpərvərlik mücərrəd və passiv arzular
şəklindədir. Onlar yaxşı, xeyirxah xəyallar bəsləməklə
kifayətlənir, bilavasitə mübarizəyə qoşulmurlar. Dram
286
əsərində də dramatik mübarizədən, əsas konfliktdən
kənarda qalan surətlərin sönük, sxematik çıxması çox
təbii bir haldır.
Bir cəhət də diqqəti xüsusilə cəlb edir ki, Cavidin
dramlarında mücərrəd xeyirxahlıq, passiv insanpərvər-
lik ehtirası ilə yaşayan bu adamlar ya bəlalara düçar olan
talesiz insanlar, ya da öz ideyalarında qeyri-sabit olub,
dərhal dönüklük, zəiflik göstərən xarakterlər kimi
meydana çıxmışlar. Məsələn, ―Ana‖da Səlma, ―İblis‖də
qoca
Şeyx
ürəkdən
bağlı,
olduqları
mücərrəd
insanpərvərlik ehtirasının bəlasını çəkməli olurlar.
Düşməni də bağışlamağı yüksək insanlıq sifəti və əlaməti
hesab edən Səlma axırda öz yeganə oğlunun vəhşicəsinə
öldürüldüyünün şahidi olur. ―Qəlbindəki nifrətləri,
vəhşətləri yax, yıx!‖ — deyə özgələrinə insanlıq dərsi
verən qoca Şeyx sevimli qızı Xavərin Arif tərəfindən
vəhşicəsinə öldürüldüyünü gördükdən sonra:
Atdım insanlığı, oldum canavar,
İntiqam istərəm, artıq bu qadar! —
— deyib inləyir. Əvvəlcə insanlıqdan, ədalətdən, xeyir-
xahlıqdan danışan Arif, sonra özü amansız, alçaq bir
caniyə çevrilir, öz sevimli arvadını boğub öldürür,
―Bütün bəşəriyyəti xilas edəcək yalnız məhəbbətdir‖
deyən şair Kirmani şöhrətpərəst hökmdar Topal Tey-
mura cani-dildən xidmət etməli olur. Kirmani şöh-
rətpərəstlərdən narazı olduğu zamanlarda da ancaq şərab
içib gözəllərlə söhbət etməklə dərdini dağıdıb təsəlli
tapır.
Beləliklə, dramaturq özü hiss etsə də, etməsə də, onun
mücərrəd insanpərvərlik, xeyirxahlıq ehtirası ilə yaşayan
belə surətlərinin taleyi ya Səlmanın və qoca Şeyxin taleyi
kimi son dərəcə acınacaqlı, ya da Arif və şair Kirmaninin
287
taleyi kimi son dərəcə mənasız olur. Nəzəri cəhətdən
Cavid ümumiyyətlə bu fikirdə olmuşdur ki, insan, həyat
haqqında
mücərrəd
arzular
bəsləmək,
mücərrəd
insanpərvərlik,
xeyirxahlıq,
zülmə
müqavimət
göstərməmək kimi şirin, dadlı xəyallar çox acı nəticələr
verir. Çox ehtimal ki, dramaturq bu ideyaları daşıyan
insan surətləri və onların ağır taleyi ilə bu fikrin
həyatiliyini göstərmək istəmişdir. Çünki belə insanların
taleyi canlı həyatda necə olmuşsa, Cavidin dramlarında
da, həqiqətə, həyata uyğun bir şəkildə sona çatır.
Bunların
əksinə,
Cavidin
dramlarında
azadlıq,
vətənpərvərlik, mübarizə eşqi və ehtirası ilə yaşayan
adamlar ―Şeyda‖da Qara Musa, ―Knyaz‖da Anton,
―Səyavuş‖da Rüstəm kimi canlı, qüvvətli və təsirlidir.
Cavidin əsərlərində mənfi ehtiraslarla yaşayan surətlər
də müxtəlifdir. Bunların içərisində hərbculuq ehtirası ilə
yaşayan ibn Yəmin (―İblis‖), dini təəssübkeşlik,
bədxahlıq ehtirası ilə yaşayan Papas və Şeyx Mərvan
(―Şeyx Sənan‖), qısqanclıq ehtirasının əsiri olan Edmon
(―Uçurum‖), Orxan (―Ana‖) və Gərşivəz (―Səyavuş‖),
şöhrətpərəstlik, hakimiyyət ehtirası ilə yaşayan Alp
Arslan (―Xəyyam‖), mənsəbpərəstlik ehtirası ilə yaşayan
Həsən Səbbah (―Xəyyam‖) və başqaları vardır.
Lakin bütün bu müxtəlif ehtiraslı adamları bir-birinə
yaxınlaşdıran və birləşdirən ümumi cəhətlər də vardır:
onların, demək olar ki, hamısı bədxah, fitnəkar, xain,
paxıl adamlardır. Taleləri, aqibətləri də bir-birinə
bənzəyir. Hamısı əvvəlcə coşqun, fəal, çirkin məqsəd
uğrunda olsa da, mübariz, son nəticədə isə alçalmış,
təhqir olunmuş, ehtiraslarının qurbanı olan insanlardır.
Ümumiləşdirilmiş şəkildə demək olar ki, Cavidin
dramlarında gözəl insani sifətlər məhəbbət, səmimiyyət,
xeyirxahlıq, sülhpərvərlik, insanpərvərlik, mütəfəkkirlik,
həqiqət aşiqliyi, dini şübhəçilik və sair ehtiraslar
288
şəklində meydana çıxır; bunun əksinə nə qədər pis,
arzuedilməz xüsusiyyətlər varsa, bunlar da xudbinlik,
paxıllıq,
bədxahlıq,
avamlıq,
dini
təəssübkeşlik,
qısqanclıq, hərbculuq, zalımlıq, qəddarlıq və sair mənfi
ehtiraslar şəklində canlandırılır.
―Şeyx Sənan‖, ―Xəyyam‖, ―İblis‖ kimi dramlarla
yanaşı Cavid ―Maral‖, ―Uçurum‖, ―Afət‖ kimi ailə,
məişət dramlarının da müəllifidir. Bu əsərlərin hər üçü
faciədir. Bu faciələri doğuran səbəblər isə müxtəlifdir.
―Maral‖da gənc azərbaycanlı qız Maralın faciəli ölümünə
səbəb mühafizəkar mülkədar əxlaqı, mülkədar zülmüdür.
Başqa sözlə bu faciə də burjua-feodal cəmiyyətinin
ailələrdə doğurduğu ümumi faciələrdən biridir. Əsərdə
mülkədarlığın öz içərisindən çıxmış yeniyetmə, romantik,
sentimental gənclər — Cəmil bəy, Nadir bəy, Humay və
başqaları mühafizəkar mülkədar zülmü və əxlaqına qarşı
çıxırlar. Lakin bu yeniyetmələr cəbhəsi zəif, gücsüz
göstərilir. Bu zəiflik də əsərə müəyyən dərəcədə
melodramatizm,
romantik,
sentimental
dram
xüsusiyyətləri gətirir. Maralın daim öz taleyini düşünüb
ah-zar etməsi, Cəmil bəyin ümumiyyətlə insanların yer
üzündəki
əməlindən
şikayətlənməsi,
mühafizəkar
mülkədar zülmünə qarşı sadəcə zarıyıb inildəməsi buna
misal ola bilər.
―Uçurum‖ və ―Afət‖ isə, ―Maral‖dan fərqli olaraq,
daha çox səhvlər dramı şəklində meydana çıxır. ―Uçu-
rum‖da gənc rəssam Cəlalın öz gözəl arvadı Göyərçinin
təmiz məhəbbətinə xəyanət edib, Paris rəqqasəsi Anjelə
aludə olması, ―Afət‖də Afətin Qaratayın yalanlarına
uyub, öz ərini zəhərləməsi, Altunsaçın Qaratayın
hiylələrinə inanması və hər iki ailədə yüksək əxlaqi
ideyaların tapdalanması dəhşətli faciələr doğurur.
―Maral‖da olduğu kimi, bu əsərlərdə də ailə, əxlaq
normalarına qarşı duran qüvvələrin (―Uçurum‖da İldırım,
289
Əkrəm, ―Afət‖də Alagöz, Ərtoğrul, Yavuz, Oqtay) əsas
qismi zəif, gücsüz, sentimental gənclər olduğundan bu
xarakterlər istər-istəməz hər iki drama melodramatizm
xüsusiyyətləri gətirmişdir.
Buradan belə bir nəticə çıxarmaq olar ki, Cavidin
məişət dramlarında melodramatizm və ya sentimental,
romantik dram xüsusiyyətlərini sadəcə bir forma hesab
etmək olmaz. Həmin əsərlərə bu xüsusiyyətləri gətirən,
hər şeydən əvvəl hadisələrin məzmunu, xarakteridir.
Digər tərəfdən, bu əsərlərə sentimental, romantik ün-
sürlər gətirən — mənfi surətlər deyil, əsasən müsbət və
ya ziddiyyətli tiplər, xarakterlərdir. Məsələn, ―Maral‖
dramını alaq. Burada nə canavar təbiətli mülkədar Turxan
bəy, nə də onun zorakılığına şəriət donu geydirən Qazı
sentimental, romantik surətlər sayıla bilməzlər. Əksinə,
bunlar bir qədər də vulqar, kobud ―realistlərdir‖. Burada
romantik, sentimental əhvali-ruhiyyəli surətlər əsasən
Maral, Cəmil bəy, Bəypolad, Aslan bəy kimi nəcib ruhlu,
xeyirxah, yeni hisslər və arzularla yaşayan gənc
yeniyetmələrdir. Lakin onlar, eyni zamanda, ifrat
hissiyyatçı,
xəyalpərvərlərdir.
Faciəyə
romantik,
sentimental və melodramatik ünsürlər gətirən də bu
gənclərin
əhvali-ruhiyyəsi, həyata münasibətləridir.
Eləcə də ―Afət‖ faciəsində nə əyyaş Özdəmir və
Xandəmiri, nə də əxlaqsız Qaratayı, Kaplan və Qorxmazı
sentimental, romantik surət saymaq olmaz. Bunlar da
hamısı incə hisslərdən, xəyallardan uzaq olan, pozulmuş,
qaba adamlardır. Bu faciədə də romantik, sentimental
surətlər əsasən Alagöz, Ərtoğrul, Yavuz kimi təmiz
əxlaqlı gənclərdir. Lakin bu gənclər də həddindən artıq
xəyalpərvər,
hissiyyatçıdırlar.
Eyni
xüsusiyyəti
―Uçurum‖ faciəsində də görmək olar.
Cavidin ailə, məişət dramlarında bəzən mənfi mənada
dramatik toqquşmalara, macəra dramı ünsürlərinə də rast
290
gəlmək olur. Məsələn, ―Uçurum‖da gənc İldırımın Cəlalı
Anjelin torundan xilas etmək xatirinə Paris rəqqasəsinə
yalandan məhəbbət elan etməsi, qısqanc Edmonun
Anjelin dalınca Parisdən İstanbula gəlməsi çox süni təsir
bağışlayan hadisələrdir. ―Afət‖ dramında epizodik
surətlər olan iki gənc zabitin — Kaplan və Qorxmazın
hərəkətləri, özlərini süni surətdə Afətə və başqalarına
sevdirməyə çalışmaları sadəcə konflikti qüvvətləndirmək
xatirinə düşünülmüş qeyri-təbii vəziyyətlərdir. ―Maral‖da
Aslan bəy ilə Maral arasındakı çox zəif, ötəri verilmiş
məhəbbət haqqında da eyni sözləri demək olar. Macəra
dramı ünsürlərinə ―Topal Teymur‖da Olqa ilə Orxan
arasında olan münasibəti, bunların İldırım Bayazid
sarayındakı fəaliyyətlərini də misal göstərə bilərik.
Cavidin yaxşı dramlarından olan ―Şeyda‖ faciəsində
Roza ilə Şeyda və Əşrəf arasındakı münasibət, qara
geyimli mələk surəti əsas hadisə ilə əlaqəsi olmayan və
dramaturq tərəfindən şüurlu surətdə effekt yaratmaq
xatirinə əsərə əlavə edilmiş macəralı hadisələrdir. Lakin
bu macəra və süni intriqa ünsürlərini biz Cavidin ―İblis‖,
―Şeyx Sənan‖, ―Səyavuş‖, ―Knyaz‖ və ―Xəyyam‖ kimi
əsərlərində, demək olar, görmürük.
Cavidin dramaturgiyasında fantastik dram ünsürləri də
xüsusi yer tutur. Bu ünsürlər müxtəlifdir. Bəzən onlar
mövhumi surətlər şəklində, bəzən teyflər, ruhlar, ölülərin
canlanması şəklində, bəzən də sayıqlamalar, yuxuda
görülən hadisələr şəklində yaradılır. Məsələn, ―İblis‖də
İblis,
Mələk,
―Şeyda‖da
Qara
geyimli
mələk,
―Peyğəmbər‖də Skelet və Mələk fantastik surətlərdir. Bu
mövhumi surətlərin hərəsi müəyyən bir məqsədə görə
yaradılmış, hərəsi müəyyən bir fikri, ideyanı təmsil edir.
Məsələn, ―İblis‖də İblis ―hər kəsə xain olan insan‖dır,
Mələk sülh, əmniyyət arzularının timsalıdır. ―Şeyda‖da
―Mən oyam ki, bütün ağlar gözlər, yaralı könüllər, bütün
291
iztirablar və həyəcanlar həp mənim sayəmdə rahat olur,
mənimlə təsəlli bulur‖ deyən Qara geyimli mələk
insanların son məskəni olub, bütün iztirabları unutduran
qara torpağı təmsil edir. ―Peyğəmbər‖də Mələk ―allah
təbiətin özündədir‖ ideyasını, Skelet isə tarixin amansız
qanunlarını təmsil edən fantastik bir surətdir. Bu kimi
fantastik surətlər Cavidə o zaman lazım olur ki, o,
insanların taleyini deyil, bəlkə, məsələn, ―İblis‖də olduğu
kimi, birinci növbədə müəyyən ideyaların toqquşmasını
göstərməyə çalışır. Məlumdur ki, ―İblis‖ birinci növbədə
insanların taleyini deyil, hər şeydən əvvəl, müxtəlif
ideyaların, sülh və müharibə ideyalarının taleyini əks
etdirən bir faciədir.
Fantastik dram ünsürləri Cavidin əsərlərində teyflər,
xəyalların canlanması şəklində də görünür. Məsələn,
―Şeyda‖da dördüncü pərdədə Rozanın xəyalı Şeydaya
görünür, lakin danışmayıb, tez gözdən yox olur. Beşinci
pərdədə yenə Şeyda Rozanın səsini eşidir. Yenə başqa bir
yerdə Rozanın xəyalı Şeydaya ―Yaldızlı tüllər içində,
mələk qiyafəsində‖ görünür, ―Süzgün və munis
baxışlarla‖ Şeydaya doğru irəliləyir. Burada Şeydanın
xəyalında bədbəxt Rozanın ruhunu canlandırmaqla
dramaturq tamaşaçılarında insanın vəhşi əməllərinə qarşı
nifrəti gücləndirmək məqsədini izləyir.
Yaxud ―Uçurum‖da ikinci pərdədə Cəlal Parisdə
rəqqasə Anjel ilə kefdə ikən onun nəzərində məsum hə-
yat yoldaşı Göyərçinin xəyalı canlanır. Göyərçin qu-
cağında sevimli, günahsız körpəsi olduğu halda, məhzun
və
Dostları ilə paylaş: |