Al-lulu vəl-mərcan
Hicaz Torpağından Od Çıxmadıqca Qiyamət Qopmaz
Yüklə 5,61 Mb. Pdf görüntüsü
|
- Bu səhifədəki naviqasiya:
- Zahidlik Və Qəlb Yumşaqlığı Kitabı
|
832 1840. Əbu Hureyra rəvayət edir ki, Peyğəmbər buyurdu: “Hicaz torpağından od çıxıb Busradakı (Suriyada şəhər) dəvələrin boyunlarını işıqlandırmayınca, Qiyamət qopmayacaq.” (Buxari 7118, Muslim 7473, 2902/42)
1841. İbn Ömər rəvayət edir ki, Peyğəmbər məşriq tərəfə yönəldiyi halda buyurdu: “Diqqətli olun! Fitnə bu tərəfdəndir, şeytanın buynuzunun doğduğu yerdədir”. (Buxari 7093, Muslim 7476, 7478, 2905/47)
Qoyamət Qopmaz
1842. Əbu Hureyrə rəvayət edir ki, Peyğəmbər buyurdu: “Devs qəbiləsinin qoca qadınları Zul Xalasa (bütü) ətrafında tavaf edə-edə quyruqlarını titrətmədikcə Qiyamət qopmayacaqdır. Zul Xulasa Devs qəbiləsinin cahiliyyə dövründə ibadət etdikləri bütdür”. (Buxari 7116, Muslim 7482, 2906/51)
Zaman: “Kaşki Bu Ölünün Yerində Mən Olardım – Demədikcə Qiyamət Qopmaz
833
1843. Əbu Hureyrə rəvayət edir ki, Peyğəmbər buyurdu: “Sağ olan bir kimsə qəbir sahibin yanından keçdiyi zaman: “Kaşki bu ölünün yerində mən olardım – deyə ölümü təmənna etmədikcə Qiyamət qopmaz”. (Buxari 7115, Muslim 7485, 2908/53)
1844. Əbu Hureyra rəvayət edir ki, Peyğəmbər buyurdu: “(Qiyamətə yaxın) Kəbəni həbəşistanlı, nazik ayaqlı bir nəfər dağıdacaq”. (Buxari 1591, 1596, Muslim 7489, 7490, 2909/58)
1845. Əbu Hureyra rəvayət edir ki, Peyğəmbər buyurdu: “Qəhtan qəbiləsindən bir nəfər çıxıb (əlindəki) əsası ilə insanları qovub aparmayınca Qiyamət qopmaz.” (Buxari 3517, 7117, Muslim 7492, 2910/60)
1846. Əbu Hureyrə rəvayət edir ki, Peyğəmbər buyurdu: “Sizlər ayaqqabıları tüklü olan bir qövmlə müharibə etmədikcə Qiyamət qopmaz. Yenə sizlər üzləri dəri ilə örtülmüş qalxanlar kimi qalın ətli bir qövmlə müharibə etmədikcə Qiyamət qopmaz”.
(Buxari 2929, 3587, Muslim 7494, 2912/62)
1847. Əbu Hureyra rəvayət edir ki, Peyğəmbər buyurdu: “İnsanlar Qureyşdən olan bir nəsilin əlində məhv olacaq 152
. (Əshabələr): “Bizə nə
152 Hədisdə qureyşdən olub hakimiyyət davası edən bəzi çılğın adamların atdığı səhv addımlar nəticəsində müsəlman ümmətinin başına gələcək müsibətlər nəzərdə tutulur. Həqiqətən də, Peyğəmbər dediyi kimi olmuşdur. (Fəthul-Bari)
834 buyurursan?” deyə soruşdular. Peyğəmbər: “Yaxşı olar ki, insanlar onlardan uzaq dursunlar.” (Buxari 3604, Muslim 7509, 2917/74)
1848. Əbu Hureyra rəvayət edir ki, Peyğəmbər buyurdu: “Xosrov (Fars imperatoru) həlak olacaq və ondan sonra onun yerinə xosrov gəlməyəcək. Qeysər (Rum imperatoru) həlak olacaq və ondan sonra onun yerinə qeysər gəlməyəcək. Onların sahib olduqları xəzinələr isə Allah yolunda (qənimət olaraq) paylaşdırılacaq.” (Buxari 3027, Muslim 7513, 2918/76)
1849. Cabir İbn Səmura rəvayət edir ki, Peyğəmbər buyurdu: “(Bizans imperatoru) Qeysər öldükdən sonra başqa bir Qeysər (Sasani hökmüdarı) Kisra öldükdən sonra başqa bir Kisra gəlməyəcəkdir. Canım əlində olan Allaha and olsun ki, onların xəzinələrini Allah yolunda xərcləyəcəksiniz”. (Buxari 3120, 3121, 6629, Muslim 7511, 2918/75)
1850. Abdullah İbn Ömər rəvayət edir ki, Peyğəmbər buyurdu: “(Vaxt gələcək) siz yəhudilərlə vuruşacaqsınız hətta onlardan bəziləri daşın arxasında gizlənəcək və daş dilə gəlib deyəcək: “Ey Allahın qulu, arxamda gizlənən bu (adam) yəhudidir. Durma, öldür onu!” (Buxari 2925, 2926, Muslim 7522, 2921/81)
1851. Əbu Hureyra rəvayət edir ki, Peyğəmbər buyurdu: “İki ordu bir- birilə hərb etmədikcə Qiyamət qopmaz. Bu iki cəmaat bir iddiada olduqları zaman aralarında böyük bir hərb olacaqdır. Yenə otuza yaxın yalançı dəccəllər çıxmadıqca Qiyamət qopmaz. Bu dəccəllərin hamısı da özlərini Rəsul olduqlarını iddia edəcəklər”. (Buxari 3609, Muslim 7526, 2923/84)
835
1852. İbn Ömər demişdir: “(Bir dəfə) Ömər Peyğəmbərlə və başqa bir neçə adamla birlikdə İbn Sayyadın yanına getdi. Onlar onu Bəni Məğalə qəbiləsinin istehkamı yanında uşaqlarla oynayan yerdə tapdılar. (O vaxt) ibn Sayyad artıq həddi-büluğa çatmışdı. Peyğəmbər əli ilə (yavaşca ibn Sayyadın çiyninə) vuranadək o, (onların gəldiyini) hiss etmirdi. Peyğəmbər İbn Sayyaddan soruşdu: “Sən mənim Allahın elçisi olduğuma şahidlik edir- sənmi?” İbn Sayyad ona baxıb dedi: “Mən şahidlik edirəm ki, sən ümmilərə (yazıb oxumağı bacarmayan) göndərilmisən.” Sonra İbn Sayyad Peyğəmbərdən soruşdu: “Sən mənim Allahın elçisi olduğuma şahidlik edirsənmi?” Peyğəmbər ona cavab verməyib dedi: “Mən Allaha və onun elçilərinə iman gətirmişəm!” Sonra ondan soruşdu: “(Yuxuda) nə görürsən?” İbn Sayyad dedi: “(Yuxuda) mənə həm doğru xəbərlər, həm də yalan xəbərlər gəlir.” Peyğəmbər: “İşin qarışığa düşüb (gördüklərini şeytan sənə qarmaqarışıq göstərir).” Sonra Peyğəmbər: “Sənin üçün fikrimdə bir şey tutmuşam” dedi. İbn Sayyad: “Bu, əd- Duxdur” deyə cavab verdi. Peyğəmbər: “İtil buradan! Sən heç vaxt həddini aşa bilməyəcəksən”. Ömər: “Ya Rəsulullah, burax onun boynunu vurum.” Peyğəmbər: “Əgər o, odursa (Məsih Dəccəl), sən ona bata bilməyəcəksən, yox əgər o deyilsə, onu öldürməyinin sənə heç bir xeyri yoxdur”. (Buxari 1354, 3055, Muslim 7538, 2930/95)
836 1853. İbn Ömər rəvayət edir ki, bir dəfə Peyğəmbər Ubey İbn Kəb ilə İbn Səyyadın olduğu xurmalıq yerə getmişdir. Peyğəmbər xurmalığa çatdığı zaman İbn Səyyad gizlənərək xurma ağaclarıyla görülməsin deyə özünü örtürdü. Peyğəmbər istəyirdi ki, İbn Sayyad onu görmədiyi halda onun nə danışdığını eşitsin. Peyğəmbər onun bürüncəyinə bürünüb uzandığını və əcaib səslər çıxartdığını gördü. (Bu vaxt) İbn Sayyadın anası Peyğəmbərin xurma ağacının arxasında gizləndiyini görüb İbn Sayyada: “Ey Safi! (Bu İbn Sayyadın adıdır). Muhəmməd buradadır” dedi və İbn Sayyad dərhal sıçrayıb ayağa qalxdı. Peyğəmbər buyurdu: “Əgər qadın onu oyatmasaydı, (onun kim olduğu bizə) bəlli olardı.” (Buxari 3056, Muslim 7539, 2931/96)
1854. İbn Ömər demişdir: “Peyğəmbər camaatın arasında ayağa qalxıb Allaha – Ona layiq tərzdə təriflər dedikdən sonra dəccalı yada salıb dedi: “Mən sizi ondan xəbərdar edib çəkindirirəm. Elə bir peyğəmbər olmamışdır ki, ümmətini ondan çəkindirmiş olmasın. Nuh da öz ümmətini ondan çəkindirmişdir. Lakin mən dəccal barəsində sizə elə bir söz deyəcəyəm ki, (onu) heç bir peyğəmbər öz ümmətinə deməmişdir. Bilin ki, o, təkgözdür. Allah isə təkgöz deyildir.” (Buxari 3057, 3337, 6175, Muslim 7540, 2932/97)
1855. İbn Ömər rəvayət edir ki, bir dəfə Peyğəmbər insanlar içərisində Məsih Dəccəli zikr etdi. Allah tək göz deyildir. Dəccəl isə sağ gözü təkdir. Onun gözü sanki üzüm salxımından irəli çıxmış üzüm giləsi kimidir”. (Buxari 3439, Muslim 7546, 2933/100)
837 1856. Ənəs İbn Məlik rəvayət edir ki, Peyğəmbər buyurdu: “Elə bir Peyğəmbər göndərilmədi ki, ümmətini yalançı, tək göz dəccəldən çəkindirməsin. Xəbəriniz olsun ki, o tək gözdür. Rəbbiniz isə tək göz deyildir. Dəccəlin iki gözü arasında kafir yazılmışdır”. (Buxari 7131, Muslim 7548, 2933/101)
1857. Huzeyfə demişdir: “Mən Peyğəmbərin belə dediyini eşitmişəm: “Dəccal zühur edəcəyi zaman onun yanında su və od olacaq. İnsanlar nəyi od zənn edəcəklərsə, əslində, bu, soyuq su olacaq. Nəyi soyuq su zənn edəcəklərsə, o, yandırıb-yaxan bir od olacaq. Sizlərdən kim o vaxta qədər yaşasa, od zənn etdiyi şeyin içinə girsin. Həqiqətdə, o, şirin və sərin bir su olacaq.” (Buxari 3450, Muslim 7555, 2934/107)
1858. Əbu Hureyra rəvayət edir ki, Peyğəmbər buyurdu: “Sizə Dəccəl barədə bir şeylər xəbər verəcəyəm ki, heç bir Peyğəmbər bunu qövmünə söyləməmişdir. Onun bir gözü kordur. Cənnətin və Cəhənnəmin yalançı misalları onunla bərabərdir. Lakin onun Cənnət adlandırdığı məkan Cəhənnəm, Cəhənnəm adlandırdığı da Cənnətdir. Nuh öz qövmünü ondan çəkindirdiyi kimi mən sizi bundan çəkindirirəm”. (Buxari 3338, Muslim 7558, 2936/109)
Möminin Öldürülüb Dirilməsi Barədə
838 1859. Əbu Səid əl-Xudri demişdir: “Peyğəmbər dəccal barəsində bizə uzun bir hədis danışdı. Onun bizə danışdıqları bu idi ki: “Dəccala Mədinəyə girmək qadağan olduğu bir vaxtda o gəlib Mədinənin kənarındakı şoranlıqda dayanacaq. Həmin vaxt ən xeyirli insan (və ya xeyirli insanlardan biri) onun yanına gəlib deyəcək: “Mən şahidlik edirəm ki, sən, Peyğəmbərin sənin barəndə bizə xəbər verdiyi dəccalsan.” Dəccal (yanındakılara) deyəcək: “Deyin görüm, əgər mən bu adamı öldürüb sonra diriltsəm, mənim (tanrı) olduğuma şübhə edəcəksinizmi?” Onlar: “Xeyr!” deyə cavab verəcəklər. Dəccal onu öldürüb sonra dirildəcəkdir. Onu diriltdikdən sonra (həmin adam) deyəcək: “Vallahi, (sənin yalançı olduğuna dair) bu günə kimi heç vaxt mənim belə qəti inamım olmamışdır.” Onda dəccal deyəcək: “Mən onu (yenə) öldürərdim, lakin bunu edə bilməyəcəyəm”. (Buxari 1882, Muslim 7562, 2938/112)
1860. Muğira İbn Şöbə deyir ki, heç bir kimsə mənim qədər Peyğəmbərdən Dəccəl barədə soruşmamışdır. Peyğəmbər: “Dəccəl sənə zərər verməyəcəkdir” deyə buyurdu. Mən: “İnsanlar onunla bərabər çörək dağları və sudan çaylar vardır deyirlər” dedim. Peyğəmbər: “Möminlərin (imtahanı) üçün bu cür şeylər etmək Allah üçün asantdır”. (Buxari 7122, Muslim 7565, 2939/115)
1861. Ənəs rəvayət edir ki, Peyğəmbər buyurdu: “Elə bir şəhər qalmayacaq ki, dəccal ora girməsin. Yalnız Məkkə və Mədinədən başqa. (Bu şəhərlərin) girişlərindən hər birində səf-səf düzülmüş halda keşik çəkən
839 mələklər olacaq. Sonra Mədinə öz sakinlərini üç dəfə silkələyəcək və beləliklə də, Allah hər bir kafiri və münafiqi (oradan) çıxardacaqdır.” (Buxari 1881, Muslim 7577, 2943/129)
1862. İbn Məsud demişdir: “Mən Peyğəmbərin belə dediyini eşitmişəm: “İnsanların ən pisi Qiyamətin qopduğu gün həyatda olub (bunun şahidi olan) kimsələrdir.” (Buxari 7067, Muslim 7590, 2949/131)
1863. Səhl İbn Səd demişdir: “(Bir dəfə) mən Peyğəmbərin orta barmağıyla işarə barmağını birləşdirib: “Qiyamət Saatı (insanlara,) bu iki barmaq qədər (yaxın olduğu zaman mən peyğəmbər) göndərildim” dediyinin şahidi oldum.” (Buxari 4936, Muslim 7592, 2950/132)
1864. Ənəs rəvayət edir ki, (bir dəfə mən Peyğəmbərin orta barmağıyla işarə barmağını birləşdirib): “Qiyamət Saatı (insanlara,) bu iki barmaq qədər (yaxın olduğu zaman mən peyğəmbər) göndərildim” dediyinin şahidi oldum.” (Buxari 4936, Muslim 7593, 2951/133)
840 1865. Əbu Hureyra rəvayət edir ki, Peyğəmbər buyurdu: “İki sura üfürmə arasında qırx vardır». Səhabələr: «Ya Əbu Hureyrə! Bu qırx gündür?» deyə soruşdular. Mən cavab verməkdən çəkindim. Onlar: «Bu qırx aydır?» deyə soruşdular. Mən cavab verməkdən çəkindim. Onlar: «Bu qırx ildir?» deyə soruşdular. Mən buna da cavab verməkdən cəkindim». Sonra: Allah səmadan bir su endirəcəkdir. Onlar yaşıl yabanı bitkisi kimi (yerdən) bitəcəklər. Peyğəmbər buyurdu: «Adəm oğlunun hər bədən üzvünü torpaq yeyəcəkdir. Yalnız bel sümüyünün aşağı hissəsində olan xırda sümük müstəsnadır. İnsan təkrar ondan Qiyamət günü yoğrulacaqdır. Torpaq əbədiyyən onu yeməyəcəkdir». (Buxari 4935, Muslim 7603, 2955/141)
841
Zahidlik Və Qəlb Yumşaqlığı Kitabı
842
1866. Ənəs İbn Məlik rəvayət edir ki, Peyğəmbər buyurdu: “Ölünü qəbrinə kimi üç şey təqib edər. İkisi geri dönər, biri isə onunla bərabər orada qalar. Ölünü ailəsi, malı və əməli təqib edər. Nəticədə ailəsi və malı geri dönər. Onunla bərabər sadəcə əməli qalar”. (Buxari 6514, Muslim 7613, 2960/5)
1867. Bənu-Amir İbn Luey qəbiləsinin müttəfiqi olmuş və Bədr döyüşündə iştirak etmiş Amr İbn Auf əl-Ənsari rəvayət etmişdir ki, (bir dəfə) Peyğəmbər Əbu Ubeydə İbn Cərrahı Bəhreynə cizyə yığmağa göndərdi. Peyğəmbər bəhreynlilərlə sülh müqaviləsi bağlamışdı və Əla ibn Hədrəmini onlara əmir təyin etmişdi. Əbu Ubeydə bəhreynlilərdən aldığı cizyəni götürüb (Mədinəyə) gəldikdə ənsar onun qayıtdığını eşitdi və sübh namazını Peyğəmbərlə birlikdə qılmaq üçün məscidə gəldi. Peyğəmbər namazı qılıb qurtardıqdan sonra oradakılar ona yaxınlaşıb (cizyədən pay almaq istədiklərini öz baxışları ilə) hiss etdirdilər. Peyğəmbər onları görəndə gülümsəyib dedi: “Güman edirəm ki, siz Əbu Ubeydənin əlidolu qayıtdığını eşitmisiniz.” Onlar: “Elədir, ya Rəsulullah!” deyə cavab verdilər. Peyğəmbər: “Sevinin və sizi sevindirəcək şeylərə ümid bəsləyin! Vallahi, mən sizin yoxsulluğa məruz qalacağınızdan qorxmuram. Lakin mən sizdən əvvəlkilərə gen-bol həyat nəsib edildiyi kimi, sizə də firavan bir həyat nəsib edilməsindən, bu səbəbdən də əvvəlkilər tək sizin də bir-birinizlə rəqabət aparmağınızdan və dünya malının onları məhv etdiyi kimi, sizi də məhv etməsindən qorxuram.” (Buxari 3158, 4015, Muslim 7614, 2961/6)
843
1868. Əbu Hureyra rəvayət edir ki, Peyğəmbər buyurdu: “Sizdən biriniz özünə var-dövlət və (gözəl) bədən quruluşu bəxş edilmiş bir kimsəyə baxsa, qoy özündən aşağı təbəqədə olan kimsəyə də baxsın.” (Buxari 6490, Muslim 7617, 2963/8)
1869. Əbu Hureyra Peyğəmbərin belə dediyini eşitmişdir: “(Vaxtı ilə) Allah İsrail oğullarından üç nəfəri – cüzam xəstəliyinə tutulmuş birisini, keçəli və kor adamı imtahana çəkmək istədi. Odur ki, onların yanına bir mələk göndərdi. Mələk (insan qiyafəsində əvvəlcə) cüzam xəstəliyinə tutulmuş kimsənin yanına gəlib dedi: “Sənin ən çox istədiyin şey nədir?” O dedi: “Gözəl rəng və gözəl dəri! İnsanlar artıq məndən diksinirlər.” Mələk əlini onun vücuduna sürtdü və bu çirkinlik keçib getdi, onun rəngi və dərisi gözəlləşdi. Mələk soruşdu: “Sənin ən çox sevdiyin mal nədir?” O: “Dəvə ya da inəkdir” deyə cavab verdi. Ona on aylıq boğaz dəvə verildi və mələk dua edib dedi: “(Allah) bunu sənin üçün bərəkətli etsin!”Sonra mələk keçəlin yanına gəlib dedi: “Sənin ən çox istədiyin şey nədir?” O dedi: “Gözəl saçım (olsun) və bu (keçəllik) məndən getsin. İnsanlar artıq məndən diksinirlər.” Mələk əlini onun başına çəkdi və onun keçəlliyi keçib getdi, ona gözəl saç bəxş edildi. Mələk soruşdu: “Sənin ən çox sevdiyin mal nədir?” O: “İnəkdir” dedi. Ona boğaz inək verildi və mələk dua edib dedi: “(Allah) bunu sənin üçün bərəkətli etsin!”
844 Bundan Sonra mələk korun yanına gəlib dedi: “Sənin ən çox istədiyin şey nədir?” O dedi: “Allah gözlərimi özümə qaytarsın və mən insanları görə bilim.” Mələk əlini (onun gözlərinə sürtdü) və Allah onun gözlərini özünə qaytardı. Mələk soruşdu: “Sənin ən çox sevdiyin mal nədir?” O: “Qoyundur” dedi. Ona balalı bir qoyun verildi (və mələk dua edib dedi: “Allah bunu sənin üçün bərəkətli etsin!)”. Bundan sonra bu ikisinin heyvanları bala verdi, üçüncüsünün də (qoyunu) balaladı. Bir müddət keçdikdən sonra birinin bir vadi dolusu dəvəsi, o birinin bir vadi dolusu mal-qarası, üçüncüsünün də bir vadi dolusu qoyunu oldu. Sonra mələk ilk dəfə gəldiyi görkəmdə və qiyafədə cüzam xəstəliyinə tutulmuş kimsənin yanına gəlib dedi: “Mən kasıb bir adamam. Səfərdə ikən mənim bütün vəsaitim tükənmişdir. Bu gün mən yalnız və yalnız Allahın köməyi ilə, sonra da sənin köməyinlə (istəyimə) nail ola bilərəm. Sənə gözəl rəng, gözəl dəri və (bu qədər) sərvət bəxş etmiş Allah rizasına mənə bir dəvə ver, onun sayəsində səfərimi başa çatdıra bilim.” (Bu adam cavabında ona) dedi: “Düzü, (özümün) o qədər verəcəyim var ki!” (Mələk) ona dedi: “Gərək ki, mən səni tanıyıram. Məgər sən həm cüzam xəstəliyinə tutulmuş, həm insanların diksindiyi, həm də kasıb bir adam deyildinmi? Sonra da Allah sənə (istədiklərini) vermədimi?” Adam dedi: “(Bu var-dövlət) mənə ata-babalarımdan miras qalmışdır.” Mələk dedi: “Əgər yalan danışırsansa, Allah səni əvvəlki halına qaytarsın!” Sonra mələk ilk dəfə gəldiyi görkəmdə və qiyafədə keçəlin yanına gəldi və ona da əvvəlkinə dediklərinin eynisini söylədi. Əvvəlki adam ona rədd etdiyi kimi keçəl də ona yox cavabı verdi. (Onda Mələk) dedi: “Əgər yalan danışırsansa, Allah səni əvvəlki halına qaytarsın!” Sonra mələk ilk dəfə gəldiyi görkəmdə və qiyafədə korun yanına gəlib dedi: “Mən kasıb adamam, yolda qalmışam. Səfərdə ikən mənim bütün vəsaitim tükənmişdir. Bu gün mən ancaq və ancaq Allahın köməyi ilə, sonra da sənin köməyinlə (istəyimə) nail ola bilərəm. Sənin gözlərini özünə qaytaran Allah rizasına mənə bir qoyun ver, onun sayəsində səfərimi başa çatdıra bilim.” Adam dedi: “(Doğrudur,) mən kor idim, Allah gözlərimi mənə qaytardı, kasıb idim, O mənə var-dövlət nəsib etdi! Odur ki, nə qədər (qoyun) istəyirsənsə, götür. Vallahi ki, bu gün mən sənin Allah rizası üçün götürdüyün şeylərə hədd qoymayacağam.” Mələk dedi: “Malını özünə saxla. Bu sizin üçün yalnız bir imtahan idi. Allah səndən razı qaldı, lakin o biri iki dostuna qəzəbi tutdu!” (Buxari 3464, Muslim 7620, 2964/10)
845 1870. Sad İbn Əbi Vaqqas deyir ki, mən Allah yolunda ilk ox atan Ərəbəm. Peyğəmbər ilə birlikdə Hublə ilə Səmur ağacının yarpağından başqa yeyəcəyimiz bir şey olmadığı halda döyüşə gedərdik. Hətta bizlərindən biri ayaq yoluna çıxdıqda nəcisi qoyunun qığı kimi (bərk) olurdu. Sonra Bəni Əsəd İslam naminə məni töhmət etdi. Bu halda mən xəsarətə uğradım və əməlim batil oldu”. (Buxari 6453, Muslim 7623, 2966/12)
1871. Əbu Hureyra rəvayət edir ki, Peyğəmbər buyurdu: “Allahım, Muhəmmədin ailəsinə gündəlik yemək nəsib et!” (Buxari 6460, Muslim 7630, 2969/17)
1872. Aişə demişdir: “Muhəmmədin ailəsi Mədinəyə gəldiyi gündən ta onun vəfat etdiyi günədək (heç vaxt) üç gün dalbadal buğda çörəyindən doyunca yeməmişdir.” (Buxari 5416, 6454, Muslim 7633, 2970/20)
1873. Aişə demişdir: “Muhəmmədin ailəsi bir gündə iki dəfə yemək yemədi. Yediyi iki yeməkdən biri xurma idi”. (Buxari 6455, Muslim 7638, 2971/25)
1874. Aişə Urvaya demişdir: “Bacım oğlu! Olurdu ki, biz bir hilal görür, sonra yenə bir hilal görür, hətta iki ayda üç hilal (üç ay) görürdük, (lakin bu müddət ərzində) Peyğəmbərin evlərində od qalanmırdı (yemək bişirilməzdi)”. (Urva dedi:) “Mən soruşdum: “Xalacan, bəs nə ilə dolanırdınız?” O dedi: “Xurma və su ilə. Bundan başqa Peyğəmbərin ənsardan olan qonşuları var idi. Onların da sağmal dəvələri və qoyunları var idi. Onlar bu heyvanların südündən Peyğəmbərə hədiyyə edər, o da onu bizə içirdərdi.” (Buxari 2567, Muslim 7642, 2972/28)
846 1875. Aişə demişdir: “Biz artıq xurma və sudan doyunca yeyib içməyə (imkanımız olduğu) zaman Peyğəmbər vəfat etdi.” (Buxari 5383, Muslim 7645, 2975/30)
1876. Əbu Hureyrə rəvayət edir ki, Peyğəmbər vəfat edincəyə qədər ailəsi üç gün dalbadal doyunca yemək yeməmişdir”. (Buxari 5374, Muslim 7648, 2976/32)
Yüklə 5,61 Mb. Dostları ilə paylaş:
|