Dirsək sümüyü.Dirsək sümüyü formaca uzun sümüklərdən olub, saidin içəri tərəfində yerləşir. Yuxarı ucunda bazu bloku ilə birləşməyə məxsus blok oyması vardır. Bu oymada yuxarı tərəfdən dirsək çıxıntısı və aşağı tərəfdən tac çıxıntı ilə əhatə olunur. Blok oymasından aşağı, dirsək sümüyünün yuxarı ucunun bayır tərəfində mil sümüyünə məxsus oyma yerləşir. Dirsək sümüyü cisminin üç kənarv və üç səthi vardır. Ön səthi hamar və basıq olur, bayır kənarı isə iti olur və sümükarası kənar adlanır. Dirsək sümüyünün aşağı ucu dairəvi olub, dirsək sümüyünün başını təşkil edir. Dirsək sümüyünün başından dala isə biz çıxıntı yerləşir.
Əl sümükləri.Əl sümükləri bilək sümüklərinə, əl darağı sümüklərinə və barmaq falanqalarına bölünür.
Bilək 2 cərgədə düzülmüş 8 xırda sümüklərdən ibarətdir. Proksimal cərgədə baş barmaq tərəfdən qayığabənzər sümük, aypara sümük, üç həcmli sümük və noxudabənzər sümük, distal cərgədə isə transpesiyaşəkilli sümük, başlı sümük və barmaqlı sümük yerləşir.
Əldarağı 5 ədəd əldarağı sümüklərindən ibarətdir.
