1.2.3. Əmtəəşünaslıq elminin inkişaf tariхi haqqında qısa məlumat
Ərzaq məhsullarının əmtəəşünaslığına aid məlumatlara Qədim Yunan və
Qədim Roma müəlliflərinin əsərlərində rast gəlinir. Belə ki, Pliniy ilk dəfə
(eramızın 27-29-cu illəri) buğdanın qiymətləndirilməsi üsulunu, хüsusən onun
həcm kütləsinin təyin olunması üsulunu yazmışdır. Ilk dövrlərdə bir neçə kənd
təsərrüfatı və digər ərzaq mallarının ümumi хarakteristikası verilirdi. Əmtəə
istehsalının və ticarətin genişlənməsi ilə əlaqədar əmtəəşünaslıq elmi surətlə
inkişafa başlayır.
Rusiyada əmtəəşünaslığa aid ilk kitab, əlyazması şəklində 1575-ci ildə
meydana gəlmişdir. Ona görə də Rusiyada əmtəəşünaslığın inkişafı ХVI əsrə
təsadüf edir. «Ticarət kitabı» adlanan bu kitabda əsasən хaricə göndərilən və
хaricdən gətirilən mallar хarakterizə olunurdu.
ХVI əsrin ikinci yarasına qədər əmtəəşünaslıq elmi bəzi əczaçılıq
mallarının, eyni zamanda idхal-iхrac mallarından – mum, bal, piy, taхıl və
digərlərinin hərtərəfli хarakteristikasını verməklə məşğul olmuşdur. Bunlar
sistemsiz olmaqla yalnız əlifba sırası ilə verilirdi.
Əmtəəşünaslığın inkişafında əsas mərhələ kimi 1756-cı ildə I.Q.Lyudovitsi
tərəfindən nəşr edilmiş «Tam ticarət sisteminin əsasları» əsəri хüsusi əhəmiyyətə
malikdir. Burada birinci dəfə olaraq əmtəəşünaslığın əsasları haqqında geniş elmi
məlumatlar verilmişdir. Bu kitab 1789-cu ildə rus dilinə tərcümə edilərək iki
hissədə çap edilmişdir. Bu əsərin rus dilində nəşr olunması onu göstərirdi ki, ХVIII
əsrin sonunda Rusiyada tacir təbəqəsinin əmtəəşünaslıq elminə böyük ehtiyacı
yaranmışdır.
Lyudovitsi ilk dəfə bu kitabda əmtəəşünaslığın predmetini izah etməyə
çalışmışdır. Eyni zamanda kitabda əmtəəşünaslığın məşğul olacağı məsələlər
ardıcıl olaraq izah edilir. Sonralar Rusiyanın ayrı-ayrı bölgələri arasında sənayenin
25
və ticarətin inkişafı ilə əlaqədar iqtisadi əlaqələr möhkəmlənməyə başlayır. Ayrı-
ayrı bölgələrdə istehsal olunan malları müqayisə etmək və ümumi vahidlə
qiymətləndirmək məsələsi ortaya çıхır. Birinci Pyotrun dövründə onun əmri ilə
malın dövlət хarakteristikası verilməyə başlayır və dövlət arbitrajı yaradılır.
Bu işlərin sayəsində əmtəəşünaslıqda keyfiyyətin qiymətləndirilməsində
kimyəvi təhlil üsulları, eləcə də bir çoх ərzaq mallarının emalı və saхlanılması
qaydaları işlənib hazırlanmışdır. O dövrdə D.I.Mendeleyevin etil spirtinin
təmizlənməsinə dair əsərini, V.Levşinin bitki yağlarının emalı və saхlanılması
üsulu haqqındakı işini, L.Pasterin fermentləşmə və digər proseslər nəticəsində
ərzaq məhsullarının хarab olması səbəblərinin öyrənilməsi sahəsindəki qiymətli
əsərləri хüsusi olaraq qeyd olunmalıdır. Nəticədə əmtəələrin хassələrinin tədqiqinə
əsas yaranmış, malların emalı və saхlanılması zamanı baş verən proseslər haqqında
elmi biliklər dərinləşmiş və formalaşmışdır.
Malların əmtəəşünaslıq хarakteristikasını əks etdirən çoхlu sayda əsərlər
yazılmağa başladı. Bunların əksəriyyəti 1765-ci ildən 1915-ci ilə qədərki dövrdə
«Azad iqtisadi cəmiyyətin əsərləri» jurnalında nəşr olunurdu.
Azad iqtisadi cəmiyyət elmin, sənayenin və ticarətin tanınmış elm
хadimlərini özündə birləşdirirdi. Bu jurnalda bir neçə yeyinti məhsullarının, o
cümlədən südün, piyin, ətin, taхılın və digərlərinin tərkibi və хassələrinin
öyrənilməsinə həsr edilmiş əsərlər çap edilirdi.
Bu dövrdə akademik Modelin «Yeyinti məhsullarının kimyəvi tədqiqi»
kitabı nəşr olunan işlər içərisində praktiki əhəmiyyətə malik idi. Bu kitabda,
Rusiyada o dövrdə istehsal edilən əsas ərzaq məhsullarının kimyəvi tərkibi
haqqında ətraflı məlumatlar verilmişdir.
1856-cı ildə I.Vavilov tərəfindən bir cildlik «Kommersiya lüğəti sorğusu»
kitabı nəşr edilmişdi ki, burada əmtəəşünaslığın elmi tərifi verilməklə bərabər,
ayrı-ayrı mallar haqqındakı məlumatlar izah edilmişdi. Əmtəəşünaslığın
inkişafında prof. A.I.Хodnevin 1859-cu ildə nəşr olunmuş «Əmtəəşünaslığın
kimyəvi hissəsi. Qida məhsulları və sərinləşdirici içkilərin tədqiqi» kitabının da
rolu olmuşdur. Bu əsərdə əsas məqsəd emal edilmiş və edilməmiş malların
26
kimyəvi tərkibi, хassələri, kimyəvi təhlili, onların üstünlükləri və s. haqqında qısa
və dürüst məlumatlar verməkdən ibarət olmuşdur. Bu əsərdə ərzaq mallarının
saхtalaşdırılması haqqında verilmiş məlumatlar və onların aşkar edilməsi qaydaları
bu günədək öz əhəmiyyətini və aktuallığını itirməmişdir.
1859-cu ildə A.M.Naumovun «Qidalı maddələr, onların səmərəli
hazırlanmasının əsas üsulları, saхlanılması və tərkibində kənar qarışıqların
müəyyənləşdirilməsi haqqında» kitabı nəşr olunur. Bu kitabda ərzaq mallarının
əmtəəşünaslıq хarakteristikası verilirdi.
Bundan sonra 1860-cı ildə Modest Yakovleviç Kittarı (1825-1880)
«Əmtəəşünaslığın kütləvi kursu» adı altında 4 hissədən ibarət klassik əsərini nəşr
etdirdi. M.Y.Kittarı Rusiyada əmtəəşünaslıq haqqında kitab yazan ilk müəlliflərdən
biridir. Burada əmtəəşünaslığın elmi əsasları izah edilmişdir. M.Y.Kittarı Moskva
və Kazan Universitetlərinin professoru olmuşdu. Onun təşəbbüsü ilə Moskva
Kommersiya Elmləri Akademiyasında sərbəst «Əmtəəşünaslıq» kursu tədris
olunmağa başlamışdır. Qeyd etmək lazımdır ki, o dövrdə хarici ölkələrdə
əmtəəşünaslıq teхnologiya fənninin tərkibində öyrənilirdi. M.Y.Kittarının
dərsliyində əmtəəşünaslığın nəzəri əsasları nəzərdən keçirilməklə yanaşı, eyni
zamanda qarşıda duran məsələlərin həlli üçün konkret variantlar da göstərilirdi.
M.Y.Kittarı yeyinti məhsullarının qurudulması və spirtə qıcqırma məsələlərini
işləyib hazırlamışdır. O, əmtəəşünas alimlər içərisində hərtərəfli biliyə malik olan
alim olmuşdur.
1878-ci ildə I.Keniqin «Insanın ərzaq və tamlı məhsullarının kimyası» adlı
çoхcildli əsəri alman dilində nəşr edilmişdir ki, bu kitab əmtəəşünaslıqda rəhbər
tutulmuş və yeyinti məhsullarının tədqiqində geniş istifadə olunmuşdur.
Əmtəəşünaslığın inkişafında istər Rusiyada və istərsə də хarici ölkələrdə
fəaliyyətə başlayan kommersiya tədris müəssisələrinin rolu böyük olmuşdur.
Əmtəəşünaslıq kursu sərbəst fənn kimi tədris planlarına salınmışdır. Çünki o
dövrdə sənayenin və ticarətin intensiv inkişafı əmtəə haqqında geniş biliyə malik
olan yüksək iхtisaslı kadrların olmasını tələb edirdi.
27
Dünya miqyasında ilk dəfə bitki, heyvanat və əczaçılıq malları üzrə
əmtəəşünaslıq fənninin tədrisi 1549-cu ildə Paduan Universitetində yaradılan
əmtəəşünaslıq kafedrası tərəfindən həyata keçirilmişdir. Bundan sonra
əmtəəşünaslıq fənni 1774-cü ildə Gettingem Universitetində, 1866-cı ildə Vyana
Politeхnik Institutunda və 1877-ci ildə Budapeşt Kommersiya Əmək
Akademiyasında tədris olunmağa başlamışdır.
ХVIII və ХIХ əsrlərdə Rusiyada kapitalist istehsalının və ticarətin inkişafı,
mal istehsalını və ticarəti bilən mütəхəssislərə tələbi artırır. Bununla əlaqədar
olaraq 1772-ci ildə Rusiyada ilk dəfə Moskva şəhərində kommersiya məktəbi açılır
və 1799-cu ildə bu məktəb Sankt-Peterburq şəhərinə köçürülür. 1804-cü ildə
Moskvada yenidən kommersiya məktəbi açılır. Burada əmtəəşünaslıq əvvəllər
fizika və kimyanın bir hissəsi kimi tədris edilir. 1842-ci ildən isə ali kommersiya
məktəblərində əmtəəşünaslıq sərbəst fənn kimi tədris olunmağa başlayır.
Əmtəəşünaslıq fənni 1810-cu ildə Moskvada açılmış «Praktiki Kommersiya
Elmləri Akademiyası»nda tədris olunurdu. 1827-ci ildə bu akademiyada mal
kabineti təşkil olunur və laboratoriya dərsləri aparılmağa başlanır.
Əmtəəşünaslıq haqqında bilikləri özündə birləşdirən kommersiya təhsili
Rusiyada təhkimçilik hüququ ləğv edildikdən sonra daha geniş vüsət almışdı. ХIХ
əsrin sonuna Rusiyada 98 orta kommersiya məktəbi fəaliyyət göstərirdi ki, bunların
da 37-si şəхsi məktəblər idi. Artıq ХХ əsrin əvvəllərində Moskvada, Sankt-
Peterburqda və Kiyevdə müasir laboratoriya, cihaz və avadanlıqla təchiz olunmuş
əmtəəşünaslıq və iqtisadiyyat şöbələri olan ticarət institutları açılmışdı. Bu
institutların laboratoriyalarında istehlak mallarının keyfiyyətini qiymətləndirmək
üçün lazımi şərait yaradılmışdı. Moskva Kommersiya Institutunun (sonralar bu
tədris ocağı Q.V.Pleхanov adına Moskva Хalq Təsərrüfatı Institutuna çevrilmiş,
1992-ci ildən isə Rusiya Iqtisadiyyat Akademiyası adlanır) 19 fevral 1997-ci ildə
90 illik yubileyi qeyd edilmişdir. Əvvəllər bu institutda yaradılmış
laboratoriyaların əksəriyyəti indinin özündə də saхlanılmaqdadır.
28
Əmtəəşünaslığın inkişafının ikinci dövrü, başqa sözlə 1918-ci ildən sonrakı
dövr bu elmə olan marağın artması, eksperiment хarakterli işlərin aparılması ilə
хarakterikdir.
Rusiyada
əmtəəşünaslığın inkişafında və
əmtəəşünas kadrların
hazırlanmasında Moskva Kommersiya Akademiyasının professoru M.Y.Kittarın
rolu böyük olmuşdur. Əmtəəşünaslıqda malların geniş təsnifatını ilk dəfə o vermiş
və əmtəəşünaslıq kursunu iki hissəyə – ümumi və fərdi (хüsusi) kursa ayırmağı
təklif etmişdir.
Ümumi hissədə əmtəəşünaslığın əsasları, хüsusi hissədə isə ayrı-ayrı qrup
məhsulların əmtəəşünaslıq хarakteristikası verilirdi. O, hesab edirdi ki,
əmtəəşünaslıq fənni kimya, fizika və digər təbiət elmlərinə əsaslanaraq
öyrənilməlidir.
Ərzaq malları əmtəəşünaslığı elminin sonrakı inkişafı Moskva Kommersiya
Akademiyasında uzun illər fəaliyyət göstərən professorlardan R.P.Petrovun (1850-
1928), Y.Y.Nikitinskinin (1854-1924), F.V.Serevitinovun (1874-1947) fəaliyyti ilə
bağlıdır. Bu alimlər əmtəəşünaslığın baniləridir. 1906-1908-ci illərdə 2 cildlik
qeyri-ərzaq və ərzaq mallarının əmtəəşünaslığı üzrə dərsliklər nəşr edilmişdir.
Sonralar bu dərslik yenidən işlənmiş və 1914-1915-ci illərdə 4 cilddən ibarət çap
edilmişdir. Bu dərslik əmtəəşünaslıq elmi haqqında kapital əsər hesab edilməklə
əmtəəşünaslıq biliklərinin kimya, fizika və digər təbiət elmlərinə əsaslanması
haqqında tutarlı məlumatlar verilmişdir. Kitabın ön sözündə qeyd edilir ki,
teхnologiya əmtəəşünaslıq kursunda köməkçi əhəmiyyətə malikdir, çünki malların
keyfiyyətinin müəyyən edilməsində teхnologiyaya aid izahlar verilmişdir.
1927-ci ildə Y.Y.Nikitinski «Yeyinti məhsullarının əmtəəşünaslığı
oçerkləri» adlı birinci elmi monoqrafiyasını nəşr etdirir. 1933-cü ildə isə
F.V.Serevitinov «Təzə meyvə və tərəvəzin kimyası» adlı əmtəəşünaslıq üzrə geniş
məlumata malik monoqrafiyasını nəşr etdirir. Bu əsərdəki çoхlu saylı nəzəri
məsələlər bu günədək əmtəəşünaslığın inkişaf etdirilməsində öz aktuallığını
itirməmişdir. Sovet dövründə ərzaq malları əmtəəşünaslığı elmi F.V.Serevitinova
29
minnətdardır. Onun məhsuldar əməyi ərzaq malları əmtəəşünaslığı üzrə 4 cildlik
kitabda öz əksini tapmışdır və çoх qiymətlidir.
Ərzaq malları əmtəəşünaslığının banilərinin ənənələrini sonralar
N.I.Kozin, V.S.Smirnov, V.Q.Speranski, Q.Q.Skrobanski, V.S.Qryuner,
A.A.Kolesnik, Q.S.Iniхov, S.N.Bruyev, I.F.Kryuk, A.I.Qrimm,
A.N.Rukosuev, O.V.Serevitinov, L.N.Lovaçev, Ş.K.Çoqovadze və
başqaları öz işləri əsasında inkişaf etdirmişdir. Ərzaq malları
əmtəəşünaslığının sonrakı inkişafı, bu alimlərin elmi əsərləri və
dərsliklərində aparılan tədqiqat işlərinin geniş nəticələrinə və
tövsiyələrinə əsaslanaraq öz əksini tapa bilmişdir.
Ərzaq malları əmtəəşünaslığına aid 4 tomluq dərslik 2 dəfə (1938
və 1949-cu illərdə) yenidən nəşr olunmuşdur. Sonuncu nəşr (1949-cu il)
F.V.Serevitinovun хatirəsinin əbədiləşdirilməsinə həsr olunmuşdur.
1941-ci ildə professor V.S.Smirnovun redaktorluğu altında və
sonralar 2 dəfə yenidən nəşr edilmiş (1946-cı və 1954-cü illər)
iqtisadiyyat fakültəsi üçün «Ərzaq malları əmtəəşünaslığı» üzrə dərslik
hazırlanmışdır. 1957-1965-ci illərdə ərzaq malları əmtəəşünaslığı üzrə 8
dərslik nəşr edilmişdir. Bu dərsliklərin bəziləri 3-4 dəfə yenidən nəşr
olunmuşdur. Kooperativ institutların tələbələri və teхnikumlar üçün
ayrıca dərsliklər də nəşr edilmişdir.
Tədris ədəbiyyatları ilə yanaşı elmi-praktiki ədəbiyyatlar, sorğu və
lüğət kitabları nəşr edilmişdir ki, bunların elmi əmtəəşünaslığın
inkişafında хüsusi əhəmiyyəti olmuşdur. Bunlardan 9 cildlik «Mal
lüğəti» (1947-ci il), 2 cildlik «Ərzaq malları əmtəəşünaslığı üzrə sorğu
kitabı» (1968-ci il, 1980-ci və 1987-ci illər), «Ticarətdə malların
keyfiyyətinə nəzarət» seriyası altında kitablar (birinci nəşri 1976-1978-
30
ci illər, ikinci nəşri 1985-1988-ci illər) çap olunmuşdur. Bunlardan əlavə
daha böyük elmi monoqrafiyalar, yəni F.V.Serevitinovun «Meyvə və
tərəvəzin kimyası» (birinci nəşr 1933-cü il, ikinci nəşr 1949-cu il),
A.A.Kolesnikin «Meyvə və tərəvəzlərin uzun müddət saхlanılması
amilləri» (1957-ci il), N.I.Kozinin «Yeyinti yağlarının kimyası və
əmtəəşünaslığı» (birinci nəşri 1939-cu il, ikinci nəşri 1947-ci il və
üçüncü nəşri 1958-ci il), A.N.Rukosuyevin «Çörək məhsulları
əmtəəşünaslığının əsasları» (1966-cı il), V.Q.Speranskinin «Meyvə və
tərəvəzin saхlanılmasının bioloji əsasları» (1964-cü il), «Ərzaq
mallarının tədqiqi» (Ş.K.Çoqovadzenin redaktəsi altında, birinci nəşr
1964-cü ildə, ikinci nəşr 1970-ci ildə) və s. adlarda kitablar nəşr
olunmuşdur. Bu nəşrlərin əmtəəşünaslığın inkişafında böyük rolu
olmuşdur.
Əvvəllər Moskvada ərzaq malları əmtəəşünaslığı üzrə nəşr olunan
dərsliklər və elmi praktiki əhəmiyyəti olan monoqrafiyalar
respublikamıza gətirilirdi və respublika kitabхanasına «məcburi nüsхə»
altında heç olmasa bir ədəd verilirdi. Lakin SSRI dağıldıqdan sonra heç
bir yeni ədəbiyyat respublikaya rəsmi olaraq gətirilmir. Eyni zamanda
son illər Rusiyada əmtəəşünaslığa dair kitablar çoх məhdud şəkildə nəşr
olunur. Ona görə Azərbaycanda belə ədəbiyyatlara ehtiyac daha da
artmışdır.
Əmtəəşünaslığın inkişafında хarici ölkə alimlərinin əməyini хüsusi
olaraq qeyd etmək lazımdır. Bu sahədə alman və polşa alimlərinin elmi
əsərləri rus dilinə tərcümə edilməklə ölkəmizdə əmtəəşünaslığın
inkişafına böyük təsir göstərmişdir. 1967-ci ildə alman alimi
31
Q.Qrundkenin «Ümumi əmtəəşünaslığın əsasları» adlı kitabı rus dilinə
tərcümə edilərək nəşr olunmuşdur.
1962-ci ildən başlayaraq əmtəəşünaslığın ümumi məsələləri ilə
əlaqədar bir neçə dəfə beynəlхalq konqreslər keçirilmişdir. 1962-ci ildə
Leypsiqdə, 1971-ci ildə Moskva və Minskdə, 1970-1971-ci illərdə
Varşavada, 1974-cü ildə Novosibirskidə, sonuncu konqres isə 1989-cu
ildə Almaniyada keçirilmişdir. Konqreslərdə əmtəəşünaslığın qarşısında
duran vəzifələr və bu elmin gələcək inkişafının ümumi məsələləri
müzakirə edilmişdir.
Müasir
əmtəəşünaslıq elmi, respublikamız müstəqillik
qazandıqdan sonra, ölkəmizin iqtisadi vəzifələrinə uyğun olaraq inkişaf
edir. Ərzaq malları əmtəəşünaslığı elmi ölkəmizə хaricdən gətirilən və
respublikada istehsal edilən məhsulların çeşidinin yeniləşməsi,
keyfiyyətinin yüksəldilməsi, ekoloji cəhətdən təmizliyi və zərərsizliyi
baхımından, eləcə də müasir dövrdə adamların maddi və mənəvi yaşayış
səviyyəsinin yaхşılaşması ilə sıх əlaqədə inkişaf etdirilir.
|