|
9.4. Yol hərəkəti haqqında Vyana Konversiyasına (8 noyabr 1968) əlavə Avropa Sazişi
Bu Saziş – 01 may 1971-ci ildə Cenevrədə qəbul edilmişdir.
Sazişin əsas missiyası – Avropada yol hərəkəti qaydalarının nizamlanmasının təkmilləşdirilməsi və bu qaydaların Avropa ölkələrində eyniləşdirilməsinin təmin olunmasıdır. Digər mühüm bir missiya kimi ətraf mühitin qotunmasının yüksək standartlar səviyyəsinə qaldırılması qeyd olunmuşdur.
Sazişdə 3500 kq-dan çox çəkisi olan (sürücüdən əlavə 8 nəfər sərnişin daşıya bilən avtomobillər istisna olmaqla) avtomobillərin səs və çirkləndirici məmulatların atılmasına qarşı olan texniki standartlara görə konkret tələblər qoyulmuşdur.
Sazişin 5-ci bəndində qeyd olunur ki, sürücü yol hərəkəti qaydalarına elə nəzarət etməlidir ki, nəqliyyat vasitəsinin idarə edilmə rejimindən kənara çıxması mümkün olmasın. 6-cı bəndə əlavələrdə milli nəqliyyat qanunvericiliyində alkoqolun təsiri altında avtomobil idarə etməyin icazə həddi müəyyənləşdirilmişdir. Qanda alkoqolun maksimum həddi 0,80 q/litr, udulan havada isə 0,40 mq/litr razılaşdırılmışdır.
Konvensiyanın 13-cü maddəsinin birinci bəndindəki dəyişikliklərə əsasən, sürətin dəyişməsi zamanı yolun relyefinin, coğrafi xüsusiyyətərinin, hərəkətin intensivliyini nəzərə alınması bildirilmişdir. Konvensiyanın 14-cü maddəsinin birinci bəndinə əsasən sürücünün manevr zamanı spasifik hallar nəzərə alınmışdır. Konvensiyanın 25-ci maddəsinin birinci bəndinə görə avtomagistral yollarda piyadaların, heyvanların, velosipedlərin hərəkəti qadağan olunur. Bu yollarda nəqliyyat vasitələrin saxlanması da qadağandır (xüsusi yerlər istisna olmaqla).
Dostları ilə paylaş: | 
