9.2. Dünya avtomobil parkı
Beynəlxalq avtomobil daşımalarının əsas göstəricilərindən biri də avtomobil parklarıdır. Dünyanın aparıcı dövlətləri və inkişaf etməkdə olan ölkələr özlərinin beynəlxalq avtomobil nəqliyyatı sistemində rəqabətqabiliyyətini qorumaq məqsədi ilə, milli avtomobil parklarının potensialınn artmasına, onun müasir texnologiyalar əsasında yenilənməsinə, bu parkın dinamikliyinin və mobilliyinin təmin edilməsinə xüsusi diqqət göstərirlər.
Dünya nəqliyyat sistemində 20 mln. maşından artıq olan avtomobil parkı kompleksinə malik olan ölkələr sırasında ABŞ (218 mln. ədəd), Yaponiya (72), Almaniya (48), İtaliya (35), Fransa (34), Böyük Britaniya (27), Rusiya (25), Kanada (21) və
İspaniya (20) yer almışlar. Bu nəqliyyat vasitələrinin təqribən 7080 % yüngül minik maşınlarının, yerdə qalanları isə yük maşınları və avtobuslarının payına düşür.
Son illərdə avtomobil nəqliyyatının dövlətlərarası xarici ticarət əlaqələri üzrə beynəlxalq yükdaşımalarının həcmi və intensivliyi, həmçinin sərnişinlərin daşınmasına tələbatın artması məlumdur. Bu baxımdan beynəlxalq avtomobil daşımaların hüquqi prosedurlarının, gömrük və vergi rejimlərinin, sərhəd məntəqələrində keçiddə nəzarətin təşkilinin asanlaşdırılması, bu prosedurların əsasən eyniləşdirilməsi, harmonik rejim və qaydalarının işlənib hazırlanması zərurəti artmaqdadır.
Dostları ilə paylaş: |
