|
8.6. Azərbaycanın hava nəqliyyatı beynəlxalq hava daşımaları sistemində
Azərbaycan müstəqillik əldə etdikdən sonra, Avropa və Asiyanın birləşmə kəsiyində yerləşən bir ölkə kimi özünün nəqliyyat sisteminin, o cümlədən, hava nəqliyyatı sisteminin səmərəliliyinin artırılması üçün qanunvericilik bazasının formalaşdırmış və bu sahədə iri infrastruktur layihələri həyata keçirmişdir. Ölkədə hava nəqliyyatının təşkili və fəaliyyəti 1994cü ildə qəbul edilmiş, Azərbaycan Respublikasının Hava
Məcəlləsi ilə tənzimlənir.
Son illərdə Bakının Heydər Əliyev adına Beynəlxalq Aeroportu genişləndirilmiş, yeni beynəlxalq terminal tikilmiş və bu hava limanı regionun ən iri və güclü potensiala malik hesab edilir. Yaxın perspektivdə bu hava limanının tranzitivlik potensialının və burada uçuşların həcminin xeyli artacağı gözlənilir. Buradan birbaşa ABŞ-a, Avropa və Asiya ölkələrinə hava reysləri fəaliyyət göstərir. “AZAL” SC-ti ölkənin iri dövlət şirkəti kimi hava nəqliyyatı sahəsində beynəlxalq qurumlarla və dünya ölkələrinin bu nəqliyyat növü üzrə əsas kompaniyaları ilə beynəlxalq əlaqələri genişləndirmək tədbirlərini həyata keçirir.
Dostları ilə paylaş: | 
