51
1. Yer üzünün bütün canlılarına, canlı varlıqların əşrəfi və tacı olan insanlara
qayğı və məhəbbət;
2. Torpağa, doğma yurda, əməyə, əmək adamlarına, xalqa dərin məhəbbət;
3. Haqqı, ədaləti qorumaq, xeyirxahlıq,
elm öyrənmək, elmin faydasını dərk
edib, onu xalqın xidmətinə vermək;
4. Ümumbəşəri norma və əxlaq qaydalarını qoruyub təkmilləşdirmək; böyüyə,
ata-anaya hörmət etmək, nəzakətli olmaq, əmanətə xəyanət etməmək,
insani hissləri
təcəssüm etdirmək;
5. Qadınlara hörmət və ehtiramla yanaşmaq, təmiz, pak olmaq və s.
Peyğəmbərin kəlamları sırasında insana, canlılara, təbiətə qayğı mühüm yer
tutur, yer üzündə hərəkət edən nə varsa, hamısına mehribanlıq göstərmək lazımdır.
Mövcud olduğu on minillər ərzində bir hörümçək yarada
bilməyən insanlar təbiətə,
onun canlılarına mərhəmətli olmalı, bir-birinə kömək etməli, qayğı göstərməlidirlər.
Peyğəmbərlər haqlı olaraq bunu deyirdi ki, necə uşaqlar doğulması heç
kəsdən asılı deyildir. Lakin onların yaxşı adamlar kimi böyümələri bizim verdiyimiz
düzgün tərbiyədən asılıdır. Heç kim dünyaya vəhşi və ya mələk kimi gəlmir. Onun
insan olması, necə yaşaması tərbiyədən asılıdır. Buna
görə də peyğəmbərlər kiçik
yaşlarından uşaqları düzgün tərbiyə etməyi, onlarda həya hissinin tərbiyə olunmasını
zəruri sayır və deyirdi ki, insan övladı yalnız həyat sayəsində insan olur. Insan həyalı
olmalıdır. Çünki həya nəcibliyin əsasıdır, həya və iman bir beşikdə iki körpə kimidir,
həya bəzəkdir. Adamlarda
üç gözəl keyfiyyəti həya, etibar, düzlük gördünüzmü,
onlardan bərk yapışın, onlardan öyrənin. Ən yüksək fəzilət mehribanlıqdır.
Mehribanlıq iman nişanəsidir. Mehriban olmayan insan imansızdır.
Peyğəmbər adamları acgözlüyə, tamahkarlığa, həsədə qarşı mübarizə
aparmağı çağırır və deyirdi ki, tamahkarlıq yoxsulluğa aparan yoldur. Başqasına
həsəd aparmaq qəbahətdir. Nəfs və tamah ən böyük düşməndir. Atəş yeri-göyü
yandırdığı kimi həsəd də yaxşılıqları yandırıb, kül edir. Kin və həsəd çatılan tonqalı
külə döndərən
atəşə bənzəyir, bütün yaxşılıqları puç edir. Dünyada savaş, döyüş
çoxdur. Lakin ən böyük döyüş insanın özü ilə döyüşüdür. Dünyada ən böyük qələbə
insanın
öz nəfsi, arzusu və həvəsi üzərindəki qələbədir.
Peyğəmbər uşaqlara qayğı göstərməyi tələb edirdi. O deyirdi ki, kiçik uşağın
52
ağlamasını eşidəndə namazı dayandırın. Uşaq olmayan evdə bərəkət olmaz, hər
ağacın öz meyvəsi var, qəlbin də meyvəsi övladdır. Bu meyvənin – övladın qayğısına
qalmaq, ona yaxşı tərbiyə vermək ata-ananın borcudur. Üç mühüm keyfiyyətin –
zəiflərlə xoşrəftar, ata-ananı sayan, kölələrə qarşı mərhəmətli olan şəxs cənnətlikdir.
Dostları ilə paylaş: