20. Növbətçi hissənin işinin qiymətləndirilməsi
20.1. Növbətçi hissənin sutka ərzində xidmətdə olan əməkdaşlarının işi DYP İdarəsinin rəhbərliyi, nizami hissənin komandiri və qərargah rəisi tərəfindən aşağıdakı meyarlar əsasında qiymətləndirilir:
1) növbə ərzində xidmət aparılan ərazidə qəzaların vəziyyəti;
2) növbətçi hissə əməkdaşlarının əməliyyat şəraitinə, öz vəzifə və hüquqlarına, yol-patrul xidmətinin fəaliyyətini nizamlayan normativ aktların tələblərinə bələd olması;
3) yol hərəkətinə nəzarətə cəlb olunmuş qüvvə və vasitələrlə operativ idarə olunmanın səviyyəsi;
4) Yol nəqliyyat hadisələri barədə daxil olmuş məlumatların tam həcmdə və vaxtında alınması;
5) daxil olmuş məlumatların həcmi və onlarla əlaqədar görülmüş tədbirlərin keyfiyyəti;
6) vətəndaşların müraciətlərinə baxılması, növbətçi hissəyə gətirilmiş və tutulub saxlanılmış şəxslərlə iş zamanı qanunçuluğa riayət edilməsi və vətəndaşlarla davranışın vəziyyəti;
7) yol hərəkətində və başqa qeyri-standart (ekstremal) vəziyyətlərdə qəbul edilən qərarların düzgünlüyü;
8) hadisə yerindən yayınan sürücülərin, qaçırılan və oğurlanan nəqliyyat vasitələrinin axtarışı, cinayətkarların yaxalanması, ictimai təhlükəsizliyin təmin edilməsi üzrə YPX əməkdaşlarının xidməti fəaliyyətinin təşkil edilməsi;
9) silahdan, mövcud texniki və rabitə vasitələrindən və məlumat materiallarından istifadə etmək bacarığı;
10) silah-sursatın, xüsusi texniki və xidməti nəqliyyat vasitələrinin mühafizəsi;
11) xidməti sənədlərin vəziyyəti, növbətçi hissədə xidmət aparan əməkdaşların zahiri görkəmi və növbətçi otaqlarının səliqəli saxlanılması.
Dostları ilə paylaş: |