Şəkil 5. Faiz tariflərinin artması məcmu tələb və gəlirləri azaldır. Qiymət artımı investisiyanı azaldan faiz tariflərinin artmasına səbəb olur. Məcmu tələb əyrisi AD0-dan AD1-ə doğru hərəkət edir. Gəlirlərin səviyyəsi Y0-dan Y1-ə düşür. AD0-bu, gəlirinY0 səviyyəsində məcmu tələbin ilkin əyrisidir. Qiymət artımı ilə deməli faiz tariflərinin artımı ilə investisiya aşağı düşür və bu zaman məcmu tələb əyrisi aşağıya doğru hərəkət edərək AD1 vəziyyətini alır. Məcmu tələb əyrisinin aşağıya doğru hərəkəti öz növbəsində gəlirlərin Y1 vəziyyətinə düşməsinə səbəb olur.
Cədvəl 1. Məcmu tələblə qiymətlər arasında əlaqə.
(1)
(2)
(3)
(4)
Qiymət artımı real pul kütləsini azaldır.
Real qalıqlara artıq tələb faiz tariflərinin artımına səbəb olur.
Faiz tariflərinin artırılması investisiya və məcmu tələbi azaldır.
Məcmu tələbin azaldılması gəlir və məsrəflərin tarazlıq səviyyəsini aşağı salır.
Qeyd etdiyimiz kimi inflyasiya məcmu tələbin tərtib hissələrindən biridir və ona müəyyən dərəcədə təsir göstərir və bu şəkil 6-da daha aydın göstərilir. Əvvəldən bizə məlumdur ki, tələbə təsir edən bütün ekzogen amillər dəyişməzdir və bu,vergi-büdcə siyasəti alətlərinə və istehlak və kapital qoyuluşu sahəsində xüsusi gözləmələrə aid edilir. Yüksək dəqiqlik üçün “dəyişməz pul-kredit siyasəti”nin inflyasiya şəraitində izahını vermək lazımdır. Uzunmüddətli dövrdə aşağı valyuta məzənnəsi zamanı inflyasiyanın tempi pul kütləsinin artım tempi ilə müəyyən edilir.
