Azərbaycan Respublikasında sığorta və lizinq xidmətlərinin hüquqi əsasları.
“2012-2020-ci illərdə Azərbaycan Respublikasında üzümçülüyün inkişafına dair Dövlət
Proqram”ı üzrə qarşıya qoyulmuş hədəflərə nail olunması - müasir dövrdə kənd təsərrüfatında
o cümlədən üzümçülük və şərabçılıq sahəsində vacib məqam kimi sığorta və lizinq
xidmətlərinin səmərəli təşkilini, daha da inkişaf etdirilməsini şərtləndirir. Bu baxımdan
Azərbaycan Respublikasında üzümçülük və şərabçılıq sahəsində sığorta və lizinq xidmətlərinin
hüquqi əsaslarına baxmazdan əvvəl Azərbaycanın sığorta və lizinq fəaliyyətinin hüquqi
əsaslarına baxılmalı, bu sahədə hüquqi baza araşdırılmalıdır.
Sığorta fəaliyyətinin hüquqi əsasları:
Maliyyə sisteminin tərkib hissəsi olan sığorta – bir iqtisadi kateqoriya olaraq, baş verən
bu və ya digər xoşagəlməz hallardan, fövqəladə hadisələrdən vurulan ziyanın aradan
qaldırılması, vətəndaşların şəxsi həyatları ilə əlaqədar olan hadisələr zamanı onlara maliyyə
yardımlarının edilməsi ilə yaradılan məqsədli pul vəsaiti fondlarının yaradılması və istifadəsi
prosesidir.
Azərbaycanda sığorta əsasən öz inkişafını 3 mərhələdə keçmişdir: 1917-ci il oktyabr
inqilabından əvvəlki, inqilabdan sonrakı (1917-90) və 1990-cı ildən başlayaraq müasir dövr.
Azərbaycanda sığorta işinin təşkilinə XIX əsrin ortalarında başlanmışdır. Аzərbаycаndа
sığorta işi kаpitаlist istеhsаl münаsibətlərinin inkişаfı, nеft sənаyеsinin mеydаnа gəlməsi və
sаhibkаrlığın fəallaşması ilə sıх əlаqədаrdır. Bu dövrdə Azərbaycanda xarici ölkələrdən olan
şirkətlərin filialları fəaliyyət göstərirdilər. Аzərbаycаndа əsаsən dəniz gəmilərinin sığorta
еdilməsi üzrə iхtisаslаşmış ingilis şirkəti «Llоyd»un filiаllаrı, hаbеlə «Rus Llоyd»un və
Аlmаniyаdаn оlаn ingilis şirkətinin iki nümаyəndəliyi, Rusiyа və İrаnin sərhəd limаnlаrınа
qədər dаşınаn yüklərin sığortası ilə məşğul оlаn «Rеpmаn və Rust» ticаrət еvi ilə təqdim еdilən
«Şimаli Аlmаn Llоyd»u, həmçinin gəmilərin və yüklərin sığortasını аpаrаn «Аlmаn, Livаntiyа
хətti» cəmiyyəti fəаliyyət göstərməyə bаşlаmışdır. 1910-cu ildə Bakıda 18 sığorta cəmiyyəti
fəaliyyət göstərmişdir. Ən böyük sığorta təşkilatı «Rus sığorta cəmiyyəti» olmuşdur Bakıda
sığorta işinin əsasını Xəzər dənizində üzən gəmilərin sığortası təşkil edirdi.
Kеçmiş SSRİ-nin bаşqа rеspublikаlаrındа оlduğu kimi, Sоvеt hаkimiyyəti illərində
Аzərbаycаndа dа dövlət sığorta sistеmi təşkil еdilmişdir. Rеspublikаdа sığorta işinin
inkişаfındа müəyyən rоl оynаmış Аzərbаycаn SSR Dövlət Sığortası Bаş İdаrəsi və SSRİ
«İnqоsstrах»nın Bаkı şöbəsi fəаliyyət göstərirdi. 80-ci illərin ахırınаdək rеspublikаdа sığorta
işi iki sığorta təşkilаtının və - Аzərbаycаn Rеspublikаsının Dövlət Sığorta Şirkətinin və SSRİ-
nin хаrici dövlət sığorta təşkilаtının Bаkı şəhərindəki şöbəsinin inhisаrı аltındа olmuşdur.
Azərbaycanda sığorta işi 1990-cı ildən sonra müstəqil inkişaf etməyə başladı. Milli
sığorta bаzаrı Аzərbаycаndа 1992-ci ilin əvvəlindən fоrmаlаşmаğа bаşlаmışdır. Hazırda
sığorta bazarı Azərbaycanda özünün inkişaf mərhələsindədir. Sığorta şirkətləri 40-dan çox
icbari və könüllü sığorta növlərini təklif edirlər. Lakin bu hələ də kifayət deyil. Müqayisə üçün
deyək ki, inkişaf etmiş ölkələrdə 300-dən çox müxtəlif sığorta xidməti göstərilir.
1991-ci ildə Azərbaycanda 62 sığorta təşkilatı, o cümlədən 53 milli, 9 birgə sığortaçı
fəaliyyət göstərirdi. Yaradılmış bir çox kommersiya sığortatəşkilatları sığorta olunanların
etimadını qazana bilmədiklərinə görə, onların 33-ü müflisləşərək öz fəaliyyətini
dayandırmışdır. 2006-cı ilin əvvələrində Azərbaycanda qeydiyyatdan keçmiş 29 sığorta
təşkilatı fəaliyyət göstərmişdir ki, onlardan 22 özəl, 6 qarışıq mülkiyyət formalı dövlət
kommersiya şirkətidir.
2010-cu ildə şirkətlərin yığımlarının ümumi həcmi 155,59 milyon manat təşkil etmişdir.
2011-ci ilin yanvar-aprelində ölkədə fəaliyyət göstərən sığorta şirkətlərinin mükafatlarının
ümumi həcmi 66,342 milyon manat, ödənişlər isə 17,673 (artım 21,71 faiz) milyon manat
olmuşdur.
Beləliklə, müstəqillik dönəmindən bu yana ölkəmizdə sığorta xidmətləri bazarının
inkişafının tənzimlənməsi, sığortaçıların, sığortalıların və dövlət mənafeyinin müdafiəsi,
metodiki rəhbərliyin həyata keçirilməsi, müvafiq normativ hüquqi sənədlərin hazırlanması və
s. istiqamətlərdə bir sıra işlər görülmüşdür.
Azərbaycanda sığorta sektorunun qanunvericilik bazasının tarixi 1993-cü ildən başlayır.
Həmin ildə “Sığorta haqqında” Azərbaycan Respublikası Qanunu qəbul edilmişdir.
7
Buna
baxmayaraq ölkəmizin sığorta sisteminin hüquqi mexanizmlərinin təkmilləşdirilməsi
istiqamətində 150-dən çox normativ hüquqi aktlar qəbul edilmişdir. Qanunların say etibarilə
çox olmasına baxmayaraq Azərbaycanda sığorta sahəsində qanunvericilik bazası
təkmilləşdirilməsi daha da aktuallaşır. Belə ki, sığorta sektorunun inkişaf dinamikasının digər
sektorlarla müqayisədə geridə qalmasında «Sığorta haqqında» qanundakı boşluqların
olmasıdır. Halbuki 1993-cü ildə qəbul olunan bu qanun 1999-cu ildə təkmilləşdirilərək yenidən
qəbul edilmişdi. Nəhayət, 2008-ci ildə qanun qüvvədən düşdü və 2007-ci ildə qəbul edilmiş
«Sığorta fəaliyyəti haqqında» qanunun qüvvəyə mindi. Sözü gedən qanun Azərbaycan
Respublikasında sığorta sisteminin inkişafının, sığorta bazarının peşəkar iştirakçılarının, o
cümlədən sığortaçıların, təkrarsığortaçıların, sığorta vasitəçilərinin fəaliyyətinin əsas
istiqamətlərini və prinsiplərini, habelə sığorta sahəsində dövlət tənzimlənməsinin və
nəzarətinin hüquqi və iqtisadi əsaslarını müəyyən etməklə hüquqi mexanizmlərin təsbit
olunmasına şərait yaratmış oldu. Qanunvericilik bazasının təkmilləşdirilməsi təşəbbüsü isə
mütəmadi olaraq bu sahədə mövcud olan fəaliyyətin inkişafına yönəlmiş və 2008-ci ildən
etibarən 70-dən çox normativ hüquqi akt qəbul edilmişdir.
Lizinq fəaliyyətinin hüquqi əsasları:
Ölkəmizdə inkişaf tarixi yeni olan bu sahədə hüquqi bazanın formalaşdırılması da 2000-
ci ildən başlanmış, xüsusilə ölkənin kənd təsərrüfatı sahəsində daha da aktuallaşmışdır. Çox
keçmədi ki, lizinq fəaliyyəti sahəsində yaradılan hüquqi və iqtisadi mexanizmlər öz müsbət
nəticəsini verdi və əgər 2003-cü ildən lizinq portfelinin ümumi həcmi 2,5 mln. manat
olmuşdursa, 2008-ci ildə bu göstərici 200 mln. manata çatmışdır.
8
Bir şeyi qeyd etmək lazımdır ki, lizinq sahəsində müvafiq qanunvericilik 1994-cü ildə
qəbul edilmişdir və Azərbaycan Respublikası MDB üzvləri arasında lizinq haqqında qanunu
qəbul etmiş ilk dövlət olmuşdur. Bu zaman lizinq fəaliyyəti sahəsində əsas problem qanun
qəbul edildiyi zaman lizinq münasibətləri ölkədə hələ formalaşmamışdır, sahibkarlar arasında
7
Azərbaycanda siğorta sistemi:iqtisadi və sosial proseslərə multiplikator təsiri kimi. Bakı: Qanun Nəşriyyatı, 2011
8
http://azerbaijanleasing.com/site/wp-content/uploads/intervyu-E.A-BB.pdf
lizinq barədə əməli təcrübə yox idi.
9
Beləliklə Azərbaycan Respublikasında müvafıq qanunun
qəbul edilməsi yolu ilə lizinqin qanunvericilik çərçivəsinə salınması cəhdi göstərilmişdir.
Lakin, qanunun qəbul edilməsi lizinqin geniş yayılmasına və ondan ölkə əhalisi, o cümlədən
sahibkarlıq subyektləri tərəfindən istifadə edilməsinə zəmin yaratmadı. Səbəb kimi isə bu
sahədə vergi güzəştlərinin tətbiq olunmaması və əhalidə lizinq barədə düzgün təsəvvürün
olmaması ilə izah edirdilər. Lizinq fəaliyyəti sahəsində kadr çatışmamazlığı isə özəl sektor
tərəfindən xüsusi olaraq vurğulanır.
10
Beləliklə, 2003-cü ildən "Lizinq xidməti haqqında"
qanun qüvvəsini itirmiş, Mülki Məcəllənin lizinqi tənzimləyən 38-ci fəslinə isə yeni 18-ci
maddə əlavə edilmişdir. Qanunvericiliyə edilmiş əlavə və dəyişikliklər beynəlxalq təcrübəyə
əsaslanır və ümumiyyətlə müsbət xarakter daşıyır. Lakin bəzi ziddiyyət və çatışmazlıqlar yenə
də mövcuddur. Hal hazırda Azərbaycan Respublikasında lizinq Azərbaycan Respublikasının
Mülki Məcəlləsi və Vergi Məcəlləsi ilə tənzimlənir. Lizinq Mülki Məcəllənin “Lizinq”
adlandırılan 38-ci fəsli, bu fəsillə tənzimlənməmiş hissəsində isə 33-cü (“Əmlak kirayəsi”) və
34-cü (“İcarə”) fəsilləri ilə tənzimlənir. Lizinqə əmlak kirayəsini tənzimləyən müddəaların aid
edilməsi o deməkdir ki, Azərbaycan Respublikasında lizinqdən daha geniş sahələrdə istifadə
edilə bilər. Yəni bəzi ölkələrdən fərqli olaraq (Rusiya Federasiyası, Özbəkistan, Qazaxıstan,
Belarus vz s.) Azərbaycanda əmlak lizinqə yalnız sahibkarlıq məqsədləri üçün deyil, həmçinin
məişət və sosial məqsədlər üçün verilə bilər. Çünki Mülki Məcəlləyə görə əmlak kirayəsi
müqaviləsi elə bir mü- qavilədir ki, kirayəyə verən əşyanı kirayəçinin istifadəsinə verir,
kirayəçi isə bunun müqabilində kirayə verənə kirayə haqqı ödəyir.
11
Beləliklə, lizinq sahəsində qanunvericilik bazasının mülki məcəllə ilə tənzimlənməsi
müvafiq qaydaların mövcud olmasına şərait yaratsa da, sahibkarlıq subyektləri arasında
genişləndirilməsi və inkişafı üçün inkişaf strategiyasının hazırlanması, geniş maarifləndirmə
işlərinin aparılması və dünya təcrübəsinin öyrənilməsi ilə konkret tədbirlərin həyata
keçirilməsi xüsusilə aktualdır. Bu baxımdan ölkənin kənd təsərrüfatı sahəsində lizinqdən
istifadənin genişləndirilməsi iqtisadiyyatın digər sahələrində lizinqdən istifadə üçün model
sailə bilər.
Kənd təsərrüfatı, o cümlədən üzümçülük və şərabçılıq sahəsində sığorta və lizinq
xidmətlərinin hüquqi əsasları.
Dünya təcrübəsində kənd təsərrüfatı məhsullarının istehsalı ilə məşğul olan kəndli
fermerlərə bir sıra dəstəklər göstərilir. Aparılmış müşahidələr onu deməyə əsas verir ki, aqrar
sektor iqtisadi baxımdan inkişaf etmiş ölkələrdə belə ən çox dəstəklənən və büdcə vəsaiti
hesabına əsaslı maliyyə yardımları edilən bir sahədir. Nümunə üçün qeyd edək ki, hazırda
Avropa Birliyi ölkələrində birlik büdcəsinin təxminən 40 faizi aqrar sektorun dəstəklənməsi
üçün həyata keçirilən müvafiq layihə və proqramlara istifadə edilir. Bu ənənə ölkəmizin kənd
təsərrüfatı sahəsinin inkişafı istiqamətində də öz yerini almış bir sıra tədbirlərlə həyata
keçirilməkdədir. Belə ki, bu istiqamətdə dövlət tərəfindən fermer sahibkarlara müxtəlif
xarakterli dəstəklər göstərilməkdədir:
-
1999-cu ildən etibarən, kənd təsərrüfatı məhsulları istehsalçıları torpaq vergisi istisna
olmaqla, bütün vergilərdən azad edilmiş;
-
Aqrar islahatlar nəticəsində ləğv olunmuş, eləcə də işğal altında olan rayonlarda
təsərrüfat subyektlərinin borcları silinmiş və onlara digər güzəştlər edilmiş;
-
Fermerlərə yanacağın, motor yağının və gübrənin alınmasına çəkilən xərclərin 50 faizi
dövlət tərəfindən ödənilir;
9
http://azerbaijanleasing.com/site/wp-content/uploads/articlef1.pdf
10
http://azerbaijanleasing.com/site/wp-content/uploads/Consulting__Business_article.pdf
11
http://azerbaijanleasing.com/site/wp-content/uploads/articlef1.pdf
-
Taxıl əkinlərinə görə subsidiyaların verilməsinə başlanılmış, texniki təminatın
yaxşılaşdırılması üçün “Aqrolizinq” Açıq Səhmdar Cəmiyyəti yaradılmış, istehsalçılara lizinq
yolu ilə güzəştli şərtlər əsasında texnikanın və gübrələrin verilməsi həyata keçirilir;
-
Sahibkarlığa Kömək Milli Fondu və Kənd Təsərrüfatı Kreditləri Agentliyi yaradılaraq
maliyyə vəsaitləri güzəştli şərtlərlə fermer və sahibkarlara paylanılır;
-
Beynəlxalq təşkilatların dəstəyi ilə müxtəlif layihələr həyata keçirilir və s.
Ümumiyyətlə, beynəlxalq təcrübə göstərir ki, aqrar sahənin inkişaf etdirilməsi məqsədilə
kənd təsərrüfatı məhsullarının istehsalı ilə məşğul olan fiziki və ya hüquqi şəxslərə dövlət
tərəfindən müəyyən güzəştlər verilir. Bu güzəştlərə, o cümlədən texniki təminat məslələrinin
həlli məqsədilə dövlət tərəfindən təşkil olunmuş güzəştli şərtlərlə lizinq xidməti və təbii fəlakət
nəticəsində zərər cəkmiş (kənd təsərrüfatı məhsullarının istehsalı ilə məşğul olan) şəxslərə
dəymiş zərərin əvəzinin Dövlət tərəfindən ödənilməsi, onların banklara olan borclarının
ödənilməsi və ya ödəmə vaxtının müəyyən müddətə uzadılması daxil edilir.
Qeyd etdiyimiz kimi xüsusilə ölkənin kənd təsərrüfatı sahəsində daha da aktuallaşmış
lizinq xidməti aqrar sahənin dəstək tədbirlərindən biri kimi mühüm rol oynayır. Belə ki, lizinq
xidmətindən istifadə edən kənd təsərrüfatı məhsulları istehsalçılarının sayı 5186 nəfər olmaqla
verilmiş texnikaların ümumi sayı 9355 ədəd təşkil edir. Hazırda “Aqrolizinq” ASC-nin
yerlərdə təsərrüfat hesablı 55 rayon Aqroservis filialları, 5 Rayonlararası Logistik bazaları və 5
Rayonlararası Təchizat bazaları fəaliyyət göstərir.
Kənd təsərrüfatı məhsulları istehsalçılarına göstərilən lizinq xidmətləri əsasən
aşağıdakılardan ibarətdir:
-
Kənd təsərrüfatında istifadə edilən texnikaların güzəştli qaydada verilməsi;
-
Kənd təsərrüfatı məhsullarının istehsalı, emalı və saxlanması üzrə texnoloji
avadanlıqların quraşdırılması və güzəştli qaydada verilməsi;
-
Damazlıq cins heyvanların güzəştli qaydada verilməsi.
Kənd təsərrüfatı məhsulları istehsalı sahəsində lizinq xidmətlərinə dövlət tərəfindən
göstərilən dəstək tədbirləri bir sıra normativ hüquqi aktların qəbulu ilə başlamış və mövcud
olan mexanizmlərin təkmilləşdirilməsi davam etməkdədir:
Azərbaycan
Respublikası
Prezidentinin
Aqrar
bölmədə
lizinqin
genişləndirilməsi sahəsində əlavə tədbirlər haqqında 23 oktyabr 2004-cü il tarixli 468 nömrəli
Sərəncamı – Aqrar bölmənin müasir texnika ilə təchizatı məsələlərinin çevik şəkildə
tənzimlənməsini təmin etmək və Dövlət Proqramında nəzərdə tutulan tədbirlərin icrasını
sürətləndirmək məqsədilə bir sıra məsələlər o cümlədən aqrar sahədə lizinq xidməti sahəsində
“Aqrolizinq” Açıq Səhmdar Cəmiyyətinin yaradılması öz əksini tapmışdır;
12
Azərbaycan Respublikası Nazirlər Kabinetinin “Aqrolizinq” Açıq Səhmdar
Cəmiyyətinə məxsus kənd təsərrüfatı texnikasının və texnoloji avadanlıqların hüquqi və fiziki
şəxslərə lizinqə verilməsi və ya lizinq yolu ilə satılması Qaydaları"nın təsdiq edilməsi və
“Aqrolizinq” Açıq Səhmdar Cəmiyyətinin fəaliyyətinin təşkili ilə bağlı zəruri tədbirlərin
həyata keçirilməsi haqqında 31 mart 2005-ci il 58 nömrəli qərarı ilə təsdiq edilmiş
“"Aqrolizinq" Açıq Səhmdar Cəmiyyətinə məxsus kənd təsərrüfatı texnikasının və texnoloji
avadanlıqların hüquqi və fiziki şəxslərə lizinqə verilməsi və ya lizinq yolu ilə satılması”
Qaydaları – burada texnika və texnoloji avadanlıqların lizinq xidməti ilə güzəştlə əldə edilməsi
göstərilmişdir: “İstifadəçi "Aqrolizinq" ASC-yə məxsus texnikaları və texnoloji avadanlıqları
sığorta haqqı da daxil olmaqla, lizinq yolu ilə satın aldıqda onların dəyərinin 10 faizini
əvvəlcədən, qalan hissəsini isə bir ildən sonra 9 il ərzində ödəyir”
13
;
12
http://www.e-qanun.az/print.php?internal=view&target=1&docid=5802&doctype=0
13
http://www.e-qanun.az/print.php?internal=view&target=1&docid=2059&doctype=0
Azərbaycan Respublikası Prezidentinin Aqrar sahədə dövlət lizinq şirkətlərinin maddi-
texniki bazasının möhkəmləndirilməsinə əlavə dəstək verilməsi barədə 21 iyul 2009-cu il
tarixli 393 nömrəli
14
və Aqrar sahədə dövlət lizinq şirkətlərinin maddi-texniki bazasının
möhkəmləndirilməsi sahəsində əlavə tədbirlər haqqında 26 iyul 2010-cu il tarixli 1045
nömrəli
15
Sərəncamları – sözügedən Sərəncamlarla “Aqrolizinq” Açıq Səhmdar Cəmiyyətin
aqroservis filiallarının ölkəmizin regionlarında tikintisinin davam etdirilməsinə 5 milyon
manat və “Aqrolizinq” Açıq Səhmdar Cəmiyyətinə məxsus kənd təsərrüfatı texnika və
avadanlıqlarının müəyyən edilmiş tələblərə uyğun vəziyyətdə saxlanılmasını təmin etmək,
texniki qulluq və təmir emalatxanalarının, habelə gübrə anbarlarının tikintisinin davam
etdirilməsinə 5 milyon manat ayrılmasını nəzərdə tutulmuşdur.
Kənd təsərrüfatında lizinq xidmətlərinin hüquqi əsaslarına baxdıqda aşağıdakı nəticələr
əldə olunur:
-
Aqrar sahədə lizinq xidmətlərindən istifadə istiqamətində dövlət dəstəkləri və
güzəştlərin tətbiqinin hüquqi əsasları kənd təsərrüfatının bütün alt sahələri üzrə eyni səviyyədə
hüquqi qüvvəyə malikdir;
-
Kənd təsərrüfatı emalı müəssisələrinə lizinq xidmətlərinin göstərilməsi ilə bağlı dəstək
tədbirlərinə tələbin mövcud olması;
-
Üzümçülüyün inkişafı üzrə Dövlət Proqramının mövcud olmasına baxmayaraq
üzümçülük və şərabçılıq sahəsi üçün xüsusi mexanizmlərin işlənməsi;
Üzümçülük sahəsində fermerlərin aqrotexniki tədbirlərin bütün mərhələlərini icra edə
bilmədiklərini və şərabçılıq sahəsində müasir texnoloji avadanlıqlara böyük tələbin olduğunu
nəzərə alsaq texnika və texnoloji avadanlıqların lizinq xidməti ilə güzəştlə əldə edilməsi üçün
kiçıx faizin əvvəlcədən, qalan hissəsini isə məhsul dövründən və ya məhsulun bazara
çıxarıldığı dövrdən müəyyən olunmuş müddət ərzində ödəməsi xüsusilə aktualdır. Doğrudur
ayrılıqda üzümçülük sahəsinə 334 ədəd müxtəlif markalı traktorlar, 43 ədəd bağarası becərən
mexaniki və hidravlik frezlər, 310 ədəd ventilyatorlu çiləyicilər (müxtəlif həcmli qoşulan və
asılan) lizinq xidməti ilə güzəştlə verilmişdir.
Aqrar sahənin inkişaf etdirilməsi üçün dövlət dəstəkləri sahəsində kənd təsərrüfatında
sığorta xidmətinin stimullaşdırılması müasir dövrdə xüsusilə aktuallaşmışdır. Belə ki, kənd
təsərrüfatında sığorta xidmətlərinin səmərəli təşkilində – təbii amillər nəticəsində zərər çəkmiş
(kənd təsərrüfatı məhsullarının istehsalı ilə məşğul olan) şəxslərə dəymiş zərərin əvəzinin
ödənilməsi, onların banklara olan borclarının qaytarılması, yəni zəmanət məsələlərində
sığorta xidmətinə dövlətin ortaq olması və ya qeyd edilən prosesləri stimullaşdırılması olduqca
önəmlidir.
Yuxarıda sadalanan məsələlər kənd təsərrüfatında sığorta xidməti sahəsində qəbul
edilmiş normativ hüquqi aktlarda öz əksini tapmışdır. Belə ki, 18 iyun 2002-ci il tarixdə qəbul
edilmiş “Kənd təsərrüfatında sığortanın stimullaşdırılması haqqında” Azərbaycan
Respublikasının qanunu mülkiyyət formasından asılı olmayaraq kənd təsərrüfatı məhsulları
istehsalçılarının əmlakının sığortasının stimullaşdırılmasının hüquqi və iqtisadi əsaslarını
müəyyən edir, sığortanın iştirakçıları arasında münasibətləri tənzimləməklə əsasən aşağıdakı
məsələlər nəzərə alınmışdır:
16
-
Kənd təsərrüfatında sığortanın stimullaşdırılmasının məqsədi – kənd təsərrüfatı
istehsalçılarının əmlakının təbii fəlakətdən sığortasında dövlətin iştirakını təmin etməklə, aqrar
sahədə sığortanın inkişafını stimullaşdırmaq və sığortalılara sığorta hadisələrindən dəyən
zərərin ödənilməsinə verilən zəmanətin iqtisadi əsaslarını gücləndirməkdir;
14
http://www.e-qanun.az/print.php?internal=view&target=1&docid=18127&doctype=0
15
http://www.e-qanun.az/print.php?internal=view&target=1&docid=19893&doctype=0
16
http://www.e-qanun.az/print.php?internal=view&target=1&docid=1124&doctype=0#
-
Kənd təsərrüfatında əmlakın sığortasının obyektləri – kənd təsərrüfatı bitkilərinin
məhsulları, kənd təsərrüfatı heyvanları, ev quşları, dovşanlar, xəzdərili vəhşi heyvanlar, arı
ailələri, habelə kənd təsərrüfatı təyinatlı binalar, tikililər, qurğular, avadanlıqlar, maşınlar,
nəqliyyat vasitələri və digərləri ilə bağlı əmlak mənafeləri (azqiymətli və tez köhnələn əşyalar
və təbii biçənəklərin məhsulları istisna olmaqla);
-
Kənd təsərrüfatında əmlakın sığortasının subyektləri – Kənd təsərrüfatında əmlakın
sığortasının subyektləri müvafiq icra hakimiyyəti orqanları, sığorta sahəsində Azərbaycan
Respublikasının qanunvericiliyinə uyğun olaraq fəaliyyət göstərən sığortaçılar, sığortalılar və
sığorta müqavilələrindən irəli gələn vəzifələri həyata keçirən digər hüquqi və fiziki şəxslər;
-
Sığorta hadisələri – kənd təsərrüfatında bütün sığorta obyektləri bir qayda olaraq
yanğın, dolu, sel, daşqın, tufan, şaxta və ildırım vurması, zəlzələ, torpaq sürüşməsi, dəmyə
torpaqlarında quraqlıq kimi təbii fəlakətlərdən, habelə kənd təsərrüfatı bitkilərinin məhsulları,
kənd təsərrüfatı heyvanları, ev quşları, dovşanlar, xəzdərili vəhşi heyvanlar, arı ailələri
müvafiq olaraq xüsusi təhlükəli ziyanvericilərin yayılmasından və hücumundan, yoluxucu
xəstəliklərdən, kənd təsərrüfatı təyinatlı binalar, tikililər, qurğular, avadanlıqlar, maşınlar,
nəqliyyat vasitələri isə qəza hadisələrindən sığortalanır;
-
Sığorta haqqı, sığorta tarifləri və sığorta məbləği – əmlakını üç ildən az olmayaraq
ardıcıl sığorta etdirmiş, lakin həmin müddətdə sığorta ödənişi almamış sığortalıya sonrakı illər
üçün hesablanmış sığorta haqqından dördüncü il üçün 10 faiz, beşinci il üçün 20 faiz, beş ildən
artıq müddətə isə 30 faiz həcmində güzəşt edilir. Sığorta müqaviləsi üzrə sığorta məbləği kənd
təsərrüfatı bitkiləri üzrə məhsulun dəyərinin azı 70 faizi, kənd təsərrüfatı heyvanları, ev
quşları, dovşanlar, xəzdərili vəhşi heyvanlar, arı ailələri üzrə hüquqi şəxslərdə - onların balans
dəyərinin, fiziki şəxslərdə isə bazar qiymətinin azı 80 faizi, kənd təsərrüfatı təyinatlı binalar,
tikililər, qurğular, avadanlıqlar, maşınlar, nəqliyyat vasitələri və digər əmlak üzrə isə əmlakın
bazar qiymətinin tam məbləği miqdarında müəyyən edilir;
-
Kənd təsərrüfatında sığortanın stimullaşdırılması sahəsində dövlətin vəzifələri –
sığortasına dövlət tərəfindən yardım edilən əmlak növlərini, sığorta hadisələrini və sığorta
haqqının büdcə vəsaiti hesabına ödənilən hissəsini müəyyənləşdirmək, sığorta tariflərinin
maksimum həddini müəyyən etmək, sığortaya dövlət tərəfindən yardım edilməsinin şərtlərini,
qaydalarını hazırlamaq və təsdiq etmək, sığorta müqavilələri üzrə hesablanmış sığorta haqqının
bir hissəsini büdcə vəsaiti hesabına ödəmək, dövlət yardımı hesabına sığorta işlərini aparan
sığortaçılar üzrə sığortalıların uçotunu aparmaq; (Kənd təsərrüfatında sığortanın
stimullaşdırılması sahəsində dövlətin vəzifələrini öz səlahiyyətləri daxilində Azərbaycan
Respublikasının Nazirlər Kabineti, Azərbaycan Respublikasının Maliyyə Nazirliyi və
Azərbaycan Respublikasının Kənd Təsərrüfatı Nazirliyi həyata keçirirlər);
Beləliklə, sözügedən qanunda kənd təsərrüfatında sığorta xidmətinin təşkili və
stimullaşdırılması üçün vacib məqamlar öz əksini tapmış və konkret mexanizmlər üçün şərait
yaratmışdır. Bütün bunlarla yanaşı “Kənd təsərrüfatında sığortanın stimullaşdırılması
haqqında” Azərbaycan Respublikasının qanunda ölkənin kənd təsərrüfatında sığortanın
stimullaşdırılmasına maliyyə yardımının verilməsinin ümumi qaydaları, şərtləri, təşkili,
həmçinin sığortalılara dəymiş zərərə görə sığorta ödənişinin verilməsi məsələləri üzrə bir sıra
vacib məqamlar müəyyən olunmuşdur.
17
Kənd təsərrüfatında sığortanın stimullaşdırılmasına maliyyə yardımının ayrılması və
ödənilməsi məsələlərinin tənzimlənməsi sahəsində isə Azərbaycan Respublikası Nazirlər
Kabinetinin 2004-cü il 4 mart tarixli 23 nömrəli qərarı ilə təsdiq edilmiş Kənd təsərrüfatında
sığortanın stimullaşdırılmasına maliyyə yardımının ayrılması və ödənilməsi qaydaları
17
http://www.e-qanun.az/print.php?internal=view&target=1&docid=1124&doctype=0#
haqqında Əsasnamə"ni xüsusilə qeyd etmək lazımdır. Belə ki, sözügedən qaydalarda əsasən
aşağıdakı istiqamətlər üzrə hüquqi mexanizmlər müəyyən edilmişdir:
18
-
Kənd təsərrüfatında sığortanın stimullaşdırılmasına maliyyə yardımının ayrılması;
-
Kənd təsərrüfatında sığortanın stimullaşdırılmasına maliyyə yardımının ödənilməsi
şərtləri;
-
Kənd təsərrüfatında sığortanın stimullaşdırılmasına maliyyə yardımının verilməsinin
təşkili.
Üzümçülük və şərabçılıq sahəsində sığorta xidmətlərinin təşkili hazırda qeyd olunan
normativ hüquqi aktlarla tənzimlənir. Xüsusilə bir şeyi qeyd etmək lazımdır ki, vaxtı ilə
üzümçülük və şərabçılıq haqqında Azərbaycan Respublikasının qanununda bu sahə ilə
əlaqədar sığorta xidmətlərinə dövlət tərəfindən dəstək xüsusi olaraq göstərilmişdir. Lakin,3
dekabr 2002-ci il tarixli 397-IIQD nömrəli Azərbaycan Respublikasının Qanunu ilə dəyişiklik
olmuş və sığorta xidməti istiqamətində dövlət dəstəyi ilə bağlı müddəa çıxarılmışdır. Qanunun
əvvəlki redaksiyasında isə üzümçülük və şərabçılıq sahəsində sığorta xidmətinə dövlət dəstəyi
əsasən üzüm əkinlərinə və məhsullarına görə tətbiq edilirdi:
19
-
Bank kreditlərinin və investisiya fondunun vəsaiti hesabına maliyyələşdirilən layihələr
üzrə üzüm əkinlərinin və məhsulun layihə dövrü ərzində təbii fəlakətdən sığortalanması büdcə
vəsaiti hesabına həyata keçirilir;
-
Məqsədli kreditlərin verilməsi, qaytarılması, üzüm əkinlərinin (məhsulunun)
sığortalanması, habelə bank faizi üzrə güzəştlərin ödənilməsi qaydaları müvafiq
qanunvericiliklə müəyyən olunur.
Qeyd olunan məsələlər əsasən iqtisadi tənzimlənmə istiqamətində üzümçülüyün və
şərabçılığın inkişafı üzrə məqsədli kreditlər müddəalarında yer almışdır. Burada əsas məqsəd
isə kommersiya banklarını üzümçülük və şərabçılıq üzrə dövlət proqramları çərçivəsində
üzümçülüyün inkişafı sahəsində həyata keçirilən layihələrin kreditləşdirilməsinə
həvəsləndirmək və risklərini azaltmaq təşkil etmiş və sığorta xidmətlərinə dövlət dəstəyi bir
mexanizm olaraq nəzərdə tutulmuşdur. Haqqında bəhs edilən dəyişiklik üzümçülük sahəsinin
özünə məxsus xüsusiyyətlərini nəzərə almaqla fermerlərin və sahibkarların fəaliyyətində
müəyyən çətinliklər yaratsa da, “Kənd təsərrüfatında sığortanın stimullaşdırılması” haqqında
Azərbaycan
Respublikasının Qanunu bu istiqamətdə yarana bilən problemlərin
tənzimlənməsinə şərait yaratmış oldu.
Beləliklə, ölkəmizdə ümumilikdə və ayrıca olaraq kənd təsərrüfatında sığorta və lizinq
xidmətlərinin hüquqi əsaslarının mövcudluğu bu istiqamətdə müəyyən tənzimlənmə
mexanizmlərinə şərait yaradır, lakin konkret olaraq üzümçülük və şərabçılıq sahəsində bu cür
mexanizmlərin təkmilləşdirilməsinə mühüm zərurət mövcuddur. Belə ki, aşağıda sadalanan
məsələlər xüsusilə aktualdır:
-
Ənənəvi üzümçülük rayonlarında fermer və sahibkarlarda vəsait çatışmamazlığı və
sahənin özünün xüsusiyyətlərinə görə risk şəraitinin (hava şəraiti, torpaq və iqlim) olması;
-
Məhsuldarlığın yüksəldilməsində mühüm rol oynayan aqrotexniki qulluq üçün zəruri
olan texnalogiyaya tələbin artması;
-
Fermerlərin güzəştli kredit mexanizmlərində girov problemləri ilə üzləşməsi;
-
Üzümçülük və şərabçılıq sahəsində sığorta və lizinq xidmətləri üçün konkret
mexanizmlərin olmaması nəticəsində iri layihələrin həyata keçirilməməsi;
-
Ənənəvi üzümçülük rayonlarında fermer və sahibkarların sığorta və lizinq xidmətləri ilə
bağlı maarifəndirmə tədbirləri və s.
18
http://www.e-qanun.az/print.php?internal=view&target=1&docid=5906&doctype=0#
19
http://www.e-qanun.az/print.php?internal=view&target=1&docid=1021&doctype=0
|