2.BU NƏ QİYAMƏTDİR? Azərbaycan dilində ərəb əlifbası ilə avtoqraf. Yazılış tarixi və harada yazıldığı qeyd edilməmişdir. Əsər pərakəndə saya vərəqlərin bir üzünə bənövşəyi mürəkkəblə yazılmışdır. Vərəqlər nömrələnmişdir. İlk səhifəsində «Bu nə qiyamətdir?», «Kəndli qadınlara», səhifənin küncündə «Oktyabr inqilabı münasibətilə», son səhifəsində isə «Cəlil Məmmədquluzadə (Molla Nəsrəddin)» sözləri qeyd olunmuşdur. Əsər üzərində təshih işi aparılmışdır. 2-ci vərəqin hər iki üzü yazılmış, sonradan isə bir üzü qəhvəyi mürəkkəblə bu (X) şəkildə pozulmuşdur.
Başlanır: Heç kəs məni başa sala bilmədi…
3.BUZ Azərbaycan dilində ərəb əlifbası ilə avtoqraf. Yazılış tarixi və harada yazıldığı qeyd edilməmişdir. Əsər pərakəndə saya vərəqlərin bir üzünə bənövşəyi mürəkkəblə yazılmışdır. Vərəqlər nömrələnmişdir. Üz səhifəsində «Buz», onun altından «(hekayə)» sözləri qeyd olunmuşdur. Əsər üzərində təshih işi aparılmışdır.
Başlanır: Mən on yaşında, ya bəlkə…
