Dərman xammalı. Xammalı toplamaq üçün bitkini çiçəklənmə dövründə kökün-dən çıxardır, sonra kökü kəsib atırlar.
Farmakoloji təsiri. Quşəppəyinin preparatları aydın müşahidə olunan hemostatik təsir göstərir, uşaqlıq əzələsinin yığılma qabiliyyətini və bağırsağın peristaltikasını gücləndirir, həmçinin hipotenziv təsir edir.
İstifadəsi. Quşəppəyi otunun dəmləməsi qankəsici vasitə kimi ginekologiya və akuşer praktikasında, doğuşdan sonra baş verən qanaxmalarda, ağ ciyər, böyrək (çöl qatrıquyruğu otu ilə birlikdə) və mədə qanaxmalaırnda təyin edilir. Dəmləmə həmçinin qastrit, dizenteriya və babasil zamanı da istifadə edilir.
Bitkinin otunun maye ekstraktı 70 %-li etil spirti ilə 1:1 nisbətində hazırlanır, uşaqlıq qanaxmaları, uşaqlığın atoniyası və mədə qanaxmalarında gündə 3 dəfə 20-25 damcı daxilə təyin edilir.
Quşəppəyinin preparatları periferik qan damarlarını genişləndirir, arterial təzyiqi aşağı salır, həmçinin tez-tez qan ifrazı ilə müşayiət olunan ağ ciyər vərəminə tutulmuş xəstələrin müalicəsində də effektli təsir göstərir.
Başınağacı qabığı – Cortex Viburni Bitkisi: adi başınağacı – Viburnum opulus L. Fəsiləsi: doqquzdonkimilər – Caprifoliaceae Botanik təsviri. 1,5-4 m hündürlüyündə, gümüşü-qəhvəyi rəngli, çatlı qabıqlı kol və ya xırda ağac bitkisidir. Barmaqvarı 3 dilimli, enli yumurtavarı və dəyirmi formalı yarpaqları vardır. Yarpağın üst səthi tünd-ya-şıl, çılpaq, alt səthi bozumtul rəngli və tükcüklüdür. Ağ rəngli çiçəkləri çətirşəkilli, 6-8 şüalı çiçəkqrupuna toplanmışdır. Çiçəkqrupunun kənarındakı çiçəklər daxilindəki çiçəklərdən xeyli iri olub, barsızdır.
Meyvələri çəyirdəkmeyvəyəbənzər olub, qısa saplaqlıdır, parlaq-qırmızı rəngdə, enli ellipsvari və ya kürəşəkilli, uc tərəfi ensizləşmiş və sivriləşmişdir. Avqust-sentyabr aylarında yetişir. Cənubi Avropada təsadüf edilir. Azərbaycanda isə Dəvəçi, Quba, Qusar, Zaqatala, Şəki, Daşkəsən, Gədəbəy və d. rayonlarda yayılmışdır.
