24
Göründüyü kimi, ədədlərin ikilik təsvirində daha çox sayda
rəqəm iştirak edir. Onluq sistemində üç rəqəmdən ibarət olan 631
ədədini ikilik say sistemində təsvir etmək üçün 10
ikilik rəqəm
tələb olunur. Bu səbəbdən də çoxmərtəbəli ədədlərin
ikilik say
sistemində təsviri və yadda saxlanması çətin olur.
2.4. Digər say sistemləri
Qeyd
olunduğu kimi, ikilik və onluq say sistemlərindən
əlavə səkkizlik və onaltılıq say sistemlərindən də istifadə olunur.
Səkkizlik və onaltılıq say sistemləri ikilik say sisteminə oxşardır
və bu sistemlərin birindən digərinə keçid daha asandır. Çünki 8 və
16 ədədləri 2-nin qüvvətləridir, yəni 8=2
3
, 16=2
4
.
Səkkizlik say sistemində ədədlərin ifadə olunması üçün 8
rəqəmdən (0-dan 7-yə qədər), onaltılıq say sistemində isə 16
işarədən, o cümlədən 10 rəqəmdən (0-dan 9-a qədər)
və ingilis
əlifbasının 6 böyük hərfindən (A, B, C, D, E, F) istifadə olunur.
2.2 saylı cədvəldə 0-dan 20-dək olan onluq ədədlərin
səkkizlik və onaltılıq sistemlərdə ekvivalentləri göstərilmişdir.
Ikilik say sistemindən səkkizlik və onaltılıq say sisteminə və
ya əksinə keçmək olar.
2.5. Ikilik say sistemi ilə səkkizlik say sistemi arasında
keçid qaydaları
Bu keçid qaydalarını verməzdən əvvəl qeyd etmək lazımdır
ki, səkkizlik say sisteminin hər bir rəqəmini (0-7) ikilik say
sistemində ifadə etmək üçün 3 ikilik rəqəm tələb olunur (cədvəl
2.1). Ikilik say sistemində verilmiş tam ədədi səkkizlik sisteminə
çevirmək üçün aşağıdakı alqoritmdən istifadə etmək olar:
1.
Verilmiş ikilik ədədi təşkil edən rəqəmlər sağdan sola üç-üç
qruplara ayrılır.
25
2.
Əgər ən soldakı (sonuncu)
qrupda üçdən az rəqəm qalarsa,
onda bu qrup soldan 0 yazmaqla üçə qədər tamamlanır.
3.
Bu qruplarda alınmış ikilik ədədlər ayrı-ayrılıqda səkkizlik
say sisteminin müvafiq rəqəminə çevrilir.
4.
Alınmış səkkizlik rəqəmlər qrupların ardıcıllığına
uyğun
olaraq yazılır. Beləliklə, alınmış
ədəd verilmiş ikilik ədədin
səkkizlik say sistemindəki ekvivalenti olacaqdır.
Dostları ilə paylaş: