O‟zbekiston respublikasi oliy va o‟rta maxsus ta‟lim vazirligi s. A. Usmanov
Yüklə 5,01 Kb. Pdf görüntüsü
|
|
- komplektlash mintaqasi
- mintaqa ishchilari tezkor boshqaruv bo‘limi topshirig‘iga binoan ta`mirlash ishlarini bajarish uchun zarur ehtiyot qismlarga talablarni rasmiylashtiradi va ularni ombordan olib ishchi postlariga etkazadi hamda ta`mirlash uchun echib olingan nosoz agregat, uzel va detallarni tashishni qiladi; - oraliq ombor - bu erda cheklangan majmuadagi ehtiyot qismlar saqlanadi va ularning zahirasi belgilangan darajada saqlab turiladi; - yuvish-nuqsonlarni aniqlash mintaqasi - bu erda ta`mirlash jamg‘armasini qabul qilish va saqlash, agregatlarni qismlarga ajratish, uzellar va detallarni yuvish, defektovka qilish va ta`mirlash uchun ta`mirlash majmuasiga jo‘natishdan oldin komplektlash amalga oshiriladi; - asbob-uskunalar mintaqasi - asbob uskunalarni saqlash, tarkatish, taqsimlash va ta`mirlash bilan shug‘ullanadi; - transport mintaqasi haydovchilari avtomobillarini asosiy haydovchilardan qabul qilib, ta`mirlashni kutish mintaqasida saqlash, og‘ir vaznli agregat, uzel va detallarni tashishni amalga oshiradi. 107 5. Ishlab chiqarishni markazlashgan boshqaruv tizimida avtomatika, telemexanika, hisoblash texnikasi vositalaridan aloqa vositalari sifatida foydalanish. Avtomobil transporti korxonasining texnika xizmati tarkibiga ishlab chiqarishni boshqaruv markazi, ishlab chiqarish majmualari, ishlab chiqarishni tayyorlash majmualari va 2.5 paragrafda keltirilgan bo‘linmalar ham kiradi. Ishlab chiqarishni markazlashgan boshqaruv tizimiga rahbarlikni boshliq amalga oshiradi, boshqarish bo‘yicha asosiy tezkor ishlar, tezkor boshqaruv bo‘limi dispetcherlari va ularning yordamchilari - texnik operatorlar tomonidan bajariladi. Avtomobillarga texnik xizmat ko‘rsatish va ta`mirlash bo‘yicha barcha ishlarga tezkor rahbarlikni ishlab chiqarishni markazlashgan boshqaruv tizimining tezkor boshqaruv bo‘limi amalga oshiradi. Tezkor boshqaruv bo‟limi xodimlari quyidagi asosiy ishlarni bajaradilar: - smenani qabul qiladi, ya‘ni ishlab chiqarish holatini, bajarilgan dasturni, tugallanmagan ishlab chiqarish o‘lchamlarini, ishlab chiqarishdagi mavjud holatlarni va belgilangan grafikdan chetga chiqishlarni qayd etadi; - tashxis, 1-TXK, 2-TXK o‘tkazish rejalari bajarilishining tezkor nazoratini amalga oshiradi; - harakat tarkibini ta`mirlash ishlarining bajarilishini tezkor rejalashtirish, rostlash, hisobga olish va nazoratni amalga oshiradi; - reglament ishlari va ta`mirni o‘tkazish uchun ehtiyot qismlar va materiallarni o‘z vaqtida tayyorlash bo‘yicha ishlarning bajarilishini tashkil etadi va nazorat qiladi; - smenani topshiradi. Axborotga ishlov berish va tahlil bo‟limi zimmasiga boshqaruv tizimining axborot ta`minotini tashkil qilish bilan bog‘liq barcha ishlar yuklatiladi. Axborotga ishlov berish va tahlil bo‘limining asosiy vazifasi, texnika xizmati barcha bo‘linmalari faoliyati haqidagi axborotni tizimlashtirish, qayta ishlash, tahlil qilish va saqlash hamda avtomobillarning bosib o‘tgan yo‘li, asosiy agregatlarning harakati va texnik ta‘sirlarini rejalashtirish hisobini olib borishdan iborat. Axborotga ishlov berish va tahlil qilish bo‘limi tarkibiga ta`mirlash hujjatlarini qayta ishlash, axborotni tahlil qilish bo‘yicha xodimlar kiradi. 108 Axborotga ishlov berish va tahlil bo‟limi quyidagi asosiy ishlarni bajaradi: - ishlov berish uchun dastlabki hujjatlarni qabul qiladi, ularni to‘g‘ri va to‘liq to‘ldirishni nazorat qiladi va axborotni keyingi ishlov berish uchun tayyorlaydi: - axborot - ishlov berish texnikasining sodda vositalari va shaxsiy kompyuterlar yordamida qayta ishlanadi; - axborotga ishlov berish natijalari bo‘yicha tahlilni amalga oshiradi va natijalarni aniq choralar ko‘rish va avtomobil transporti korxonasi muhandis-texnika xizmatining ishini takomillashtirish bo‘yicha tadbirlar ishlab chiqish uchun rahbariyatga topshiradi. Ishlab chiqarishni tayyorlash majmuasi texnik xizmat ko‘rsatish, tashxis va joriy ta`mirlash majmualarini ehtiyot qismlar va materiallar bilan ta`minlash ishlarini amalga oshiradi. Ishlab chiqarishni markazlashgan boshqaruv dispetcheri - ishlab chiqarishni tayyorlash majmuasi ustidan tezkor rahbarlikni majmuaning texnik operatorlari orqali olib boradi. Detallar, uzellar va agregatlarni etkazish, tarqatish jarayoni - komplektatsiya mintaqasi tomonidan quyidagi ketma-ketlikda amalga oshiriladi: 1) ta`mirlash varaqasidagi axborotga asosan, ta`mirlash ishlarini bajarish uchun zarur detallarga, uzellar va agregatlarga talabni aniqlaydi; 2) ishlab chiqarishni markazlashgan boshqaruv dispetcheri - ishlab chiqarishni tayyorlash majmuasi texnik operatoriga zarur ehtiyot qismlarni postga etkazishni ta`minlashga farmoyish beradi; 3) ishlab chiqarishni tayyorlash majmuasi texnik operatori - oraliq va asosiy ombordagi ehtiyot qismlarning mavjudligini tekshiradi va chilangar komplektovchilardan biriga zarur ehtiyot qismni, ishlab chiqarish majmuasining postiga etkazishga buyruk beradi. Avtomobil transporti korxonasi harakat tarkibiga texnik xizmat ko‘rsatish va ta`mirlash ishlab chiqarishini boshqarishning markazlashgan tizimi avtomobillarning me‘yordan ortiq bekor turishlarini kamaytirishga va ishchilar hamda rahbar xodimlarning samarasiz vaqt sarfini kamaytirishga imkon beradi. |