Turg’un isitmada (febris continua) ertalabki va kechqurungi harorat 10 dan oshmaydi. Bunday isitma zotiljam, toshmali terlama va qorin terlamasi uchun xarakterlidir.
Bo’shashtiruvchi (febris remittens) isitma ancha baland bo’ladi va uning sutkalik o’zgarishi 10dan yuqori bo’ladi. Bunday isitma ko’pincha organizmning yiringli kasalliklarida uchraydi.
Gal oshib turadigan isitmada(febris intermittens) isitmaning sutkalik tebranishi 10 dan oshiq bo’ladi. Harorat me’yoriga tushib, yana yuqori ko’tariladi. Bunday isitma bezgak kasalligida uchraydi.
Gektik yoki tinkani qurituvchi isitmada (febris hectica) haroratning sutkalik o’zgarishi 2-40C ga yetadi. Bemorning harorati normaga va ba’zan unda ham pastga tushadi, keyin yana ko’tariladi. Haroratning bunday o’zgarishi kuchli qaltirash va terlash bilan kechadi. Bu ko’pincha o’pka silining og’ir xillarida uchraydi.
Qaytalama isitmada(febris reccurens) harorat birdan yuqoriga ko’tariladi va bir necha kundan keyin yana normaga tushadi, keyinchalik yana ko’tariladi. Bu isitma qaytalama terlama kasalligi uchun xarakterlidir.
Teskari isitmada (febris inversus) ertalabki isitma kechqurungidan yuqori bo’ladi. Ko’pincha o’pka silida, sepsisda va brutsellyozda uchraydi.
To’lqinsimon isitmada (febris undulans) harorat asta-sekin ko’tarilib, asta-sekin normaga qadar pasayadi va shu holat yana qaytariladi. Bu isitma brutsellyoz uchun xarakterlidir.
O’zgaruvchan isitma (febris irregularis) har xil davomiylikka ega bo’lib, bir sutkada o’zgarib turishi bilan xarakterlanadi va ko’pgina kasallikda, ya’ni revmatizm, dizenteriya, sepsis, revmokardit va boshqalarda uchraydi.
Haroratning rivojlanishi uch davrga bo’linadi.
Isitmaning ko’tarilish davri (stadium incrementi). Bu davrda isitma kasallik turiga qarab, sekin – asta yoki birdan turli vaqt oralig’ida ko’tariladi.
