|
Cərrahi müdaxilələrin aparılması müddətləri
Praktik olaraq hər bir kimyəvi terapiya kursunun əvvəlində
xəstənin vəziyyətində müsbətə doğru dəyişiklik müşahidə olunur. İlk
əlamətlərdən biri öskürəyin, nəfəs çatışmazlığının, zəifliyin və
bəlğəmin miqdarının azalması və irinli bəlğəmin selikli bəlğəm ilə
əvəz olunmasıdır. Bu, bakteriya ifrazının həcminin azalması və ya
tamamilə kəsilməsi ilə müşayiət olunur. Müalicə fonunda vərəmin
fəallığına nəzarət etmək məqsədi ilə bəlğəmin hər həftə mikroskopik
müayinəsi və əkilməsi aparılır
6
. Bu, artıq müalicənin başlanmasından
1-2 həftə sonra vərəm fəallığının azalması barədə məlumat əldə
etməyə imkan verir.
Sonrakı dövrlərdə xəstələrin müəyyən hissəsində bakteriya ifrazı
və onun intensivliyi müalicənin başlanğıcında olan səviyyəyə
qayıdır. Həmçinin bu mərhələdə DD da formalaşır. Məhz bu
xəstələrdə müalicədə uğursuzluq müşahidə olunur. Beləliklə,
vərəmin fəallığının müvəqqəti azaldığı bir “pəncərə” dövrü
mövcuddur. Bu cərrahi müdaxilə üçün ən əlverişli müddətdir:
əməliyyatlar bu dövrdə keçirildikdə fəsadlaşma daha az hallarda
müşahidə olunur. Bundan başqa, əməliyyatdan sonrakı dövrdə
kimyəvi terapiya öz qüvvəsini saxlamış olur, çünki bu dövrdə DD
inkişaf etməmiş olur.
Hal-hazırda “pəncərə”, yəni ÇDD olan xəstələrdə vərəm
prosesinin fəallığının azalması dövrünün kimyəvi terapiya
başlandıqdan sonrakı 2-6 aya təsadüf etməsi haqda kifayət qədər
məlumat var
6,11,12
.
Dostları ilə paylaş: | 
