Residiv ehtimalı və qalıq dəyişiklikləri yüksək olan vərəmli
xəstələrdə cərrahi müdaxilələrə ayrılan müddət
Bəzi xəstələrdə müalicə əsnasında bakteriya ifrazı davamlı olaraq
dayanır, lakin sonralar böyük ehtimalla vərəmin residivinə səbəb ola
bilən qalıq dəyişikliklər formalaşır. Bu, “pəncərə” dövründən daha
sonrakı mərhələlərdə, yəni müalicənin 6-cı ayından sonra baş verir.
Belə hallarda prosesin müsbət rentgenoloji dinamikası dayanır,
infiltratların sorulması və kavernaların divarlarının qalınlığının və
ölçüsünün azalması baş vermir.
Belə xəstələrdə cərrahi müdaxilənin məqsədi vərəmin gələcəkdə
baş verə biləcək residivlərinin qarşısının alınmasıdır.
Yadda saxlamaq lazımdır ki, bu qrup xəstələrdə cərrahi müdaxilə
nə qədər gec aparılarsa, bir o qədər ümumi müalicə kursu uzanır,
xüsusilə rezeksiya edilən materialda VMB aşkar edildiyi hallarda
(“Əməliyyatdan sonrakı dövrdə kimyəvi terapiya” bölməsinə bax:
səh. 11).
Buna görə də bu qrup xəstələrdə cərrahi müdaxilələrin aparılması
üçün ən optimal dövr müalicənin başlanmasından sonra 6 və 12-ci
aylar arasında olan müddətdir.
Dostları ilə paylaş: |