ĠƏMĠstan nəZĠRLĠ


BAKI. TĠKĠNTĠ MATERĠALLARI



Yüklə 2,55 Mb.
Pdf görüntüsü
səhifə9/23
tarix31.01.2017
ölçüsü2,55 Mb.
#7178
1   ...   5   6   7   8   9   10   11   12   ...   23

BAKI. TĠKĠNTĠ MATERĠALLARI 
BAġ ĠDARƏSĠ 
(1938-1942-ci illər) 
 
Vətənə  qayıtdıqdan  sonra,  mən  texniki  kadrlar  sırasına  daxil  oldum.  Bu  zaman  Azərbaycanda  Tikinti 
Materialları  BaĢ  Ġdarəsi  təĢkil  olunurdu.  O  idarənin  səlahiyyəti təxminən nazirlik  səlahiyyətinə bərabər idi  və 
həmin  idarə  Ġttifaq Tikinti Materialları  Nazirliyinin  tabeliyində  idi.  Bu  idarəyə  rəis  mühəndis  Əlizadə  Zeynəb 
Ġbrahim  qızı  təyin  edilmiĢdi.  Mir  Cəfər  onu  vəzifəyə  təyin  etdikdə,  tapĢırmıĢdı  ki,  o,  özünə  müavin  olaraq 
təcrübəli  mühəndis  seçsin.  Əlizadə  qabaqlar  Bakı  Sovetinin  mənim  baĢ  mühəndis  iĢlədiyim  yerli  sənaye 
Ģöbəsinin sisteminə daxil olan daĢ karxanalarında iĢləmiĢdi. Əlbəttə ki, o məni yaxĢı tanıyırdı və o, Bağırova 
Vəkilovun namizədliyini təklif etdi. Bağırov soruĢdu: “O, Faris bəy?” Etiraz etmirəm, götürün”. Beləliklə, mən 
BaĢ idarənin baĢ mühəndisi oldum. 1940-cı il rəis Əlizadəni mühəndis ġərifov Məmməd Qasım oğlu əvəz etdi. 
Bu  vaxt  mən  çox  əhəmiyyətli  bir  tədbir  həyata  keçirdim.  Mən  qır  biĢirməyin  mexanikləĢdirilməsini  iĢləyib 
hazırladım.  Qır  biĢirilərkən  qazanlarda  qır  kütləsi  uzun  polad  Ģtanqalar  vasitəsilə  əl  ilə  qarıĢdırılırdı.  Mən  bu 
əməliyyatı  mexanikləĢdirdim.  Elektrik  mühərriki  ilə  iĢləyən  qarıĢdırıcının  layihəsini  hazırladım.  Sınaq  yaxĢı 
nəticə verdi. BaĢ idarədə rəisin təsdiq etdiyi hesablamalar göstərdi ki, ölkə ildə 50000 manat məbləğində qənaət 
etmiĢ  olacaqdır.  Məni  mükafata  təqdim  etdilər,  lakin  bu  zaman  müharibə  baĢlandı,  mükafatın  məbləği  çox 
böyük  idi,  mən  yalnız  onun  bir  hissəsini  ala  bildim.  Söz  verdilər  ki,  qalan  hissəsini  müharibədən  sonra 
verəcəklər. Müharibə baĢa çatdıqda (1945-ci il) mən elə vəziyyətdə idim ki, mükafat haqqında danıĢmağa belə 
dəyməzdi. Mənə çatan məlumatata görə mexanikləĢdirilmiĢ qırbiĢirmə prosesindən Xırdalandakı qır zavodunda 
istifadə  edilirdi.  Sonra  mənim  cəbhəyə  kömək  əmək  fəaliyyətim  baĢlandı.  Hərbçilərin  xahiĢi  ilə  əsgərlərin 
səngər  Ģəraitində  inkiĢaf  edən,  artan  parazitlərlə  mübarizə  üçün  səyyar,  daĢına  bilən  duĢxana  qurğusunu 
sınaqdan keçirdilər, kütləvi buraxılıĢa razılıq verildi. Hazır qurğuları hərbçilər lazım olan yerlərə çatdırırdılar. 
Cəbhəyə  ikinci  xidmətim,  Nalçik  Ģəhərində  yerləĢən  Tırnauz  kombinatının  mobildən  istehsalında  doğrama 
dəyirmanlarında süxurların doğranması üçün kürələr ilə təchiz etməyim oldu. Mən Tırnauz kombinatına təklif 
etdim  ki,  polad  kürələr  güclü  manqalı  çuqun  kürələr  ilə  əvəz  edilsin.  Bu  təklifim  bəyənildi  və  çuqunəritmə 
sexlərindən  biri  manqalı  Ģarların  hazırlanması  ilə  məĢğul  olmağa  baĢladı.  Bizim  idarədən  həmin  kombinat 
minlərlə kürə alırdı.  
1942-ci  ilin  gecələrindən  birində  məni  telefon  zəngi  yuxudan  oyatdı.  Bu  zəng  mənim  cəbhəyə  üçüncü 
xidmətimin  zəmini  oldu.  YoldaĢ  ġərifov  xahiĢ  etdi  ki,  onun  iĢ  kabinetinə  gəlim.  Orada  məni  pencəyinin 
ilməsində  üç Ģpal  olan,  DSĠ  (Dövlət  Siyasi  Ġdarəsinin)  iĢçisi Medvedyev  gözləyirdi.  O  mənə  müraciət edərək, 
söylədi:  “YoldaĢ  Vəkilov,  biz  bilirik  ki,  siz  cəbhə  üçün  çox  narahatlıq  keçirirsiniz.  XahiĢ  edirik  cəbhə  üçün 
üçüncü bir iĢ görəsiniz. Əl qumbaraları üçün çuqun korpuslar hazırlamaq lazım idi. Mənə çertyoju göstərdilər, 
gördüm ki, çox çətin məsələdir. Məsələ onda idi ki, qumbaranın divarları çox nazik olur, bunun üçün çox duru 
çuqun tələb olunurdu. Bizim primitiv texnika Ģəraitində belə bir çuqun almaq çox çətin iĢ idi. Öz mülahizəmi 
bildirərək,  söz  verdim  ki,  çalıĢaram  bu  məsələni  həll  edəm.  Səhəri  gün  məni  DSĠ-nin  rəis  müavininin 
(Yemelyanov  idi)  yanına  çağırdılar.  Mən  yenə  də  Medvedyevə  dediklərimi  təkrar  etdim,  söz  verdim  ki, 
bacardığımı əsirgəməyəcəyəm. Yemelyanov mənim əlimi sıxdı və müvəffəqiyyətimə ümid bəslədiyini söylədi. 
Mən  zavodda  olan  bütün  qüvvələri  səfərbər  etdim.  Səkkiz  gün  keçdikdən  sonra  mən  Medvedyevə  zəng  edib, 
xahiĢ etdim ki, gəlib sınaq nümunələrini aparsın. Bır neçə saatdan sonra Medvedyev mənə zəng çaldı və böyük 
sevinclə  təbrik  etdi.  Zavod  10000  qumbara  hazırlamaq  haqqında  sifariĢ  aldı.  Bu  sifariĢ  yerinə  yetirildi. 
Yemelyanov mənə təĢəkkürünü bildirdi. 
Müharibə  dövrü  ilə  əlaqədar  olan  dördüncü tapĢırıq daha  böyük  həcmli  idi.  Neft  sənayesi  özünün  bəzi 
prosesləri üçün odadavamlı kərpic tələb edirdi. Bu məhsul Bakıya Rusiyanın cənub zavodlarından gətirilirdi. Bu 
rayonlar düĢmən tərəfindən zəbt olunmuĢdu və kərpic gətirilməsi çox çətinləĢmiĢdi. 
Bakıda odadavamlı kərpicin istehsal edilməsi zəruri idi. Odadavamlı kərpic sexinin layihəsini vermək və 
hazırlamaq lazım idi. Mənə iki köməkçi mühəndis verdilər və biz iĢə baĢladıq. Bu, 1942-ci ilin yayı idi. Kərpic 
istehsalı bir yenilik deyildi, onun üçün xüsusi qurğu hazırlamaq lazım deyildi, ancaq həmin qurğunu hazırlamaq 
üçün çertyoj yox idi - onu hazırlamaq lazım idi. Biz bu məsələni həll edib, çertyojları öz zavodumuza təqdim 
etdik.  Hazırlanma  nəzarəti  də  mənə  tapĢırılmıĢdı.  1942-ci  ilin  payızında  mən  xüsusi  ayrılmıĢ  bir  binada 
qurğunun montaj edilməsinə rəhbərlik etməli oldum. Ġndiki kimi yadımdadır. Bizim yaratdığımız obyekt Ģəhərin 

43 
 
qırağında  “Ağ  Ģəhər”  deyilən  yerdə  yerləĢirdi,  ora  getmək  üçün  mən  iki  tramvay  dəyiĢməli  olurdum.  Nahar 
fasiləsində Ģəhərə gəlmək mümkün deyildi. Səhərdən axĢama qədər iĢ yerində qalmalı olurduq. Tərslikdən mən 
soyuqlamıĢdım, hər iki qulağım iltihablaĢmıĢdı. Qulaqlarım, baĢım bərk ağrıyırdı, hərarətim yuxarı idi. Doktor 
ġıxlinski
11
  evdə  qalmaq  lazım  olduğunu  bildirdi,  iĢdən  azad  edən  bülleten  verdi.  Lakin  mən  bu  hərəkəti  edə 
bilməzdim,  bülleten  cibimdə,  baĢı  sarıqlı  iĢə  davam  edirdim.  Bu  vəziyyətdə  iĢi  baĢa  çatdırdım  və  sexi  təhvil 
verməyə  hazırladım.  Sentyabr  ayının  28-də  sex  iĢləməyə  baĢladı.  Mən  vəzifəmi  bitirdim,  lakin  məni  bülleten 
cibimdə,  baĢı  sarıqlı  halda  birbaĢa  iĢ  yerimdən  DSĠ-nə  apardılar.  Binaya  girdikdən  sonra  mənim  ciblərimi 
axtardılar, Ģalvarımın metal düymələrini kəsdilər, mən bacardığım kimi Ģalvarımı əlimlə saxlamalı oldum. Məni 
zirzəmiyə saldılar; kiçik qaranlıq bir otaq idi, divarlardan axan su yerdə gölməçə yaratmıĢdı. BoĢ, soyuq dəmir 
çarpayının üstündə oturtdular və paraĢa
12
 ilə birlikdə qoyub çıxıb getdilər. 
Həyatımın yeni mərhələsi baĢlandı. Mənə qarĢı bu münasibət nə ilə bağlı idi - bilə bilmədim. Mənim gizli 
saxladığım cinayətkar fikirlərimi açmaq tapĢırığı alan müstəntiq ĠĢxanov aĢağıdakı sözləri deməyə məcbur oldu: 
“Sizin istehsalat fəaliyyətiniz bizə yaxĢı bəllidır - o nöqsansızdır (bu, onun dediyi sözlərdir), ancaq siz düĢüncə 
tərzinizə  görə  cəzalanmalısınız”.  O  dedi  ki,  mənim  xəstə-xəstə  iĢə  çıxmağımdan,  isti  qum  ilə  qulaqlarımı 
qızdırdığımdan xəbərdardır, ancaq bütün bunlar mənə bəraət qazandırmır. 18 il keçdikdən sonra mənim cinayət 
iĢimə yenidən baxan Dövlət Təhlükəsizlik Ģöbəsinin polkovniki Veliçenko mənə dedi ki, sənin heç bir günahın 
yoxdur,  müstəntiq  ĠĢxanovun  sənin  haqqında  topladığı  iki  cildlik  sənədlər  “heç  bir  çürük  yumurtaya  da 
dəyməz”. Lakin ömrümün bu mərhələsi ondan baĢladı ki, məni 8 ay ibtidai həbsdə saxladılar, bu müddət ərzində 
müstəntiq ĠĢxanov mənim pis düĢüncə tərzimi açmağa çalıĢır, iki tomluq sənədlərin üstündə tərləyirdi. 
Daha sonra hərbi tribunal məni, tanımadığım 32 nəfərlə birlikdə əmlakımız müsadirə olunmaqla və cəzanı 
çəkib qurtardıqdan sonra 5 il seçicilik hüququndan məhrum edilməklə 10 il həbs cəzasına məhkum etdi. Böyük 
əsəb  və  zehni  əmək  sərf  etməklə  ağır  zəhmət  çəkdiyim  1926-1942-ci  illər  üçün  Vətən  məni  bu  cür 
mükafatlandırdı.  Bu  zaman  məni  tanıyan  çox  yoldaĢlar  mənə  partiyaya  daxil  olmağı  təklif  edirdilər.  Mən  bu 
təklifləri rədd edirdim. Ġstəmirdim ki, məni partiyaya “soxulmaqda” günahlandırsınlar. Mən hiss edirdim ki, bu 
hal baĢ verməli idi. Birinci iki ili mən Lənkəran rayonunda olan ümumi həbs düĢərgələrində (cinayətkarın və 
siyasi  dustaqların  bir  yerdə  saxlandırıldıqları  düĢərgələr  ümumi  düĢərgələr  adlanırdı)  saxlanıldım.  Lənkəran 
düĢərgələrində heç bir sənaye müəssisəsi yox idi, ona görə də mən öz ixtisasım üzrə iĢləmirdim. 1946-cı ildə 
Lənkəran  düĢərgələri  ləğv  edildi.  Dustaqları  baĢqa  düĢərgələrə  payladılar  -  düĢərgələrin  sayı-hesabı  yox  idi. 
Mən  Bakının  KeĢlə  rayonunda  yerləĢən  3  nömrəli  düĢərgə  məntəqəsinə  düĢdüm.  Burada  məni  çoxları  bir 
mühəndis və bir insan kimi tanıdı. Bizim düĢərgə məntəqəsinin rəisi əvvələr ġollar su kəmərinin - ikinci Bakı 
xətti tikintisi rəisinin köməkçisi vəzifəsində iĢləmiĢdi. Bizim zavod su kəməri üçün xüsusi hissələr hazırlayırdı. 
O  zaman  mən,  zavodun  texniki  rəhbəri  kimi,  iĢçilər  ilə  birlikdə  bizim  hissələrdən  istifadə  edilən  sahələrə 
gedirdim.  Məni  su  kəməri  tikintisindən  tanıyırdılar.  DüĢərgə  məntəqəsinin  rəisi  düĢərgəyə  gəlməyimi  bilən 
kimi,  məni  tikinti  obyektlərindən  biri  olan  BEMZ-nin  texniki  Ģöbəsinə  göndərdi.  Orada  məni  tanıyan 
mühəndislərin əhatəsində idim. Mən bir az rahat nəfəs almağa baĢladım. Lakin, bu səadət uzun çəkmədi. DSĠ-də 
mənim Bakıda olduğumu bildilər, bu Mir Cəfər Bağırovun ora rəis təyin etdiyi Yaqubovu dəli kimi coĢdurdu və 
o,  Bağırova  xoĢ  olsun  deyə  məni  ciddi  rejimli  düĢərgələrdən  birinə  yollamaq  haqqında  əmr  verdi.  Bu  zaman 
mən Lənkəranda qazandığım  malyariya ilə əziyyət çəkirdim. Mən düĢərgənin tibb məntəqəsində 39-40 dərəcə 
hərarətlə  yatırdım.  Ancaq,  xəstə  dustaqları  bir  yerdən  baĢqa  yerə  daĢımağa  icazə  verilmədiyinə  baxmayaraq, 
Yaqubovun tapĢırığı ilə məni xəstəxana çarpayısından qoparıb yataba göndərdilər. On iki gün yük vaqonunda 
yol getdikdən sonra - vaqonda 70 nəfər idik - məni Mordoviyada Penza Ģəhərinin Dubravlaq rayonunda yerləĢən 
Tamnikovski düĢərgələrinə gətirdilər. Bu düĢərgələr ciddi rejimli düĢərgələr idi, onlar hər birində 50 min dustaq 
olan bir neçə düĢərgə məntəqəsindən ibarət idi. Bu zaman mən “xoĢbəxt” həyatımın yeddinci onilliyinə qədəm 
qoymuĢdum. Bu yaĢda mən dustaqların meĢədə gördükləri ağır iĢi yerinə yetirə bilmirdim. Məndən briqadaların 
yerinə  yetirdikləri  iĢlərin  hesabını  aparmaq  üçün  istifadə  edirdilər.  1952-ci  il-də  mənim  düĢərgədə  qalmalı 
olduğum 10 il həbs cəzam tamam oldu. Məni azadlığa buraxmalı idilər. Lakin, bir cinayətə görə iki cəza vermək 
olmaz qanununa zidd olaraq, məni evə buraxmaq əvəzinə 10 gün xüsusi yaradılmıĢ, çox çətin Ģəraitdə Stolipin 
vaqonunda  Qazaxıstan  vilayətinin  Karaqanda  Ģəhərinə  gətirdilər.  Orada  məni  yarısökük  kənd  evində 
yerləĢdirdilər  və  iĢ  təklif  etdilər  ki,  özümü  dolandıra bilim.  Yeni ixtisas  -  qamıĢdan  həsir toxumağı  öyrənməli 
idim. Bu iĢi görməklə mən gündə 20 qəpikdən artıq pul qazana bilmirdim. Moskvaya inadlı müraciətlərimdən 
sonra,  məni  nəhəng  kompleks  olan  Qazaxıstan  Maqnitkası  tikilən  Temir-Tau  Ģəhərinə,  öz  ixtisasım  üzrə 
iĢləməyə göndərdilər. 
 
TEMĠR-TAU. QAZAXMETALTĠKĠNTĠ 
                                                           
11
  Abdulla  ağa  Omar  ağa  oğlu  ġıxlinski  -  1899-cu  il  yanvarın  5-də  Qazaxda  anadan  olub.  1918-ci  il  aprelin  6-da  Bakı  Realnı  Məktəbini  bitirib. 
Azərbaycan  Milli  Ordusunda  yunker  kimi  xidmət  edib.  MəhĢur  generalımız  Əliağa  ġıxlinskinin  əmizadələrindəndir.  Sovet  tibb  elmində  görkəmli 
mütəxəssis, tibb elmləri namizədi kimi məĢhur idi. Abdulla ağa 1970-ci il mayın 23-də Bakıda vəfat edib - Ş. N. 
12
 Həbsxanada ləyən, vedrə 
 

44 
 
(1952-1958-ci illər) 
 
Burada  ĠMK-da  (Ġstehsalat  müəssisələri  kombinatı)  cürbəcür  tapĢırıqları  yerinə  yetirınək  üçün  mənə 
mühəndis  vəzifəsi  verdilər.  Hər  ehtimala  qarĢı  mənə  çatdırdılar  kı,  mən  buraya  “həmiĢəlik”  göndərilmiĢəm. 
Atalar sözündə deyildiyi kimi, hər anın bir hökmü var; mən Temir-Tauda həmiĢəlik qalmadım, ancaq ömrümün 
yeddi  ilini  orada  keçirməli  oldum.  Nəhəng  miqyaslı  tikinti  Ģəraitində    mexaniki-konstruktor  iĢləri  görməkdə 
lazım  gəlirdi.  Mən  orada  olduğum  müddətdə  bir  neçə  irihəcmli  iĢləri  yerinə  yetirdim,  o  iĢlərə  görə  dəfələrlə 
mükafatlandırıldım, təĢəkkürnamələr ilə təltif olundum. 
Dəmir-beton hissələr hazırlayan sexə mexaniki betonyığan tələb olunurdu. Bu, mənim ilk iĢlərimdən biri 
oldu. Bu betonyığanı Rusiyanın hər hansı bir Ģəhərindən almaq mümkün olmadı. Onu hazırlamaq üçün 1 və ya 
1,5 il vaxt verilirdi, bu da tikinti iĢlərini poza bilərdi ki, ona yol vermək olmazdı. Onu özümüz hazırlamalıydıq - 
Betonyığanı  layihələĢdirdim,  trestin  emalatxanaları  isə  onu  qurdular.  Bizim  ümumi  səyimiz  müvəffəqiyyətlə 
nəticələndi;  betonyığan  bütün  ili  dayanmadan  iĢlədi.  Soyuq  qıĢ  günlərində,  o,  açıq  havada,  buxarvermə 
kameranın  üstündə  buz  bağlayırdı,  buna  görə  onu  Çelyuskinə  yürüĢ  etmiĢ  gəmilərin  Ģərəfinə  “Çelyuskenli” 
adlandırırdılar.  Beləliklə,  mənim  köməyimlə  böyük  bir  məsələ  həll  edilmiĢdi.  Tikilməkdə  olan  beton  qatıĢıq 
qovĢağının  təchizatı  zamanı  da  ikinci  böyük  bir  çətinliklə  rastlaĢdım.  Bu,  hündürlüyü  30  metrə  yaxın  olan 
üçmərtəbəli  bir  tikinti  idi.  Avtomobillərlə  daĢınıb  zirzəmilərə  yığılmıĢ  sement  onun  yuxarı  mərtəbəsinə 
verilməli  idi.  Binadan  kənarda  yerləĢmiĢ  zirzəmilərdə  olan  sement,  yuxarı  mərtəbəyə  pnevmatik  üsul  ilə 
verilməli  idi.  Bina  tikilmiĢdi,  pnevmatika  isə  yox  idi.  Onu  yalnız  2  ildən  sonra  verməli  idilər.  Bu  müddət 
dözülməli  deyildi.  Vəziyyətdən  çıxmaq  üçün  mənə  xüsusi  tapĢırıq  verildi.  Sementi  yuxarı  mərtəbəyə  vermək 
üçün mexaniki qurğu hazırlamalı idim. Məsələni çox mürəkkəb bir Ģəraitdə həll etmək lazım idi. Mən, 70 yaĢlı 
bir qoca, 30 metr hündürlüyə qalxıb, lazım olan ölçünü götürməli olurdum. Bu məsələ də müvəffəqiyətlə həll 
edildi. Yuxarı mərtəbəyə sement vermək üçün istifadə edilməli qurğunun çertyojunu hazırladım, onun layihəsi 
verildi.  Bu,  tikinti  üçün  böyük  nailiyyət  kimi  qiymətləndirildi.  Mənim  üçüncü  diqqətəlayiq  iĢim,  taxtakəsən 
sexlə  əlaqədar  oldu.  Həmin  sexdə  -  böyük  məhsuldarlıqla  taxtakəsən  dəzgah  üç  “Bomender”  iĢləyirdi.  Çoxlu 
taxta kəpəyi əmələ gəlirdi, təmizləmək çoxlu vaxt aparırdı və bu iĢlə adətən qadınlar məĢğul olurdular. Hər bir 
iclasda  bu  iĢin  yüngülləĢdirilməsi  məsələsi  ortada  qoyulurdu.  Bu  iĢ  də  pnevmatik  görülməli  idi,  lakin  məsələ 
açıq  qalmıĢdı.  Bu  məsələni  də  həll  etmək  mənə  tapĢırıldı.  Bu  da  çox  çətin  iĢ  idi.  Pnevmatik  nəqliyyatın 
layihələĢdirilməsi  xüsusi  bilik  tələb  edirdi.  Bu  iĢlə  Leninqrad  Politexnik  Ġnstitutunun  professoru,  gərək  ki, 
ġemyakin  məĢğul  olurdu.  Mən  kömək  üçün  ona  müraciət  etməyi  qərara  aldım.  Professor  cavabında  mənə 
bildirdi ki, onun kitabı çox kiçik tirajla buraxılmıĢ, tez satılmıĢ, hətta onun üçün bir nüsxə belə qalmamıĢdır. 
Eyni  zamanda  o,  mənə  məsləhət  görürdü  ki,  çox  ehtiyatlı  olum,  hesablamalar  düzgün  aparılmasa,  mən  böyük 
müvəffəqiyyətsizliyə  uğraya  bilərəm.  Lakin,  nə  isə  etmək  lazım  idi.  Mən  bir  neçə  kitab,  o  cümlədən  də  bir 
ensiklopedik  lüğət  tapa  bildim,  həmin  lüğətdə  bəzi  hesablamaların  formulları  var  idi.  Öz  düĢüncəmə  və  bu 
formullara əsasən mən pnevmatik taxta kəpəkləri yığan mexanizmin layihəsini hazırladım. Mən müvəffəqiyyətə 
əmin  olmadığımı  baĢ  mühəndisə  bildirdim,  bununla  mən  üzərimə  düĢən  məsuliyyəti  onunla  bölüĢmək 
istəyirdim.  Ġxtisasca  inĢaatçı  gənc  oğlan  baĢ  mühəndis  məsuliyyətə  mənimlə  birlikdə  cavabdeh  olacağını 
söyləməklə, məni daha da ruhlandırdı. Ancaq mexanizmi iĢə salarkən sexdəki iĢçilər ona sualla müraciət etdikdə 
cavab verirdi ki, bu iĢdən o, xəbərdar deyildir. ĠĢi bu təcrübəli, qocaman Ģəxs həyata keçirir o da müvəffəqiyyətə 
nail  olmalıdır.  BaĢ  mühəndisin  məsuliyyəti  mənimlə  bu  cür  “bölməyi”  mənim  kefimi  pozurdu.  Mən  hiss 
edirdim  ki,  vəziyyətdən  tək  çıxmalı  olacağam.  Lakin  tale  mənə  yar  oldu,  qurğu  müvəffəqiyyətlə  iĢləməyə 
baĢladı.  Rəhbərlik  mənə  təĢəkkürünü  bildirdi.  Qadınlar  bu  ağır  iĢdən  azad  olmuĢdular.  Ancaq,  onların  narazı 
qalmaları mənim təəccübümə səbəb oldu. Onları əvvəlkindən də ağır bir sahəyə keçirmiĢdilər. Bir az sonra onlar 
boyunlarına  aldılar  ki,  iĢ  həqiqətən  də  çox  ağır  imiĢ,  lakin  onlar  əmək  haqqlarının  artmasını  tələb  etmək 
niyyətində imiĢlər, mənim belə bir qurğu yaratmağım onlara böyük zərər gətirmiĢdi. Buna görə də onlar məni 
“lənətə  gəlmiĢ  qoca”  adlandırırdılar.  Temir-Tau  Ģəhərində  mənim  dördüncü  iĢim  ağackəsən  maĢının 
bünövrəsinin  möhkəmləndirilməsi  oldu.  Bu  aqreqatı  quraĢdırarkən  süxurun  vəziyyətini  nəzərə  almamıĢdılar. 
Süxurun  möhkəm  olmamasına  görə  maĢın  möhkəmliyini  itirirdi.  Ağackəsən  dəzgah  laxlamağa  baĢlamıĢdı. 
Möhkəmlətmək  üçün  onu  bünövrədən  çıxarmaq  və  yenidən  quraĢdırmaq  lazım  idi.  Bu  da  iĢin  uzunmüddət 
dayanması demək idi. Mən təklif etdim ki, onu sökmədən, bünövrəni möhkəmlətməklə bu çətinlikdən çıxmaq 
olar.  MaĢına  lazım  olan  möhkəmliyi  vermək  üçün  bünövrə  Salı  ilə  birləĢdirilmiĢ  və  sement  qatıĢığı  ilə  üstü 
örtülmüĢ  metal  konstruksiyasının  layihəsini  hazırlamalı  olduq.  Bütün  əməliyyatı  bir  həftə  ərzində  yerinə 
yetirdik. Beləliklə, mən Timur-Tauda yeddi illik sürgündə olduğum illər ərzində bir neçə əmək qələbəsinə nail 
ola bildim. Rəhbərlik mənim iĢimi qiymətləndirirdi, bu haqda Ģəhər və vilayət qəzetlərində yazılar çap edilirdi. 
1958-ci  ildə  ittifaqda  siyasi  Ģəraitdə  olan  dəyiĢikliklər  ilə  əlaqədar  olaraq  mən  vətənə  qayıtmaq  hüququ  əldə 
etdim. Bu zaman Qazax-metal tikinti trestində mənə iĢ təklif etdilər və söz verdilər ki, ailəli yaĢamaq üçün lazım 
olan hər bir Ģəraitlə təmin edəcəklər. Lakin, bu vaxtı Bakıda Bağırov və  məni həbsdə saxlamağa çalıĢan onun 

45 
 
əlaltıları  artıq  həbs  edilmiĢdilər.  Gələcəkdə  mən  bəraət  qazana  bilərdim,  ona  görə  də  evə  qayıtmaq  qərarına 
gəldim. 
 
BAKIYA QAYIDIġ 
 
Vaxtı ilə mənimlə birgə iĢləmiĢ və məni yaxĢı tanıyan mərhum Bədəlov Kamal Dəmir oğlu Temir-Tauya 
məktub yazır və təkid edirdi ki, mən Bakıya qayıdım. Ömrün 18 ilini müxtəlif cəza yerlərində keçirdikdən sonra 
vətən  məni  yaxĢı  qarĢıladı.  Bu  zaman  Kamal  Dəmir  oğlu  Sovnarxozun  nəzdində  olan  tikinti  materialları 
idarəsində rəis  müavini  vəzifəsində iĢləyirdi.  O,  idarənin  bütün iĢçilərini  topladı  və  mənə  Qazaxmetaltikintidə 
verilmiĢ xasiyyətnaməni onlara oxudu. YoldaĢlar məni öz kollektivlərinə götürmək arzularını bildirdilər. Məni 
Tikinti Materialları və Qurğuları Elmi Tədqiqat Ġnstitutunun direktoru yoldaĢ Məlik-Yeqanova Tura xanım idi. 
Məlik-Yeqanova yüksək səviyyəli iĢçilər sırasına daxil idi. Dərin, parlaq zəkaya malik olan bu qadın, öz mənəvi 
cəhətlərinə  görə  də  baĢqalarından  kəskin  surətdə  fərqlənirdi.  Onun  yaratdığı  Ģəraitdə  iĢləmək  özü  də  böyük 
xoĢbəxtlik  idi.  Onun  daxili  aləmi  ruhən  kübar  qadının  aləmi  idi.  Hamı  ilə  əlaqə  saxlayan,  dil  tapan bu  qadın 
yanındakılardan seçilirdi. Onun mənə qarĢı olan münasibəti, baĢqalarına qarĢı olan münasibətdən seçilirdi. Mən 
onunla  olan  Ģəxsi  söhbətlərimdə  heç  bir  vaxt  18  il  cəza  yerlərində  olduğum  illər  haqqında  söhbət  açmırdım. 
Ancaq  buna  baxmayaraq  hiss  edirdim  ki,  o,  mənə  qarĢı  olan  ədalətsizliyi  yaddan  çıxartmır  və  çalıĢır  ki, 
institutda iĢlədiyim Ģərait mənə keçmiĢləri yaddan çıxartmağa kömək etsin. Bütün bunları yaxĢı baĢa düĢərək 
mən institut üçün yaddaqalan, xüsusi əhəmiyyət kəsb edən bir iĢ görmək istəyirdim. Çox təəssüflər olsun ki, bu 
mənə,  müyəssər  olmadı  və  institutda  iĢlədiyim  8  il  mənim  üçün  peĢimanlıq illərinə  döndü.  Məni 80  yaĢın da, 
böyük  hörmət  və  məhəbbətlə  pensiyaya  çıxartdılar.  Mən  özümü  bu  Ģərəfə  layiq  bilmədiyim  üçün  əhəmiyyət 
kəsb  edən  iĢlərimi  yada  salıb  məmnum  olurdum.  Ancaq  sonuncu  mərhələdə  mən  heç  bir  yadda  qalan  iĢ 
görmədən  orqanı  tərk  etməli  oldum.  Mən  Məlik-Yeqanovanın  ümidlərini  boĢa  çıxartmıĢ,  onun  gözlədiyi 
fəaliyyəti doğrultmamıĢ olduğumu düĢündükcə, çox ağır bir hiss keçirirdim. 
 
 
 
 
 
 
DAġÇIXARMA LABORATORĠYASININ 
DAġYIĞAN MAġINI 
 
Mənə  institutda  tikinti  materiallarının  hazırlanması  prosesində  lazım  olan  maĢınların  və  qurğuların 
çertyojlarını  iĢləyib  hazırlayan  xüsusi  konstruktor  bürosuna  (XKB)  rəhbərlik  etmək  tapĢırılmıĢdı.  XKB-nin 
birinci  iĢi  institutun  nəzdində  olan  daĢçıxartma  laboratoriyasının  təklifini  iĢləyib  hazırlamaq  oldu,  bu  iĢi 
xatırladıqca  mən  dərin  bir  peĢimançılıq  hissi  keçirirəm.  Süxurlardan  daĢ  kubikləri  yonularkən,  bu  kubiklərin 
maĢınların altından yığılması çox ağır iĢdir. Bu iĢ bir əl ilə yerinə yetirilirdi. Bu iĢi mexanikləĢdirmək lazım idi. 
Laboratoriyanın  iĢçilərindən  biri  Politexnik  Ġnstitutunun  üçüncü  kurs  tələbəsi  Qabrielyan  kəsilmiĢ  kubikləri 
yığan maĢın düzəltmək istəmiĢdi. O bu maĢının Ģəklini çəkmiĢ, laboratoriyaya təqdim etmiĢdi. Lakin bu maĢın 
üzərində dərindən düĢünmək və maĢınqayırma zavodlarında istifadə edilə bilən elmi çertyojlar hazırlamaq lazım 
idi. Bu tapĢırığı ġmidt zavodunun konstruktorlarına vermək istəyirdilər. Bu eskizlə tanıĢ olduqdan və onun çox 
savadsız  tərtib  edildiyini  müəyyən  etdikdən  sonra  ġmidtçilər  onu  iĢləyib,  hazırlamaqdan  imtina  etdilər. 
Ġnstitutun  nəzdində  XKB-nin  açılmasını  eĢidən  laboratoriya  ilk  növbədə  həmin  tapĢırığı  yerinə  yetiriləcəyinə 
əmin idi. XKB-nin yarandığı ilk günlər idi, təklifi rədd etmək olmazdı. Mən direktoru iĢin çətinliyindən, eskizin 
çox savadsız olmasından xəbərdar etdim, eyni zamanda ona çatdırdım ki, bu iĢdən imtina etmək lazımdır. ĠĢə 
baĢlamağa  məcbur  olduğumu  gördükdə,  xahiĢ  etdim  ki,  Qabrielyanı  da  layihələĢdirmə  iĢinə  cəlb  etsinlər. 
FikirləĢdim ki, onun özünün iĢtirakı ilə, onun müəlliflik hüququna toxunmadan layihədə lazım olan dəyiĢilikləri 
edərik.  Aqreqatın  üzərində  nə  qədər  çalıĢsaq  da  onu  lazım  olan  tələblərə  cavab  verməli  hala  gətirə  bilmədik. 
Mən bu haqda təkcə öz direktorumuza deyil, eyni zamanda Sovnarxozun Tikinti Materialları Ġdarəsinin rəisinə 
də  məlumat  verdim.  XahiĢ  etdim  ki,  idarəyə  gəlsinlər  və  çertyojlar ilə  tanıĢ  olsunlar.  Rəhbərlik  həmin  maĢını 
qurmaq  qərarına  gəldi.  Onu  qurdular,  zavodda  sınaqdan  da  keçirdilər.  Zavodda  elə  bil  ki,  yaxĢı  nəticə  alındı, 
lakin  daĢ  karxanasında,  əsl  iĢ  Ģəraitində,  o  iĢə  yaramırdı.  Laboratoriyanın  təĢəbbüsü  iflasa  uğradı.  Təklifin 
müəllifləri,  o  cümlədən  də  demək  olar  ki,  maĢınqayırma  iĢindən  tamamilə  xəbərsiz  olan  laboratoriya  müdiri 
Qarbulov özü müvəffəqiyyətsizliyi XKB-da gördülər. Onların fikrincə guya XKB bu iĢi “bacarmamıĢ”, ya da ki, 
bu təklifin həyata keçirilməsinə “bilə-bilə” - maneçilik törətmiĢdir. Bu uzunu XKB-ya pis münasibətlənirdi. Bir 
istiqamətdə iĢləməli iki orqan arasındakı bu münasibət müsbət nəticə verə bilməzdi. 
 

46 
 
 
 
 
 
Yüklə 2,55 Mb.

Dostları ilə paylaş:
1   ...   5   6   7   8   9   10   11   12   ...   23




Verilənlər bazası müəlliflik hüququ ilə müdafiə olunur ©www.azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin