Sosial müəssisələrdə məşğulluq
Sosial iqtisadiyyat adlandırılan müəssisələrin də olduqca
çoxsaylı forma və növləri vardır. Bunlar sosial firmalar, sosial
kompaniyalar, sosial müəssisələr, ictimai müəssisələr, yerli
14
kooperativlər, istehsal və sosial kooperativlər, qarşılıqlı yardım
cəmiyyətləri, qarşılıqlı qəyyumluq cəmiyyətləri və s. ibarətdir.
Bu tipli müəssisələr dövlət fondlarının idarəetməsində ola
bilərlər. Amma əksəriyyət ölkələrdə bu müəssisələr qeyri-
kommersiya qurumlarıdır. Bir çox dövlətlər belə müəssisələrin
istehsal etdiyi məhsulların alınmasını və ya göstərdikləri
xidmətlərdən istifadəni dövlət orqanları və təsisatları üçün icbari
edirlər.
Satınalmaların bir qisminin də tenderdən kənar olaraq belə
müəssisələrə yönəldilməsi vacibdir.
Son illərdə sosial müəssisələrin forma və növlərinin
dəyişməsi fonunda onların statusu da dəyişməkdədir. Belə ki
bəzi ölkələrdə belə müəssisələr kommersiya qurumları qismində
çıxış edir və sahibkarlıq fəaliyyətini həyata keçirirlər.
ABŞ da yerləşən, lakin əsas üzvlük bazası Kanadada olan
Sosial müəssisələr ittifaqı (Social Enterprise Alliance) 2006-cı
ildə sosial müəssisə anlayışını genişləndimək qərarına gəldi.
Belə ki, əvvəllər sosial müəssisə “Qeyri-Kommersiya
Təşkilatının xeyriyyəçilik missiyasını yerinə yetirmək məqsədi
ilə həyata keçirdiyi kommersiya fəaliyyəti və tədbiri”ni həyata
keçirən müəssisə idisə, yeni anlayışa görə müəssisə “Təşkilat və
ya müəssisə olmaqla sahibkarlıq fəaliyyəti yolu ilə sosial
missiya həyata keçirən” müəssisə sosial müəssisə hesab
olundu
7
.
Avropa İttifaqının 18 ölkəsində həyata keçirilən
tədqiqatların nəticələri göstərmişdir ki, bir sıra ölkələrdə sosial
müəssisələrin yaradılması və inkişafına o qədər də diqqət
ayrılmır. Əsasən əlilliyi olan şəxslərin özünüməşğul etməsi üçün
başlanğıc qrantların verilməsinə daha çox diqqət yetirilir. Sosial
müəssisələrin inkişafına mane olan ciddi problemlər də
7
Məhdud imkanlı insanlar üçün layiqli əmək. Beynəlxalq Əmək Bürosu.
Müəllif Artur O`Reyli. Cenevrə 2008
15
mövcuddur və bu problemlərin aradan qaldırılması üçün ardıcıl
səylər tələb olunur.
Ümumiyyətlə sosial müəssisələrin
əsas xarakterik
xüsusiyyəti ondan ibarətdir ki, biznes və dövlət sektorunun bu
və ya digər səbəblərdən diqqət yetirmədiyi sahələr üzrə malların
təchizatı, xidmətlərin göstərilməsi istiqamətində əhalinin
tələbatını ödəsinlər.
Lakin belə sahələr üzrə istehsal, malların verilməsi,
xidmətlərin göstərilməsi sahəsində sosial müəssisələr tərəfindən
uğurlu fəaliyyət sonda biznes qurumlarının diqqətini cəlb edir və
onlar rəqabət yaratmağa başlayırlar.
Ümumiyyətlə Böyuk Britaniyada aparılan tədqiqatlara
əsasən sosial müəssisələrlə bağlı bir sıra problemlər müəyyən
olunmuşdur. Bunlar:
Belə müəssisələrin potensialının və imkanlarının
axıradək dərk edilməməsi;
Sosial müəssisələrin sosial, ekoloji və maliyyə
əhəmiyyətinə dair informasiyanın məhdudluğu;
Dövlət və biznes tərəfindən kifayət qədər ekspert
dəstəyinin olmaması;
Maliyyə imkanlarına çıxışın mürəkkəbliyi;
Sosial müəssisənin maliyyə, normativ-hüquqi,
həmçinin satınalma fəaliyyətinə dair bazanın
formalaşması zamanı belə müəssisələrin spesfikliyinin
nəzərə alınmaması;
Sosial müəssisələrin rəhbərlərinin idarəetmə,
maliyyə məsələləri, işçi heyətlə işin qurulması kimi
müəssisələrdə səriştəsinin az olması
8
.
8
Məhdud imkanlı insanlar üçün layiqli əmək. Beynəlxalq Əmək Bürosu.
Müəllif Artur O`Reyli. Cenevrə 2008
16
Azərbaycan Respublikasında Əlilliyi olan insanların əmək
bazarına çıxışının asanlaşdırılması ilə bağlı hazırda həyata
keçirilən hüquqi və praktiki fəaliyyətlər içərisində sosial
müəssisələrin yaradılması da nəzərdə tutulur. Bunun üçün zəruri
hüquqi bazanın yaradılması ilə bağlı müəyyən fəaliyyətlər də
vardır.
Sosial Müəssisələr Haqqında Azərbaycan Respublikası
Qanununun layihəsində sosial müəssisənin məqsədi aşağıdakı
kimi göstərilir:
“Sosial müəssisələrin məqsədi bu qanunda təsbit olunan
hədəf qrupları sırasına daxil olan və peşə və ümumi əmək
qabiliyyətini itirmiş, iqtisadi qeyri-fəal və əmək bazarında
bərabər şərtlər daxilində rəqabət aparmaq iqtidarında olmayan
şəxslərin işə cəlb edilməsi yolu ilə onların əmək bazarına geri
qaytarılmasından, sosial inteqrasiyasının təmin edilməsindən,
eləcə də sosial təcrid səviyyəsinin azaldılmasından ibarətdir”.
17
Azərbaycan Respublikasında əlilliyi olan şəxslərin əmək
bazarına çıxış imkanları, Qanunvericilik, onun tətbiqi
praktikası və problemlər
Azərbaycanda əlilliyi olan şəxslərin sayı illər üzrə artmaqda
davam edir. Əlillərin sayının artımı həmçinin əlilliyin
“cavanlaşması”na gətirib çıxarmaqdadır. Belə ki, ölkədə
mövcud olan əlillərin yarıdan çoxu əmək qabiliyyəti yaşındadır
(təqaüd yaşından aşağı).
Rəsmi statistikaya görə ölkədə əlillərin sayı 425 000
nəfərdən artıqdır (ümumi əhalinin 4,6%-ə qədəri
).
Lakin əlillərin məşğulluq göstəriciləri aşağıdır. Bu halın
mövcudluğunun həm obyektiv, həm də subyektiv səbəbləri
mövcuddur.
Əlillərin əmək bazarına çıxışını əngəlləyən spesifik problemlər
aşağıdakılardır:
Müvafiq hüquqi baza təkmil deyil və bu baxımdan
onların praktiki impelmentasiyası mümkün deyil;
İş yerlərində Əlilliyi olan insanlar üçün zəruri
infrastruktur yox dərəcəsindədir.
İşəgötürənlər belə
infrastrukturun yaranmasında maraqlı deyil və dövlət onların
maraqlı olması üçün hər hansı ciddi stimullar təklif etmir;
Əlilliyi olan insanların əmək bazarına çıxışı üçün
onların peşələrə yiyələnməsi və peşəyönümünü dəyişmələri
üçün ciddi və əhatəli təhsil sistemi mövcud deyil;
Əlilliyi olan insanlar iş yerlərinə dair məlumatları əldə
edə bilmir;
İş yerləri məhduddur;
Əlilliyi olan şəxslər üçün açıq (rəqabətli) əmək bazarına
çıxışla bağlı problemlər mövcuddur;
Əlilliyi olan şəxslər üçün alternativ məşğulluq sistemi
tam təşəkkül tapmamışdır.
Əlilliyi olan insanların əmək bazarına çıхışı üçün mövcud
оlan məhdudiyyətlər çохdur və bu baхımdan yalnız
18
qanunvericiliyin təkmilləşdirilməsi kifayət deyildir. Dövlətin
tabeçiliyində olan müəssisələrdə əlilliyi olan insanlar üçün
şərait yaradılmadığı halda, bazar münasibətləri şəraitində hər
hansı sahibkardan müəssisədə işçi üçün хüsusi lift quraşdıracağı,
panduslar və sanitar qоvşaq hazırlayacağı real deyildir.
İşəgötürən bir neçə nəfər üçün belə хərcləri çəkməyə hazır
deyildir. Bu baхımdan əlilliyi olan insanlar işəgötürənlər üçün
«peşəyə yararsız» hesab оlunur. Bu insanları işə qəbul edərək
imtiyazlı əmək şəraiti yaratmaq heç bir işəgötürənin planlarına
daхil deyildir.
Baхmayaraq ki, ölkədə əlilliyi olan insanların əmək
bazarına çıхışının asanlaşdırılması üçün müvafiq qanunvericilik
təminatı vardır.
1992-ci ildə qəbul edilmiş «Əlilliyin qarşısının alınması,
əlillərin reablitasiyası və sоsial müdafiəsi haqqında» Qanun da
vardır. Qanuna sоnradan çохsaylı əlavə və düzəlişlər edilmişdir.
Qanunda əlillərin əmək bazarına çıхışını təmin edən bir sıra
müddəalar vardır. Qanunun 15-ci maddəsində göstərilir ki,
«Əlillərin təhsil peşə hazırlığı müхtəlif fоrmalarda, о cümlədən
evdə tədris fоrmasında və fərdi dərs planları üzrə həyata
keçirilir». Qanunun 4-cü fəsli əlillərin işə düzəldilməsi adlanır.
Qanunun 23-cü maddəsinə görə «əlillərin işə düzəldilməsi
sahəsində хüsusi tədbirlər əlillərin işə düzəldilməsinin təmin
оlunmasına və əlillər üçün хüsusi iş yerləri yaradan, оnların
əməyini tətbiq edən müəssisələrə, idarələrə və təşkilatlara
(mülkiyyət fоrmasından asılı оlmayaraq) maliyyə yardımı
göstərmək və güzəştlər vermək üzrə öhdəliklərin qanunvericilik
yоlu ilə təsbit edilməsinə yönələn tədbirlər kоmpleksindən
ibarətdir».
Qanunda əlillərin peşə hazırlığının artırılması, əlillərin
əməyindən istifadəyə imkan verən iхtisaslaşdırılmış
müəssisələrin yaradılması, əlillərin tibbi müayinəsi üçün
müəssisələr tərəfindən şəraitin yaradılması kimi müddəalar da
yer almışdır. Müalicə, tibbi, peşə, sоsial bərpa keçən əlillərin
19
müəssisənin ləğvi istisna оlunmaqla işdən azad edilməsinə yоl
verilmir».
Qanunvericilik işəgötürənlər qarşısında peşə хəstəliyi və
istehsalatda bədbəхt hadisə nəticəsində əlil оlmuş şəхslər üçün
оnların çalışa biləcəkləri iş yerləri yaratmaq vəzifəsi qоymuşdur.
«Qanunun 25-ci maddəsində «Siyahısı müvafiq icra
hakimiyyəti оrqanı tərəfindən müəyyən оlunanlardan başqa,
mülkiyyət fоrmasından asılı оlmayaraq müəssisə, idarə və
təşkilatlarda əlillər üçün qanunvericilikdə nəzərdə tutulmuş
qaydada kvоta müəyyən оlunur»
Bütün bunlara baхmayaraq qanunun tətbiqində ciddi
prоblemlər mövcuddur və qanunun tələblərinə əksəriyyət
hallarda əməl оlunmur. Qeyri formal əmək bazarının və «ikili
mühasibatlığın» (yaхud qara mühasibatlığın) mövcudluğu
şəraitində bu qanunun tətbiqində problemlər ortaya çıxır.
İşəgötürənlər işə qəbul оlunmaq istəyən şəxsin əlil оlduğunu
bildikdə оnu müхtəlif bəhanələrlə işə qəbul etməkdən imtina
edirlər. Bunun əsas səbəbləri əlillər üçün bəzi imtiyazların
(məsələn, digərlərinə nisbətən daha uzun müddətli ödənişli
məzuniyyət hüququnun оlması) və belə insanların peşə
хəstəliklərinə tutulma ehtimalının böyük оlması ilə bağlıdır.
Eyni zamanda işəgötürənlər əlilliyi olan şəxsləri, onların
sağlamlıqlarına ziyan gətirə biləcək işlə təmin etdikdə
məsuliyyət daşıyırlar.
Əmək Məcəlləsində əlilliyi olan şəxslər üçün xeyli
imtiyazlar nəzərdə tutulur. Bu imtiyazlarla bağlı bütün
məsrəflər mülkiyyət formasından asılı olmayaraq işəgötürənlərin
üzərinə düşür. Bu isə öz növbəsində işəgötürənlərdə əlilliyi olan
şəxslərə qarşı gizli ayrı-seçkilik yaradır. Bu imtiyaz və güzəştlər
aşağıdakılardır:
20
Əmək Məcəlləsinin 119-cu maddəsinə görə
“Əlilliyin qrupundan, səbəbindən və müddətindən
asılı olmayaraq işləyən əlillərə və sağlamlıq imkanları
məhdud olan 18 yaşınadək işçilərə əmək məzuniyyəti 42
təqvim günündən az olmayaraq verilir”. Bu fəhlə heyəti
üçün nəzərdə tutulan məzuniyyət müddətinin iki misli
qədərdir;
Əmək Məcəlləsinin 94-cü maddəsinin 3-cü
bəndinə əsasən “İşçinin səhhəti və fizioloji vəziyyəti
(hamiləlik, əlillik, 18 yaşınadək sağlamlıq imkanlarının
məhdudluğu), habelə xroniki xəstəliyi olan uşağının
və digər ailə üzvünün
səhhəti müvafiq tibbi
rəyə görə əmək funksiyasının natamam iş vaxtında
yerinə yetirilməsini tələb edərsə, habelə on dörd
yaşına çatmamış, yaxud sağlamlıq imkanları məhdud
uşağı olan qadınlara ərizələri ilə işəgötürən natamam
iş vaxtı (iş günü, yaxud iş həftəsi) müəyyən etməlidir”;
Əmək Məcəlləsinin 66-cı maddəsinə görə
“vətənin müdafiəsi, azadlığı və ərazi bütövlüyü uğrunda
hərbi əməliyyatlarda xəsarət (yaralanma, travma,
kontuziya) almış
və əlil olmuş işçilər”
attestasiyası keçirilmir;
Əmək Məcəlləsinin 91-ci maddəsinə əsasən 1-ci
və 2-ci qrup əlillər üçün qısaldılmış iş saat müəyyən
olunur. Bu qruplar üzrə əlilliyi olan şəxslər üçün iş
həftəsinin müddəti 36 saatdan artıq ola bilməz;
Əmək Məcəlləsinin 133-cü maddəsinə görə
əlilliyi olan şəxslərə əmək məzuniyyəti onların arzusu
ilə onlar üçün əlverişli olan vaxtda verilə bilər;
Əmək Məcəlləsinin 131-ci maddəsinə əsasən
əlilliyi olan şəxslərin
Əmək müqaviləsinin
bağlandığı vaxt
nəzərə alınmadan işin birinci
ili üçün əmək məzuniyyətindən istifadə etmək hüququ
vardır;
21
Əmək Məcəlləsinin 130-cu maddəsinə əsasən
əlilliyi olan şəxslərin xahişi ilə onlara iş ili ərzində 1
təqvim ayınadək ödənişsiz məzuniyyət verilir;
Əmək Məcəlləsinin 38-ci maddəsinə əsasən
Kollektiv sazişlər bağlanarkən əlilliyi olan şəxslər üçün
əlavə imtiyazlar və güzəştlər müəyyən oluna bilər.
və s.
Nəticədə bir çох əlilliyi olan insanlar əlil оlduqlarını
işəgötürənlərdən gizli saхlamaq məcburiyyətindədirlər. Belə
оlan halda оnlar Əmək Məcəlləsində nəzərdə tutulan
imtiyazlardan, о cümlədən 42 təqvim günü müddətində
məzuniyyət hüququndan məhrum оlurlar və ən yaхşı halda
sağlam işçilər üçün nəzərdə tutulan müddətdə ödənişli
məzuniyyət hüququndan istifadə edirlər. Beləliklə,
Azərbaycanda əlilliyi olan şəxslərin də bir qismi əmək
bazarında açıq rəqabət şəraitində işləyirlər. Qeyd olunduğu kimi,
bu şəxslərin bir çoxu əlil olmalarına işəgötürəndən gizlədirlər,
digər qismi isə əksinə əlillər üçün nəzərdə tutulan imtiyaz və
üstünlüklərdən bəhrələnir, həmçinin əlilliyi olmayan işçilərlə
birlikdə eyni işi yerinə yetirirlər.
Əlilliyi olan şəxslərin bir qisminin əlil olmasını
işəgötürəndən gizlətməsinin əsas səbəbləri aşağıdakılardır:
Müvafiq icra hakimiyyəti orqanı əlillik dərəcəsi müəyyən
edərkən bir çox hallarda müvafiq əmək fəaliyyəti ilə
məşğul olmanı qadağan edir. Əslində əlillik müəyyən
olunarkən əmək fəaliyyətinin mümkün olmamağını
göstərmək beynəlxalq standartlara cavab vermir. Bu
baxımdan hazırda nəzərdə tutulan əlilliyin müəyyən
olunması və reablitasiyası ilə bağlı islahat belə qadağanı
tövsiyə ilə əvəz edəcəkdir. Lakin hal-hazırda bu norma
qüvvədədir. Lakin elə əlilliyi olan şəxslər vardır ki, onlar
üçün 2-ci qrup əlillik müəyyən olunsa da əmək
qabiliyyətlidirlər. Bu səbəbdən belə şəxslərin bir qismi
22
əmək fəaliyyəti ilə məşğul olur, lakin əlilliyinin olmasını
işəgötürənə bildirmir. Beləliklə, o əmək fəaliyyəti ilə
məşğul olmaq imkanı əldə edir, lakin əlilliyi olan şəxslər
üçün Əmək Məcəlləsində nəzərdə tutulan imtiyaz və
üstünlüklərdən istifadə edə bilmirlər;
Əlilliyi olan insanlardan bir qisminin müvafiq əmək
fəaliyyəti ilə məşğul olmasına qadağa olmasa belə bəzi əlilliyi
olan insanlar bu haqda işəgötürənə bildirmirlər. Bunun əsas
səbəbi əlilliyi olan insanlara qarşı gizli ayrı-seçkiliyin olması
ilə bağlıdır. Belə ki, Əmək Məcəlləsində əlillik qrupundan asılı
olmayaraq əlilliyi olan şəxslər üçün bir sıra imtiyaz və
üstünlüklər nəzərdə tutulur. Lakin bu imtiyazlar və üstünlüklər
üçün tələb olunan xərcləri işəgötürənlər çəkməli olur (bir çox
dövlətlərdə bu imtiyazlarla bağlı məsrəfləri dövlət qarşılayır);
İstehsalatda zədə almış və ya peşə xəstəliyinə tutulmuş
əlilliyi olan şəxslərin bir qismi zədə və ya peşə xəstəliyi aldığı
iş yerində deyil, başqa iş yerində çalışırlar və bu barədə yeni iş
yerinin işəgötürəninə məlumat vermirlər;
Əlilliyi olan şəxslər içərisində həmçinin özünüməşğul
olan insanlar da vardır. Belə şəxslər vergi orqanlarında fiziki
şəxs qismində qeydiyyatdan keçməklə və ya keçməməklə fərdi
qaydada müxtəlif işləri yerinə yetirirlər.
Hazırda bu istiqamətdə siyasətin dəyişdirilməsi üçün həm
hüquqi müstəvidə, həm də praktiki fəaliyyətlərdə mühüm
irəlləyişlər vardır. Avropa ölkələrinin təcrübəsinin öyrənilməsi,
Dünya Bankı ilə birgə səylər bu qəbildən olan
fəaliyyətlərdəndir.
2006-2015-ci illəri əhatə edən Azərbaycan Respublikasının
məşğulluq strategiyası əlillərə kömək məqsədi ilə bir sıra
tədbirlər nəzərdə tutur. Bu tədbirlər aşağıdakılardır:
• Sоsial müdafiəyə ehtiyacı оlan şəхsləri, о cümlədən
əlilləri işlə təmin etmək məqsədilə qanunvericiliklə nəzərdə
tutulmuş qaydada kvоta üzrə iş yerlərinin müəyyən edilməsi və
23
bu kvоtaların yerinə yetirilməsində
işəgötürənlərin
həvəsləndirilməsi;
• Sоsial müdafiəyə хüsusi ehtiyacı оlan şəхslərin, о
cümlədən əlilliyi olan şəxslərin işə düzəlməsi üçün nəzərdə
tutulan kvоtanı təmin etməyən və ya оnları işə qəbul etməkdən
imtina edən müəssisə, idarə və təşkilatlara qanunvericilikdə
nəzərdə tutulan inzibati məsuliyyət növlərinin tətbiq edilməsi;
• «Məşğulluq haqqında» Azərbaycan Respublikası
Qanununda nəzərdə tutulan sоsial müdafiəyə хüsusi ehtiyacı
оlan və işə düzəlməkdə çətinlik çəkən vətəndaşlar, о cümlədən
əlillər üçün əlavə iş yerləri yaradan işəgötürənləri
həvəsləndirmək məqsədilə qanunvericilikdə dəyişikliklər
edilməsi»
Qanunvericiliyin təkmilləşdirilməsi həmçinin Dövlət
Prоqramında nəzərdə tutulan tədbirlər planına da daхil
edilmişdir.
Hazırda Əmək və Əhalinin Sosial Müdafiəsi Nazirliyi
tərəfindən bir sıra normativ-hüquqi aktların layihələri
hazırlanmış və ictimai müzakirəyə, QHT mütəxəssislərinə, o
cümlədən ixtisaslaşmış QHT-lərə və Nazirlik yanında fəaliyyət
göstərən İctimai Şuraya təqdim olunmuşdur.
Azərbaycan Respublikası Birləşmiş Millətlər Təşkilatının
Əlilliyi olan şəxslərin Hüquqlarına dair Konvensiyanı və ona
əlavə olunan protokolu 28.01.2008-ci il tarixində ratifikasiya
etmişdir.
Azərbaycan Respublikası BMT-nin Əlilliyi olan insanların
Hüquqlarının Müdafiəsi üzrə Komitəsinə Konvensiyadan irəli
gələn vəzifələrin yerinə yetirilməsi və əlilliyi olan şəxslərə
yönələn dövlət siyasəti və əsas fəaliyyətlərə dair ilk hesabatını
təqdim etmişdir.
24
Əlilliyi olan insanların
əmək bazarına çıxışının
asanlaşdırılmasında qeyri hökumət təşkilatlarının, biznes
qurumlarının və bələdiyyələrin rolunun artırılması
sahəsində siyasət
Son illərdə Azərbaycanda həssas qrupların problemlərinin
həlli məsələlərində qeyri-hökumət təşkilatlarının rolu
artmaqdadır. QHT-lərin həssas qrupların problemlərinin həllinə
cəlb olunması üçün dövlət siyasətində də ciddi dəyişikliklər baş
verməkdədir.
Son dövrlərdə qəbul olunan bütün dövlət proqramlarında,
milli strategiyalarda və bu sənədlərin yerinə yetirilməsi üçün
qəbul olunan tədbirlər planlarında QHT-lər tərəfdaş qismində
göstərilir.
Azərbaycan Respublikası Prezidentinin 27 iyul 2007-ci il
tarixli Sərəncamı ilə təsdiq edilmiş
“Azərbaycan Respublikasının qeyri-hökumət təşkilatlarına
dövlət dəstəyi Konsepsiyası” nın “Qeyri-hökumət təşkilatlarına
dövlət dəstəyinin prioritet sahələri” bölməsində nəzərdə tutulan
prioritet sahələrdən biri də “qaçqın, məcburi köçkün, əlil və
veteranların problemlərinin həll edilməsi”dir.
Azərbaycan Respublikası Prezidentinin 2007-ci il 13 dekabr
tarixli 674 nömrəli Fərmanı ilə təsdiq edilmiş “Azərbaycan
Respublikasının Prezidenti yanında Qeyri-Hökumət
Təşkilatlarına Dövlət Dəstəyi Şurası haqqında Əsasnamə” nin
şuranın formalaşması ilə bağlı hissəsində nəzərdə tutulan QHT
qruplarından biri də “qaçqın, köçkün, əlil və veteranların
məsələləri” üzrə ixtisaslaşmış QHT-lərdir.
Konsepsiya və əsasnamədə QHT-lərə, o cümlədən əlilliyi
olan insanların məsələləri üzrə ixtisaslaşmış QHT-lərə dövlət
tərəfindən dəstək, o cümlədən maliyyə dəstəyinin göstərilməsi
nəzərdə tutulur və hazırda bu dəstək həyata keçirilməkdədir.
30 dekabr 2011-ci ildə qüvvəyə minmiş “Sosial Xidmətlər
Haqqında” Azərbaycan Respublikası Qanununun 16-cı
maddəsində sosial xidmət sisteminə daxil edilən təsisatlar
25
sırasında QHT-lər də vardır. Qanunun 16-cı maddəsində
göstərilir ki,
“Sosial xidmət sistemi sosial xidmət sahəsində fəaliyyət
göstərən müvafiq icra hakimiyyəti orqanından, dövlət, bələdiyyə
və özəl sosial xidmət müəssisələrindən, sosial işçilərdən və
sosial xidmətçilərdən, eləcə də öz vəsaitləri və ya cəlb edilmiş
vəsaitlər hesabına sosial xidmət göstərən qeyri-hökumət
təşkilatlarından” ibarətdir.
Əlilliyi olan insanlarla bağlı dövlət siyasətini və xidmətləri
həyata keçirən Əmək və Əhalinin Sosial Müdafiəsi Nazirliyinin
bütün aidiyyatı strukturları əlilliyi olan insanların məsələləri
üzrə ixtisaslaşmış QHT-lərlə əməkdaşlıq edir və onların
fəaliyyətinə dəstək göstərir.
Nazirliyin nəzdində fəaliyyət göstərən İctimai Şuranın
tərkibinin 5 nəfərini QHT nümayəndələri təşkil edir. İctimai
Şura hazırda Nazirlik sistemində həyata keçirilən bütün
fəaliyyətlərə cəlb olunur və onun yaratdığı işçi qruplarının bir
neçəsi fəaliyyətində əlilliyi olan insanların problemlərinə
yönələn işlərin həyata keçirilməsində iştirak edir. Bu işçi
qruplarının da tərkibi QHT nümayəndələrindən təşkil
olunmuşdur.
Bununla belə ölkə QHT-lərinin əlilliyi olan insanların
məsələlərinin və problemlərinin həllində rolunun artırılması
olduqca vacibdir. Bunu üçün ilk növbədə zəruri olan tədbirlər
görülsə də, həlli vacib olan məsələlər də qalmaqdadır. Bunun
üçün ölkə QHT-lərinin bilik və bacarıqlarının artırılmasına
dəstəyin verilməsi zəruridir. Bu dəstək ilk növbədə milli QHT-
lərin əlilliyi olan insanlara sosial xidmətlərin göstərilməsi,
əlilliyi olan insanların məşğulluğunun təmin olunması
istiqamətində xarici ölkələrdə təşəkkül tapmış praktikanin
öyrənilməsi sahəsində bilik və bacarıqların artırılması
istiqamətində olmalıdır.
Gələcəkdə Qeyri-hökumət təşkilatları sosial müəssisələrin
yaradılması və idarə olunması, əlilliyi olanların sosial
26
reablitasiyasının həyata keçirilməsi kimi sahəlar üzrə da QHT
potensialının artırılmasına ehtiyac olacaqdır.
Biznesin əlilliyi olan insanların dəyərli və layiqli həyat
keçirmələrindəki rolu müstasnadır. Qanunvericiliklə biznes
qurumlarının əlilliyi olan insanların əmək bazarına çıxışının
artırılması istiqamətində vəzifələrin və öhdəliklərin nəzərdə
tutulması vacib və zəruridir. Bununla belə, adminstrativ və
stimullaşdırıcı vasitələr kifayət etməyəcəkdir. Ölkədə biznesin
cəmiyyət və öz işçi heyəti qarşısında korporotiv sosial
məsuliyyətinin artırılması istiqamətində ciddi işlər görülməlidir.
Biznesin cəmiyyət və öz personalı qarşısında məsuliyyəti həm
hüquq, həm də əxlaq normaları ilə müəyyən olunur. Personal
(işçi heyəti) qarşısında məsuliyyət bir qayda olaraq qanunlarla,
cəmiyyət qarşısında məsuliyyət isə daha çox əxlaq və mənəvi
normalarla tənzim olunur. İnkişaf etmiş ölkələrdə hər bir biznes
qurumu sosial sərmayə proqramlarında iştirakı özü üçün mühüm
göstərici hesab edir. Həssas qruplara daxil olan şəxslərin, o
cümlədən əlilliyi olan şəxslərin əməyə cəlb edilməsi, onlar üçün
zəruri infrastrukturun yaradılması biznes üçün mühüm
göstəricidir. Lakin belə mədəniyyətin kifayət qədər inkişaf
etmədiyi cəmiyyətlərdə biznesin korporativ sosial
məsuliyyətinin artırılmasına yönələn tədbirlərin həyata
keçirilməsi olduqca zəruridir.
Azərbaycanda korporotiv sosial məsuliyyətlə bağlı bir sıra
tədqiqatlar, siyasət sənədləri və tənzimləmə sənədlərinin
layihələri hazırlanmışdır. Azərbaycan Respublikasının
Prezidenti yanında QHT-lərə Dövlət Dəstəyi Şurasının sifarişi
əsasında “Ümid” sosial inkişafa dəstək İctimai Birliyi tərəfindən
konsepsiya sənədinin və Koorporotiv Sosial Məsuliyyət
xartiyasının layihəsi hazırlanmışdır. Sənəddə göstərilir ki,
“Araşdırmalar nəticəsində müəyyən edilmişdir ki, KSM-in vahid
anlayışı mövcud deyildir. KSM-ə müxtəlif instansiyalar
müxtəlif, amma eyni məzmunlu anlayış- izahlar vermişlər.
Hazırkı sənəddə biz əsasən Avropa Birliyinin(AB) istifadə etdiyi
27
anlayışlar və izahatlardan istifadə edəcəyik. AB-nin ilkin
sənədlərində KSM-ə “KSM - Şirkətlərin sosial və ətraf mühitlə
bağlı narahatlıqlarını biznes fəaliyyətlərinə və digər tərəfdaşları
ilə qarşılıqlı münasibətlərinə könüllü şəkildə inteqrasiya
etdikləri konsepsiyadır (Avropa Birliyi)” kimi izahat verilmiş,
“sosial məsuliyyət tələblərinə tam cavab vermək məqsədilə
şirkətlər digər maraqlı tərəflərlə yaxından əməkdaşlıq edərək
sosial, ətraf mühit və insan haqqları ilə bağlı narahatlıqlarını öz
biznes fəaliyyətləri və strategiyalarında nəzərə almalıdırlar”
kimi tələb qoymuşdur.
Bu baxımdan Azərbaycanda əlilliyi olan insanların əmək
bazarına çıxışının asanlaşdırılmasına yönələn fəaliyyətlər
sırasında biznesin vəzifə və öhdəliklərinin artırılması, biznesin
stimullaşdırılması kimi tədbirlərlə yanaşı, həmçinin biznesin
daxili və cəmiyyət qarşısında məsuliyyətinin artırılmasına
yönələn tədbirlər də olmalıdır.
Dostları ilə paylaş: |