Bələdiyyələrin əlilliyi olan insanların əmək bazarına
çıxışının asanlaşdırılmasında nə rolu ola bilər?
Təbii ki, bir sıra ölkələrdə yerli özünüidarə orqanlarının
əlilliyi olan insanların məşğulluğunun təmin olunmasındakı rolu
müstəsnadır. Lakin bizim ölkəmizdə bələdiyyələrin statusu və
maddi durumu buna imkan vermir. Lakin bələdiyyələrin bir sıra
hüquq və vəzifələri vardır ki, onlar bu hüquq və vəzifələrdən
istifadə etməklə əlilliyi olan insanların məşğulluğunun təmin
olunmasına yönələn bəzi fəaliyyətləri həyata keçirə bilərlər.
Bələdiyyə orqanları onların tabeçiliyində olan müəssisələrdə
əlilliyi olan insanlar üçün müvafiq infrastrukturun yaradılması,
əlilliyi olan insanlara sosial xidmətlərin göstərilməsi, əlilliyi
olan insanların peşələrə yiyələnməsi və ya peşəyönümünün
dəyişdirilməsi istiqamətində öz resursları ilə və ya dövlət
sifarişlərində iştirak etməklə müəyyən səylər göstərə bilər.
28
Əlilliyi olan şəxslərin
əmək bazarına çıxışını
məhdudlaşdıran əsas səbəblər
Yuxarıda aparılan təhlilləri ümumiləşdirərək belə qənaətə
gəlmək olar ki,ölkədə əlilliyi olan şəxslərin əmək bazarına
çıxışını əngəlləyən əsas səbəblərin aşağıdakılardır:
Əlilliyi olan insanların işləməsi üçün iş yerlərində zəruri
infrastrukturun zəif olması;
Əlilliyi olan insanlar əmək fəaliyyəti zamanı üçün
nəzərdə tutulan bütün imtiyazlar və güzəştlər üçün xərclərin
işəgötürənlərin üzərinə qoyulması. Bu hal əlilliyi olan
şəxslərə münasibətdə gizli ayrı-seçkilik yaradır;
Alternativ məşğulluq sisteminin təşəkkül tapmaması;
Əlilliyi olan insanların bir qayda olaraq təhsilə çıxışının
məhdud olması;
Biznesin üzərinə qoyulan vəzifələrin effektivsizliyi;
Biznesin stimullaşdırılması üçün nəzərdə tutulan
güzəştlərin formal xarakter daşıması;
Biznesin cəmiyyət qarşısında məsuliyyət hissinin
(Korporativ sosial məsuliyyət) aşağı olması;
Əlilliyi olan şəxslərin əmək bazarına çıxışının
qanunvericiliklə məhdudlaşdırılması;
Mobillik imkanları, görmə və eşitmə qabiliyyəti olmayan
və ya aşağı olan şəxslərin sərbəst və kənar yardım olmadan
hərəkət etmələri (o cümlədən müvafiq ictimai nəqliyyatın
olmaması) üçün yaşayış yerlərində hər hansı şəraitin
olmaması;
Əlilliyi olan insanların ətraf sosial mühitlə uyğunlaşmaq
problemləri;
29
Tövsiyələr
Əlilliyi olan şəxslərin açıq (rəqabətli) əmək bazarında
rəqabət qabiliyyətinin artırılması və onların əlilliyi olmayanlarla
birgə əmək bazarında iştirakına şəraitin yaradılması üçün onların
təhsil səviyyəsinin və peşə bacarıqlarının artırılmasına yönələn
uzunmüddətli və
qısamüddətli təhsil sisteminin
formalaşdırılması zəruridir. Bunun üçün mövcud təhsil
bazasından istifadə edilə bilər bir şərtlə ki, bu təhsil müəssisələri
texniki təchizat və peşəkar müəllim və usta heyəti ilə təmin
olunsun. Həmçinin Avropada və digər qabaqcıl təcrübəyə malik
olan ölkələrdə tətbiq olunan qısa müddətli və əsasən peşə
yönümünün dəyişdirilməsinə yönələn modul tipli təhsil
sisteminin tətbiqi məqsədəuyğundur;
Əlilliyi olan insanların əməyə çıxışına yardım edən
vasitələrin istehsalı ilə məşğul olan müəssisələrin yaradılması və
belə müəssisələrin hər növ vergilərdən azad edilməsi yolu ilə bu
vasitələrə olan qiymətlərin maksimum aşağı salınması üçün
dövlət proqramına müvafiq əlavələr edilə bilər;
Əlilliyi olan insanların açıq (rəqabətli) əmək bazarına
çıxışının asanlaşdırılması istiqamətində
fəaliyyətləri
genişləndirməklə yanaşı, açıq (rəqabətli) əmək bazarında əməyə
çıxış imkanı olmayan əlilliyi olan şəxslər üçün sosial
müəssisələrin yaradılması zəruridir. Sosial müəssisələr haqqında
hazırda mövcud olan qanun layihəsinin yeni çağırış və təkliflər
nəzərə alınmaqla təkmilləşdirilməsi məqsədəuyğun olardı;
Əlilliyi olan şəxsləri işlə təmin edən işəgötürənlər onlar
üçün nəzərdə tutulan bütün güzəşt və imtiyazların qarşılanması
üçün tələb olunan xərcləri çəkməli olurlar. Yuxarıda, Əmək
Məcəlləsində əlilliyi olan şəxslər üçün nəzərdə tutulan imtiyaz
və güzəştlər barədə bəhs olunmuşdur. Bu güzəşt və imtiyazların
qarşılanması üçün tələb olunan xərclərin bir hissəsi dövlət
tərəfindən yaradılan xüsusi fond(lar) tərəfindən həyata
keçirilməlidir;
30
Müəssisələrdə əlilliyi olan şəxslər üçün tələb olunan
infrastrukturun yaradılması və saxlanılması üçün tələb olunan
xərclərin ödənilməsi üçün xüsusi fond(lar) yaradılması;
Əlilliyi olan şəxslərin özünü məşğulluğunun
stimullaşdırılmasına yönələn coxşaxəli tədbirlərin və
fəaliyyətlərin həyata keçirilməsi zəruridir. Bu tədbirlər özünü
məşğul əlilliyi olan şəxslərin vergilərdən azad edilməsi (istehsal
etdiyi məhsula, gördüyü işə və ya göstərdiyi xidmətə görə),
özünü məşğulluğun təmin edilməsi üçün bacarıqların və
biliklərin artırılmasına yönələn tədbirlərin həyata keçirilməsi,
belə şəxslərə əmək alətlərinin və iş yerlərinin yaradılması üçün
əvəzsiz maliyə dəstəyinin verilməsi, onların istehsal etdiyi
məhsullar üçün müvafiq satış şəbəkələrinin yaradılması və s.
kompleks tədbirlərin həyata keçirilməsi zərurəti vardır;
Əlillərin əmək bazarına çıxışının asanlasdırılmasında
vətəndaş cəmiyyəti ilə dövlət və yerli özünüidarə orqanlarının
birgə səyləri müsbət nəticələr verə bilər. Bu baxımdan əlillərin
əmək bazarına çıxışının təmin edilməsinə yönələn bütün
fəaliyyətlərə vətəndaş cəmiyyəti qurumların cəlb olunması
zəruridir;
Əlilliyi olan şəxslərlə bağlı olan qeyri hökumət
təşkilatlarının sosial xidmətlərin göstərilməsinə cəlb edilməsi
üçün zəruri olan hüquqi, təşkilati tədbirlər görülməlidir;
Əlilliyi olan şəxslərin əmək qabiliyyətli hissəsinin əmək
bazarına, o cümlədən açıq (rəqabətli) əmək bazarına çıxışını
əngəlləyən hüquqi baryerlər aradan qaldırılmalı, imperativ
normalar tövsiyyə xarakterli normalara çevrilməlidir;
Əlilliyi olan insanların məşğulluğu üzrə stimullaşdırıcı
tədbirlərin həyata keçirilməsi ilə bağlı müvafiq qanunvericilikdə
əlavə və dəyişikliklərin edilməsi zərurəti vardır;
Bunlardan əlavə aşağıda göstərilən tədbirlər və
fəaliyyətlər də nəzərdə tutula bilər:
31
Əlilliyi olan şəxslər üçün peşə reabilitasiyası
imkanlarının genişləndirilməsi və keyfiyyətinin yaxşılaşdırıl-
ması;
Əlilliyi olan insanlar üçün təşkil ediləcək təlimlərin və
fiziki infrastrukturun onların tələblərinə uyğunlaşdırılması;
Kvotanın tətbiq olunması qaydalarının təkmilləş-
dirilməsi;
Kvotanın tətbiqinə dair dövlət nəzarətinin
gücləndirilməsi, bu sahədə beynəlxalq təcrübənin öyrənilməsi;
Əlilliyi olan insanların məşğulluğunun təmin edilməsi ilə
bağlı keçirilən tədbirlərə maddi dəstək verilməsi mexanizminin
yaradılması;
Titlotexniki avadanlıqların (Brayl yazı lövhəsi, Brayl
yazı qələmi, böyüdücü lupalar, əl ayarları, dərs ləvazimatları
(xətkeş, müxtəlif həndəsi fiqurlar, ölçü cihazları və s.) və
informasiya və kommunikasiya sistemi sahəsində münasib
yardımçı texnologiyaların hazırlanması, istehsalı
və
paylanmasının stimullaşdırılması;
Məşğulluğun bütün mərhələlərində o cümlədən seçmə
işə cəlb etmə və vəzifələrin artırılması üzrə əlilliyi olan
insanların məruz qala biləcəyi mümkün diskriminasiyaya qarşı
etibarlı müdafiənin təmin edilməsi.
32
ƏLAVƏ
Əlilliyi olan şəxslərin sosial hüquqlarının müdafiəsinə
dair Milli Fəaliyyət Proqramı (2013-2018-ci illər) Layihəsı
ilə bağlı
Son illər ölkəmizdə aparılan siyasət, iqtisadi həyatımızda
inkişaf və həyata keçirilən köklü dəyişikliklər, iqtisadi
quruculuq sahəsində davamlı makroiqtisadi sabitlik və iqtisadi
artımın təmin edilməsi ölkə vətəndaşlarının, xüsusilə aztəminatlı
insanların və əlilliyi olan şəxslərin sosial iqtisadi vəziyyətinin
yaxşılaşdırmaq üçün zəmin yaratmışdır.
Bir tərəfdən həmin insanların sosial hüquqları ilə bağlı
qanunvericilik bazası günümüzün tələblərinə uyğun
təkmilləşdirilir, digər tərəfdən beynəlxalq təcrübədə əlil
vətəndaşların sosial statusunun daha effektli yollarla bərpasına,
onların mövcud potensiallarının dürüst qiymətləndirilməsi və öz
potensial imkanları müqabilində maddi və mənəvi tələbatlarını
ödəyərək cəmiyyətin fəal hissəsinə çevrilmələri üçün yeni sosial,
peşə reabilitasiyası modelləri tətbiq edilir.
Ölkəmiz MDB məkanında BMT- nin “Əlillərin hüquqları
haqqında” Konvensiyasına və onun Fakultativ Protokoluna ilk
qoşulan ölkə kimi üzərinə götürdüyü öhdəliklərin yerinə
yetirilməsi istiqamətində işlərini davam etdirir.
Son illərdə əlilliyi olan şəxslərlə bağlı sosial bərpa
yönümlü layihələrin QHT təşkilatların, ixtisaslaşmış vətəndaş
cəmiyyətləri ilə əməkdaşlıq şəraitində həyata keçirilməsi kimi
müsbət təcrübə formalaşmışdır.
Bu istiqamətdə işlər çərçivəsində Əmək və Əhalinin
Sosial Müdafiəsi Nazirliyinin Əlillərin sosial müdafiəsi siyasəti
şöbəsi ixtisaslaşmış vətəndaş cəmiyyətləri ilə birgə o, cümlədən
Vətəndaşların Əmək Hüquqlarının Müdafiəsi Liqası ilə
əməkdaşlığı çərçivəsində “2013–2018–ci illərdə Əlillərin
hüquqlarının qorunması ilə bağlı Milli Fəaliyyət Planı”,
33
“Əlilliyi olan şəxslərin fərdi reabilitasiya proqramının
hazırlanması və həyata keçirilməsi qaydaları” layihə sənədləri
hazırlanmışdır.
Cəmiyyət inkişaf etdikcə yeni tələblər, yeni
texnologiyalar meydana çıxır və bunlara adaptasiya müəyyən
vaxt tələb edir. Ümid etmək olar ki, hazırlanan layihə
sənədlərinin yaxın perspektivdə qəbul olunması əlilliyi olan
şəxslərin cəmiyyətdə tam iştirakının dəstəklənməsinə və onların
həyat səviyyəsinin yaxşılaşdırılmasına mühüm töhvə sayıla
bilər.
Qəbul olunacaq sənədin ictimai əhəmiyyətini nəzərə alaraq
mətni aşağıda təqdim edirik.
Layihə
Əlilliyi olan şəxslərin sosial hüquqlarının müdafiəsinə
dair Milli Fəaliyyət Proqramı (2013-2018-ci illər)
I . Proqramının məqsədi
Əlilliyi olan şəxslərin cəmiyyətin tam hüquqlu və
bərabər üzvləri olaraq qəbul olunması, onlara hörmət və
ləyaqətlə davranılması, ayrı-seçkilikdən müdafiə olunması.
Əlilliyi olan şəxslərlə bağlı hüquqi bazanın
təkmilləşdirilməsi.
Əlilliyi olan şəxslərin maksimum müstəqil olmasının,
eləcə də əqli, fiziki, sosial və peşə bacarığından tam şəkildə
faydalanmasının təmin edilməsi.
Əlilliyi olan şəxslərin cəmiyyətin digər üzvləri ilə
bərabər şəkildə informasiya axtara, qəbul edə və ötürə bilməsini
təmin edən şəraitin yaradılması.
34
Bütün insanlarla bərabər şəkildə təhsil almaq və tam
olaraq öz şəxsiyyətini, istedadını, yaradıcılığını, intellektual və
fiziki potensialını reallaşdırmaq imkanın yaradılması.
Açıq əmək bazarı şəraitində əlilliyi olan şəxslərin
məşğulluğunun dəstəkləmək, peşə hazırlığı proqramları həyata
keçirilməsi, məşğulluq imkanlarının genişləndirilməsi və qarşıya
çıxan maneələrin aradan qaldırılması.
Mövcud infrastrukturun müəssərliyinin təmin olunması
Bütün səhiyyə xidmətlərindən bərabər istifadə
imkanlarının yaradılması.
Sosial müdafiə sisteminə bərabər çıxış imkanlarının
yaradılması, sosial xidmətlərin hər bir şəxsin ehtiyaclarının düzgün
qiymətləndirilməsinin təmin edilməsi.
Əlilliyi olan şəxslərin yerli, regional, milli və beynəlxalq
səviyyələrdə siyasi həyatda iştirak edə bilməsini təmin edən və
dəstəkləyən mühitin yaradılması.
Əlilliyi olan şəxslərlə bağlı etibarlı və müqayisəli tədqiqat
məlumatlarının əldə edilməsi.
Əlilliyi olan şəxslərin potensialının təbliğ olunması və bu
barədə məlumatlılığın artırılması.
II. Gözlənilən nəticələr:
Əlillərlə bağlı dövlət siyasətini müəyyən edən
qanunvericilik aktlarının
əlilliyi olan şəxslər üçün
müyəssərliyinin təmin edilməsi.
Cəmiyyətin bütün sahələrində əlilliyi olan şəxslərə
bərabər imkanların yaradılması.
Əlilliyi olan şəxslərin azad seçim imkanlarının
yaradılması və cəmiyyətdə effektiv iştirakının təmin edilməsi.
Əlilliyi olan şəxslər üçün informasiya mühitinin
genişləndirilməsi.
Əlilliyi olan şəxslərlə bağlı mənfi stereotiplərin, yalnış
fikir və zərərli hərəkətlərin aradan qaldırılması.
Cəmiyyətdə əlilliyi olan şəxslər haqqında pozitiv
təsəvvürlərin formalaşdırılması
35
Əlilliyi olan şəxslərin hüquqlarına hörmət hissinin
aşılanması.
Əlilliyi olan şəxslərin əmək bazarına verdiyi töhfələrin
etiraf olunması.
Əhalinin yararlandığı digər imkanlara və xidmətlərə
çatımın təmin edilməsi.
III.
Proqramının maliyyələşdirilməsi:
“2012-2015-ci illərdə əlilliyi olan şəxslərin sosial
hüquqlarının müdafiəsinə dair Milli Fəaliyyət Proqramı”nın
reallaşması üçün tələb olunan xərclərin maliyyələşdirilməsi
dövlət büdcəsi və digər qanunvericiliyə zidd olmayan
vəsaitlər hesabına həyata keçirilir.
Bu proqramın icrası olaraq əlilliyi olan şəxslərin əmək
bazarına çıxışının asanlaşdırılması üçün aşağıdakı
tədbirlərin həyata keçirilməsi nəzərdə tutlmuşdur.
(Tədbirlər Planının 5-ci bəndi)
5. Əlilliyi olan şəxslərin və 15 yaşı tamam olmuş
sağlamlıq imkanları məhdud uşaqların
məşğulluğunun təmin edilməsi.
Əlilliyi olan şəxslərin və 15 yaşı
tamam olmuş sağlamlıq
imkanları məhdud uşaqların
məşğulluğunun təmin edilməsi
sahəsində müvafiq dövlət
orqanları, həmkarlar ittifaqları,
işəgötürənlər və qeyri – hökumət
təşkilatları arasında koordina-
siyaişinin təkmilləşdirilməsi
Azərbaycan Respublikasının
Prezidenti yanında
Qeyri -
Hökumət Təşkilatlarına Dövlət
Dəstəyi Şurası,
Əmək və
Əhalinin Sosial
Müdafiəsi Nazirliyi, İqtisadi
İnkişaf Nazirliyi, yerli icra
hakimiyyəti orqanları
Müəssisə və təşkilatlarda əlilliyi
olan şəxslər və 15 yaşı tamam
olmuş sağlamlıq imkanları məh-
dud uşaqlar üçün qanunve-
Əmək və
Əhalinin Sosial
Müdafiəsi Nazirliyi, Dövlət Sosial
Müdafiə Fondu və aidiyyəti
orqanlar
36
riciliklə müəyyən olunmuş
kvotaya
əməl edilməsinə
nəzarətin gücləndirilməs.
“Əlilliyi olan şəxs xidmətləri” və
“Əlilliyi olan şəxslərə icma
dəstək” layihələrinin həyata
keçirilməsi.
Əmək və
Əhalinin Sosial
Müdafiəsi Nazirliyi, Qeyri-
hökumət təşkilatlarına Dövlət
Dəstəyi şurası
Əlilliyi olan şəxslər və 15 yaşı
tamam olmuş sağlamlıq imkan-
ları məhdud uşaqlar üçün əmək
yarmarkalarının keçirilməsinin
təşkil edilməsi
Əmək və
Əhalinin Sosial
Müdafiəsi Nazirliyi
Əlilliyi olan şəxslər və sağlamlıq
imkanları məhdud uşaqlar üçün
peşə hazırlığı proqramlarının ha-
zırlanması və həyata keçirilməsi
Nazirlər Kabineti,
Əmək və
Əhalinin Sosial
Müdafiəsi Nazirliyi, Təhsil
Nazirliyi
Regionlarda
əlilliyi olan
şəxslərin və 15 yaşı tamam
olmuş sağlamlıq imkanları
məhdud uşaqların xüsusi
proqramlara əsasən müvəqqəti
işlə təmin olunması işinin təşkili
Əmək və
Əhalinin Sosial
Müdafiəsi Nazirliyi,
Dövlət Sosial Müdafiə Fondu,
Yerli icra hakimiyyəti orqanları
Əlilliyi olan şəxslərin və 15 yaşı
tamam olmuş sağlamlıq
imkanları məhdud uşaqların
haqqı ödənilən ictimai işlərə cəlb
edilməsi üçün müvafiq
tədbirlərin həyata keçirilməsi
Əmək və
Əhalinin Sosial
Müdafiəsi Nazirliyi, Yerli icra
hakimiyyəti orqanları
Əlilliyi olan şəxslərin və
sağlamlıq imkanları məhdud
uşaqlar üçün psixoloji və
peşəyönümü testlərinin,
metodiki vəsaitlərin hazırlanması
Əmək və
Əhalinin Sosial
Müdafiəsi Nazirliyi, Təhsil
Nazirliyi, Səhiyyə Nazirliyi
Fərdi tələbatı nəzərə almaqla və
metodiki vəsaitlərlə təmin et-
məklə effektiv tədrisin yüngül-
Təhsil Nazirliyi, Əmək və
Əhalinin Sosial Müdafiəsi
Nazirliyi
37
ləşdirilməsi,
əlilliyi olan
şəxslərin elmi və sosial inkişafı
üçün müvafiq dəstəyin
göstərilməsi
Sağlamlığında problemləri olan
uşaqlar üçün fərdi inkişaf
proqramlarının tərtib olunaraq
həyata keçirilməsi
Təhsil Nazirliyi, Əmək və
Əhalinin Sosial Müdafiəsi
Nazirliyi
Görməyən, eşitməyən sağlamlıq
imkanları məhdud uşaqların peşə
təhsilinə dəstək üçün yardım
mərkəzlərinin yaradılması
Təhsil Nazirliyi,
Məktəbəqədər tərbiyə
müəssisələrində və ümumtəhsil
məktəblərində erkən yaşlardan
başlayaraq bütün uşaqlarda
əlilliyi olan şəxslərin və sağlamlıq
imkanları
məhdud uşaqların
hüquqlarına hörmət hisslərinin
təbliğ edilməsi məqsədilə
tədbirlərin görülməsi, dərsliklərə
bu barədə mövzu salınması.
Təhsil Nazirliyi
aidiyyətı qeyri-hökumət
təşkilatlarının iştirakı ilə
Müasir dünya təcrübəsində effektiv sosial, peşə reabilitasiya
mexanizmləri mövcuddur və belə təcrübələr ölkəyə gətirilməsi
istiqamətində ixtisaslaşmış vətəndaş cəmiyyətləri ilə əməkdaşlıq
şəraitində layihələr və proqramlar həyata keçirilir.
Məhz Fərdi reabilitasiya proqramı reabilitasiya tədbirlərinin
ardıcıllığı, tamlığı və fasiləsizliyi gözlənilməklə effektiv
aparılması üçün dinamik müşayiət və nəzarətin təmin edilməsi
məqsədilə hazırlanmışdır.
38
Layihə
Əlilliyi olan şəxslərin və sağlamlıq imkanları məhdud
uşaqların fərdi reabilitasiya proqramının hazırlanması və
onun həyata keçirilməsi Qaydaları
I. Ümumi müddəalar
1.1. Fərdi reabilitasiya proqramı orqanizmin itirilmiş və ya
davamlı pozulmuş funksiyalarının, bunun nəticəsi olaraq
məhdudlaşmış həyat fəaliyyətin kompensasiyasına və bərpasına
yönəlmiş, tibbi-sosial ekspert komissiyaları tərəfindən hər bir
şəxs üçün uyğun seçilmiş tibbi, sosial, psixoloji, pedaqoji,
gigiyenik, idman, ekoloji kompleks tədbirlər sistemidir.
1.2. Əlilliyi olan şəxslər və sağlamlıq imkanları məhdud
uşaqlar üçün hazırlanan fərdi reabilitasiya proqramı tibbi-sosial
ekspert komissiyaları tərəfindən müəyyən edilən orqanizmin
funksional pozğunluğuna və reabilitasiya potensialına uyğun
olaraq əlilliyi olan şəxslərin və ya onların qanuni
nümayəndələrinin, qeyri-hökumət təşkilatlarının və digər zəruri
qurumların mütəxəssislərinin iştirakı ilə tərtib edilir.
1.3. Reabilitasiya potensialı orqanizmin funksional
pozğunluğu və yaxud şəxsin həyat fəaliyyətinin məhdudluq
dərəcəsi, məhdudluğun strukturunun dəqiqləşdirilməsi və
qiymətləndirilməsi tibbi-sosial ekspert komissiyalarının
ekspertləri tərəfindən müəyyən edilir.
1.4. Fərdi reabilitasiya proqramı reabilitasiya tədbirlərinin
ardıcıllığı, tamlığı və fasiləsizliyi gözlənilməklə effektiv
aparılması üçün dinamik müşayiət və nəzarətin təmin edilməsi
məqsədilə həyata keçirilir.
1.5. Fərdi reabilitasiya proqramının icrası qanunvericiliklə
müvafiq dövlət və yerli özünüidarəetmə orqanlarında, mülkiyyət
və təşkilati-hüquqi formasından asılı olmayaraq bütün idarə,
müəssisə və təşkilatlarda məcburi xarakter daşıyır.
1.6. Əlillərin və sağlamlığı məhdud uşaqların fərdi
reabilitasiya proqramı dövlət və yerli büdcələrdən, o cümlədən
39
qanunvericiliyə zidd olmayan digər vəsaitlər hesabına
maliyyələşdirilir.
II. Əlilliyi olan şəxslərin və sağlamlıq imkanları məhdud
uşaqların fərdi reabilitasiya proqramının hazırlanması
Dostları ilə paylaş: |