Azərbaycan Respublikası Mədəniyyət və Turizm Nazirliyi
Kitabları: ―Mühəndis Qarinin hiperboloidi‖, ―Hekayələr‖ və s. İnternetdə
Yüklə 13,5 Mb. Pdf görüntüsü
|
|
Kitabları: ―Mühəndis Qarinin hiperboloidi‖, ―Hekayələr‖ və s.
www.az.wikipedia.orq
306
11 Sentyabr - Rus yazıçısı Boris Stepanoviç Jitkovun anadan olmasının 125 illiyi, (1882-1938)
Rus və sovet yazıçısı, nasir, pedaqoq, səyyah və tədqiqatçı Boris Stepanoviç Jitkov Novqorodda anadan olmuşdur. Atası riyaziyyatçı, anası pianoçu olmuşdur. Uşaqlığını Odessada keçirmiş, ilk təhsilini evdə almış, daha sonra gimnaziyaya daxil olmuşdur. Gimnaziyanı bitirdikdən sonra Novorossiysk Universitetinin təbiət elmləri bölməsinə daxil olmuşdur. Təhsilini başa vurduqdan sonra dənizçilik karyerasına başlamış və çoxlu səyahət etmişdir. Bir çox uşaq qəzet və jurnalları üçün yazılar yazmışdır. Uşaq hekayələri silsilələri yaratmışdır: ―Nə olmuşdur?‖ və ―Mən nələr görmüşəm?‖. Yazıçı 1905-ci il inqilabı haqqında yazdığı ―Viktor Vaviç‖ romanını özünün əsas əsəri hesab edirdi. Boris Jitkov həmçinin ―Heyvanlar haqqında hekayələr‖, ―Dəniz hekayələri‖, ―Uşaqlar üçün hekayələr‖, ―Texnika haqqında hekayələr‖, ―Qara yelkənlər‖, ―Parovozlar‖ və s. kitabların müəllifidir. Boris Stepanoviç Jitkov 1938-ci il oktyabrın 19-da ağçiyər xərçəngindən vəfat etmişdir.
животных‖, ―Рассказы для детей‖ və s.
www.az.wikipedia.orq
307
7 Sentyabr - Azərbaycanın Milli Qəhrəmanı Seyidov Məhərrəm Mirəziz oğlunun anadan olmasının 55 illiyi, (1952-1990)
Şərur rayonunun Alışar kəndində anadan olub. 1969- cu ildə burada N.Nərimanov adına orta məktəbi bitirib. Məhərrəm Bakı Xüsusi Milis Məktəbində də təhsil alıb. Milis kapitanı Məhərrəm Şərur rayonunda baş inspektor işləyirdi. 1990-cı
ildə Sədərək rayonu da erməni yaraqlılarının hücumlarına məruz qalırdı. 18 yanvar 1990- cı il ermənilər Kərki kəndinə hücum edərək evləri yandırır, silahsız, günahı olmayan dinc sakinləri vəhşiliklə qətlə yetirirdilər. Şərur rayon Daxili İşlər Şöbəsi məlumatı alan kimi polis işçilərini hadisə yerinə göndərir. Qanlı döyüşlərdə hər iki tərəfdən xeyli ölən və yaralananlar olur. 19 yanvarda polis kapitanı Azər mühasirəyə düşür. Məhərrəm onu xilas etmək tapşırığını öz üzərinə götürür, o, vuruşaraq polis kapitanının yanına çatır, amma o özü mühasirəyə düşdüyündən, son nəfəsədək vuruşub döyüşçü dostunu xilas edən Məhərrəm qəhrəmancasına həlak olur. Şərur rayonunun Şəhidlər xiyabanında dəfn edilib. Azərbaycan Respublikası Prezidentinin 6 iyun 1992-ci il tarixli 831 saylı fərmanı ilə kapitan Seyidov Məhərrəm Mirəziz oğlu ölümündən sonra "Azərbaycanın Milli Qəhrəmanı" adına layiq görülmüşdür. Ailəli idi, dörd övladı qalıb. Şərur şəhərində qəhrəmanın adına küçə var, tuncdan büstü qoyulub. Buradakı 2 saylı orta məktəb Məhərrəm Seyidovun adını daşıyır.
Ələkbər Sadiq
www.az.wikipedia.orq
308
Senyuşkinin anadan olmasının 60 illiyi, (1957-1992)
Senyuşkin Sergey Aleksandroviç Rusiyanın Samara vilayətinin Sızran şəhərində anadan olmuşdur. 1974-cü il Sızran şəhər orta məktəbini bitirmişdir. Sergey burada Politexnik İnsitutuna daxil olmuş, 1975-ci ildən təhsilini Ali Hərbi Təyyarəçilər Məktəbində davam
etdirmişdir. Sergey Mİ-8 və Mİ- 24 vertolyotlarının uçuş proqramını peşəkar səviyyədə öyrənmişdir. 1 fevral 1992- ci ildən həyatını Azərbaycanla bağlayan Sergey hərbi hissə komandiri təyin edilmişdi. Azərbaycan Hərbi Hava Qüvvələrinin yaradıcılarından hesab olunan Sergey, mülki təyyarəçilərə hərbçi təlimini keçməklə yanaşı, Qarabağda gedən hərbi əməliyyatlarda iştirak edərək çox sayda erməni döyüşçüsünü məhv etmişdir. Xocalı soyqırımı zamanı xeyli dinc sakini xilas edə bilsə də, Xocalıda ağır yaralanmış və 29 fevral 1992-ci ildə həlak olmuşdur. Azərbaycan Respublikası Prezidentinin 14 sentyabr 1992-ci il tarixli 204 saylı fərmanı ilə Senyuşkin Sergey Aleksandroviç ölümündən sonra "Azərbaycanın Milli Qəhrəmanı" adına layiq görülmüşdür. Ailəli idi, iki övladı yadigar qalıb. Samara vilayətinin Sızran şəhərində dəfn edilib. Bakının Xətai rayonunda adına küçə var.
www.az.wikipedia.orq 309
Əlamətdar tarixi günlər və bayramlar 1 Oktyabr - Beynəlxalq Ahıllar Günü, (1992) 1 Oktyabr - Prokurorluq İşçiləri Günü, (1998) 1 Oktyabr - Beynəlxalq Musiqi Günü, (1975) 3 Oktyabr - Ümumdünya Memarlıq Günü, (1996) 4 Oktyabr - Ümumdünya Heyvanları Müdafiə Günü, (1931) 5 Oktyabr - Beynəlxalq Müəllimlər Günü, (1966) 9 Oktyabr - Ümumdünya Poçt Günü, (1974) 10 Oktyabr - Yanğınsöndürənlər Günü, (2002) 13 Oktyabr - Ümumdünya Yumurta Günü (2017-ci il üçün) 16 Oktyabr - Mütaliə bayramı, (1989) 17 Oktyabr - Ümumdünya Yoxsulluqla Mübarizə Günü, (1992) 18 Oktyabr - Azərbaycan Respublikasının Dövlət Müstəqilliyi Günü, (1991) 20 Oktyabr - Beynəlxalq Kulinariya Günü, (2007) 20 Oktyabr - Energetiklər Günü, (2004) 22 Oktyabr - Beynəlxalq Məktəb Kitabxanaları Günü, (1999) 24 Oktyabr - Birləşmiş Millətlər Təşkilatı Günü, (1945) 30 Oktyabr - Ümumdünya Siyasi Repressiya Qurbanlarının Xatirə Günü, (1974) Bu tarixi unutmayaq 2 Oktyabr - Xocavənd rayonunun işğalı günü, (1992) 29 Oktyabr - Zəngilan rayonunun işğalı günü, (1993)
General-leytenant Səmədbəy Mehmandarovun 160 illiyi, (16.10.1857-12.02.1931) Yubilyar yazıçı və şairlər Yazıçı Seyfulla Şamilovun 115 illiyi, (10.10.1902 - 25.12.1974) Şair, publisist, pedaqoq Əjdər Ağayevin 80 illiyi, (10.10.1937) Şair Hafiz Baxışın 85 illiyi, (15.10.1932 - 04.09.1989) Xalq şairi Xəlil Rza Ulutürkün 85 illiyi, (21.10.1932 - 22.06.1994) Şair, dramatur Hüseyn Cavidin 135 illiyi, (24.10.1882 - 05. 12.1941) Xarici ədəbiyyat İspan yazıçısı Migel de Servantesin 470 illiyi, (09.10.1547 - 23.04.1616) Rus yazıçısı Yevgeniy Permyakın 115 illiyi, (31.10.1902 - 17.08.1982) Amerika yazıçısı Ketrin Patersonun 85 illiyi, (31.10.1932) İncəsənət Xalq artisti Şövkət Ələkbərovanın 95 illiyi, (20.10.1922 - 07.02.1993) Xalq rəssamı Bədurə Əfqanlının 105 illiyi, (25.10.1912 - 07.05.2002) Dirijor, bəstəkar Rauf Abdullayevin anadan olmasının 80 illiyi, (29.10.1937) Milli qəhrəmanlar zirvəsi Allahverdiyev Namiq Müslüm oğlunun 50 illiyi, ( 05.10.1967 - 09.07.1992) 310
Əsədov Rafael Əvəz oğlunun 65 illiyi, (27.10.1952 - 12.11.1992) Əlamətdar tarixi günlər və bayramlar 1 Oktyabr - Beynəlxalq Ahıllar Günü, (1992) Yaşadığımız cəmiyyət hamı üçündür. Gənclər, orta nəslin nümayəndələri, hətta ahıllar da cəmiyyətdə gedən inkişaf proseslərində iştirak edirlər. Yaşlıların həyat təcrübəsindən, bilik və bacarıqlarından bəhrələnmək isə nəsillər arasında körpü yaratmaq, varislik əlaqəsini bərpa
etmək baxımından çox zəruridir. Cəmiyyətdə yaşayıb ondan kənarda qalmaq olmaz. Ahılların məşğulluğu, onların inkişaf prosesinə cəlb edilməsi, həm də sosial-iqtisadi durumun yaxşılaşması deməkdir. BMT-nin İnkişaf Proqramında son illər ərzində ahıllar problemi geniş yer tutur. 2002-ci ilin aprelində İspaniyanın paytaxtı Madrid şəhərində BMT-nin Ahıllar üzrə II Ümumdünya Məclisində belə bir fikir səslənmişdir ki, yaşlılar da cəmiyyətin bərabər hüquqlu vətəndaşlarıdır, onlara ehtiram göstərmək yüksək insani keyfiyyətdir. Adı-sanı, nəcib əməlləri ilə tanınan, bəlkə də heç tanınmayan, lakin ləyaqətlə yaşayan, həyat təcrübəsi ilə yeni nəsillərə nümunə olan ahıllar, həqiqətən, hörmətə layiqdirlər. Qocaların sərvəti onların həyat təcrübəsidir. Onlara qulaq asıb, dediklərinə əməl etməklə bu sərvətə sahib olmaq mümkündür. Ümummilli liderimiz Heydər Əliyev kimi yaşa dolmuş görkəmli siyasətçi və dövlət xadimi öz ölkəsini müvəffəqiyyətlə idarə etmişdir. Bu fakt bir daha sübut edir ki, yaşlı, ahıl insanların təcrübəsi əvəzolunmazdır. BMT- nin Baş Məclisi 1992-ci ildə ahılların müdafiəsi ilə bağlı Qətnamə qəbul etmişdir. Həmin Qətnamənin prinsiplərinə uğun olaraq hər il oktyabr ayının 1-i Beynəlxalq Ahıllar Günü kimi qəbul edilmiş, həmçinin 1999-cu il Beynəlxalq Ahıllar İli elan olunmuşdur. Bu məsələyə respublikamızda da ciddi diqqət yetirilir. 2001-ci il iyunun 22-də "Ahıllara sosial xidmət haqqında" Azərbaycan Respublikasının Qanunu qəbul edilmişdir. Qanuna əsasən ölkədə 70 yaşına çatmış Azərbaycan Respublikası vətəndaşları, habelə Azərbaycan Respublikasında daimi yaşayan əcnəbi və vətəndaşlığı olmayan şəxslər ahıl sayılır. 1993-cü ildən başlayaraq hər il oktyabr ayının 1-i respublikamızda Beynəlxalq Ahıllar Günü kimi qeyd olunur. Beynəlxalq Ahıllar Günü ərəfəsində respublikamızın şəhər və rayonlarında icra hakimiyyətləri, əmək kollektivləri, ictimai təşkilatlar və qeyri-hökumət təşkilatları rayon ərazisində yaşayan ahıl vətəndaşların ehtiyaclarını öyrənərək, onlar üçün bayram süfrələri, ərzaq bağlamaları təşkil edir, müxtəlif xeyriyyə, şəfqət və mədəni-kütləvi tədbirlər həyata keçirirlər.
www.books.google.com 311
1 Oktyabr - Prokurorluq İşçiləri Günü, (1998)
Hər il oktyabr ayının 1-də Azərbaycan Respublikası Prokurorluğunun əməkdaşları öz
peşə bayramlarmı təntənə ilə qeyd edirlər. Bu günün qeyd olunması tarixi zərurətdən yaranmışdır. Ümummilli lider Heydər Əliyev Azərbaycan Xalq Cümhuriyyətinin Nazirlər Şurasının 1 oktyabr 1918- ci il tarixli qərarı ilə Bakı Dairə Məhkəməsinin tərkibində prokurorluq orqanlarının fəaliyyətə başlamasını əsas tutaraq hər il oktyabr ayının 1-nin ―Azərbaycan Respublikası Prokurorluğu işçilərinin peşə bayramı günü kimi qeyd edilməsi barədə‖ 17 iyul 1998-ci il tarixli sərəncam imzalamışdır. Məhkəmə orqanlarından fərqli olaraq, bir çox dövlətlərdə prokurorluq müstəqil institut kimi xeyli sonralar yaranmışdır. Dövlət idarəetmə mexanizminin tərkib hissəsi kimi prokurorluğun əsası ilk dəfə XIV əsrin əvvəllərində Fransada kral IV Filip tərəfindən qoyulmuşdur. Onun vaxtında kral mənafelərinin prokurorluq tərəfindən təmsil edilməsi Qanunla (25 mart 1302) təsbit edilmişdi. Həm Qərb ölkələri, həm də Rusiya prokurorluqlarına bir örnək kimi təsiri olan Fransa prokurorluğunun təşkili və fəaliyyəti haqqında qanun isə 1586-cı ildə qəbul olunmuşdur. Müstəqil Azərbaycan dövlətində prokurorluq orqanlarının yaranma tarixi Azərbaycan Xalq Cümhuriyyəti dövrünə (1918-1920) təsadüf edir. 1918-ci il noyabr ayının 18-də Nazirlər Şurası tərəfindən "Azərbaycan Məhkəmə Palatası haqqında Əsasnamə" təsdiq
edilmişdir. F.Xoyski, X.Xasməmmədov, A.Səfikürdski, T.Makinski AXC-nin ədliyyə nazirləri, eyni zamanda
baş prokurorları olmuşlar. Olduqca mürəkkəb və ağır şəraitdə fəaliyyət göstərən AXC-nin
Məhkəmə palatasında, Bakı
və Gəncə dairəməhkəmələrinin tərkibində olan prokurorluq orqanları öz səlahiyyətləri daxilində böyük işlər görmüşlər. AXC-nin süqutundan sonra dövlət orqanları ilə yanaşı, prokurorluq və istintaq orqanları da ləğv olundu. Sovetləşmənin ilk illərində bütün hakimiyyət orqanlarının fəaliyyətinə nəzarət funksiyasını həyata keçirməli olan xüsusi orqanın yaradılması zəruriliyini nəzərə alaraq, Azərbaycan SSR MİK- in 11 iyul 1922-ci il tarixli "Azərbaycan SSR-nin dövlət prokurorluğu haqqında" Dekreti ilə Azərbaycan SSR-də sovet prokurorluğunun əsası qoyuldu. 1936-cı ilin iyulunda Azərbaycan SSR Prokurorluğu Xalq Ədliyyə Komissarlığının tərkibindən çıxarılaraq, birbaşa SSRİ Prokurorluğuna tabe edilməklə, ayrıca qurum kimi fəaliyyətə başlamışdır. Ölkəmiz müstəqilliyini bərpa etdikdən sonra Azərbaycan Respublikasının Prokurorluğu sinfi mənafelərə xidmət edən orqandan qanunun aliliyinin, insan hüquq və azadlıqlarının təmin olunmasına, cinayətkarlıqla mübarizəyə, qanunçuluğun qorunmasına xidmət edən orqana çevrilməklə, sivil və demokratik inkişaf yoluna qədəm qoymuşdur.
312
www.books.google.com 1 Oktyabr - Beynəlxalq Musiqi Günü, (1975) “Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir. Çünki xalq yalnız yaradıcı, yalnız bəstəkar deyildir, xalq eyni zamanda misilsiz tənqidçi və musiqi əsərlərinin ən yaxşı “istehlakçısıdır”, xalq musiqi əsərlərinə diqqətlə yanaşır, yaxşını pisdən seçir.
İlk gözəl nəğmə və rəqs melodiyalarının yaradıcısı xalq özüdür. Bizə bu gün nümunə olan xalq nəğmələri əsrlərdən bəri işlənə-işlənə yaradılmış və yalnız bizim zəmanəmizdə həqiqi bədii formalar almışdır.” Üzeyir Hacıbəyli
Bəşəriyyətin musiqi ilə tanışlığı çox qədim dövrlərdən başlayıb. Musiqi intəhasız, heç bir ölçüyə sığışmayan gücə malikdir... Bir çox məşhur bəstəkarlar daxili dünyalarını, duyğularını, istək və arzularını ifadə etmək üçün musiqidən istifadə ediblər. Onların adı məhz musiqinin qüdrəti sayəsində tarixə və gələcək nəsillərin yaddaşına yazılıb. Musiqi heç vaxt qocalmır. İnsanlara bəxş edilən bu ilahi nemət bəşəriyyət var olduqca yaşayacaq. Beynəlxalq Musiqi Günü YNESKO-nun qərarı ilə 1975-ci il oktyabrın 1-də təsis edilmişdir. Bu bayram hər il bütün dünyada ən yaxşı musiqiçilərin və incəsənət kollektivlərinin iştirak etdikləri möhtəşəm konsert proqramları ilə qeyd olunur. Həmin gün dünya musiqi xəzinəsinin qeyri-adi, bənzərsiz inciləri ifa edilir.
2000-ci ildə Çin arxeoloqları 2 min illik tarixi olan musiqi alətləri muzeyini aşkara çıxarmışlar. Azərbaycanda da musiqinin tarixi çox qədimlərə gedib çıxır. Qobustandakı qavaldaş daş dövründə yaşamış insanların istifadə etdikləri musiqi alətidir. Qobustan qayalarında qədim Azərbaycanın ―Yallı‖ rəqs səhnələri təsvir olunmuşdur. Bu rəqsin uğurlu ov üçün ovsun mərasimi olduğu vurğulanmışdır. Görünür, Azərbaycan dilinin musiqi dili olması da buradan qaynaqlanır.
İnternetdə: www.books.google.com 313
Dünya memarlarının və memarlıq incilərini sevən və dəyərləndirənlərin bayramı hər il oktyabrın ilk bazar ertəsində qeyd olunur. Ümumdünya Memarlıq Günü (World Architecture Day) Beynəlxalq Memarlar Birliyi (BMB) tərəfindən təsis olunmuşdur. BMB-nin 1985-ci ildə keçirilən yığıncağında bu bayramın 1 iyulda qeyd olunması qərara alınıb. Lakin 1996-cı ildə, BMB özünün Barselonada düzənlənən Baş Assambleyasında bayramın hər il oktyabrın ilk bazar ertəsi keçirilməsi haqqında qərar qəbul edib. Beynəlxalq Memarlar Birliyi II Dünya müharibəsindən dərhal sonra, müharibə nəticəsində dağıdılmış şəhərlərin, yaşayış məskənlərinin və sənaye müəssisələrinin bərpası problemlərini həll etmək məqsədi ilə yaradılıb. Hər il bayrama həsr olunmuş müxtəlif tədbirlər memarlıq üzrə müəyyən mövzuya həsr olunur.
www.books.google.com
314
Yaşadığımız dünya bizimlə eyni planetdə həyat sürən heyvanların da evidir. Lakin insan fəaliyyəti nəticəsində onların yaşaması, atrtması üçün bir çox çətinliklər ortaya çıxır. Müəyyən olunmuşdur ki, hər milyon il bütün bioloji növlərin 9 faizi məhvolur. Başqa sözlə desək, hər il canlı varlıqların 1-dən 5-ə qədər növü yox olur. Yer kürəsinin bütün tarixi boyu yoxolma sürəti beş dəfə artmışdır. Sonuncu dəfə tam kütləvi məhvolma 65 milyon il əvvəl, bütün dinozavrların nəsli kəsilərkən baş vermişdir. Biz insanlar heyvanların dostu və qonşusu kimi onları qorumağa borcluyuq. İlk dəfə Ümumdünya Heyvanları Müdafiə Gününü 1931-ci ildə nəsli kəsilməkdə olan növlərin acınacaqlı vəziyyətinə diqqəti cəlb etmək məqsədi ilə qeyd etməyə başlamışlar. Həmin vaxtdan başlayaraq, milli mənsubiyyətindən, dilindən, dinindən asılı olmayaraq, hər kəs tərəfindən oktyabrın 4-ü dünyada yaşayan heyvanların günü kimi qeyd olunur. Bu gün hər hansı insan, təşkilat və ya aksiya ilə bağlı deyil. Bu gün - planetdə yan-yana yaşayan bütün insanların və heyvanların günüdür. Bu gün, heyvanların mövcud problemləri haqqında insanların məlumatlandırılması, onların qorunması üçün maarifləndirilməsi və səylərinin birləşdirilməsi üçün çox önəmli bir gündür. Heyvanların qorunması işində hər bir insan iştirak etməlidir.
www.books.google.com
315
"Hər birimizdə müəllimin hərarətli qəlbinin bir zərrəciyi vardır. Məhz müəllim doğma yurdumuzu sevməyi, hamının rifahı namınə vicdanla işləməyi müdrikliklə və səbirlə bizə öyrətmiş və öyrədir. Gələcək gənclərin, gənclər isə müəllimlərin əsəridir!”
Ümummilli lider
Heydər Əliyev
Hər il oktyabrın 5-i Beynəlxalq Müəllim Günü kimi qeyd olunur. 5 oktyabr 1966-cı ildə YUNESKO və Beynəlxalq Əmək Təşkilatının birgə təşkilatçılığı ilə çağırılan konfransda müəllimlərin peşə fəaliyyətinin şərtlərini təyin edən ―Müəllimlərin statusu haqqında‖ adlı ilk sənəd imzalanmışdır. 1994-cü ildən isə həmin tarix YUNESKO tərəfindən Beynəlxalq Müəllim Günü kimi təsis edilmişdir. Bu günün qeyd olunması müəllimlərin cəmiyyətdəki mövqeyi, təhsil və inkişafdakı roluna diqqət çəkməyi nəzərdə tutmuşdur. Hal-hazırda ―Müəllimlər Günü‖ dünyanın 100-dən çox ölkəsində ümumdünya səviyyəsində qeyd olunduğu halda, bəzi ölkələrdə müxtəlif tarixlərdə ayrıca olaraq milli səviyyədə keçirilir. Məsələn, müxtəlif əlamətdar hadisələr əsasında Müəllimlər Günü Albaniyada 8 mart, Cənubi Koreyada 15 may, Argentinada 11 sentyabr, Çində 28 sentyabr, Özbəkistanda 1 oktyabr, Türkiyədə isə 24 noyabr tarixlərində qeyd olunur. Müstəqil Azərbaycanda isə bu tarix 1993-cü il oktyabrın 5-də rəsmiləşdirilib. Beynəlxalq Müəllimlər Günü həyatını xalqın işıqlı gələcəyinə həsr edən müqəddəs peşə sahiblərinin bayramıdır. ―Hər birimizdə müəllimin hərarətli qəlbinin bir zərrəciyi var. Mən dünyada müəllimdən şərəfli ad tanımıram‖ - deyən ümummilli lider Heydər Əliyev Azərbaycana rəhbərlik etdiyi bütün illərdə müəllim əməyini yüksək qiymətləndirib, onlara böyük hörmətlə yanaşıb, təhsil işçilərinin maddi vəziyyətinin, rifah halının yaxşılaşdırılmasının qayğısına qalıb. Ölkəmizdə son illərdə təhsilin inkişafı ilə bağlı həyata keçirilən kompleks tədbirlər, Prezident İlham Əliyevin bu amili dövlət siyasətinin mühüm prinsipləri sırasına daxil etməsi, təhsil işçilərinə hərtərəfli qayğı dövlətin öz gələcəyini daha etibarlı və inamlı görmək əzmindən xəbər verir. İlham Əliyevin ―Uşaqlar yaxşı məktəblərdə oxumalı, müəllimlər də yaxşı məktəblərdə işləməlidirlər‖ fikri artıq realllığa çevrilib. Ən şərəfli sənət müəllim sənətidir. Çünki bu günümüzün həkimini, polisini, vəkilini, kompyuter mühəndisini, memarını hətta, müəllimini belə müəllim yetişdirir. Əgər müəllim olmasa bu sadalanaların hec biri olmaz. Günlər keçir, illər illərə calanır, insan çox şeyi unudur. Lakin heç zaman ilk müəllim yaddan çıxmır, xatirədən silinmir. Axı insana elm qapısının açarını ilk müəllim təqdim edir, onu əsrarəngiz bir dünya ilə müəllim qovuşdurur.
Yüklə 13,5 Mb. Dostları ilə paylaş:
|