35
II.
RƏQƏMSAL
ALƏMDƏ
UŞAQLARIN
DAVRANIŞLARI
Uşaqların İnternetdə qarşılaşdığı təhlükələrlə bağlı
aparılan araşdırmalara görə İnternetdən istifadə zamanı
onların əksəriyyətinin öz təəssüratlarını valideynləri ilə deyil,
dostları, yaşıdları ilə bölüşdüyü məlum olmuşdur.
Təhlükələrlə qarşılaşmış uşaqların yarıdan çoxunun isə bu
mövzu barəsində heç kimlə fikir mübadiləsi aparmır.
İnternetdən uşaqların istifadəsi onların yaş qruplarına görə
fərqlidir. İstər sosial şəbəkələrdə, istərsə də rəqəmsal
əşyalarla münasibətdə bu fərqlər özünü göstərir.
2.1. İnformasiya təhlükəsizliyinin yaşa uyğun
xüsusiyy
ətləri
Yaş psixologiyası real həyatda olduğu kimi elektron
mühitdə də fərqlidir. 6 yaş -17 yaş arası uşaqların İnternetdə
hansı təhlükələrlə qarşılaşdığını nəzərdən keçirək [21].
6 yaşlı uşaqların İnternet təhlükəsizliyi. Bu yaşda
uşaqlar ətrafda olanlarla yeni tanış olur, həyatda hər şeyə
müsbət baxışlarla baxırlar. Onlar öyrəndikləri hər bir şeylə,
özlərinin oxuma və sayma qabiliyyətləri ilə fəxr edir və öz
ideyalarını bölüşdürməyi xoşlayırlar. Bu yaşda uşaqlar
36
oyunları çox sevir və mausdan istifadə etməyi bəzən
böyüklərdən yaxşı bacarırlar. Amma azyaşlılar oxumağı,
yazmağı yeni öyrəndikləri üçün saytların axtarışında
acizdirlər. İnternetə yalnız valideynlərinin iştirakı ilə daxil
olmalıdırlar. Valideynlər onlara İnternetdə ünsiyyətin real
olmadığını və qeyri-ciddi bir ünsiyyət olduğunu başa
sal
malıdırlar.
7-
8 yaş arası uşaqların İnternet təhlükəsizliyi. Bu
yaşda olan uşaqların yaş psixologiyasından asılı olaraq, onlar
yalnız özləri istədiyi işləri görmək istəyirlər. Valideynlərdən
icazə almadan nəsə etmək istəyi onlarda təbii bir hal kimi
olar. Onlar texnologiyanı sürətlə öyrənirlər. Həmişə
valideynlərinin icazə vermədikləri saytlara, çatlara baxmaq
istəyi güclü olur. Bu yaşda uşaqlar sadəlövh və öz ailələrinə
çox bağlı olurlar. Onlar ən çox oyunlarla maraqlanır, elektron
poçtdan istifadə edirlər.
Onların informasiya təhlükəsizliyinin təmin edilməsi
üçün İnternetdən istifadəni müəyyən qaydalara uyğun əməl
edi
lməsinə təhrik etməlidir. Hətta bu siyahıları onların
iştirakı ilə tərtib etmək lazımdır. Uşağa bütün bunların məhz
onun təhlükəsizliyinin təmin olunması üçün edildiyi başa
salınmalıdır. “Ağ siyahı”da qeyd olunan və yalnız
37
valideynlərin icazə verdikləri saytlara baxa biləcəkləri izah
olunmalıdır. Müxtəlif proqram təminatının köməyi ilə
ödənişsiz proqram paketlərinə müraciətlərdə əngəllər
yaradılmalıdır.
Onların maraqları valideynlərinin icazəsi olmadan hər
hansı faylları, proqramları və yaxud musiqini yükləməyə, ani
mesajlaşmaya, İnternetdə “dost” axtarışına olduğundan,
İnternetdə təhlükəli şəxslərlə və cinsi istismarçılarla
qarşılaşma ehtimalı da yüksək olur. Daha çox vizual
görün
tü, şəkil, musiqi onların maraq dairəsində olur.
9-
12 yaş arası uşaqların İnternet təhlükəsizliy. Bu yaş
qrupundan
olan uşaqlar İnternet və orda mövcud olan
informasiya haqda
məlumatlıdırlar. Həmin informasiyanı
görmək, oxumaq və eşitmək istəyi tam təbiidir. Erkən
yeniyetməlik dövründə olduqları üçün davranışlarında
sərbəstlik nəzərə çarpır.
Bu yaşda uşaqlar İnternetdən ən çox dərslərini
öyrənmək məqsədilə istifadə edirlər. İstifadə zamanı onlar
daha çox arzuolunmaz məlumatlarla rastlaşa bilərlər. Bu
məlumatların bloklanması valideynin nəzarəti altında həyata
keçirilməlidir.
38
Bu yaş qrupundan olan uşaqların qarşılaşdığı
təhlükələrin qarşısının alınması üçün onların kompüterdə
işləmə müddəti müəyyən edilməlidir, İnternetə qoşulmuş
kompüterin ümumi otaqda valideyn nəzarətində olması və
valideyn nəzarəti proqramının kompüterə yazılması vacibdir.
On
lar İnternetdə daha çox İnternet-dostları ilə söhbət edir,
bəziləri şəxsi görüşlərə həvəslənirlər. Şəbəkə oyunları
oynayır, kompüterdən asılı ola bilirlər [22]. Nəticədə onların
təhlükələrlə qarşılaşması baş verir.
Elektron poçt, çatlar, mesajların ani mübadilə
sistemləri, qeydiyyat formaları, alış-veriş saytlarında, şəxsi
profilləri vasitəsilə və müxtəlif müsabiqələrdə qeydiyyat
zamanı onlar şəxsi məlumatlarını qeyd edir, maraqlı
informasiyanı kompüterdə yükləməyə cəhd edirlər.
Bilməyərəkdən onlar virusları və yaxud hər hansı
arzuolunmaz proqram təminatı yükləyirlər.
Kompüterdə işləmək üçün valideynlər övladlarına
məhdud qeydiyyat siyahısı yaratmalı, İnternetdən gələn hər
hansı təhlükələr, dələduzluq, zərərli informasiya, zərərli
proqramlar, cinsi istism
ar və s. narahatlıqlar haqqında
məlumat verməlidir.
39
13-
17 yaş arası uşaqların İnternet təhlükəsizliyi. Bu
uşaqlar valideynlərindən daha çox İnternetlə ünsiyyətdə
olurlar, onlara nəzarət etmək valideyn üçün artıq xeyli
mürəkkəbləşir. Ona görə də, valideyn-övlad arasında İnternet
təhlükəsizliyi qaydalarına riayət etmək barədə bir növ
razılaşma olmalıdır.
Yeniyetmələr axtarış sistemlərindən, elektron poçtdan,
mesajların ani mübadilə sistemlərindən aktiv istifadə edirlər,
mu
siqi və filmlər yükləyir, oyunlar oynayırlar və s. Bu yaşda
olan oğlanlar bütün məhdudiyyətləri aradan qaldırmaq
istəyirlər, hər şeylə maraqlanır, daha sərt yumora, qızğın
oyunlara, yaşa uyğun olmayan şəkillərə üstünlük verirlər.
Qızlar isə daha çox çatlarda ünsiyyət yaratmağa, İnternetdə
cinsi mövzularda olan məlumatlara baxmağa üstünlük
verirlər [23].
Elektron poçt, çatlar, mesajların ani mübadilə
sistemləri, qeydiyyat formaları, şəxsi profillər vasitəsilə və
müxtəlif
müsabiqələrdə
qeydiyyat
zamanı
şəxsi
informasiyanı verə, təsadüfən viruslar və yaxud hər hansı
arzuolunmaz proqram təminatı yükləyə bilərlər. Onların
azartlı oyunlara maraqları daha çox olur.
40
Bu yaşda uşaqların İnternetdəki bütün informasiyalara
olan maraqları onların təhlükələrlə qarşılaşma ehtimalını
artırır. Valideynlər onların İnternet-fəaliyyəti haqqında
hesabatlarını nəzərdən keçirməlidir. Onlara spamdan
qorunma yollarını göstərməlidir. Yeniyetmənin həqiqi
elektron ünvanını İnternetdə qeyd etməsini, arzuolunmayan
məktublara cavab verməməsini və xüsusi poçt süzgəclərindən
istifadə etməsini övladlarına tövsiyə etməlidir. Valideyn
yeniyetmənin ziyarət etdiyi saytlar ilə mütləq tanış olmalıdır.
Dələduzluq, xəbərçilik, dedi-qodu və ya təhdid məqsədilə
İnternetin istifadəsi mümkün olmadığı və bunun pis vərdiş
olması haqqında övladına izah etməlidir.
Məlum olduğu kimi müasir dövrdə İnternetdən istifadə
telefonlara qədər gəlib çıxmışdır, amma uşaqlara İnterneti
tamamilə qadağan etmək olmaz. Valideyn bunu qadağan
etməkdənsə, uşaqlara nəyin zərərli, nəyin zərərsiz olduğunu
izah et
məli və İnternetdən hansı müddətdə, necə istifadə
etmək lazım olduğunu övladına başa salmalıdır [24].
41
2.2. Uşaqlar və sosial şəbəkə mühiti
Veb 2.0
birlikdə və paralel bilik paylaşmasını həyata
keçirən yeni nəsil veb texnologiyalarının gətirdiyi istifadəçi
rahatlığı və sürətli rabitə ilə məlumat paylaşımının təmin
edildiyi rəqəmsal platformadır. Sosial media sərbəst və
özünəməxsus mübahisə fonu yaradır. Təhsil, tədqiqat və
informasiya təmin etmək baxımından da çox əlverişlidir.
Veb-
sayt sosial medianın geniş yayılmış fəaliyyət
formasıdır, uşaq və yeniyetmələrə sosial qarşılıqlı fəaliyyət
imkanı verir. Sosial şəbəkələr sosial medianın bir hissəsidir
v
ə ünsiyyət üçün geniş imkanlar yaradır [25].
İnternet istifadəçilərinin əksəriyyəti ən çox sosial
şəbəkələrdə vaxt keçirir. Facebook, MySpace və Twitter
kimi populyar sosial şəbəkələrlə yanaşı, kiçik yaşlılar üçün
nəzərdə tutulmuş sosial şəbəkələr də mövcuddur. Bunlar
haqqında bu bölmədə məlumat verilir.
Gənc nəslin nümayəndələrinin sosial şəbəkələrə
maraqları böyükdür. Elektron mühitdə fərqli insanlarla
görüşmək yaxud informasiya paylaşmaq onları bu mühitə
cəlb edir. Həddindən çox etibar etmək, qavrama
qabiliyyətləri, ətraf mühiti öyrənmək marağı əslində onları
təhlükəyə sürükləyir. Aparılan araşdırmalardan belə məlum
42
olmuşdur ki, sosial şəbəkə istifadəçiləri arasında hər 3
uşaqdan biri öz səhifəsinə kənar şəxslərin müraciətinə
məhdudiyyət qoymur.
İstifadəçinin özünü sosial şəbəkədə mətn və şəkillərlə
təqdim etməsi cinayətkar və məsuliyyətsiz şəxslər tərəfindən
istismara məruz qalmasına şərait yaradır.
Ən böyük sosial şəbəkə olan Facebook öz saytında yaşı
13 yaşdan yuxarı olan istifadəçilərin qeydiyyatdan keçməsinə
icazə verir. 2011-ci ildə Facebookda qeydiyyatdan keçmiş
7,5 mln. uşaq 13 yaşdan kiçik, onların 5 mln. isə hələ 10 yaşı
tamamlamamış uşaqlar olmuşdur. 2012-ci ilin iyun ayından
Facebook təmsilçisi Mark Zuckerberg sosial şəbəkədə 13
yaşdan yuxarı istifadəçilərin qeydiyyatdan keçməsini elan
etmişdir. Xüsusi proqramlar vasitəsilə valideynlər öz
övladlarının hesablarına baxa və onların hansı şəxslərlə əlaqə
saxladığını öyrənə bilər [26].
Towave sosial şəbəkəsi də şəbəkəyə daxil olmaq üçün
13 yaşdan aşağı yaşı olan istifadəçini qeydiyyata almır. Bu
qadağaların olmasına baxmayaraq, çox vaxt uşaqlar sosial
şəbəkəyə daxil olmaq üçün yaşlarını böyük göstərməklə
qeydiyyatdan keçir
lər .
Sosial şəbəkə mühiti böyüklər üçün təhlükəsiz ola bilər,
43
çünki onlar öz dostları, həmkarları, həmfikirləri və s. ilə
söhbət edir, informasiya paylaşırlar. Uşaqlara gəldikdə isə,
fərqli vəziyyət yaranır, onlar şəbəkənin o biri ucunda olan
şəxsin cinayətkar, yoxsa mədəni, faydalı bir insan olduğu
haqda məlumatsızdırlar.
Uşaqları cinayətə, yolverilməz vərdişlərə, terrora cəlb
edən insanlar ən çox sosial şəbəkələrdə ünsiyyət qurur, onları
dini qurumlara, icmalara, müəyyən pisniyyətli insanların
təsiri altına salan qruplara cəlb edərək uşaqların
psixologiyasını dəyişməyə çalışır, bununla da onun
mənəviyyatını zəhərləyir. Uşaqların sosial şəbəkələrdə
ünsiyyət qurduğu insanlarla münasibəti valideyn nəzarəti
altında olmadıqda, zaman keçdikcə pis nəticələrə gətirib
çıxara bilər. Uşaqlar üçün nəzərdə tutulan bir neçə məhşur
sosial şəbəkələri və onların missiyalarını aşağıda qeyd edə
bilərik [27].
Grom Social –
Uşaqlar üçün yeni və əyləncəli sosial
şəbəkədir [28]. 5-16 yaşda olan uşaqlar üçün nəzərdə
tutulmuşdur. Burada təhsil mövzuları, cizgi filmləri, video və
həftəlik məqalələr eksklüziv oyunlarla zəngin və
təhlükəsizliyi təmin olunmuş mühitdir. İnternet asılılıq,
sataşma və şiddətə qarşı maarifləndirmə layihələri nəzərdə
44
tutulub. Sosial məsuliyyət və təhlükəsizlik divar
mövzularında öz əksini tapır. Etik normaya uyğun olmayan
ifadələr, söyüş və yersiz mesajlaşmanın qarşısını almaq üçün
saytda filtr qoyulmuşdur. Təhsil mövzuları, sağlamlıq və
fitness, yaradıcı layihələr və təlim fəaliyyəti ilə bağlı
məqalələr şəbəkədə paylaşılır. Valideynlər uşaqların
hesablarına (hətta dostu kimi təsdiq etdiyi insanlara belə)
baxa bilir, deməli, onların bütün fəaliyyətlərini izləyə bilirlər.
Saytda uşağın iştirakını təsdiq etmək üçün valideynlə onlayn
sənəd imzalanır.
Everloop
–
İdman, musiqi və zarafatlar ətrafında silsilə
yaradara
q, uşaqların əlaqə və maraqlarını təmin edir. Saytda
valideyn nəzarəti təmin edilir. Uşaqlar dostlar əlavə edə və
digər uşaqlarla əlaqə yarada bilərlər, amma həmişə onların
hesablarının monitorinqi valideynlərinin ciddi nəzarəti
altında olur. Bu sayt yeniyetmələr üçün nəzərdə tutulub.
Fanlala –
Sayt yeniyetmələr üçün nəzərdə tutulub [29].
Sosial şəbəkə kimi ən çox reklam, televiziya, kino və musiqi
ilə bağlı oyunlar, viktorinalar və müxtəlif məzmunlu
materiallar yerləşdirilir. Fanlala sosial şəbəkəsi tələb edir ki,
13 yaşına çatmamış uşaqların şəbəkəyə qoşulması üçün
nizamnaməyə uyğun olaraq valideynin icazəsi vacibdir.
45
Bundan sonra onlar fanklublara qoşula və ya öz dostları ilə
qruplar yarada bilərlər.
Yoursphere –
Bu sayt da uşağın hesabının işə
düşməsindən əvvəl valideyn icazəsini tələb edən saytdır.
Uşaqlara idman, televiziya verilişləri və onlayn oyunlar kimi
maraqlara əsaslanan "sahələri" və şəxsi bloqları yaratmağa
imkan verir. 18 yaş altında olan yeniyetmələri qeydiyyata
alır.
Yoursphere.com saytı ən çox gənclərin özünü təqdim
etməsini, onların səsini, maraqlarını, istedad və istəklərini
təmsil edir. Bu dünya ictimaiyyətinə öz fikirlərini,
ideyalarını, sosial qarşılıqlı əlaqələrini, dostluq "sahələri"
vasit
əsilə dünya ilə qarşılıqlı maraq yaratmaq, birləşdirmək
və paylaşmağa razılıq verən gənclər platformasıdır.
Valideynlər arasında körpülər yaradır. Onların övladları
arasında rəqəmsal savadlılığı artırmaqla, alətlər və
informasiya ilə təmin etmək, yaranmış boşluğu sağlam və
müsbət onlayn təcrübə ilə doldurur.
Kidzworld
– Sayt 9-
14 yaş intervalında olan uşaqları
qeydiyyata alır. Müxtəlif əyləncə, məsləhətləşmələr, oyunlar,
bloqlarda saytın sosial şəbəkələr hissəsi, lövhə və dostları ilə
əlaqə yaratmaq moderatoru və s. təqdim olunur [30].
46
giantHello –
Bu sosial şəbəkəni çox vaxt Facebook-la
müqayisə edirlər. giantHello sosial şəbəkəsi özünü
təqdimetmə, bəyənmə, foto, video yükləmələr, statusun
yeniləşməsi və s. kimi xüsusiyyətlərə malikdir. Uşaqlar fərdi
məlumatlarını yerləşdirməzdən əvvəl, giantHello valideyn
təsdiqlənməsi tələb edir. Onlar yalnız elektron poçt vasitəsilə
dostlar dəvət edə bilərlər. 7-13 yaş arası uşaqları ətrafında
birləşdirir [31].
Şəbəkələrdə ünsiyyətin müsbət cəhətləri odur ki,
uşaqları dünyaya inteqrasiya edir, onların insanlarla virtual
ünsiyyət qurmaq bacarığını formalaşdırır, qısa zaman
kəsiyində hər hansı bir problemin həllində yardım almaq,
uğurlarını nümayiş etdirmək yaxud biliklərini bölüşmək
imkanı və s. yaradır.
2.3.
Əşyaların İnterneti və uşaqlar
Son zamanlar “Əşyaların İnterneti” termini geniş
istifadə olunur. Əşyaların İnterneti (Əİ) rəqəmsal
texnologiyaların gündəlik həyatımıza nüfuz etməsinin
təzahürüdür. Bir-biri ilə əlaqəli kompüterlərin eyni zamanda
əşyalar ilə bağlılığını göstərir. Zaman keçdikcə indiki
İnternet mühitindən fərqli olaraq, bizi əhatə edən bütün
əşyaların İnternetə qoşulması Əİ-ni (Internet of Things - İoT)
47
reallaşdıracaq [32].
Tədqiqatçı J.Pascual-Espadanın fikrincə: "Əİ-nin
mahiyyəti, məqsədi odur ki, müvafiq formada istifadə olunan
hər hansı əşya və ya obyekt ona bənzər formada istifadə
olunan digər obyektlərlə İnternet strukturu vasitəsilə ünsiyyət
qurmağa qadirdir" [33]. Bu da bir və ya bir neçə əşyanın
fəaliyyətini digər əşya ilə əlaqələndirir. Məsələn,
soyuducudan götürülmüş süd onlayn şəkildə yeni südün
sifarişinə imkan yaradır. Maşınlardan kitablara, elektrik
alətlərindən qidalara, soyuduculardan suqızdırıcılarına, ağıllı
binalardan ayaq
qabılara kimi hər şeyi əhatə edən,
ümumiyyətlə, bir-biri ilə bağlantısı olan bir inkişaf olacaqdır.
İnternet inkişaf etdikcə texnologiyalarla qarşılıqlı
münasibətin yeni formaları meydana çıxmağa başlayır.
İnternet istifadəçilərinin həm də uşaqlardan ibarət olması və
azyaşlıların texnologiyalara olan maraqlarına və hədsiz
öyrənmək həvəsinə baxmayaraq, yeni texnologiyaların
sürətlə artması və bu təsirlərlə toplanılan məlumatların dəyəri
haqqında biliklər azlıq təşkil edir.
Uşaqların həyatında əşyalar xüsusi əhəmiyyət kəsb
edir. Xüsusilə kiçik yaşlı uşaqlar üçün gündəlik fəaliyyət,
adətən, oyuncaqlardan ibarətdir. Rəqəmsal oyuncaqlar
48
mövcud olduğu müddətdə uşaqların işıq və ya siqnallarla
qarşılıqlı münasibətinin rəqəmsal təsiri zaman və məkan
çərçivəsində birbaşa manipulyasiyaya səbəb olur.
Uşaqların rəqəmsal texnologiyalara olan münasibətində
fərqliliklər yaranır. Onların istifadə etdikləri maus və
klaviatura qurğuları artıq öz təyinatını dəyişməyə
başlamışdır. İnterfeys və qurğular sensor ekran və jestlərin
tanınma qurğuları kimi müasir qarşılıqlı əlaqə formaları ilə
əvəz edilmişdir. Uşaqların əlaqə və hərəkətlərini əhatə edən
çoxlu sayda qurğu mövcuddur. Məsələn, KidFit – uşaqların
fiziki fəaliyyətini qeydə alan və ona cavab verən qola taxılan
fitnes qurğusudur. HereO – valideynlərin uşaqlarının harada
olduğu haqqında məlumat verən saatdır [34]. Spourting uşaq
monitoru –
uşaqların yuxu saatlarını qeydə alır və onun
haqqında əks əlaqəni təmin edir [35].
Əİ-nin uşaqların həyatında fəaliyyətinə nəzər yetirmək
üçün “Teddy the Guardian”
oyuncağını nəzərdən keçirək
[36
]. Bu yumşaq, rəqəmsal ayı oyuncaqdır - uşaqların ürək
döyüntüsü, oksigen çatışmazlığı, bədən temperaturu və stress
səviyyəsi kimi vacib sağlamlıq parametrlərini qeydə alır və
xəbər verir. Bu ayı, adətən, ənənəvi testlərlə bağlı uşaqların
narahatlığını əhəmiyyətli dərəcədə azaldan və bu
49
məlumatların səhiyyə mütəxəssislərinə çatdırılması üçün
xəstəxanalarda istifadə olunur.
Əİ uşaqların əşyalarla münasibəti haqqında məlumat
əldə etməyə qadirdir.“Teddy the Guardian” topladığı
biometrik məlumatlar səhiyyə mütəxəssisləri tərəfindən
istifadə olunur. Lakin həmin məlumatın səhiyyə
şirkətlərindən başqa valideyn və digər şəxslər üçün nə
dərəcədə dəyərli olduğunu təsəvvür etmək çətin deyil. Digər
Əİ qurğuları daha az şəxsi məlumat toplamasına baxmayaraq,
uşaqların gündəlik fəaliyyətinə xüsusi təsir göstərə bilər. Nə
qədər məlumatın toplandığı və istifadə edildiyini araşdırmaq
çox vacibdir.
“Teddy the Guardian”
uşaqlar üçün adi yumşaq
oyuncaqd
ır. Uşaq oyuncağı qucaqlamaqla səhiyyə
fəaliyyətinin interpretasiya olunmuş formasını həyata keçirir.
Bu səbəbdən qarşılıqlı əlaqələrin yeni formaları uşaqların
müxtəlif fəaliyyətini bir araya gətirə bilər. Oyuncağın
səhiyyə xidməti ilə əlaqəsi haqqında uşağın biliyi həmin
oyuncağın qoruyucu kimi qavranılmasına səbəb ola bilər
(oyuncağın adı da buradan götürülmüşdür: Guardian –
qoruyucu, müdafiəçi).
Uşaqlar və onların valideynləri Əİ-dən asılıdır və
50
gündəlik əşya olaraq rəqəmsal texnologiyaların interfeysinə
çevrilir. Texnologiyalar daha çox inkişaf etdiyinə görə
uşaqlar öz hərəkətlərinin necə qeydə alındığı və istifadə
edildiyi ba
rədə xəbərdar deyildir. Uşaqlar səbəbsiz şəkildə
Teddyni qucaqlamaqla digər insanları şəxsi biometrik
məlumatlarla təmin edir. Şübhəsiz ki, valideynlər öz uşaqları
üçün tədbir görmək məqsədilə bu məlumatları əldə
etməlidirlər. Lakin Əİ-nin açıq olması həmin məlumatın
mühafizəsi üçün böyük təhlükə yaradır.
Bu qurğular rahatlıq, təhlükəsizlik və ya idman məqsədi
üçün əlverişlidir. Buna baxmayaraq, həmin qurğuların
meydana gətirdiyi bəzi problemlər vardır. Uşaqların gündəlik
fəaliyyətini əhatə edən qurğuların gündən-günə artması
onların fəaliyyətini necə dəyişdirir, onların fəaliyyəti
haqqında məlumat hansı məqsədlə istifadə olunur, uşaqlar və
onların valideynləri həmin texnologiyalardan nə dərəcədə
asılıdır? Bu qurğuların uşaqların davranışına nə dərəcədə
təsir etməsi, həmin qurğular vasitəsilə əldə olunan məlumatın
necə istifadə olunması, bu barədə uşaqların xəbərdar olub-
olmaması, onların münasibətdə olduğu bu texnologiyalardan
istifadəsi bütün bu problemlər haqqında araşdırmaların
aparılmasını zəruri edir. Zaman keçdikcə yeni texnologiyalar
51
uşaqların həyatına inteqrasiya edir. Bu problemlərin daha
dərindən tədqiq edilməsinin vacibliyi ortaya çıxır.
|