7
ÖN SÖZ
Kültür
elə əzəmətli bir gücdür ki, tanklardan,
toplar-
dan belə çox təsir edir topluma. Kültürü və elmi inkişaf et-
miş cəmiyyətin mənəvi dəyərlərini pozmaq da çətindir. Tə-
sadüfi deyil ki, iki yüz il rus zülmündə və istismarında qal-
mış xalqımız öz kültürünü ən gözəl səviyyədə qoruya bil-
mişdir. Kültürün gücünün fərqində olan liderlər xalqları
zəbt etmək üçün məhz kültürəl
assimiliyasiyaya üstünlük
vermişlər. Günümüzdə dövlətlər bir-birindən son texnoloji
yenilikləri, yeni silahları, elmi kəşfləri oğurlayır. 1940-cı il-
lərdə dünya dövlətləri atom bombasının sirrini oğurlamağa
çalışırdı. Qədim dövrdə isə bu, daha çox süjetlərin oğurlan-
ması ilə nəticələnirdi. “Kəlilə və Dimnə” əsərinin süjetinin
Hindistandan oğurlanıb gətirilməsi üçün İran şahı Xosro-
vun Bəyruzəyə əlli dəvə yükü qızıl verməsi və lazım olarsa
yenə də xərcdən çəkinməyəcəyini deməsi, nağılı hansı yolla
olursa olsun, onun sarayına gətirməsini tapşırması
o dövr
üçün nağıl mətnlərinin nə dərəcədə əhəmiyyətli olduğunu
göstərir. Bəyruzənin nağıl mətnini
saraydan oğurlaya bil-
mək üçün necə ciddi cəhdlə illər boyu plan qurduğunu dü-
şündükdə həmin mətnin hansı səviyyədə dəyərli olduğunu
və sarayda necə qorunduğunu təsəvvür etmək olar. Bu da
nağıl mətninin necə bir dəyərə malik olmasından xəbər ver-
məkdədir (htpp: Kəlilə və Dimnə).
Buradan belə bir nəticəyə gələ bilərik ki,
günümüzdə
olduğu kimi əski çağda da kültürəl “savaşlar” mövcud idi.
İşğal zamanı qalib ölkə liderinin işğal etdiyi ölkənin kitab-
xanalarını, ən gözəl sənət əsərlərini, alim və sənətkarlarını
8
öz ölkəsinə aparması da bir növ kültürəl işğal sayılırdı. Hət-
ta bir xalqı
öyrənmək, işğal edib zəbt altında tuta bilmək
üçün onun kültürünü, xalqın sosial, psixoloji, iqtisadi vəziy-
yətini öyrənmək yetərli idi. Bu məsələlər isə özünü ən gözəl
şəkildə nağıllarda ehtiva edir. Buna görə də nağılların xüsu-
si bir fənn kimi öyrənilməsi ideyası tamamilə məqsədyönlü-
dür. Dərs vəsaitimizdə nağıllar forma, məzmun, obraz xü-
susiyyətləri ilə yanaşı, həm də tarixi aspektdən araşdırılmış-
dır.
Dostları ilə paylaş: