81
«text1.doc», «text2.doc», «texta.doc», «text.doc» və s. adlı bütün
fayllar göstərilə bilər.
"*" simvolu ixtiyari sayda simvolu əvəz edir. Məsələn,
«text*.doc» maskası «text1.doc», «text11.doc», «textabc.doc»,
«textcons.doc» və s. adlı bütün faylları ifadə edir. *.com maskası
.com əlavə hissəsi «com» olan bütün faylları müəyyən edir.
«Text.*» maskası adı «text» olan bütün faylları (əlavə
ixtiyari
ola bilər) göstərir. «*.*» maskası adı və əlavə hissəsi ixtiyari
olan bütün faylları ifadə edir.
Lazım olan faylın adının düzgün yazılmasına əmin
olmadıqda və yaxud hər hansı növə aid olan bütün faylları tapıb
onlar üzərində müəyyən əməliyyatın yerinə yetirilməsi zamanı
maskalardan istifadə etmək daha əlverişlidir. Məsələn, cari
kataloqda olan bütün faylları silmək
üçün MS DOS əməliyyat
sistemdə «del *.*» əmrinin verilməsi kifayətdir.
Paket əmr faylları
.
Paket əmr faylları mətn şəklində
hazırlanır və proqram kimi yerinə yetirilə bilir. Ona siyahı
şəklində daxil edilmiş bütün əmrlər
və proqramlar bu fayl
yükləndikdə ardıcıl olaraq yerinə yetirilir. Paket əmr faylları
«.bat» genişlənməsinə malik olurlar. Kompüter istifadəçisi hər
hansı əmrlər ardıcıllığını tez-tez
yerinə yetirməli olursa, onda bu
əməllərin adları daxil edilmiş paket əmrlər faylı
yarada və onu
istifadə edə bilər. MS-DOS və WINDOWS əməliyyat sistemləri
tərəfindən paket əmr faylı olan «autoexec.bat» faylından
istifadə
olunur. Bu fayl avtomatik yüklənmə faylıdır. O, əməliyyat
sisteminin yüklənməsi prosesi qurtardıqdan
sonra avtomatik
olaraq işə düşür. Kompüteri qoşduqdan sonra əməliyyat sistemi
yüklənən zaman yerinə yetirilməsi
nəzərdə tutulan bu tip
proqramların və əmrlərin adları bu fayla yazılır.