Mehmanxananın layihələndirilməsi normativ və tövsiyəvi sənədlər əsasında aparılır. Mehmanxana layihələrində binanın ümumi həcmi, tikilinin sahəsi, tikintinin,mühəndis avadanlığının qiyməti, otaqların və yerlərin sayı ciddi nizamlanır. Mehmanxanalar bir çox xassələrinə görə fərqlənir: konstruksiyaların növü, ümumi tutumu, mərtəbələrin sayı, təyinatı, istismar üsulu və s. Konstruksiyaların növünə və istifadə olunmuş materiallara görə mehmanxanalar karkaslı, bloklu, monolit, yerli materiallardan və s. fərqlənir. Komfortun səviyyəsinə görə beynəlxalq təcrübəyə istinadən mehmanxanalar ulduzların sayına görə fərqlənir. Komfortun səviyyəsi yalnız mehmanxananın maddi bazasının vəziyyəti ilə deyil, həmçinin işçilərin yüksək xidmət göstərmək qabiliyyəti ilə də qiymətləndirilir.Mehmanxananın interyeri estetik, bədii məna daşımalı, binanın funksional təyinatına cavab verməlidir.Binanın texniki istismarı zamanı onun elementlərinin mütəmadi baxış keçirilir.
