Таълими методикаси book · December 022 citations reads 2,437 author
Geografiya ta’limida interfaol usullar
Yüklə 56 Kb. Pdf görüntüsü
|
|
8.4. Geografiya ta’limida interfaol usullar
Zamonaviy darsga qo‘yiladigan talab, asosan, jamiyatimizning ehtiyojlaridan kelib chiqadi. O‘zbekiston Respublikasining “Kadrlar tayyorlash milliy dasturi” va “Ta’lim to‘g‘risidagi Qonuni” talablaridan kelib chiqib yangi pedagogik texnologiyalarni darsga tatbiq etish zaruriyatini keltirib chiqarmoqda. Pedagogik texnologiyalarga muvofiq darsning maqsadi, davlat buyurtmasiga mos kelishi lozim, darsning maqsadi uning mazmunini belgilaydi. Dars mazmuni dastur bo‘yicha chuqur bilim berilishi o‘qituvchining dars mahoratiga bog‘liq. Beriladigan bilimlar asosida esa ko‘nikma va malakalar shakllantiriladi. Davlat buyurtmasiga asosan davr talabi bo`yicha o‘quv reja, dastur, darslik, o‘quv qo‘llanmalari, o‘quv vositalari ham yangi pedagogik texnologiyalar asosida yangilab boriladi. Dars maqsadi, mazmuniga mos ravishda o‘qitish vositalari hamda dars usuli tanlanadi. 1. Nazariyani amaliyot bilan bog‘lash zaruriyatidan kelib chiqib, ilmiy asoslangan tajriba - sinovdan o‘tgan, yangiliklar bilan boyitilgan zamonaviy ta’limga o‘tish lozim. Bunda sustkashlik va harakatsizlikka yo‘l qo‘yib bo‘lmaydi. Dastur va darslikdan ahamiyati kam bo‘lgan materiallar chiqarib boriladi. Hozirgi 210 fan - texnika yutuqlariga asoslanib, ilmiy - texnik axborotlardan keng foydalangan holda o‘quv dasturlarini muntazam yangilab borish taqozo etiladi. 2. O‘quv jarayonini qulaylashtirish lozim. Bunda o‘qituvchi va o‘quvchining kam kuch sarflab maqsadga erishuvi, o‘qitish uchun qulay sharoit yaratish ko‘zda tutiladi. 3. O‘qitishda yangi vositalar, faol usullar,ta’limiy materiallar ta’limning ilmiyligini oshiradi va bu jarayon rivojlantirib, takomillashtirilib boriladi. Ilmiy tadqiqotlarning natijalari amaliyotga joriy etib borilsa, maqsadga muvofiq bo‘ladi. 4. O‘qituvchi va o‘quvchilarning o‘zaro hamjihatligi ta’minlangan bo‘lishi kerak. O‘qituvchi o‘quv jarayonida amaliyotchi konstruktor sifatida faoliyat ko‘rsatishi, ta’lim maqsadini aniq tasavvur etishi, dars mazmunini chuqur bilishi, o‘qitish texnikasi va usullarini yaxshi egallagan, o‘qitish jarayoni uchun zaruriy shart - sharoit yarata olgan bo‘lishi va uni amalga oshirishi lozim. 5. Ta’limda yangi pedagogik texnologiyalar, axborot va o‘qitish vositalaridan ayniqsa kompyuterdan, elektron aloqa, radio, televideniyadan samarali foydalanish talab etiladi. Ular vositasida ta’limiy materiallar ishlab chiqish yaxshi samara beradi. 6. O‘quv jarayonining samarasi uning moddiy texnika bazasiga bog‘liq bo‘lib, maktab binosi hozirgi zamon talabiga javob berishi, shovqindan holi, iqlim sharoiti hisobga olingan, yorug‘, zarur mebellar bilan jihozlangan bo‘lishi lozim. 7. O‘quv tarbiya jarayonini sifatini baholash pedagogik texnologiyaning o‘z oldiga qo‘ygan ijtimoiy maqsadidir. Baholashning reyting - test tizimi, o‘quvchilarning bilim va ko‘nikmalarini tekshirishda yangi avtomatlashtirilgan nazorat vositalaridan foydalanish asosiy yo‘nalish bo‘lishi kerak. Yangi pedagogik texnologiyani joriy etishda quyidagi uch omilni hisobga olish lozim: 1. Ijtimoiy muhit, jamiyat, oila, maktab, ularning o‘quvchi ongiga intellektual ta’siri: 2. Pedagogik jamoaning pedagogik faoliyati, ularning saviyasini o‘rganish; 3. O‘quvchilarning individual xususiyatlarini o‘rganish, aqliy rivoji, qobiliyati, moyilliklari, bilish jarayonining xususiyatlari, bilim saviyasi kabi ta’lim samaradorligini aniqlovchi omillarni aniqlashda ham kompyuterlardan foydalanish yaxshi samara beradi. Ta’lim oluvchilarning individual xususiyatlarini hisobga olish, o‘quv materialining qiyinchilik darajasini aniqlash o‘qitish usullarining eng samaralisini tanlash imkonini beradi. |